Kronika
Dosja e 21 Janarit/ Artan Hoxha: Është kërkuar të hetohet nga SPAK
Një ditë para 10 vjetorit të 21 Janarit 2011, ku mbetën të vrarë katër protestues në Bulevard, policia e Tiranës ka kërkuar hapjen e hetimeve.
CNA.al mësoi mbrëmjen e djeshme se në orën 16:00 Policia e Tiranës ka dorëzuar në Prokurori kërkesën për rihapjen e hetimeve për 21 Janarin, por nuk u regjistrua si dosje, pasi kishte ardhur pas orarit zyrtar.
Por kjo kërkesë është regjistruar sot dhe për këtë dosje ka folur edhe gazetari investigativ Artan Hoxha.
Hoxha deklaroi se kjo kërkesë vjen për t’i hapur rrugën rihapjes së hetimeve edhe për 10 vitet e ardhshme, ndërsa theksoi se është kërkuar që këtë radhë dosjen ta marrë përsipër SPAK.
“Nëse nuk hapej çështja deri në datën 21, rrezikonte që të parashkruhej dhe nuk kishte më mundësi për ta kryer hetimin. Me këtë që ka bërë policia i ka dhënë një afat 10 vjeçar hetimit të çështjes. Në dijeninë time është kërkuar që çështjen ta hetojë SPAK, jo prokuroria e Tiranës.
Është kërkuar ta bëjë SPAK-u për shkak edhe të dyshimeve dhe akuzave që janë ngritur dhe ideja është se duke e hetuar SPAK-u hetimi mund të shkojë edhe te urdhëruesit”, deklaroi Hoxha në emisionin “Opinion”./ CNA.al
Kronika
Bie nga disa metra lartësi teksa punonte/ Humb jetën shqiptari në Itali
Një ngjarje e rëndë ka ndodhur në provincën e Leçes në Itali këtë të shtunë.
Mësohet se një emigrant shqiptarë ka humbur jetën teksa punonte pasi ka rënë nga disa metra lartësi.
Sipas asaj që shkruajnë mediat fqinje, viktima është një 42-vjeçar me iniciale F.C.
Ai po bënte punime në një bujtinë në Marina di Mancaversa, kur për shkaqe ende të paqarta humbi ekuilibrin dhe ra duke përplasur kokën.
Pavarësisht ndërhyrjes së ekipeve të emergjencës, 42-vjeçari nuk mundi të mbijetonte.
Për ngjarjen autoritetet italiane kanë nisur hetimet./CNA.al
Kronika
“Dua ndihmë nga Zoti”/ Dëshmia rrënqethëse e djalit që gjeti të vdekur prindërit e tij
“Dua ndihmë nga Zoti, jam mes rrugëve”. Këto janë fjalët rrenqethëse të djalit të çiftit Rrasa, Leonardit, 21 vjeç i cili i gjeti të dy prindërit e tij të vdekur e të larë në gjakë, në banesën e tyre.
Mes lotësh dhe i tronditur, ai ka treguar momentin se si e mori vesh lajmin.
“Unë kam qenë për kafe, më lajmëruan në telefon… Ju lutem unë dua ndihmë nga Zoti, unë jam mes të rrugës…” ishin fjalët e pakta të djalit.
Në dëshminë e parë para grupit hetimor i biri është shprehur se “shkak i ngjarjes mund të ketë qenë një konflikt i çastit”, pasi nuk kishin debate./CNA.al
Kronika
Vrasja në Divjakë/ Flet vëllai i autorit: Ishin keq nga gjendja ekonomike, armën e kishte me leje
Detaje të reja kanë dalë në dritë nga krimi në familje që u shënua në Divjakë, ku burri vrau gruan dhe më pas vetën.
Vëllai i autorit ka folur për mediat duke bërë të ditur se çifti ishin keq nga gjendja ekonomike dhe kishin debatet e tyre lidhur me këto gjëra, por nuk mban mend që i vëllai të kishte ushtruar dhunë ndaj bashkëshortes së tij.
Në lidhje me armën e gjahut, vëllai i autorit tha se e kishte prej vitesh me leje.
“Punonin, por kishin ekonomi të dobët. Mua më lajmëruan hajde këtu se ka ndodhur diçka. Kishin probleme mbi ekonominë, por nuk di të ketë ushtruar dhunë ndaj gruas. Armën unë di që e ka pasur me leje dhe e ka shumë të vjetër, ka vite që e ka blerë”, tha vëllai i autorit Hekuran Rrasa./CNA.al
