Presidenti Ilir Meta zhvilloi paraditen e sotme një bashkëbisedim me aktivistë të Shoqërive Civile, ku ajo që ra në sy ishte “kryqëzimi” që i bëri analisti Afrim Krasniqi.

Ky i fundit, duke iu referuar thirrjeve të presidentit për prerje të duarve në 25 prill kush prekte kutitë e votimit, u shpreh se qytetarët shqiptarë në datë 25 prill nuk do të shkojë në konflikt por në zgjedhjet e 10-ta parlamentare. Sipas tij, këto retorika të Metës mund të shmangeshin.

“Unë do doja si qytetar i këtij vendi që Institucioni i Presidentit t’i rikthehet dhe t’i përshtatet kostumit kushtetuese, dhe solemnitetit që kërkohet nga kryetari i shtetit.

Disa akte dhe retorika mund të evitoheshin. Nuk po shkojmë në një situatë të konitit të madh, por në një situatë që mund të ndryshojë me vullnet dhe me pjesëmarrjen e madhe të shqiptarëve”, i tha Krasniqi Metës.

Ndërkohë, presidenti Meta pranoi “kritikat” e Krasniqit dhe tha se në këto zgjedhje nuk konkuron Presidenti por forcat politike. Edhe për retorikën e fortë, Meta tha se ajo nuk është më e mira, por ai është i detyruar.

“Është e vërtet që nuk konkurojnë dhe nuk duhet të konkurojnë institucionet në këto zgjedhje, por forcat politike. Në këto zgjedhje nuk konkuron presidenti me asnjë institucion, por ju e dini shumë mirë, pavarësisht edhe nga retorika që është i detyruar presidenti herë pas herë të përdorë./CNA.al

Një 62-vjeçar ka rrënë në prangat e policisë pasi akuzohet se u ndryshonte datat e skadencës produkteve ushqimore, të cilat më pas i tregëtonte si produkte bio.

Mihal Kote tregëtonte mallra ushqimore, të tipit bulmet dhe vaj ulliri përmes subjektit “Saranda.al”, produkte që pas kontrollit të policisë rezultuan të skaduar dhe jashtë standardeve të konsumit.

Kote mblidhte vaj luledielli të skaduar, pa etiketë, të cilin e  riambalazhonte me etiketë të re nën emrin “Saranda Al”, poashtu djathin e lopës e shiste si djathë dhie. Në ambjentet e sibjektit të tij, u gjetën dhe produkte të tjera të papajisura me faturë tatimore me TVSH.

Mbi Mihal Koten rëndojnë akuzat për “mashtrim”, “mospagim taksash dhe tatimesh” dhe “fshehje të ardhurash”./CNA.al

Qytetarët shqiptarë vazhdojnë të mos respektojnë masat anti-Covid. Gjatë 48 orëve të fundit janë gjobitur mbi 1672 persona pasi u konstatuan pa maskë. Policia njofton se janë ndëshkuar edhe 9 persona që janë konstatuar duke ecur në rrugë gjatë orës policore.

Gjatë 48 orëve të fundit, Patrullat e Përgjithshme kanë evidentuar dhe ndëshkuar me masë administrative 3.000 lekë, 1451 shtetas që janë konstatuar pa maskat mbrojtëse.

Shërbimet e Policisë Rrugore kanë ndëshkuar me të njëjtën masë administrative, 221 shtetas që udhëtonin në mjete private me persona me të cilët nuk kishin lidhje familjare apo në mjetet e transportit publik, pa vendosur maskat mbrojtëse.

Gjithashtu janë ndëshkuar me masë administrative 10.000 lekë, 9 shtetas që janë konstatuar duke lëvizur në këmbë pas orës 20:00.

Në zbatim të masave anticovid, Policia e Shtetit apelon për të gjithë qytetarët dhe drejtuesit e mjeteve që të respektojnë orën policore, të vendosin maskën dhe të ruajnë distancimin social, ndërsa subjektet tregtare, lokalet dhe restorantet të respektojnë protokollet e sigurisë dhe orarin e mbylljes, me qëllim parandalimin e përhapjes së COVID-19./CNA.al