Gazetari investigativ Artan Hoxha e krahasoi vrasjen e Behar Sofisë që tronditi sot Tiranën me atë të Artan Sanots.

Hoxha tha në emisionin “Opinion” se kjo vrasje përmban brenda saj një mesazh, ndërsa pretendon se qëllimi i autorëve nuk ka qenë vetëm eleminimi i viktimës.

Sipas tij, mesazhi është që nuk keni ku të fshiheni kudo që të futeni.

“Për mua kjo është e ngjashme edhe për orarin kur është zgjedhur, me vrasjen e Artan Santos. Kjo është vrasje me mesazh. Vrasje me mesazh, qëllimi nuk është vetëm eliminimi i viktimës, por dhe futja e tmerrit e të tjerëve pas viktimës. E çuditshme si ka ndodhur vrasje, nuk ka zonë më të mbrotjur dhe më të sigurt se kjo. Mesazhi është ky, nuk keni ku të fshiheni kudo që të futeni.

Enigma e madhe është të gjesh saktësisht sot se kush e ka urdhëruar vrasjen. Vrasësi ka qenë me pagesë. Kjo është vrasje kirurgjikale, për saktësinë që kanë pasur. I vetëm në këmbë dhe e ka qëlluar. Mund të vritet në rrugicë, por ata e kanë lënë që të lëviz dhe e kanë ekzekutuar. Ky është tentuar dhe më parë që të vritet. Për mua ka ardhur këtu për të garantuar siguri dhe paprekshmëri. Ky është një personazh të paktën me 25 vite aktivitet në botën e krimit”, theksoi Hoxha./ CNA.al

Gazetarja Klodiana Lala, ka bërë një deklaratë të fortë mbrëmjen e sotme për vrasjen e Behar Sofisë në mes të Tiranës, i njohur ndryshe si “padrino i drogës”.

Lala tha se Sofia ishte i përfshirë në fushatë elektorale, por nuk preferoi të tregojë se cilën parti politike mbështeste.

Ajo deklaroi në emisionin “Opinion” se konkretisht Sofia ishte i përfshirë në fushatë në zonën e Kombinatit dhe sipas saj ishte gati të hapte thesin me para.

“Së fundmi ishte i përfshirë në fushatë elektorale në zonën e Kombinatit. Kjo është arsyeja pse ai rezultonte zyrtarisht i regjistruar si banor i rrugës së Qelqit. Se për cilën parti politike unë nuk mund ta them se nuk kam dokument ta them, por ju garantoj se ishte i përfshirë në fushatë dhe priste të hapte thesin për fushatën. Kam informacion dhe të dhëna nga policia që ishte i përfshirë në fushatë elektorale”, theksoi gazetarja.

Behar Sofia i ekzekutuar sot paradite, njihej si njeri i afërt me persona me lidhje të forta me Ilir Metën dhe LSI./ CNA.al

Gazetari Artan Hoxha ka folur mbrëmjen e sotme për atentatin që tronditi sot Tiranën, ku u vra në mes të kryeqytetit Behar Sofia, i njohur ndryshe si Fatmir Sofia.

Hoxha tregoi në Abc News se Sofia ka qenë emër i njohur për blutë, pasi më parë ai ka qenë anëtar i Forcave të Armatosura.

“Ngjarja e sotme është shumë e rëndë për mënyrën si ndodhi, orarin dhe vendi., Këto janë vrasje me mesazh brenda. Mesazhi në këtë rast nuk ka objektiv vetëm ekzekutimin e viktimës. Më duket e ngjashme me vrasjen e bankierit Santos, para bankës për t’i çuar mesazh objektivit. Kjo është tipike vrasje mafioze me vrasës të paguar ku ezkekutori nuk ka lidhje me viktimën. Në vendin e ngjarjes është parë një qitës i vetëm.

Kjo mund të jetë bërë për lehtësi për ta nxjerrë atë nga vendi i ngjarjes. Ajo që është fakt është se kemi të bëjmë me një vrasës të vetëm. Është një nga personazhet më të vjetër në qarkullim. Ka qenë aktiv për më shumë se dy dekada. Pas ardhjes së demokracisë, ai është me të kaluar ushtarake. Ka qenë pjesë e FA dhe pastaj është larguar drejt Turqisë. Për herë të parë ka dalë me emrin Fatmir Sofia në vitin 1998. Ka qenë një emër në qarkullim që askush nuk i afrohej”, theksoi gazetari./ CNA.al