Connect with Us

OFL, shtyhet pa afat shqyrtimi i formularëve nga SPAK dhe GJKKO

Aktualitet

OFL, shtyhet pa afat shqyrtimi i formularëve nga SPAK dhe GJKKO

Publikuar

-

OFL, shtyhet pa afat e shqyrtimit të formularëve nga SPAK dhe GJKKO

Me vetëm një votë kundër Komisioni Parlamentar i Sigurisë i ka dhënë dritën jeshile propozimit të Ministrisë së Brendshme për shtyrjen e pafat të shqyrtimit nga SPAK dhe GJKKO për kërkesat qe OFL i ka çuar subjekteve te krimit për konfiskimin e pasurive me burim kriminal.

Në mbledhjen e zhvilluar këtë të martë ku i pranishëm ishte dhe zv.ministri i Brendshëm, Julian Hodaj anëtarët e komisionit ngritën shqetësimin për zvarritjen e çështjeve. Sipas tyre shtyrja e afateve duhet të ketë një fund dhe për të mos pasur shkelje të procedurës penale.

“Të paktën duhet shkruar që qoftë Prokuroria, qoftë gjykata duhet të kenë atë afat I cili është I sanksionuar për ndjekjet penale edhe të tjera jo vetëm të referuar nga OFL. Të paktën ta sanksionojmë që të ndiqet kodi I procedurës penale”, tha Myslym Murrizi.

“Ky proces i parashikuar nga akti normativ nuk ka lidhje me kodin e procedurës penale. Është proces parandalues dhe proceset parandaluese nuk mund ti nënshtrohen afateve të parashtrimit siç mund ti nënshtrohet një krim normal”, u shpreh Julian Hodaj.

Ndryshimi i miratuar pritet të kalojë në seancën e radhës në Kuvend dhe synon vazhdimin e shqyrtimit të kërkesave që OFL u ka çuar Prokurorisë dhe Gjykatës deri në një vendim të formës së prerë.

Në një vit punë OFL ka përfunduar procesin e verifikimit për 515 subjekte të botës së krimit. Nga këto 243 formularë janë dërguar në prokurori ndërsa 272 të tjera janë arkivuar. 160 raste për 183 subjekte janë në duart e SPAK për 1970 pasuri në total. 19 llogari bankare janë referuar në SPAK ndërsa është kërkuar sekuestrimi i një organizate jofitimprurëse. 83 raste emergjente janë referuar ndërsa janë depozituar 19 kërkesa për masa parandaluese personale. 105 raste janë gjykuar të vlefshme nga Gjykata, e cila ka konfirmuar sekuestron, pjesa tjetër është në proces./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Aktualitet

UNESCO zgjeron listën e zonave të mbrojtura

Publikuar

-

Nga

Agjencia kulturore e Kombeve të Bashkuara të mërkurën shtoi peisazhet me pllaka të Uellsit veriperëndimor dhe petrografet ruse në listën e Trashëgimisë Botërore. Me një vit vonesë për shkak të pandemisë së koronavirusit, UNESCO zgjeroi listën e zonave të mbrojtura me 33 objekte të reja.

Peisazhet me pllaka të Uellsit veriperëndimor dhe petrografet ruse janë mes 33 objekteve të reja të shtuara nga agjencia kulturore e Kombeve të Bashkuara në listën e Trashëgimisë Botërore, pas një mbledhje që u zhvillua ditën e mërkurë.

Ceremonia u zhvillua nëpërmjet internetit dhe u mbajt në qytetin juglindor të Kinës, Fuzhou, ndërsa vjen një vit me vonesë për shkak të pandemisë së koronavirusit.

“Deklaroj të miratuar projektvendimin 44 COM 8B.47. Më lejoni të përgëzoj Mbretërinë e Bashkuar në emër të të gjithë komitetit për regjistrimin e kësaj prone në Listën e Trashëgimisë Botërore”, tha Tian Xuejun, kryetari i UNESCO-s.

Peisazhet me pllaka të Uellsit veriperëndimor përfshijnë 6 zona të ndara dhe janë formuar që nga Revolucioni Industrial, ku guroret dhe minierat kanë vazhduar të jenë një pjesë e rëndësishme e ekonomisë së kësaj zone.

“Kjo zonë ndërthur dramën e peizazhit natyror. Tregon ndikimin e madh që kanë pasur qeniet njerëzore edhe mbi të, veçanërisht gjatë epokës së guroreve në shekullin e 19 dhe fillimin e shekullit të 20. Ky ndikim është shumë i dukshëm këtu në veriperëndim të Uellsit. Dhe kjo është ajo që bindi UNESCO-n t’i japë statusin e Trashëgimisë Botërore kësaj pjese të veriut të Uellsit, që ju të shihni kombinimin e botës natyrore dhe botës njerëzore dhe mënyrën se si ata kanë bashkëvepruar me njëri-tjetrin”, tha Mark Drakeford, Ministri i Parë i Uellsit.

LEXO EDHE:  “21 Janari, histori e groposur”/ Klodiana Lala asnjë pritshmëri nga SPAK-u

LEXO EDHE:  Grabitja e Rinasit/ Prokuroria përgënjeshtron mediat

Petrografet janë gati 5 mijë vepra arti monumentale të jetës neolitike në brigjet dhe ishujt e Karelia në Rusinë veriperëndimore. Disa prej tyre datojnë 7 mijë vjet më parë.

Vende të tjera të vendosura në listën prestigjioze përfshijnë tempullin Ramappa në Indi, Parkun Kombëtar “Ivindo” në Gabon, hekurudhën Trans-iraniane dhe portikët (portico- shëtitoret e mbuluara) e Bolonjës në Itali.

Komiteti i Trashëgimisë Botërore të UNESCO-s nuk u takua vitin e kaluar për shkak të pandemisë COVID-19. Seanca e këtij viti shqyrtoi nominimet e paraqitura në komision për vitin 2020 dhe vitin 2021./VOA

LEXO TE PLOTE

Bota

Ekonomia amerikane tejkalon rritjen para pandemisë

Publikuar

-

Nga

Nxitur nga vaksinimet dhe ndihma qeveritare, ekonomia amerikane u rrit me një normë të qëndrueshme vjetore prej 6.5% tremujorin e fundit, shenja më e qartë deri tani se vendi ka arritur një rimëkëmbje të qëndrueshme nga recesioni pandemik.

Raporti të enjten nga Departamenti i Tregtisë vlerëson se produkti i brendshëm bruto në vend – prodhimi i përgjithshëm i mallrave dhe shërbimeve – u rrit në tremujorin prill-qershor nga një normë vjetore e fuqishme prej 6.3% që ishte shënuar në tremujorin e parë të vitit.

Shifra tremujore ishte megjithatë më e ulët nga sa prisnin analistët. Por kjo erdhi kryesisht pasi problemet në zinxhirët e furnizimit ushtruan një zvarritje më të madhe nga sa ishte parashikuar në përpjekjet e kompanive për të plotësuar porositë e tyre. Ngadalësimi në riplotësimin e inventarit, në fakt ra 1,1 pikë përqindje nga rritja vjetore e tremujorit të kaluar.

Në kontrast, shpenzimet e konsumatorit – motori kryesor i ekonomisë amerikane – ishin të fuqishëm në tremujorin e fundit: ato u rritën me një normë vjetore prej 11.8%. Shpenzimet për mallra u rritën me një normë 11.6%, megjithëse shënuan ulje nga një rritje prej 27.4% në tremujorin e parë. Dhe shpenzimet për shërbime, nga restorantet deri tek biletat e linjave ajrore, u rritën me një normë prej 12%, nga një rritje prej 3.9% në periudhën janar-mars ndërsa vaksinimet inkurajuan më shumë amerikanë të blinin, të udhëtonin dhe të hanin jashtë.

LEXO EDHE:  OFL “troket” në Lezhë/ Kush është shënjestra e radhës

LEXO EDHE:  Grabitja e Rinasit/ Prokuroria përgënjeshtron mediat

Për gjithë vitin 2021, ekonomia pritet të rritet me rreth 7%.

Kjo do të ishte rritja më e fuqishme vjetore që nga viti 1984. Dhe do të shënonte një kthesë të mprehtë nga tkurrja ekonomike e vitit të kaluar me 3.5% – më e keqja në 74 vjet – si rezultat i pandemisë./VOA

LEXO TE PLOTE

Politikë

“Ballkani i Hapur”/ Milo mesazh Ramës dhe Kurtit

Publikuar

-

Nga

Ish-ministri i Jashtëm Paskal Milo komentoi qëndrimin e kryeministrit Edi Rama dhe homologut të tij Albin Kurti në lidhje në lidhje me “Ballkanin e Hapur”.

Nga studio e Abc News, Milo deklaroi se ishte e dobishme prania e Kurtit në Samitin e Shkupit, duke theksuar se është më mirë të jesh prezent dhe të flasësh për ndasitë se sa të mungosh.

Në lidhje me rëndësinë e raportit të tyre, Milo shtoi se është e nevojshme që të dy të kapërcejnë vetveten për shkak se në fund të fundit janë dy shqiptarë që përfaqësojnë dy pjesë të shqiptarisë.

“Duhet ruajtur një farë raporti me realitetin që ndodh. Nuk duhet të arrijmë deri në folklorizëm politik që marrëdhënien e Ramës me Vuçiç e degradojmë në marrëdhënie vasaliteti. Por nuk shkon. Në fund të fundit Edi Rama është në krye të punëve të këtij vendi.

 Ai nuk po bën një politikë aventureske. Mund të kemi kritika por nuk duhet arritur në ekstrem që çdo takim. Unë do të thosha që është e dobishme prania e Kurtit në Samitin e Shkupit. Se është më mirë të jesh prezent se sa të mungosh.

Unë mendoj që të dy liderët e shteteve shqiptare në Ballkanin Perëndimor duhet të kapërcejnë vetveten. Rama duhet të kapërcejë vetveten në stilin e veçantë origjinal që ka. Besoj se dhe Albin Kurti duhet të ulet dhe mëria e një politikani nuk duhet të shuajë etjen për të qenë realistë dhe për të shtrirë dorën e bashkëpunimit sepse në fund të fundit janë dy shqipyarë që përfaqësojnë dy pjesë të shqiptarisë”, deklaroi Milo.

LEXO TE PLOTE