Connect with Us

VIDEO/ UEFA vlerëson Cikalleshin, ja për se bëhet fjalë

Kombëtare

VIDEO/ UEFA vlerëson Cikalleshin, ja për se bëhet fjalë

Publikuar

-

UEFA ka zgjedhur në një sondazh se një nga tre golat më të bukur në Ligën e Kombeve ka qenë edhe goli i Sokol Cikalleshit. Kavajasi shënoi golin e parë në transfertë me Bjellorusinë, teksa Shqipëria fitoi 0-2. Kombëtarja në fillim iu fal Cikalleshit dhe më pas Bares në pjesën e dytë.

FSHF I ka bërë jehonë lajmit të shpërndarë nga UEFA. Organizmi europian hapi pak kohë më parë një sondazh për golat më të bukur, me Cikalleshin që bën pjesë në podium “Sokol Cikalleshi  nga jashtë zone në Bjellorusi si një nga tre golat më të bukur në sondazhin e UEFA-s.”, shkruan FSHF.

Për të rejat më të fundit behuni pjesë e grupit tonë në facebook : City News Albania

Kombëtare

Anglia në Tiranë, leje speciale nga ministria

Publikuar

-

Nga

Shqipëria do të presë Anglinë më 28 mars për ndeshjen e dytë të vlefshme për kualifikueset e “Katar 2022”. Mirëpo, duke qenë se në Britaninë e Madhe po qarkullon një tip i ri i COVID-it, me rrezikshmëri dhe përhapje edhe më të lartë sesa varianti i parë, atëherë Anglia është izoluar dhe linjat e fluturimit me të janë thuajse të bllokuara me të gjithë Europën. Mes tyre, edhe Shqipëria e ka të ndaluar komunikimin me linja ajrore me Anglinë.

ANGLIA NË TIRANË – Mirëpo, Anglia do të mbërrijë në Tiranë për të zhvilluar ndeshjen e datës 28 mars. “Panorama Sport” ka mësuar se për këtë, në zbatim të protokolleve dhe rregullores së UEFA-s, FSHF ka ndërmjetësuar me shtetin shqiptar, që delegacioni britanik të mos ketë asnjë problem për udhëtimin drejt Tiranës. UEFA u kërkon shteteve europiane lejekalime dhe korridore kalimi të skuadrave në shtete të ndryshme, pa bërë karantinë në vendet ku shkojnë për të luajtur dhe për këtë, sanksionon ekipet që të bëjnë teste COVID-i disa herë deri ditën e ndeshjes.

GJOBA – Referuar masave në vendin tonë, çdo individ që vjen në Shqipëri, duhet të kryejë një vetëkarantinim dyjavor ose në të kundërt të paguajë një gjobë prej 700 mijë lekësh (të vjetër). Po Anglia? Në rastin normal, një delegacion nga 40-50 vetë do të duhet të paguante gjobën nga 28 milionë deri në 35 milionë lekë (të vjetër).

Në këtë rast, dakordësia e dhënë nga qeveria, është në sinkron me atë që po e bëjnë shumë shtete europiane, duke mos penguar federatën respektive të futbollit në organizimin e ndeshjeve ndërkombëtare dhe duke pranuar respektimin e protokollit strikt nga UEFA, për disa kontrolle me tampon të delegacionit zyrtar të një ekipi kombëtar.

LEXO TE PLOTE

Kombëtare

Zvicra “mban peng” Bajramin të luajë me kombëtaren shqiptare

Publikuar

-

Nga

Nedim Bajrami do të jetë një nga risitë më të rëndësishme të Kombëtares shqiptare në grumbullimin e parë për edicionin e kualifikueseve të Botërorit “Katar 2022”. Mesfushori në pronësi të Juventusit, i cili prej dy vitesh është i huazuar tek Empoli, siç është raportuar nga “Panorama Sport”, ka zgjedhur që të luajë me Shqipërinë, pasi ka qenë pjesë e Zvicrës në ekipet e moshave.

Pas insistimit të bërë nga trajneri Reja dhe Federata Shqiptare e Futbollit, fantazisti i cili ka qenë pjesë e Zvicrës deri në përfaqësuesen U-21, ka bërë kërkesën që të ndryshojë kombëtaren për të zgjedhur në vijim kuqezinjtë. Për këtë, gazeta ka raportuar edhe se Bajrami ka kërkuar një ndarje paqësore me helvetët dhe me anë të një videokonference ia ka komunikuar trajnerit Vladimir Petkoviç dhe drejtuesve të federatës zvicerane dëshirën që ka për vijimësinë. Mirëpo, duke qenë se Shqipëria po i merr talentet, helvetët zgjedhin të tregohen hakmarrës…

PËRGJIGJJA – “Panorama Sport” mëson ekskluzivisht edhe se si kanë rrjedhur procedurat në vijim. Lojtari, me anë të Federatës Shqiptare të Futbollit, ka bërë një kërkesë drejtuar FIFA-s, në të cilën paraqitet dëshira dhe zgjedhja e tij për të ndryshuar përfaqësuesen dhe për të qenë pjesë e Shqipërisë në vazhdim. Për këtë, lojtari ka marrë edhe një përgjigje paraprake nga federata helvete. Mirëpo, kjo nuk është e gjitha. Që Bajrami të jetë në dispozicion të Shqipërisë dhe Rejës në ndeshjet e marsit, duhet edhe një tjetër veprim.

“ENDE PENG” – Nedim Bajrami është ende peng i sjelljes së federatës zvicerane. Kjo e fundit nevojitet që pas përgjigjes së kthyer ndaj talentit që ka zgjedhur Shqipërinë, duhet që të dërgojë edhe një përgjigje zyrtare në FSHF, që jep lejen përfundimtare që mesfushori fantazist të ketë dakordësinë finale për të veshur fanellën e Shqipërisë në ndeshje zyrtare.

Këtë procedurë federata helvete e vonoi në maksimum kur bëhej fjalë për Florian Kamberin. Tanimë, ka në dorë të bëjë të njëjtën gjë edhe me Bajramin, për të mbajtur peng djaloshin në zgjedhjen e tij, por edhe trajnerin Reja në planet që ka nisur të bëjë për tri takimet e muajit mars.

LEXO TE PLOTE

Kombëtare

“Pata mundësinë ta trajnoja”, ndihmësi i Rejas me fjalë të mëdha për mbrojtësin e Kombëtares: Do na ndihmojë të rritemi me Shqipërinë

Publikuar

-

Nga

Serxho Porini ka dhënë pak ditë më parë një intervistë për “TMW Radio”, ku ka folur ndër të tjera për rolin thelbësor të Gasperinit te Atalanta, si dhe për një nga mbrojtësit më të dalluar shqiptar në Itali. Ndihmës trajneri i Edi Rejas në Kombëtaren kuqezi është shprehur se e ndjek Ardian Ismajlin te Specia dhe nuk nguron të nxjerrë në pah aftësitë dhe cilësitë që lojtari shqiptar mbart.

“Unë kam idenë time, gjithmonë e kam thënë dhe e përsëris atë: Atalanta ia ka borxh gjithçka, ose pothuajse gjithçka, Gasperinit. Ai është thelbësor. Të gjithë mund të ndryshojnë, dhe ne e kuptuam atë me Gomez, por Gasperini është ai që jep kontribut dhe ide për të gjithë. Unë nuk mund të shpjegoj ndryshe se kushdo që ka kaluar atje ka kryer paraqitje të çmendura. Është ai që i bën të gjithë të performojnë në mënyrën më të mirë. Në çështjen Papu, klubi ka zgjedhur të preferojë figurën e tij.

A e ndjek Ismajlin? Ne jemi gjithmonë në kërkim të talenteve të reja premtuese për të ardhmen, që mund të na ndihmojnë të rritemi me ekipin kombëtar shqiptar. Unë pata mundësinë ta trajnoj dhe ta shoh drejtpërdrejt. Ai ka forcë fizike dhe eksplozivitet, është i fortë me kundërshtarin dhe në pritje është i vëmendshëm. Ismajli duhet të përmirësohet pak në ndërtim, por ne jemi shumë të lumtur. Me një trajner si Italiano ai do të rritet”, ka thënë Serxhi Porini.

LEXO TE PLOTE