Connect with Us

Sfidat që e presin Presidentin Biden

Bota

Sfidat që e presin Presidentin Biden

Publikuar

-

Joe Biden, një figurë e rëndësishme e Partisë Demokrate në skenën politike amerikane për afro gjysmë shekulli, u bë të mërkurën presidenti i 46-të amerikan.

 

Zoti Biden fitoi zgjedhjet të tretën herë që kandidonte për president, duke pasuar Presidentin Donald Trump. 78-vjeçari Biden është presidenti më i moshuar amerikan në historinë e vendit, më i moshuar se 98% e bashkëkombasve të tij.

Kriza të Shumta

 

Presidenti i ri do të ndeshet menjëherë me sfida serioze: krizën e krijuar nga koronavirusi, që deri tani ka shkaktuar mbi 400,000 të vdekur në SHBA sipas statistikave të Universitetit Johns Hopkins; ritmet e ngadalta të vaksinimit kundër virusit si dhe goditjen që ka marrë ekonomia amerikane nga pandemia.

 

Kalimi nga administrata Trump në administratën Biden mund të sjellë një kthesë të fortë në zhvillimet në Amerikë dhe botë.

Zoti Biden ka premtuar të shtojë ritmet e vaksinimeve duke bërë 100 milionë imunizime brenda 100 ditëve të para të administratës së tij dhe duke miratuar ndihma më të mëdha financiare për të gjithë amerikanët, me përjashtim të atyre me të ardhura të larta. Po ashtu ai ka premtuar ndihmë për bizneset në vështirësi, nëse arrin të sigurojë miratimin e Kongresit.

 

Rikthim në Traktatin e Parisit për Klimën

Në skenën globale, zoti Biden thotë se SHBA do të rikthehet në Paktin e Parisit për klimën nga e cila u tërhoq Presidenti Trump. Zoti Biden pritet të veprojë ndryshe në marrëdhëniet me sundimtarë autoritarë në Rusi, Kinë, Korenë e Veriut.

 

Anketat tregojnë se shumica e amerikanëve e mbështesin qëndrimin e zotit Biden gjatë periudhës së tranzicionit.

Por ai ndeshet me pengesa në realizimin e axhendës së tij legjislative, pasi të dyja Dhomat e Kongresit janë të ndara në linja partiake. Partia Demokrate e zotit Biden ka një epërsi të ngushtë mbi republikanët në Dhomën e Përfaqësuesve, ndërsa Senati është i ndarë 50 me 50. Zonja Kamala Harris, e cila bëri betimin si nënpresidente, do të votojë në raste kur vota në Senat është e ndarë në linja partiake, barazim 50 me 50.

 

Procesi gjyqësor kundër Donald Trumpit

 

Senati ka përpara procesin gjyqësor kundër zotit Trump, pas ngritjes së akuzave nga Dhoma e Përfaqësuesve për herë të dytë kundër tij. Këtë radhë ai u akuzua se kishte nxitur rebelim duke u bërë thirrje protestuesve më 6 janar të marshonin drejt Kapitolit gjatë çertifikimit të fitores së zotit Biden.

Zoti Trump nuk ka pranuar publikisht humbjen përballë rivalit demokrat, po ashtu nuk i telefonoi zotit Biden për ta përgëzuar për fitoren, ndërkohë që ka këmbëngulur pa prova se zgjedhjet u vodhën. Ai nuk mori pjesë në ceremoninë e inaugurimit të presidentit të ri, duke thyer një traditë 160 vjeçare.

36 vjet në Senat

 

Zoti Biden ka qenë senator nga shteti Delauer për 36 vjet. Po ashtu ai ishte nënpresident amerikan gjatë administratës së Presidentit Obama.

Zoti Biden mundi 25 kandidatë të tjerë demokratë me ambicje presidenciale në zgjedhjet e 2020 dhe më pas mundi Presidentin republikan Donald Trump me 306 vota elektorale përkujdrejt 232 votash që mori zoti Trump. Zoti Biden fitoi gjithashtu edhe votën popullore me një diferencë prej më shumë se 7 milionë votash.

 

Fushatë ndryshe

 

Gjatë pandemisë në Shtetet e Bashkuara, zoti Biden zhvilloi një fushatë elektorale të paparë në historinë moderne të zgjedhjeve presidenciale amerikane.

 

Ai shmangu tubimet politike në shkallë të gjerë dhe në vend të tyre bëri takime me një numrë të vogël pjesmarrësish që mbanin distancë fizike prej dy metrash dhe me maska. Në disa raste, tubimet u zhvilluan në parkingje makinash, ku mbështetësit u binin burive në vend të brohoritjeve, ndërsa zoti Biden sulmonte zotin Trump. Po ashtu, zoti Biden mbajti fjalime të shumta fushate pranë shtëpisë së tij në Delauer.

 

Kritika mbi mënyrën e trajtimit të situatës së pandemisë nga zoti Trump

 

Demokrati Biden ekspozoi publikisht mënyrën se si zoti Trump e trajtoi situatën e pandemisë në Shtetet e Bashkuara, ndërsa tha se Trump nuk e meritonte të mbetej president i një vendi që kryesonte me numrin e vdekjeve në botë dhe rreth 24 milionë të infektuar, të dhëna të ofruara nga Universiteti Johns Hopkins. Ai tha se Trumpi kishte “ngritur flamurin e bardhë” të dorëzimit ndaj koronavirusit.

LEXO EDHE:  Do nxirrte sekretet e qeverisë amerikane/ Arrestohet ish-zyrtari i CIA-s, për spiunim në Kinë

 

Nga ana tjetër, Presidenti Trump u shpreh se zoti Biden ishte përfaqësuesi i më së keqës në Uashington: një politikan karriere.

 

Në dy debatet presidenciale, Zoti Trump prentendoi se zoti Biden do të ishte peng i pikpamjeve të demokratëve të ekstremit të majtë nëse zgjidhej dhe mes politikave të tjera, do të çonte në “shtetëzimin” e kujdesit shëndetësor.

 

Zoti Biden ka thënë se është kundër futjes së kujdesit shëndetësor nën kontrollin e qeverisë, por ka në plan të punojë për të zgjeruar Ligjin për Kujdesin e Përballueshëm shëndetësor të miratuar në vitin 2010 gjatë administratës së Presidentit Obama, për të ofruar kujdes shëndetësor të subvencionuar për miliona amerikanë.

 

Zoti Biden gjithashtu thotë se do t’i japë fund së shpejti urdhërit të zotit Trump për ndalimin e fluturimeve nga disa vende myslimane drejt Shteteve të Bashkuara, si dhe do të ofrojë një plan për trajtimin e çështjeve të imigracionit që për vite me rradhë kanë ngecur në Kongres.

 

Nuk mbështet rritjen e numrit të anëtarëve të Gjykatës së Lartë

 

Zoti Biden thotë se ka në plan të caktojë një komision dypalësh për të studiuar reforma në gjyqësor. Por ai këmbëngul se nuk është përkrahsë i një propozimi të favorizuar nga krahu progresist i partisë së tij për të shtuar numrin prej nëntë anëtarësh që përbëjnë Gjykatën e Lartë, në mënyrë që të emërohen më shumë gjykatës liberalë.

 

Thirrja për shtimin e numrit të anëtarëve të Gjykatës së Lartë erdhi pas konfirmimit në këtë gykatë të zonjës Amy Coney Barret, të emëruar nga zoti Trump. Ajo është një konservatore e vendosur dhe u bë anëtare e Gjykatës së Lartë pak para zgjedhjeve presidenciale të nëntorit. Konfirmimi i saj nga Senati e lë Gjykatën e Lartë me një shumicë konservatore 6-3.

 

Zoti Biden bëri fushatë si një politikan i qendrës së majtë. Ai mbështet programet për mjedisin dhe riangazhim me aleatët tradicionalë të Shteteve të Bashkuara.

 

Përgjigje ndaj trazirave sociale

 

Viti i kaluar u shoqërua me vdekjen e afrikano-amerikanit George Floyd, ndërsa ishte në duart e policisë në Mineapolis si dhe vrasje të të dyshuarve afrikano-amerikanë nga policia në rrethana të dyshimta. Vendi u përfshi nga një valë protestash, trazirash civile dhe dhunë. Zoti Biden ofroi propozime të hollësishme për të çuar përpara barazinë ekonomike racore dhe reformuar sistemit e drejtësisë penale.

 

Dikur kryetar i Komisionit të Senatit për Gjyqësorin, ai po ashtu kërkoi ndjesë për rolin që kishte luajtur ai vetë në miratimin e ligjit të vitit 1994 kundër krimit. Legjislacioni në fjalë ashpërsoi ndjeshëm dënimet për drogat e forta si kokaina, e cila ndëshkoi në mënyrë jo proporcionale popullsinë me ngjyrë.

 

Betja për “shpirtin e Amerikës”

 

Gjatë periudhës së fushatës presidenciale, zoti Biden tha se dëshironte t’i jepte fund administrarës “së çoroditur” të zotit Trump.

 

“Jemi në një betejë për shpirtin e Amerikës”, shkruante zoti Biden në faqen e fushatës së tij në internet. “Është koha që të kujtojmë se kush jemi. Ne jemi amerikanë; të fortë, që nuk thyhemi, por gjithmonë plot shpresë. Është koha të trajtojmë me dinjitet njëri-tjetrin. Të ndërtojmë një klasë të mesme që funksionon për të gjithë. Të luftojmë kundër abuzimeve të pabesueshme të pushtetit që po shohim”.

 

“Është koha të thellohemi dhe të kujtojmë se ditë më të mira na presin”, shkruante zoti Biden. “Është koha për udhëheqje të respektuar në arenën ndërkombëtare- dhe udhëheqje dinjitoze në vend”, tha ai në prag të presidencës së tij./Voa

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Pse nuk mund t’i besohet investigimit të OBSH mbi origjinën e Co vid -19

Publikuar

-

Nga

Nga Matthew Lesh

Nga erdhi Covid-19? Më shumë se një vit pas rasteve të para, ne jemi ende larg përgjigjes për këtë pyetje thelbësore. Dhe për zhgënjimin e shumëkujt,konferenca e përbashkët për shtyp e javës së shkuare Organizatës Botërore e Shëndetësisë dhe qeverisë kineze, krijoi më shumë konfuzion sesa qartësi.

Në fillim Kina e kundërshtoi plotësisht hetimin, dhe i pengoi ekspertët ndërkombëtarë që të vizitonin vendin ku u shfaq në fillim koronavirusi. Në fund kinezët u penduan për këtë sjellje. Megjithatë kanë vazhduar që të diktojnë anëtarësinë e grupit të investigimit, termat e referencës, lëvizjet dhe deklaratat e tij.

Pavarësisht provave të forta për të kundërtën, qeveria kineze vazhdon të pohojë se virusi mund të mos e ketë fare origjinën në territorin e saj. Pekini ka paraqitur teori të ndryshme konspiracioni, përfshirë akuzën se Covid-19 ishte një armë biologjike e SHBA-së.

Më së fundmi, zyrtarët kinezë kanë sugjeruar se Covid-19, mund të ketë ardhur nga një kafshë e sjellë nga jashtë apo përmes ushqimit të ngrirë të importuar. Origjina “më e mundshme” e Covid-19, siç thuhet nga paneli i hetimit, mbetet përhapja zoonotike përmes një bartësi të ndërmjetëm:nga lakuriqët e natës tek pangolinët, ose tek një specie tjetër, dhe pastaj tek njerëzit.

Një mundësi tjetër është një transmetim i drejtpërdrejtë i virusit nga lakuriqët e natës tek njerëzit. Por edhe kjo teori është e paprovuar. Shkencëtarët nuk kanë qenë në gjendje që të gjejnë prova të Covid-19 në produktet e kafshëve në tregun e prodhimeve të detit Huanan, dhe në çdo rast, rastet më të hershme nuk kishin asnjë lidhje me tregun në fjalë.

Sipas autoriteteve kineze, Covid-19 nuk është identifikuar as tek mostrat e lakuriqëve të natës në provincën e Hubeit, dhe as tek bagëtitë, shpendët apo kafshë të tjera të egra në mbarë Kinën. Dy teoritë e tjera në shqyrtim, janë ushqimi i ngrirë i importuar, dhe një rrjedhje e koronavirusit nga laboratori.

Teza e dikurshme, dhe më e preferuara e qeverisë kineze, mbetet në tryezë, pavarësisht nga mungesa e provave të besueshme. Ndërkohë, hetuesit kanë deklaruar se ideja e një rrjedhje nga laboratori është “shumë e vështirë” për shkak të mungesës së provave.

Por rrjedhjet laboratorike nuk janë ngjarje të pamundura, madje edhe nga vendet shumë të ruajtura. Në vitin 2004, virusi origjinal i SARS doli 2 herë nga Instituti Kinez i Virologjisë në Pekin. Në vitin 2007, një rrjedhje nga laboratori i kafshëve në Pirbrajt, SHBA, ishte origjina “e mundshme” e një shpërthimi të sëmundjes së këmbës dhe gojës (FMD).

Gjithashtu, ne e dimë që Instituti i Virologjisë në Vuhan, po bënte eksperimente mbi koronavirusët e lakuriqëve të natës. Prandaj është shumë e arsyeshme të vazhdohet hetimi i hipotezës së rrjedhjeve laboratorike, së bashku me teoritë e tjera.

Hetuesit e OBSH-së janë duke mbështetur teorinë e pabesueshme të mbështetur nga Kina, mbi importet e huaja, ndërsa e hedhin poshtë si “jashtëzakonisht të pamundur” teorinë për një rrjedhje nga laboratori, duke e minuar legjimitetin e tyre dhe ndjekjen e së vërtetës.

Kjo nuk është hera e parë që OBSH-ja po tregohet egatshme që të pranojë në mënyrë jokritike pozicionet zyrtare të Kinës.

Kreu i OBSH-së Tedros Adhanom, ka vlerësuar vazhdimisht “bashkëpunimin dhe transparencën” e Kinës. Por ndërkohëështë e mirë-dokumentuar, se autoritetet në Vuhan kanëcensuruar mediat sociale, kanë penguarpublikimin e raporteve mjekësore, dhe kanë arritur dhe ndëshkuar mjekët që bënë publike të vërtetën, përfshirë Li Wenliang që së fundmi ndërroi jetë për shkak të virusit.

Në mesin se janarit të vitit 2020, OBSH-ja i bëri jehonë qëndrimit zyrtar të Kinës, se nuk kishte “asnjë provë të qartë të transmetimit nga njeriu në njeri”. Dhe këto pretendime, të cilat e vonuan reagimin e botës ndaj virusit, u bënëpavarësisht provave të qarta dhe në rritje për të kundërtën.

Agjencia amerikane e lajmeve “Associated Press”, ka dokumentuar se si autoritetet, përfshirë presidentin kinez Xi Jinping, pritën 6 ditë për ta informuar publikun në lidhje me rrezikun e transmetueshmërisë së virusit midis njerëzve. Ndërkohë, kinezët lejuan që dhjetëra mijëra njerëz të merrnin pjesë në bankete të mëdha, dhe miliona të udhëtonin brenda dhe jashtë rajonit.

LEXO EDHE:  Linja e përbashkët e transmetimit të energjisë/ SHBA përgëzon Shqipërinë dhe Kosovën: Moment historik

LEXO EDHE:  SHBA/ Shpallet i pafajshëm dhe lirohet pas 30 viteve në korridorin e vdekjes

Gjithashtu qeveria kineze në mënyrë të pashpjegueshme fshehu për 10 ditë sekuencën gjenomike të virusit, dhe priti me javë të tëra për të siguruar informacione mbi pacientët dhe rastet me Covid-19, duke krijuar frustrime të brendshme brenda OBSH-së.

Tani, me gjithë bollëkun e gënjeshtrave dhe pengesave nga qeveria kineze, hetimi i OBSH-së mbështetet në raportet e zyrtarëve kinezë, në vend se të kryejë një hetim vërtet të pavarur. Për më tepër, siç shpjeguan Alina Çan dhe Mett Ridli në “The Wall Street Journal”, ekipi hetues i OBSH-së është i kompromentuar nga konflikte të mundshme të interesit.

Një nga anëtarët, dr.Peter Daszak, ka lidhje të forta me Institutin e Virologjisë në Vuhan, dhe nënshkroi një deklaratë shkurtin e vitit të kaluar për të “dënuar teoritë e konspiracionit, që sugjerojnë se Covid-19 nuk ka një origjinë natyrore”.

Reagimi i Kinës ndaj Covid-19 ishte sa i parashikueshëm aq edhe i parë më herët. Gjatë shpërthimit epidemik të SARS-it në vitet 2002-2003, Kina ndau shumë pak informacione, dhe bëri pak për të luftuar virusin. Historikisht, regjimet komuniste dhe të së majtës ekstreme, nga Bashkimi Sovjetik tek Gjermania Lindore, Kuba dhe Venezuela, kanë qenë armiqësorë ndaj çdo lloj kontrolli.

Një shtet një partiak, i jep në mënyrë të pashmangshme përparësi mbijetesës së regjimit mbi hapjen, kritikën dhe ndershmërinë, që mund ta minojë fuqinë e tij. Nga katastrofa e reaktorit bërthamor të Çernobilit, deri tek uria e Holodomorit që vrau miliona njerëz në Ukrainë, zyrtarët lokalë u nxitën të fshihnin të vërtetën për të shmangur përgjegjësinë, ndërsa qeveria qendrore synon që të shmangë dëmtimin e reputacionit.

Ndonëse nuk janë të përsosura, sistemet demokratike liberale i lejojnë zyrtarët dhe politikanët të japin llogari për gabimet e tyre nga një media e lirë, dhe në fund nga publiku gjatë proceseve zgjedhore. Ndërkohë, shkencëtarët janë të pavarur dhe të aftë që të shprehin mendimet e tyre pa frikë se mund të burgosen për mosndjekjen e vijës së partisë.

Në sistemet komuniste, nuk ekzistojnë këta mekanizma të përgjegjësisë. Ndaj rezultatet janë më të dobëta. Krahasoni qasjen e Kinës me hapjen dhe transparencën e Britanisë së Madhe në përgjigje të shfaqjes së variantit të Covid-19 të Kentit dhe testimin e trajtimeve të reja, me shkencëtarët britanikë që ofrojnë mbështetje të rëndësishme mbi përgjigjen globale ndaj virusit.

Madje, Britania e pranoi që kjo do të thoshte se vendet e tjera do të mbyllnin kufijtë për të shmangur kërcënimin, diçka që Kina dhe OBSH-ja nuk e pranuan në fillim të vitit të kaluar. OBSH është përthithur në mënyrë të turpshme në“orbitën” e Kinës.

Për shumë shkencëtarë kjo ka të ngjarë të jetë pjesë e një përpjekjeje qëllim-mirë për të ruajtur qasjen dhe dialogun. Por kjo ka krijuar një problem me besimin. Si mund t’i besojë bota rezultateve të një hetimi nga një organizatë, që ka treguar një gatishmëri të përsëritur për të pranuar në mënyrë jo-kritike propagandën e Partisë Komuniste Kineze?

Origjina e Covid-19, mund të mbetet përgjithmonë një mister. Ndoshta është një pyetje pa përgjigje. Turpi nuk është të mos gjesh një përgjigje, por të mos lejosh që kjo çështje të hetohet siç duhet. Këtë gjë ua kemi borxh miliona njerëzve që kanë humbur të dashurit e tyre, që u ka ndryshuar rrënjësisht jeta, dhe që vitin e kaluar kanë vuajtur në shumë mënyra.

Shënim: Matthew Lesh, është kreu i kërkimeve në Institutin “Adam Smith”, Britani e Madhe./Bota.al

LEXO TE PLOTE

Bota

Brez i humbur? Corona godet shanset e punësimit të të rinjve

Publikuar

-

Nga

Megjithëse në plan të parë shifrat e papunësisë nuk janë të larta në Gjermani, tregu i punës po tregon efektet e pandemisë. Më së shumti pasojat i vuajnë të rinjtë. Ekspertët paralajmërojnë nga një brez i humbur.

Instituti Gjerman i Tregut të Punës dhe Profesionit, IAB ka hulumtuar se kush i vuan më së shumti pasojat e krizës së Coronës. Në studimin e paraqitur të hënën (22.02) së bashku me OECD, thuhet se Gjermania po shkon drejt një krize në vendet e shkollimit profesional. Sipas drejtorit, Bernd Fitzenberger tregu i punës në tërësi po tregohet hë për hë rezistent. Kjo lidhet me masat e marra, si mbështetja nga shteti e punës me orar të shkurtuar, gjë që i bën firmat t’i mbajnë punëmarrësit në punë, megjithë krizën. Por pasojat e turbulencave në tregun e punës po i ndjejnë më së shumë të rinjtë, kanë arritur në përfundimin studiuesit e IAB në Nuremberg.

Sipas Bernd Fitzenberger “tregu i shkollimit profesional është goditur rëndë. Sipërmarrjet po e reduktojnë numrin e vendeve të shkollimit profesional për vitin 2021”, shkruan dpa. Një e dhjeta e sipërmarrjeve do të kufizojë vendet e shkollimit profesional ose nuk do të ofrojë më asnjë vend për vitin 2021/2022.
Ngadalë edhe në statistikat e Agjencisë Federale të Punës po reflektohen efektet e pandemisë. Zyra Federale e Statistikave njofton për rënie të numrit të të punësuarve në sektorin e shërbimeve. Në fund të vitit 2020 numri i të punësuarve ka qenë 44,8 milionë vetë, 1,6 milionë vetë më pak se në të njëjtën periudhë të vitit të mëparshëm.

Perspektiva të zymta – Shkollimi profesional në krizë

Për shkak të kësaj krize në shkollimin profesional të të rinjve, eksperti i IAB, Fitzenberger kërkon mbështetje nga shteti të sipërmarrjeve që ofrojnë vende të shkollimit profesional, në mënyrë që ato t’i ruajnë vendet e madje edhe t’i shtojnë. “Nuk duhet të krijohet një gjeneratë Corone në tregun e punës. Sepse papunësia në fillim të jetës së punës edhe vite më vonë ka efekt në rroga më të ulta dhe pason me papunësi më të shpeshtë”, thotë Fitzenberger

Kritike paraqitet situata edhe tek punët me paga minimale pa sigurime shoqërore e që nuk mbështeten nga fondi për pagën me orar të shkurtuar aktualisht, të cilat shpesh kryhen nga nxënës të klasave të larta apo studentët. Vetëm në nëntor humbën 100.000 vende pune në sektorin e hotelerisë për shkak të mbylljes. “Në tërësi kemi një gjysmë milionë ‘minijobs’ më pak se para një viti”, është shprehur kreu i Agjencisë Federale të Punës, Detlef Scheele.

LEXO EDHE:  Zyrtari i lartë amerikan optimist/ Koronavirusi vdes shpejt kur ekspozohet në temperatura të larta dhe dritën e diellit

LEXO EDHE:  SHBA kërkon ekstradimin/ Trump: “Nuk di asgjë për WikiLeaks”

Një brez para të ardhmes së pasigurtë

Për shkak të krizës së Coronës një gjeneratë e gjithë ndeshet me një të ardhme të pasigurtë. Jo vetëm ata që duan shkollim profesional, por edhe studentët që sapo mbarojnë studimet e kanë të vështirë të gjejnë një vend pune, sepse sipërmarrjet hezitojnë të punësojnë. Prof. Dr. Heike Solga, eksperte e tregut të punës nga Qendra Shkencore për Studime Sociologjike në Berlin (WZB) paralajmëron për 3sat nga pasojat afatgjata të pandemisë tek rinia. “Ne fokusohemi momentalisht shumë në debat tek ata që duan të bëjnë shkollimin profesional apo të nisin studimet, por nuk duhet të harrojmë brezat pas shkollimit profesional e pas studimeve. Këtyre të rinjve në të ardhmen në konkurrencën e punës iu mungojnë përvojat profesionale dhe në të njëjtën kohë ne do të kemi më shumë persona me përvojë profesionale që do të kërkojnë punë. Konkurrenca do të bëhet më e pabarabartë se sa në kohët para Coronës.”
Pandemia ka shkaktuar frikë e pasiguri për të ardhmen sidomos tek brezi i 20 vjecarëve, këtë e konfirmojnë disa studime. Matthias Rohrer studiues në Institutin për Studimet e Kulturës së të Rinjve ka përgatitur një studim për këtë. “Ata kanë frikë, nëse diplomat e tyre të shkollës do të jenë me më pak vlerë, se ata janë gjenerata e home-schooling, që ka bërë maturë jo të zakonshme, kjo i bën që të kenë shqetësime për të ardhmen e tyre, sidomos në lidhje me punësimin, të rinjtë e dinë se papunësia po rritet, kjo ishte edhe para krizës një temë, pra që për të rinjtë është e vështirë të gjejnë vend në tregun e punës.

Sipas ekspertëve një e vërtetë e hidhur provohet edhe njëherë në kohën e Coronës. Kush ka pasur probleme me gjetjen e vendit të punës, edhe para krizës së pandemisë, e ka në kohë pandemie shumë më të vështirë. Sidomos migrantët e ata me kualifikim të ulët e kanë shumë të vështirë të gjejnë punë apo një vend për kualifikim profesional, i cili të hap më vonë rrugën e punësimit./DW

LEXO TE PLOTE

Bota

Kur do të fillojë përdorimi i testeve të shpejta ndaj koronavirusit?

Publikuar

-

Nga

Në të ardhmen të gjithë do të mund të përdorin një test të shpejtë për të përcaktuar vetë nëse janë infektuar me virusin Corona. Ministri i Shëndetësisë Spahn shpreson që përdorimi i testeve do të fillojë shpejt.
Në Gjermani është lejuar për herë të parë që personat të bëjnë teste vetë për të verifikuar nëse janë infektuar me virusin Corona apo jo. Instituti Federal për Barnat dhe Pajisjet Mjekësore (BfArM) kumtoi, se janë dhënë miratimet speciale për tre produkte. Deri tani ekzistojnë vetëm teste të shpejta për zbulimin e një infeksioni me virusin Corona, të cilat kryhen nga stafi i trajnuar mjekësor. Ministri federal i Shëndetësisë Jens Spahn, deklaroi për televizionin gjerman ZDF se testet do të mund të blihen në të ardhmen edhe në dyqane. Spahn mendon se këto teste do të mund të futen në përdorim në javën e parë të marsit.

Tek tri llojet e testeve të deritanishme provat janë marrë nga goja apo nga hunda, deklaroi Instituti me seli në Bon. Sipas studimeve të publikuara nga prodhuesit, këto teste në të ardhmen do të mund të bëhen edhe nga personat që nuk janë ekspertë apo nuk janë stërvitur për testime.

Pothuajse 30 kërkesa për aprovim special të testeve

Para dhënies së një licence të veçantë për teste të tilla, Instituti Federal kontrollon jo vetëm funksionimin teknik të tyre. Por shtrohet edhe pyetja nëse testi mund të përdoret në mënyrë të sigurt nga personat që nuk janë trajnuar për këtë. Kjo përfshin edhe udhëzime dhe shpjegime të kuptueshme për secilin, se si funksionojnë këto teste, u tha paraprakisht. Prej datës 12 shkurt, në Institutin Federal kanë mbërritur rreth 30 kërkesa për licencimin dhe lejen e përdorimit të testeve të ndryshme.
Ndërsa mënyrën e rregullt të nxjerrjes së produkteve mjekësore në treg, e përcakton CE përmes organeve të veta të çertifikimit. Pavarësisht nga lejet e posaçme, Instituti Federal priste edhe teste të mëtejshme antigjene për përdorim të rregullt.

Testet e shpejta dhe vaksinat

LEXO EDHE:  “Dosja Top Channel”, pjesa e dytë/ Gjyqet, paditë në prokurori dhe përplasjet vazhdojnë

LEXO EDHE:  SHBA tërhiqet nga marrëveshja bërthamore me Rusinë

Krahas vaksinave testet e shpejta janë një prej shtyllave më të rëndësishme në parandalimin e përhapjes së pandemisë. Kjo çështje ka fituar në peshë kohët e fundit, pas përhapjes së shpejtë të variantit akoma edhe më ngjitës të Coronës, i cili u zbulua për herë të parë në Britaninë e Madhe, por edhe për shkak të hapjes së kopshteve dhe shkollave.

Testet e shpejta ndaj virusit Corona janë lejuar të përdoren edhe nga personeli jo-mjekësor pas një trajnimi, prej datës 2 shkurt. Ministri Spahn fillimisht kishte njoftuar se testet e shpejta pa pagesë do të lejohen prej datës 1 mars dhe se ato do të mund të bëhen në qendrat për testime, tek mjeku i shtëpisë apo në farmaci. Por tani është vendosur që çështja e testeve të shpejta të trajtohet në samitin e ardhshëm të kancelares Merkel me kryeministrat e landeve, i cili do të mbahet me 3 mars./DW

LEXO TE PLOTE