Kronika
I shpallur në kërkim për tentativë vrasjeje/ Arrestohet 38 vjeçari nga Tropoja
Policia ka vënë në pranga një 38 vjeçar nga Tropoja, pasi ishte sjpallur në kërkim për veprën penale “Vrasje me paramendim e mbetur në tentativë”, kryer në bashkëpunim dhe “Mbajtja pa leje e armëve dhe municioneve luftarake”.
Mësohet se 38-vjeçari i indetifikuar me inicialet R.H ka qëlluar me armë zjarri drejt një lokali në fshatin Sopot. Ngjarja ka ndodhur më datë 25.05.2020 dhe brenda lokalit ndodheshin shtetasit B. Rr. dhe G. Rr, të cilët dyshohet se ishin shënjeshtrat e atentatit.
Në përfundim të veprimeve hetimore janë identifikuar dhe shpallur në kërkim autorët e dyshuar të kësaj ngjarjeje, shtetasit R. H. dhe G. K. Gjithashtu është shpallur në kërkim shtetasi G. Rr., i cili është kundërpërgjigjur me armë nga brenda lokalit, pas konfliktit për motive të dobëta.
Ndërkohë vijon puna për kapjen e shtetasve G. K. dhe G. Rr. Materialet iu referuan Prokurorisë së Rrethit Gjyqësor Tropojë, për veprime të mëtejshme./CNA.al
Kronika
Aksident në aksin Lushnjë-Divjakë/ Humbin jetën dy persona
Një aksident automobilistik ka ndodhur në aksin Lushnjë-Divjakë ka ndodhur pasditen e sotme ku dy persona kanë humbur jetën.
Mësohet se një makinë ka përplasur një motor dhe për pasojë kanë humbur jetën drejtuesi 51-vjeçar, Arben Sina dhe pasagjeri i tij.
Drejtuesi i automjetit është shoqëruar në komisariat për veprime të mëtejshme.
Grupi hetimor po punon për zbardhjen e rrethanave të ngjarjes./CNA.al
Kronika
Vrau 17-vjeçaren Griselda Gjikolajn/ Prokuroria kërkon burgim të përjetshëm për autorin
Gjykata e Tiranës ka dhënë masën e sigurisë, arrest për jetë për Robert Përperaj i cili akuzohet për vrasjen e 17-vjeçares Griselda Gjikolajt tre vite më parë.
17-vjeçarja bashkë me vëllain e saj binjak jetonin të vetëm në Tiranë pasi prindërit ishin të divorcuar. Babai i saj jetonte në zonën e Kurbneshit në Mirditë, ndërsa mamaja në Itali. Ngjarja e rëndë ndodhi më 26 nëntor të vitit 2019. Një përplasje mes të rinjve la të vrarë Griselda Gjikolaj 17-vjeçe dhe të plagosur shokun e saj Erjon Benga. Dy plumba në kokë shkaktuan vdekjen e 17-vjeçares.
Prepepaj u konfliktua më parë me Bengën pranë fushës së aviacionit në Tiranë për shkakun se Prepepaj përndiqte Gjikolën. Nga hetimet paraprake thuhet se Benga i ka kërkuar atij që të mos i ngacmonte të fejuarën e mikut të tij, Samirit dhe në zënkë e sipër e ka qëlluar./CNA.al
Kronika
Tragjedia në Berat/ Gjendet një tjetër trup i pajetë nga shtëpia e shkrumbuar
Zbardhen detaje të reja tragjike nga zjarri i një shtëpie natës së kaluar në lagjen “Muzakaj”, në Berat.
Është bërë me dije se në vijim të veprimeve hetimore të kryera nga grupi hetimor, gjatë këqyrjes së vendit të ngjarjes është gjetur një tjeter trup i djegur, i cili dyshohet se është shtetasi M.V., 37 vjeç, i biri i shtetasit J.V.
Trupi i pajetë është dërguar në morgun e Spitalit Rajonal Berat. Pak orë më parë është gjendur mes shkrumbëve edhe trupi i pajetë i 61-veçarit Jovan Vangjeli./CNA.al
