Connect with Us

Gjermania reagon ashpër: Të lirohet menjëherë Aleksej Nawalny

Bota

Gjermania reagon ashpër: Të lirohet menjëherë Aleksej Nawalny

Publikuar

-

Arrestimi i kritikut të Kremlinit, Aleksej Navalny pas mbërritjes në Moskë të dielën, shkaktoi reagime ndërkombëtare. Edhe Gjermania reagon ashpër dhe kërkon lirimin e menjëhershëm të opozitarit rus.

Ministri i Jashtëm gjerman, Heiko Maas ka kërkuar të hënën (18.01) lirimin e menjëhershëm të kritikut rus, Aleksej Navalny. Rusia duhet të respektojë kushtetutën e saj dhe është e lidhur përmes detyrimeve ndërkombëtare me parimin e ligjshmërisë dhe ruajtjen e të drejtave qytetare. “Këto parime duhet sigurisht të zbatohen edhe në drejtim të Aleksej Navalnyt. Ai duhet të lirohet pa vonesë.”

Navalny pas shërimit është kthyer vetë dhe me vetëdije nga Gjermania në Rusi. “Që ai arrestohet nga autoritetet ruse menjëherë pas mbërritjes së tij është tërësisht e pakuptueshme”, ka theksuar Maas. Më tej ministri i Jashtëm gjerman, ka theksuar se “Navalny është viktimë e një atentati të rëndë me helm në tokën ruse”. Qeveria gjermane pret për më tej që “Rusia të bëjë gjithçka, për të zbardhur tërësisht këtë atentat dhe të nxjerrë para përgjegjësisë autorët e tij.”

Rasti Navalny solli tensionim të marrëdhënieve diplomatike mes Gjermanisë dhe Rusisë vitin e kaluar. Qeveria gjermane dhe vende të tjera perëndimore bëjnë fjalë për një përpjekje për vrasje, gjatë së cilës Navalny u helmua me një lëndë luftarake helmuese të njohur si Novitçok. Qeveria në Moskë hedh poshtë çdo lloj përzierjeje në rastin e helmimit të Navalnyt.

LEXO EDHE:  Skandali/ Prokurori i Tiranës liron atentatorët e Andon Dhimës

Gazeta amerikane “New York Times” shkruan mbi arrestimin e Navalnyt të hënën, se “represioni është e vetmja rrugë që njeh Putini. Por ai është duke kuptuar, se në epokën e mediave sociale, çdo arrestim për shkak të akuzave të shpikura vetëm i shton përkrahësit e zotit Navalny dhe forcon akuzat e tij (Navalnyt) kundër korrupsionit të pushtetmbajtësve rusë (…).

Të dielën (17.01), Navalny pak pas mbërritjes me avion në Moskë u arrestua. 44 vjeçari ishte që nga gushti në Gjermani, ku ai erdhi pas helmimit dhe qëndroi për rehabilitim pas daljes nga spotali. Autoritetet ruse kishin bërë të ditur më parë arrestimin e tij duke iu referuar një procedure penale kundër tij. Navalny kërcënohet nga tre vite burg në Rusi./DW

Për të rejat më të fundit behuni pjesë e grupit tonë në facebook : City News Albania

Bota

Falsifikonin vaksinat anti-Covid/ Arrestohen 80 persona

Publikuar

-

Nga

Falsifikonin vaksinat anti-Covid/ Arrestohen 80 persona

Mbi dy mijë doza të vaksinës anticovid të falsifikuara janë sekuestruar në Kinë dhe në Afrikën e Jugut.

Lajmi është bërë i ditur nga Interpol, i cili dhe më herët ka ngritur alarmin se vaksinat do të ishin objektiv kryesor për organizatat kriminale.

Rreth 400 ampula, ekuivalente me rreth 2,400 doza të vaksinës se rreme u gjetën në një depo në Kinë së bashku me një sasi të madhe maskash. Policia arrestoi 80 persona në një fabrikë që pretendohet se prodhonte vaksinë false.

LEXO EDHE:  Zbardhet apelimi i Prokurorisë për Endrit Doklen/ Pse është i paligjshëm lirimi nga burgu

LEXO EDHE:  Prostitucion nëpër qendra estetike/ Gjykata merr vendimin për Zogun e Tiranës

Hetimet vazhdojnë dhe Interpol po merr gjithashtu raporte shtesë të shpërndarjes të vaksinave false dhe përpjekjeve të mashtrimit që synojnë organet shëndetësore, të tilla si shtëpitë e të moshuarve./CNA.al

LEXO TE PLOTE

Kosova & Rajoni

Situata e Covid në Kosovë/Zemaj paralajmëron ashpërsim të masave

Publikuar

-

Nga

Ministri në detyrë i Shëndetësisë së Kosovës, Armend Zemaj ka deklaruar se nesër do të bëhet vlerësimi i masave anticovid dhe në rast shtimi të rasteve, masat do të ashpërsohen.

Në mbledhjen e sotme të Komitetit për Koordinim dhe Vlerësim të Situatës me COVID-19, Zemaj deklaroi se në bazë të situatës mund të ketë ashpërsim të masave dhe kufizim të lëvizjes.

“Do të vlerësohen edhe më tej masat dhe aktivitetet për të parandaluar infeksionin. Nëse kemi rrezikshmëri dhe rritje të numrit të rasteve, masat do të jenë më rigoroze, do të ketë edhe kufizim të lëvizjes dhe aktiviteteve tjera. Duhet të vazhdojë ndalesa për të gjitha takimet që konsiderohen shpërndarëse të infeksionit. Aktivitetet duhet të jenë të organizuara sipas manualit për pandeminë. Institucionet publike dhe ato private duhet të funksionojnë duke iu përmbajtur strikt manualit”-theksoi Zamaj./CNA.al

LEXO TE PLOTE

Kosova & Rajoni

Kosovë/KQZ shpall zyrtarisht fitues VV, Vjollca Osmani deputetja më e votuar

Publikuar

-

Nga

Komisioni Qëndror i Zgjedhjeve në Kosovë ka shpallur zyrtarisht rezultatin e zgjedhjeve të mbajtura në 14 shkurt.

Rezultatet i ka bërë të ditura kryetarja e KQZ-së Valdete Daka, ku në krye të listës kryeson Lëvizja Vetëvendosje me 438 mijë e 334 vota. Pas Vetë Vendosjes partia e dytë më e votuar është Partia Demokratike e Kosovës me 148 mijë e 296 vota.

Vjosa Osmani e cila mban detyrën si Presidente në Kosovë ka arritur të jetë deputetja më e votuar në zgjedhjet e 14 shkurtit duke siguruar 300 mijë e 788 vota.

LEXO EDHE:  Lirimi i “të fortëve”/ Manjani në dyshim: Për çfarë i duhen burgjet shtetit?!

LEXO EDHE:  Lirimi i “të fortëve”/ Manjani në dyshim: Për çfarë i duhen burgjet shtetit?!

“Numri i votuesve 814 mijë e 122 votues. Numri i votuesve 89 mijë e 257 votues jashtë kutive të votimit. Pjesëmarrja në votime 48.77%. Lëvizja Vetëvendosje ka marr 438 mijë e 334 vota, PDK’ja 148 mijë e 296 vota dhe e treta ka përfunduar Lidhja Demokratike e Kosovës me 110 mijë 978 vota, AAK’ja 62 mijë e 111 vota. Lista Serbe 44 mijë e 404 vota”, u shpreh Daka./ CNA.al

LEXO TE PLOTE