Connect with Us

Opinion/ CDU-ja zgjedh vazhdimësinë

Bota

Opinion/ CDU-ja zgjedh vazhdimësinë

Publikuar

-

Opinion: CDU-ja zgjedh vazhdimësinë

Në mesin e pandemisë së Coronës, Armin Laschet i premtoi partisë së tij vazhdimin e kursit dhe stilit politik të Angela Merkelit. Laschet do të jetë kapiten i ekipit, të mbajë të bashkuar partinë dhe vendin. Asnjë rrezikim, por besim dhe besueshmëri. Me fitoren e tij Laschet e ka të siguruar si opcion pushteti postin e kancelarit. Nëse ai i futet edhe garës si kandidat për kancelar kjo nuk është vendosur ende. Si kreu i partisë ai ka të drejtën i pari për kandidaturën. Armin Laschet e ka thënë qartë, se ai është gati edhe për postin e kancelarit.

Dy konkurrentë në pritje

Por në sfond dy konkurrentë të fortë presin për shansin e tyre. Të dy kanë vlera të larta në sondazhe. Markus Söder, kryeministri bavarez dhe kryetar i partisë kristiansociale, CSU. Si edhe Jens Spahn, partneri i ekipit të Laschetit në kandidaturën për kreun e partisë. Si ministër i Shëndetësisë ai është në mënyrë të vazhdueshme prezent në media në kohën e pandemisë, dhe në sondazhet e popullaritetit madje ka kaluar edhe kancelaren Merkel.

Vullneti për të qeverisur – pas këtij synimi është mbledhur gjithmonë CDU-ja. Kjo parti ka një pretendim të qartë për pushtet. Në këtë pikë bëhet fjalë tani për kandidatin me më shumë shanse. Pavarësisht dëshirave personale për pushtet, Armin Laschetit mund t’i besohet, se ai ka parasysh, edhe se cili kandidat ka për Unionin shanset më të mira për suksesin në zgjedhje. Kjo e dallon atë nga konkurrenti i mundur, Friedrich Merz. E pikërisht për këtë ai fitoi tek të deleguarit.

Detyra kryesore e Laschetit këtë moment është të pozicionojë me një strategji të mençur dhe me përmbajtje CDU-në. Partia CDU u ndodh vërtet para zgjedhjes së kursit të saj. Ajo vendosi kundër zhvendosjes përmbajtësore nga e djathta dhe me këtë doli kundër Friedrich Merzit. Ai dëshironte një parti dukshëm më konservatore, me një profil më liberal në ekonomi. Armin Laschet përkundrazi nuk do të heqë dorë nga strategjia e suksesit të Merkelit, i votueshëm edhe nga ata që e vendosin veten pak më majtas se qendra. Një ndryshim themelor, një fillim i ri nuk pritet me të. Laschet do të drejtojë me ton të moderuar e do të theksojë socialen dhe komunitetin.

LEXO EDHE:  Nga prodhimi i vaksinës e deri të miratimi i saj për përdorim emergjent/ Rrëfimi i themeluesit të BioNtech

Ndërmjetësim dhe baraspeshim

Por vetëm nëse ai e tërheq të gjithë partinë pas vetes, Laschet ka shansin që të bëhet edhe vetë kancelar për kandidat. Rivali i tij, Friedrich Merz ka polarizuar shumë. Ai ka përkrahës të flaktë, që janë të zhgënjyer tani. Por Laschet qëndron për ndërmjetësim dhe baraspesim, edhe për këtë e votuan atë të deleguarit.

Ndërmjetësim, baraspeshim, kërkim i zgjidhjeve dhe kompromisit – pikërisht për këtë stil njihet Angela Merkel. Pikërisht për këtë ajo është kaq e vlerësuar në botë, sidomos në Europë. Ajo konsiderohet aty si mishërim i negociatave të duruara dhe kompromisit. Partnerët ndërkombëtarë të Gjermanisë nuk do të presin me Armin Laschetin as gjurulldi dhe as konfrontim, edhe në politikën e jashtmë ai qëndron për një “edhe më tej kështu”. Laschet është një europian i bindur. Promarrëdhënieve transtatlantike. Ai thekson sigurinë e brendshme dhe të jashtme. Politikën e refugjatëve të Angela Merkelit Laschet e mbështeti në mënyrë aktive.

Lufta për kandidaturën e kancelarit është hapur

Kroll Katharina Kommentarbild App

Laschet në konkurrimin e tij vuri të parën frymën e ekipit. Jo vetëm, pse në këtë garë ai doli së bashku me ministrin e Shëndetësisë, Jens Spahn, paraqitja e tij është integrative, dhe jo përjashtuese. Ai rrezaton ngrohtësinë dhe harenë e zonës së Rinit. Politika e ftohtë e pushtetit nuk është tipar i tij. Si kryeministër i landit të Renani-Veriore Vestfalisë ai ka marrë në kabinet një ekip të fortë, ministrat e tij kanë fituar pikë me kompetencë profesionale duke i rritur vlerat e popullaritetit të tij.

Në sondazhet aktuale, CDU-ja kryeson pakontestueshëm si partia më e fuqishme. Këtë fuqi ajo e ka edhe falë popullaritetit të Angela Merkelit, përkundër kësaj, Armin Laschetin nuk e dëshiron shumica e gjermanëve si kancelar të ardhshëm. Në pandeminë e Coronës politika është bërë më e paparashikueshme se kurrë. Varet nga gjetja e përgjigjeve të duhura për krizën dhe menaxhimi më i mirë. Tani raundi tjetër për luftën se kush do të pasojë Angela Merkelin si kancelar u hap./dw

Për të rejat më të fundit behuni pjesë e grupit tonë në facebook : City News Albania

Kosova & Rajoni

Kosovë/KQZ shpall zyrtarisht fitues VV, Vjollca Osmani deputetja më e votuar

Publikuar

-

Nga

Komisioni Qëndror i Zgjedhjeve në Kosovë ka shpallur zyrtarisht rezultatin e zgjedhjeve të mbajtura në 14 shkurt.

Rezultatet i ka bërë të ditura kryetarja e KQZ-së Valdete Daka, ku në krye të listës kryeson Lëvizja Vetëvendosje me 438 mijë e 334 vota. Pas Vetë Vendosjes partia e dytë më e votuar është Partia Demokratike e Kosovës me 148 mijë e 296 vota.

Vjosa Osmani e cila mban detyrën si Presidente në Kosovë ka arritur të jetë deputetja më e votuar në zgjedhjet e 14 shkurtit duke siguruar 300 mijë e 788 vota.

LEXO EDHE:  Zbardhet biseda mes Ramës dhe deputetit gjerman që kritikoi qeverinë

LEXO EDHE:  Çfarë do të ndodhë, kur gripi të kombinohet me Covid-19 në vjeshtë dhe dimër?

“Numri i votuesve 814 mijë e 122 votues. Numri i votuesve 89 mijë e 257 votues jashtë kutive të votimit. Pjesëmarrja në votime 48.77%. Lëvizja Vetëvendosje ka marr 438 mijë e 334 vota, PDK’ja 148 mijë e 296 vota dhe e treta ka përfunduar Lidhja Demokratike e Kosovës me 110 mijë 978 vota, AAK’ja 62 mijë e 111 vota. Lista Serbe 44 mijë e 404 vota”, u shpreh Daka./ CNA.al

LEXO TE PLOTE

Kosova & Rajoni

Rritja e rasteve me Covid/ Rikthehet karantina totale në shumë qytete të Greqisë

Publikuar

-

Nga

Rritja e rasteve me Covid/ Rikthehet karantina totale në shumë qytete të Greqisë

Zëvendës Ministri i Mbrojtjes Civile dhe Menaxhimit të Krizave, Nikos Hardalias ka njoftuar masat e reja anti-covid në Greqi.

Duke filluar që nga data 6 Mars deri më 16 Mars në 6 të mëngjesit do të futen në karantinë qytetet përfshin Atikën, Akainë, Arkadinë, Selanikun, Larisën, Lefkadën jashtë Meganisi, Fthiotida, Argolida, Korinth, Thesprotia, Arta, Samos, Boeotia, Chios, Etoloakarnania, Rodos, Evia jashtë Skyros si dhe Komunat e Kalymnia, raportojnë mediat greke.

Kështu, në të gjitha zonat me “të kuqe të thellë “, operacioni i shitjes me pakicë është pezulluar, si dhe funksionimi i drejtpërdrejtë i shkollave në të gjitha nivelet, me përjashtim të arsimit special. Mësimi tashmë do të jetë online.

Në zonat që janë në “të kuqe “, mësimi në shkollat ​​e mesme do të bëhet në distancë, ndërsa në nivelet e tjera do të zhvillohet normalisht në klasa.

LEXO EDHE:  Vaksinuar – po tani?

LEXO EDHE:  Çfarë do të ndodhë, kur gripi të kombinohet me Covid-19 në vjeshtë dhe dimër?

Hardalias deklaroi se ndryshimet e mëposhtme zbatohen për SMS në të gjithë Greqinë, pavarësisht nga rreziku epidemiologjik:

Në SMS 2 për lëvizjen për furnizimin e mallrave bazë, por edhe në SMS 3 për degët bankare, lëvizja do të bëhet vetëm brenda komunave përkatëse ose në një distancë deri në 2 km.

Për SMS 6 në lidhje me sportin ose ecjen me një kafshë shtëpiake, do të bëhet ekskluzivisht në këmbë ose me biçikletë. Me fjalë të tjera, askush nuk do të jetë në gjendje të dërgojë kodin 6 në të gjithë Greqinë për të lëvizur me makinë ose motor.

Kush do të udhëtojë me SMS 4, organet mbikëqyrëse duhet t’i kërkojnë prova shtesë në mënyrë që të përcaktohet përshtatshmëria e udhëtimeve të jashtëzakonshme për qytetarët.

 

LEXO TE PLOTE

Bota

Partia AfD e ekstremit të djathtë, nën vëzhgim nga agjencia gjermane e zbulimit

Publikuar

-

Nga

Partia AfD e ekstremit të djathtë, nën vëzhgim nga agjencia gjermane e zbulimit

Media gjermane njoftoi të mërkurën se agjencia e zbulimit të brendshëm ka vënë nën vëzhgim partinë Alternativa për Gjermaninë për shkak të dyshimeve se ka shfaqur simpati për ekstremin e djathtë. Veprimi kundër partisë më të madhe të opozitës në parlament, vjen vetëm gjashtë muaj para zgjedhjeve të përgjithshme.

Partia Alternativa për Gjermaninë, ose AfD, ka luftuar në gjykatë kundër kësaj mase, duke argumentuar se publiciteti që pason një lëvizje e tillë kaq pranë zgjedhjeve të 26 shtatorit, do të dëmtonte shanset e partisë në zgjedhje.

Pas njoftimit të lajmit nga agjencia gjermane e lajmeve DPA, gazeta Der Spiegel, televizioni publik ARD dhe media të tjera, bashkëkryetari i partisë AfD, Tino Chrupalla akuzoi Zyrën Federale për Mbrojtjen e Kushtetutës, që njihet shkurtimisht si BfV, për nxjerrje të qëllimshme të informacionit në një përpjekje për të ndikuar opinionin publik për partinë.

Sjellja e BfV-së është “skandaloze”, tha ai për agjencinë e lajmeve DPA.

Zëdhënësi i Ministrisë së Brendshme Steve Alter nuk i konfirmoi dhe as i mohoi njoftimet dhe nuk komentoi për shkak të “procedurave në vazhdim”. BfV-ja gjithashtu refuzoi të komentonte për njoftimin.

Udhëheqësit e grupit parlamentarë të partisë AfD, Alexander Gauland dhe Alice Weidel thanë se vënia nën vëzhgim ishte “plotësisht e pajustifikuar dhe nuk kishte asnjë bazë”.

“Nuk është rastësi që ky informacion u nxorr për shtypin gjatë vitit të zgjedhjeve federale dhe vetëm disa ditë para dy zgjedhjeve të rëndësishme shtetërore”, thanë ata përmes një deklarate. “Po bëhet një përpjekje që synon të zvogëlojë shanset e AfD-së me ndihmën e agjencisë së brendshme të zbulimit”.

Partia AfD hyri në parlamentin e Gjermanisë si partia e tretë më e madhe në zgjedhjet e vitit 2017, duke përfituar nga një reagim kundër fluksit të më shumë se 1 milion azilkërkuesve në atë kohë. Aktualisht ajo është më e madhja nga katër partitë e opozitës në parlamentin e vendit dhe ka deputetë në të 16 asambletë shtetërore të vendit.

Partia është zhvendosur vazhdimisht në krahun e djathtë që kur u themelua në vitin 2013 me kritikat kundër monedhës së përbashkët evropiane. Disa figura të shquara janë larguar gjatë viteve të fundit, duke paralajmëruar se partia po merrej në kontroll nga ekstremistët e djathtë.

LEXO EDHE:  Joachim Sauer: Kush është burri në krah të Merkelit?

LEXO EDHE:  Ndryshojnë rregullat e karantinës/ Sa ditë do duhet të izolohet një i infektuar dhe kontaktet e tij të ngushta

Sondazhet e fundit tregojnë një mbështetje nga 9 deri në 11% për AfD-në, e cila fitoi 12.6% të votave në vitin 2017.

Masa e re për ta vënë gjithë partinë nën vëzhgim erdhi më shumë se dy vjet pasi agjencia BfV njoftoi se po shqyrtonte më nga afër komentet publike të bëra nga anëtarët e partisë dhe lidhjet e saj me grupet ekstremiste.

Në janar të vitit 2019, agjencia vuri degën e të rinjve të partisë, si dhe një fraksion të partisë të lidhur me një udhëheqës të shquar në Gjermaninë lindore, Bjoern Hoecke, në mbikëqyrje të fshehtë nën akuza për ekstremizëm.

Në atë kohë, agjencia BfV citoi qëllimin e deklaruar të organizatës rinore për krijimin e një vendi etnikisht të pastër dhe përpjekjet e fraksionit Hoecke – i njohur si “Krahu” – për të minimizuar të kaluarën naziste të Gjermanisë.

“Krahu” – tani zyrtarisht i shpërbërë, megjithëse përfaqësuesit e tij qëndrojnë në parti – ka sugjeruar gjithashtu se mund të përdorte mjete “revolucionare” për të arritur qëllimet e tij politike, duke garantuar kështu vëzhgimin e BfV-së.

Këshilli Qendror i Hebrenjve të Gjermanisë përshëndeti masën për ta klasifikuar të gjithë partinë si një “rast të dyshuar” të ekstremizmit dhe për ta vërë atë nën mbikëqyrje./ VOA

LEXO TE PLOTE