Sociale
Masat anti-Covid/ Ministria e Arsimit ndryshon rregullat në shkolla
Ministrja e Arsimit Evis Kushi, ka njoftuar rregullat e reja për sa i përket masave anti-Covid nëpër shkolla në kuadër të uljes së temperaturave.
Përmes një postimi në rrjetet sociale, Kushi ka thënë se klasat do të ajrosen 5-6 herë gjatë kohës së mësimit, ndaj i bën thirrje mësuesve të respektojnë protokollin anti-Covid, por edhe të ruajnë një temperaturë konstante në klasë.
“Shëndeti i nxënësve dhe stafit mësimor është prioritet kryesor i Ministrisë së Arsimit, Sportit dhe Rinisë.
Prandaj, duke marrë shkas nga temperaturat e ulëta në të gjithë vendin, si dhe shqetësimet e drejta të prindërve, ndjejmë të nevojshme të nënvizojmë se Udhëzuesi për fillimin e vitit shkollor 2020-2021, në respekt të udhëzimeve të MSHMS, duke marrë parasysh edhe ndyshimet e temperaturave sipas stinëve, nuk kërkon në mënyrë absolute mbajtjen hapur gjatë gjithë kohës të dritareve, por lejon edhe ajrosjen e klasave disa herë gjatë ditës. Më saktësisht, në të shprehet qartë se: “DRITARET DUHET TË MBAHEN TË HAPURA OSE TË PAKTËN TË AJROSEN 5-6 HERË GJATË KOHËS SË MËSIMIT”.
Prandaj kërkojmë nga të gjitha Institucionet Arsimore që të kenë në vëmendje zbatimin e këtij udhëzimi, duke u kujdesur maksimalisht edhe për mbajtjen e një temperature konstante në klasë, me qëllim mbrojtjen e shëndetit të nxënësve dhe mësuesve.”/CNA.al
Sociale
Parashikimi i motit/ Si pritet të jenë temperaturat nesër
Ashtu si ditën e sotme, edhe nesër vendin e pret një ditë tjetër e qëndrueshme.
Moti parashikohet i kthjellët me vranësira të pakta kalimtare kryesisht në relievet malore.
Sipas Shërbimit Meteorologjik, në orët e mëngjesit përgjatë zonave luginore prezencë mjegulline lokale. Era do të fryjë juglindje dhe veriperëndim e lehtë e përkohësisht mesatare në bregdet.
Valëzimi do të jetë i forcës 2-3 ballë, ndërsa temperaturat parashikohen në:
zonat malore 0°C deri në 13°C
zonat e ulëta 4°C deri në 19°C
zonat bregdetare 5°C deri në 19°C./ CNA.al
Sociale
Priste të martohej/ 27-vjeçarja nga Berati humb jetën te “Shefqet Ndroqi”
Një 27-vjeçare nga Berati, ka humbur betejën me Covid, duke ndërruar jetë në spitalin “Shefqet Ndroqi”.
E reja Ariola Sakollari (Gjeçi) u prek nga koronavirusi 3 javë më parë dhe fillimisht u shtrua në Repartin Covid-19 në Spitalin Rajonal të Beratit, por për shkak të gjendjes u transportua në Tiranë ku qëndroi 3 ditë në intubim.
Sipas familjarëve e reja që priste të martohej së shpejti por nuk ka mundur t’ia dalë.
Me gjithë përpjekjet e mjekëve për ta shpëtuar 27-vjeçarja gjeti vdekjen pasditen e djeshme në këtë spital.
E reja nuk vuante nga sëmundje të tjera shoqëruese priste të martohej së shpejti por virusi vdekjeprurës e ndau nga i fejuari dhe familja e saj në lulen e rinisë./CNA.al
Sociale
“Çohuni një orë më parë dhe kapni autobusin që nuk ka fluks”/ Rakacolli: Fjala ime u keqinterpretua
Kryetarja e Komitetit Teknik të Ekspertëve, Mira Rakacolli sqaroi deklaratën e dhënë disa ditë më parë ku u shpreh se qytetarët duhet të zgjohen një orë më përpara dhe të arrinin autobusët që kishin më pak njerëz.
E ftuar në ‘A2 Cnn’ajo sqaroi se deklarata e saj ishte keqkuptuar.
“Ka ndodhur një keqkuptim dhe keqinterpretim për atë që jam shprehur. Se situata në autobusë është e ngarkuar, është vend ku mund të merret infeksioni dhe përgjigja ime është drejtuar qytetarëve dhe nuk është thënë përgjigja tjetër që nëse e shihni që autobusi është plot mos hipni, se ju infektoni familjarët, por jo se nuk duhen shtuar kontrollet në autobusë. Ka qenë një këshillë praktike dhe është thënë qartazi dhe janë përcaktuar protokollet që ky transport të mos bëhet vatër infeksioni dhe jo çdo gjë të bazohet te protokollet. Ajo që më bën përshtypje është që fokusohemi te përgjigjet negative dhe jo te mesazhi. Kur e shohin që autobusët janë të ngarkuar të mos hipin, pavarësisht masave që ne marrim. Ndoshta me të drejtë është keqinterpretuar patjetër që duhet vëmendje e shtuar dhe nuk duhet të pranojnë të hipin të tjerë. Duhen më shumë kontrolle masa ndëshkuese edhe për operatorët. Është e pamundur që fizikisht që në çdo orar dhe autobus të çosh nga një kontrollor”-është shprehur ajo./CNA.al
