Connect with Us

Lockdwn, Megalockdown, ZeroCovidShutdown?/ Në Gjermani nervat janë të tendosuara

Bota

Lockdwn, Megalockdown, ZeroCovidShutdown?/ Në Gjermani nervat janë të tendosuara

Publikuar

-

Lockdwn, Megalockdown, ZeroCovidShutdown? - Në Gjermani nervat janë të tendosuara

Të nervozuar, pa zgjidhje, të dëshpëruar, me shpresë, të dorëzuar: Rrallë ka qenë kaq kontradiktore dhe kaq negative në masë të madhe gjendja në Gjermani si në muajin e 11-të të pandemisë. Të martën (19.01) kancelarja gjermane kërkon të zhvillojë një videokonferencë me kryeministrat e landeve për të vendosur ndoshta ashpërsime të reja në lockdownin aktualin, ose të kundërtën. Sepse njoftimi, se Merkel i sheh si të nevojshme 8-10 javë të tjera të ashpra ka sjellë një debat të fortë.

Ende nuk dihet, nëse pas mbylljes së pjesshme në nëntor, ashpërsimit të saj në dhjetor dhe zgjatjes në janar, në shkurt do të vijë mbyllja e plotë. Presidenti i Institutit Robert Koch, (RKI), Lothar Wieler, ka për këtë një qëndrim të qartë: “Këto masa, që po marrim tani, për mua ato nuk janë lockdown i plotë. Ka ende shumë përjashtime dhe ato nuk zbatohen me konsekuencë.”

Berlin

Symbolbild I Verlängerung des Lockdowns in Deutschland

Çfarë vlen më shumë: Mbrojtja nga infeksioni apo ekonomia?

Sipas mendimit të Wieler shumë njerëz në rrjetet sociale nën hashtaget si #MegaLockdown dhe #ZeroCovidShutdown debatojnë se çfarë nuk po shkon mirë dhe çfarë duhet të ndodhë – drejtimi i përbashkët: Nëse krahas shkollave dhe kopshteve, mbyllen edhe sipërmarrjet, zyrat dhe transporti publik, atëherë të gjithë do të qëndronin në shtëpi, do të hiqnin dorë nga kontaktet dhe kështu do t’i hiqnin bazën jetësore virusit.

Por sa realist është një skenar i tillë dhe çfarë sakrificash kërkon ai? Fakt është se masat e deritanishme nuk e kanë ulur si duhet kurbën e infektimeve, shifrat janë larg kufirit të synuar 50 infektime të reja ndër 100.000 banorë në shtatë ditë. Zyra Federale e Statistikave ka bërë të ditur, se në fund të vitit të kaluar kanë ndërruar jetë më shumë vetë se në mesataren e viteve të kaluara.

Drita në fund të tunelit ende larg

Vaksinimi ka filluar, por ka pak vaksina që të arrihej tani një luftim i suksesshmëm i pandemisë. Në një kohë që furnizuesi Pfizer ka bërë të ditur, se për shkak të rikonstruksionit të fabrikës së tij në Puurs, Belgjikë, nuk mund të përmbushë sasinë e premtuar të vaksinave për 3-4 javët e ardhshme.

Lothar Wieler

Deutschland | Pressekonferenz: Lothar Wieler zur aktuellen Covid-19 Lage

Kësaj i shtohet vështirësia se në Britainë e Madhe dhe Irlandë, por edhe në Afrikën Jugore është vërtetuar një mutacion i ri mjaft infektues i virusit. Kjo i bën politikanët nervozë. Si mund të pengohet përhapja e tij? “Ekziston mundësia që gjendja të përkeqësohet”, thotë kreu i RKI, Lothar Wieler.

Tani të gjithë i kanë sytë tek ekonomia: Në mbylljen e parë në pranevrë 2020 duhet të mbyllnin dyert shumë sipërmarrje. Pasoja – një rënie masive e koniunkturës, që të kujton pasojat e krizës financiare 2008/2009. Kjo nuk duhej të ndodhte më –  tani firmat punojnë, makineritë prodhohen. Në këtë formë lockdownin mund ta durojmë gjatë, tha ministri federal i Financave, Olaf Scholz

LEXO EDHE:  Rastet me Covid rriten frikshëm/ Evropa është e ndarë mbi bllokimet

Homeoffice

Por ajo që debatohet fort është, se mund të punohej më shumë në shtëpi, për punët para tavolinës së shkrimit. Gjysma e vendeve të punës në Gjermani janë punë zyre. Një sondazh i Fondacionit i afërt më sindikatat, Hans-Böckler Stiftung ka arritur në përfundimin, se në mbylljen e parë 27% e punonjësve kanë punuar në Homeoffice, në nëntor vetëm 14%.

Profesori i ekonomisë në Universitetin e Bonnit, Hans-Martin von Gaudecker ka llogaritur se puna nga shtëpia ka një influencë të madhe në zhvillimin e pandemisë. Nëse që nga fillimi i tetorit do të kishte punuar 1% e punëmarrësve më shumë në Homeoffice, atëherë Gjermania në krishtlindje do të kishte 7% më pak infektime. A mund të jetë ky shpëtimi? Me një apel të pazakontë presidenti gjerman, Steinmeier u shpreh të premten bashkë me presidentin e Organizatës së Punëdhënësve Gjermanë dhe kreun e Organizatës së Sindikatave për më shumë punë nga shtëpia. „Çdo lëvizje me metro apo autobus që mund të mënjanohet ndihmon”, tha Steinmeier.

Homeoffice mit Kindern

Presidenti i Punëdhënësve Gjermanë, Rainer Dulger e formuloi ndryshe. “E dimë, se homeoffice për shumë sipërmarrje paraqet një vështirësi financiare, organizative dhe problematike në sigurinë e të dhënave”, tha Dulger, që pranoi se puna nga shtëpia është një përjashtim që e kërkon pandemia aktuale.

Edhe shoqatat e sindikatave shohin anë negative të punës nga shtëpia. Kreu i DGB-së, Reiner Hoffmann, thotë se për shumë njerëz puna nga shtëpia është problematike. Vërtet që krahas shumë njerëzve që punojnë me dëshirë nga shtëpia, ka edhe nga ata që pas muajsh në homeoffice duan sa më shpejt të jetë e mundur të kthehen në zyra. Sidomos ata që jetojnë vetëm, nuk e durojnë dot më vetminë. Të tjerë janë të dëshpëruar, që shkollat e kopshtet janë mbyllur dhe nuk mund të punojnë të pashqetësuar në shtëpi. 38% e atyre punëmarrësve me fëmijë, sipas një sondazhi të Spiegel-it, e refuzojnë punën nga shtëpia.

E martë ora 14:00

Se cilat masa do të merren të martën do të kuptohet në ditët e ardhshme. Një detyrim për homeoffice sipas zëdhënësit të qeverisë, Steffen Seibert nuk pritet të ketë, por me gjasa punëdhënësit duhet të argumentojnë më mirë, pse nuk e lejojnë homeoffice.

“Për ndryshimin nuk kemi vendosur akoma, sepse kemi shumë shembuj të mirë, që firmat, sipërmarrjet dhe zyrat e ofrojnë punën nga shtëpia në masë të gjerë”, ka u shpreh kancelarja Merkel pas konferencës së fundit me kryeministrat e landeve. Theksi ishte tek “akoma”./dw

 

Për të rejat më të fundit behuni pjesë e grupit tonë në facebook : City News Albania

Kosova & Rajoni

Situata e Covid në Kosovë/Zemaj paralajmëron ashpërsim të masave

Publikuar

-

Nga

Ministri në detyrë i Shëndetësisë së Kosovës, Armend Zemaj ka deklaruar se nesër do të bëhet vlerësimi i masave anticovid dhe në rast shtimi të rasteve, masat do të ashpërsohen.

Në mbledhjen e sotme të Komitetit për Koordinim dhe Vlerësim të Situatës me COVID-19, Zemaj deklaroi se në bazë të situatës mund të ketë ashpërsim të masave dhe kufizim të lëvizjes.

“Do të vlerësohen edhe më tej masat dhe aktivitetet për të parandaluar infeksionin. Nëse kemi rrezikshmëri dhe rritje të numrit të rasteve, masat do të jenë më rigoroze, do të ketë edhe kufizim të lëvizjes dhe aktiviteteve tjera. Duhet të vazhdojë ndalesa për të gjitha takimet që konsiderohen shpërndarëse të infeksionit. Aktivitetet duhet të jenë të organizuara sipas manualit për pandeminë. Institucionet publike dhe ato private duhet të funksionojnë duke iu përmbajtur strikt manualit”-theksoi Zamaj./CNA.al

LEXO TE PLOTE

Kosova & Rajoni

Kosovë/KQZ shpall zyrtarisht fitues VV, Vjollca Osmani deputetja më e votuar

Publikuar

-

Nga

Komisioni Qëndror i Zgjedhjeve në Kosovë ka shpallur zyrtarisht rezultatin e zgjedhjeve të mbajtura në 14 shkurt.

Rezultatet i ka bërë të ditura kryetarja e KQZ-së Valdete Daka, ku në krye të listës kryeson Lëvizja Vetëvendosje me 438 mijë e 334 vota. Pas Vetë Vendosjes partia e dytë më e votuar është Partia Demokratike e Kosovës me 148 mijë e 296 vota.

Vjosa Osmani e cila mban detyrën si Presidente në Kosovë ka arritur të jetë deputetja më e votuar në zgjedhjet e 14 shkurtit duke siguruar 300 mijë e 788 vota.

LEXO EDHE:  14.000 raste infektimi, 20 viktima/ Si po e mund Gjermania koronavirusin

LEXO EDHE:  Numër i lartë viktimash në Kosovë/ Regjistrohen 271 të infektuar në 24 orë

“Numri i votuesve 814 mijë e 122 votues. Numri i votuesve 89 mijë e 257 votues jashtë kutive të votimit. Pjesëmarrja në votime 48.77%. Lëvizja Vetëvendosje ka marr 438 mijë e 334 vota, PDK’ja 148 mijë e 296 vota dhe e treta ka përfunduar Lidhja Demokratike e Kosovës me 110 mijë 978 vota, AAK’ja 62 mijë e 111 vota. Lista Serbe 44 mijë e 404 vota”, u shpreh Daka./ CNA.al

LEXO TE PLOTE

Kosova & Rajoni

Rritja e rasteve me Covid/ Rikthehet karantina totale në shumë qytete të Greqisë

Publikuar

-

Nga

Rritja e rasteve me Covid/ Rikthehet karantina totale në shumë qytete të Greqisë

Zëvendës Ministri i Mbrojtjes Civile dhe Menaxhimit të Krizave, Nikos Hardalias ka njoftuar masat e reja anti-covid në Greqi.

Duke filluar që nga data 6 Mars deri më 16 Mars në 6 të mëngjesit do të futen në karantinë qytetet përfshin Atikën, Akainë, Arkadinë, Selanikun, Larisën, Lefkadën jashtë Meganisi, Fthiotida, Argolida, Korinth, Thesprotia, Arta, Samos, Boeotia, Chios, Etoloakarnania, Rodos, Evia jashtë Skyros si dhe Komunat e Kalymnia, raportojnë mediat greke.

Kështu, në të gjitha zonat me “të kuqe të thellë “, operacioni i shitjes me pakicë është pezulluar, si dhe funksionimi i drejtpërdrejtë i shkollave në të gjitha nivelet, me përjashtim të arsimit special. Mësimi tashmë do të jetë online.

Në zonat që janë në “të kuqe “, mësimi në shkollat ​​e mesme do të bëhet në distancë, ndërsa në nivelet e tjera do të zhvillohet normalisht në klasa.

LEXO EDHE:  Rritja e frikshme e rasteve me Covid/ Tritan Kalo flet për mundësinë e një karantine të dytë

LEXO EDHE:  Rritja e rasteve me Covid/ Austria shtrëngon masat: Prej 14 shtatorit rregulla të reja!

Hardalias deklaroi se ndryshimet e mëposhtme zbatohen për SMS në të gjithë Greqinë, pavarësisht nga rreziku epidemiologjik:

Në SMS 2 për lëvizjen për furnizimin e mallrave bazë, por edhe në SMS 3 për degët bankare, lëvizja do të bëhet vetëm brenda komunave përkatëse ose në një distancë deri në 2 km.

Për SMS 6 në lidhje me sportin ose ecjen me një kafshë shtëpiake, do të bëhet ekskluzivisht në këmbë ose me biçikletë. Me fjalë të tjera, askush nuk do të jetë në gjendje të dërgojë kodin 6 në të gjithë Greqinë për të lëvizur me makinë ose motor.

Kush do të udhëtojë me SMS 4, organet mbikëqyrëse duhet t’i kërkojnë prova shtesë në mënyrë që të përcaktohet përshtatshmëria e udhëtimeve të jashtëzakonshme për qytetarët.

 

LEXO TE PLOTE