Connect with Us

Liroi trafikantin e drogës/ Gjyqtari i Vlorës me njollën e KLD, në Vetting

Vetingu

Liroi trafikantin e drogës/ Gjyqtari i Vlorës me njollën e KLD, në Vetting

Publikuar

-

Këshilli i Lartë i Drejtësisë më shumë nuk ka funksionuar se sa ka shërbyer si rregullator i sistemit të drejtësisë.

Janë një sërë çështjesh, për të cilat ka nisur verifikime, në kohën që nuk kishim KLGJ , për të cilat nuk dihet epilogu i tyre. Ajo që dihet se disa gjyqtarë do të shkojnë në Vetting, me njollën e KLD-së nga pas. Një rast i tillë është edhe gjyqtari i Vlorës Arqile Basho, për të cilin Vettingu ka nisur para një viti.

Në tetor 2017, Këshilli i Lartë i Drejtësisë njoftoi për nisjen e verifikimit mbi vendimin e marrë nga gjyqtari Arqile Basho, pas vendimit për të lënë të lirë shtetasin R. A. Ky i fundit ishte ndaluar pasi në një godinë shumë pranë banesës së tij, ku u gjendën mbi 5 tonë lëndë narkotike kanabis, në fshatin Llakatund.

Vendimi i gjyqtarit në atë kohë e detyroi KLD-në të nisë verifikimin dhe mbledhjen e të gjitha provave të nevojshme, duke i kërkuar gjykatës së rrethit gjyqësor Vlorë paraqitjen e të gjitha vendimeve e procesverbaleve.

Por si në mjaft raste të tjera epilogu nuk dihet, ose është pluhurosur në arkivat e KLD, pa u bërë publik, njësoj sikur nisën verifikimet.
Në lidhje me pasurisë, gjyqtari Arqile Basho, burimet e të ardhurave i ka nga paga e tij dhe e bashkëshortes që menaxhonte punët bujqësore.
Financat e tij janë të bazuara puna në emigracion e gjyqtarit në Greqi, në periudha të ndryshme përgjatë viteve 1991-1992.

Më poshtë po sjellim të detajuar pasurinë e deklaruar nga gjyqtari Arqile Basho.

Viti 2003
1/6, tokë arë 17 dynym, ku 10 dynym janë pemë frutore.
Autoveturë tip BMV, me vlerë 0,4 milion lekë.
Gjendje kesh, 0,9 milion lekë.
Të ardhura nga paga e subjektit deklarues si gjyqtar në Tepelenë, 0, 942 milion lekë.
Pension i prindit, 0, 084 milion lekë.

Viti 2004
Të ardhura nga paga e subjektit deklarues si kryetar gjykate në Tepelenë, 1 000 000 lekë.
Pensioni I prindit, 0, 084 milion lekë.
Të ardhura nga vetpunësimi I Lefteri Bashos, 800 000 lekë.

Viti 2005
Shtuar kursimet familjare 300 000 lekë.
Të ardhura nga paga e subjektit deklarues si kryetar gjykate në Tepelenë, 1 300 000 lekë.
Të ardhura të bashkëshortes si ekonomiste familjare, 300 000 lekë.
Pensioni I prindit, 84 000 lekë.

Viti 2006
Kredi, 1 000 000 lekë.
Të ardhura nga paga e subjektit deklarues si kryetar gjykate në Tepelenë, 1 200 000 lekë.
Të ardhura të bashkëshortes si ekonomiste familjare, 350 000 lekë.
Pensioni I prindit, 180 000 lekë.

Viti 2007
Të ardhura nga paga e subjektit deklarues si kryetar gjykate në Tepelenë, 1 100 000 lekë.
Të ardhura të bashkëshortes si ekonomiste familjare, 500 000 lekë.
Kredi, 1 000 000 lekë. Shlyer 307 200 lekë.

Viti 2008
Të ardhura nga paga e subjektit deklarues si kryetar gjykate në Tepelenë dhe gjyqtar në Gjirokastër 920 000 lekë.
Të ardhura të bashkëshortes si ekonomiste familjare, 800 000
Të ardhura të Çeljeta Bashos si inxhiniere Agrare, 30 000 lekë.
Kredi, 1 000 000 lekë. Shlyer 307 200 lekë.

Viti 2009
Autoveturë Benz 190, me vlerë 200 000 lekë.
Të ardhura nga paga e subjektit deklarues si gjyqtar në Gjirokastër 898 158 lekë, shpërblim 40 000 lekë dhe dieta 51 831 lekë.
Të ardhura të bashkëshortes si ekonomiste familjare, 900 000
Të ardhura të Çeljeta Bashos si inxhiniere Agrare, 480 000 lekë.
Kredi, 1 000 000 lekë. Shlyer 307 200 lekë.

LEXO EDHE:  Foto-PS rikonfirmoi Pekën në detyrë?/ Zbulohet anëtari i KQZ  që e shoqëronte

Viti 2010
Të ardhura nga paga e subjektit deklarues si gjyqtar në Gjirokastër 1 016 656 lekë.
Të ardhura të bashkëshortes si ekonomiste familjare, 1 100 000 lekë.
Kredi, 1 000 000 lekë. Shlyer 307 200 lekë. Pa shlyer 156 600 lekë.

Viti 2011
Ta ardhura nga marrëveshgja e grantit me bashkëshortes, për subvencionimin e kushteve të prodhimit dhe tregtimit të pemëtarisë në bllokun privat Odrie, 10 000 dollarë.
Kursime nga të dy bashkëshortët 1 000 000 lekë.
Të ardhura nga paga e subjektit deklarues si gjyqtar në Vlorë 1 058 000 lekë.
Të ardhura të bashkëshortes si ekonomiste familjare, 1 200 000 lekë.
Kredi, 1 000 000 lekë. Shlyer.

Viti 2012
Kursime nga të dy bashkëshortët 1 200 000 lekë.
Autoveturë Volsvagen në emër të Llambi Bashos, 3 000 euro.
Të ardhura nga paga e subjektit deklarues si gjyqtar në Vlorë 1 058 500 lekë.
Të ardhura të bashkëshortes si ekonomiste familjare, 1 300 000 lekë.

Viti 2013
Autoveturë, pronësi familjare, blerë në emër të Llambi Bashos, 16 000 euro.
Të ardhura nga paga e subjektit deklarues si gjyqtar në Vlorë 1 327 223 lekë.
Të ardhura të bashkëshortes si ekonomiste familjare, 900 000 lekë.
DjalI, Llambi Basho deklaron një BMV me vlerë 15 000 euro.

Viti 2014
Shtuar kursimet familjare, 1 300 000 lekë.
Të ardhura nga paga e subjektit deklarues si gjyqtar në Vlorë 1 572 315 lekë.
Të ardhura të bashkëshortes nga sektori privat bujqësor, 1 100 000 lekë.

Viti 2015
Shtuar kursimet familjare, 1 200 000 lekë.
Pakësim nga të ardhurat e vitit për pagesën e shkollës së djalit Llambi Basho, 4 000 euro.
Të ardhura nga paga e subjektit deklarues si gjyqtar në Vlorë 1 260 809 lekë.
Të ardhura të bashkëshortes nga sektori privat bujqësor, 1 648 800 lekë.
Deklarata e vajzës Vasilika Bashos.
Tokë arë 31 m2, me vlerë 99 200 lekë, tokë arë 694 m2 me vlerë 2 220 800 lekë, Benz të blerë në vitin 2009 me vlerë 5 200 euro dhe magazinë rreth 250 m2 në process legalizimi, nuk ka vlerë.

Viti 2016
Shtuar kursimet familjare, 200 000 lekë.
Të ardhura nga paga e subjektit deklarues si gjyqtar në Vlorë 1 281 931 lekë.
Të ardhura të bashkëshortes nga sektori privat bujqësor, 1 000 000 lekë.

Viti 2017
Shtuar kursimet familjare, 200 000 lekë.
Të ardhura nga paga e subjektit deklarues si gjyqtar në Vlorë 1 318 200 lekë.
Të ardhura të bashkëshortes nga sektori privat bujqësor, 900 000 lekë.
Të ardhura në formën e produkteve bujqësore, 200 000 lekë.

Viti 2018
Shtuar kursimet familjare, 400 000 lekë.
Të ardhura nga paga e subjektit deklarues si gjyqtar në Vlorë 1 336 555 lekë.
Të ardhura të bashkëshortes nga sektori privat bujqësor, 800 000 lekë.
Të ardhura në formën e produkteve bujqësore, 200 000 lekë.
Të ardhura nga interesat e depozitës bankare, 94 280 61 lekë.
Djali deklaron automjet BMV, blerë në Greqi 1 500 euro.
Të ardhura të djalit si përgjegjës I një reparti riciklimi pranë një kompanie private, 147 942 lekë.
Të ardhura nga paga e bashkëjetueses së djalit në një kompani private, 340 000 lekë./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Vetingu

Shkarkohet kreu i Gjykatës Administrative të Apelit/ KPA i “pret kokën” Kastriot Selitës

Publikuar

-

Nga

KPA ka shkarkuar ditën e sotme Kryetarin e Gjykatës së Apelit Administrativ Tiranë Kastriot Selitën.

Vendimi është marrë Albana Shtylla, kryesuese, Ina Rama relatore dhe Natasha Mulaj, Sokol Çomo, anëtarë.

Kreu i Gjykatës Administrative të Apelit, Kastriot Selita, fillimisht u konfirmua në detyrë me  datë 18.6.2019  nga Komisioni i Pavarur i Kualifikimit i përbërë nga Olsi Komiçi kryetar, Lulzim Hamitaj dhe Brunilda Bekteshi relatore.

Ishte ONM që rekomandoi tek Komisionieri Publik, kërkesën për shkarkimin e tij.

Gjetjet e Komisionerit Publik

Komisioneri Publik, Florjan Ballhysa  kërkoi më pas riçelje të hetimit për burimin e krijimit të disa pronave të zotëruara nga Selita dhe bashkëshortja e tij.

Bëhej fjalë për një apartament me sipërfaqe 124.9 m2 në rezidencën Ambasador 3, një apartament dhe garazh në të njëjtën adresë, një apartament 205 m2 dhe një sipërfaqe trualli në Lalëz të Durrësit si dhe për blerjen e një automjeti.

LEXO EDHE:  Pranga dy personave në Vlorë/ Drejtonin mjetin në mënyrë të parregullt

LEXO EDHE:  Pranga dy personave në Vlorë/ Drejtonin mjetin në mënyrë të parregullt

Ndërsa për shtëpinë e familjes së bashkëshortes, e shitur në vlerën e 220 mijë eurove, Ballhysa  kërkoi që të hetohen kostot e ndërtimit, ligjshmëria e burimeve si dhe metodologjia e përdorur nga KPK në analizën financiare.

Sa i përket aftësive profesionale, Ballhysa pretendonte për konflikt interesi.

Kjo lidhej me një çështje të gjykuar nga Selita në cilësinë e relatorit, ndaj një kompanie, administratori i së cilës kishte blerë apartamentin e bashkëshortes së tij në vitin 2015 për 110 mijë euro.

Po, në një tjetër çështje, Selita kishte gjykuar një çështje me palë të tretë një kompani ndërtimi, ku një vit më pas kishte blerë një apartament dhe një garazh./CNA.al

LEXO TE PLOTE

Vetingu

Hetime për të rënët në Vetting/ Pasuria e ish gjyqtarëve dhe prokurorëve drejt sekuestrimit

Publikuar

-

Nga

Komisioneri Publik ankimon vendimin e KPK/ Kërkon shkarkimin nga detyra të prokurorit

‘Një rëndësi e veçantë duhet vendosur në hetimin e gjyqtarëve dhe prokurorëve të larguar për shkak të vettingut apo edhe për arsye tjetër.

 Kështu ka deklaruar sot Ministrja e Drejtësisë Etilda Gjonaj.

 Sipas saj, pritshmëria e qytetarëve shqiptarë është se presin që çdo gjyqtar apo prokuror që është pasuruar në kurriz të halleve të popullit shqiptar, të vetmin fat që duhet të ketë është dalja përballë drejtësisë dhe sekuestrimin e pasurisë.

 “Kjo ka qenë në fokus edhe nga ndërkombëtarët.’-  ka saktësuar  Gjonaj.

LEXO EDHE:  Vjen nesër në Shqipëri Presidenti i Bosnje-Hercegovinës/ Zbulohet fshati që do vizitojë

LEXO EDHE:  Vettingu/ Rama zbulon "peshqit e mëdhenj" të drejtësisë

Pavarësia e prokurorëve ka qenë një temë ku është ndalur Ministrja e Drejtësisë, Gjonaj,

‘Duhet të kuptojmë të gjithë se pavarësia e Prokurorit është një instrument që e bën më shumë për detyrimin në llogaridhënie, por rrit edhe  pritshmërinë që ka shoqëria shqiptare. Duhet të garantohet pavarësia dhe përgjegjshmëria e prokurorëve.

 Efektivi i SPAK përbën një rol të pazëvendësueshëm në fushën e dënimit të korrupsionit. Ka filluar edhe funksionimi i BKH që është një instrument i çmuar në luftën kundër korrupsionit”,  është shprehur ajo./CNA.al

LEXO TE PLOTE

Vetingu

Pasuria i “pret kokën” prokurorit/ Ku i gjeti Agim Dalipaj paratë, për shtëpinë në bregdet?

Publikuar

-

Nga

Komisioni i Pavarur i Kualifikimit ka shkarkuar sot, prokurorin e Tropojës  Agim Dalipaj.

Shkak për shkarkimin e tij, janë bërë problematikat me pasurinë dhe profesionalizmi.

Kujtojmë se Komisioni i pati kaluar barrë prove , pasurinë prokurorit Dalipaj.

ILDKPKI ka konstatuar fshehjen e një apartamenti me sipërfaqe 53 m2 në Shëngjin gjatë viteve deklaruese 2006-2008, si dhe mungesë burimesh për blerjen e kësaj pasurie.

Në kontratën e porosisë është deklaruar se çmimi i apartamentit në shumën 21 mijë e 500 euro është likujduar jashtë zyrës noteriale. Sipas KPK, bashkëshortja e subjektit ka qenë pjesë e procesit të legalizimit të këtij apartamenti, pavarësisht se ndërtimi ishte kryer nga pala shitëse.

LEXO EDHE:  “Do të më ketë 24 orë në 24”/ Meta paralajmëron Ramën: Pas zgjedhjeve do tregosh kartelën psikiatrike

LEXO EDHE:  Legalizimi i hashashit/ Artan Hoxha: Nëse ndodh do kultivohet nga oligarkët

Shoqëria ndërtuese ka informuar se subjekti ka shlyer vlerën 1.6 milionë lekë dhe se pjesa tjetër do të jepet kur të hipotekohet. Komisioni konstaton se, megjithëse subjekti e ka deklaruar këtë pasuri në vitin 2009, nuk ka pasqyruar pjesën e shlyer dhe detyrimin e mbetur.

Gjithashtu nga hetimi ka rezultuar gjithashtu se prokurori Dalipaj e kishte hetuar shitësin e apartamentit, L.Rr. në vitin 2002 dhe se e kishte pushuar çështjen në ngarkim të tij në vitin 2003./CNA.al

LEXO TE PLOTE