Connect with Us

Lajm i mirë nga Akademia e Shkencave/ Tirana arrin imunitetin e tufës

Shëndeti

Lajm i mirë nga Akademia e Shkencave/ Tirana arrin imunitetin e tufës

Publikuar

-

Lajm i mirë nga Akademia e Shkencave/ Tirana arrin imunitetin e tufës

“Tirana ka arritur imunitetin e Tufës.”

Kështu deklaroi mbrëmjen e sotme kryetari i Akademisë së Shkencave, Skënder Gjinushi, teksa po fliste për situatën shëndetësore në vendin tonë.

Duke iu referuar studimit të Akademisë së Shkencave, Gjinushi tha se të prekurit asiptomatikë janë të shumtë në numër dhe se Tirana e ka arritur imunitetin.

Ai tregoi në Rtsh formulën e llogaritjes së përqindjes, që sipas tij tregon se sa ka shkuar imuniteti i tufës.

Qyteti i Tiranës ka arritur imunitetin e tufës. Unë nuk jam ekspert në këtë fushë, por do flasim për shifrat. Duhet kuptuar se dy teste mund  të mos përputhen me njëri-tjetrin dhe nuk bëhet ndoonjë debat i madh se testet bëjnë evolucion, gjithmonë janë të përafërt dhe qëllimi i tyre është të shikosh se cila është prirja. Qëllimi i testeve serologjike është të shohësh se sa persona janë prekur nga virusi.

Të prekurit asiptomatikë janë shumë. Imuniteti i tufës është ky. Për çdo virus shihet sesa është rrezikshmëria dhe çdo specialist llogarit se përshembull një filan virus, një person arrin  ta transmetojë në 3-4 persona. Për koronën ishte rënë dakord për 2.5, por Britania e Madhe thotë që është ky mutacioni dhe shkon 4-5 fare.

Një njeri i cili presupozohet se gjatë kohës që është i infektuar takon 100 vetë, 2-3 prej tyre i sëmurë në kushte normale, kur të 100 këta janë të pambrojtur. Tani sa prej tyre duhet të jenë të mbrojtur që ky të mos sëmurë më shumë se një, ose të sëmurë më pak se një. Shumë e thjeshtë, duhet që 30 prej tyre të jenë të pambrojtur, 70 të mbrojtur. 30 shumëzim 3 del 0.9, pra më pak se një. Tani sa prej këtyre duhet që shumëzuar me këtë 2.5 ose me 3 të dalë më pak se një.

Kjo është e gjitha, kjo është imuniteti i tufës, sepse pandemia fillon bie që nga momenti kur dikush nuk infekton më shumë se një. Dhe po ta marrim me 2.5 del 60%, po ta marrësh me 3 del 66% imuniteti i tufës”, theksoi Gjinushi./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Shëndeti

Shpresa dhe pikëpyetje për pasaportat e vaksinimit

Publikuar

-

Nga

Shpresa dhe pikëpyetje për pasaportat e vaksinimit

Me premtimin për kthim gradual në normalitet tani që shumë vende kanë filluar fushatat e vaksinimit, po ndizet debate për pasaportat e vaksinimit. Ata që e mbështesin këtë ide thonë se do të lejojë për lëvizjen e sigurtë të njerëzve, por të tjerët e kundërshtojnë duke ngritur pikëpyetje për diskriminim të atyre pa pasaportë:

Për muaj me radhë qytete turistike kanë qenë të boshatisura, por tani njerëzit kanë filluar të bëjnë plane udhëtimesh të ushqyera nga premtimi i vaksinës kundër COVID-it.

“Dua të shoh diçka tjetër përveç katër mureve të shtëpisë. Mendoj se shumë prej nesh këtu në Britani po vuajmë të njëjtin stres. Sa mirë do të ishte sikur të shihnim diçka ndryshe, mezi e pres,” thotë një britanik.

Ky padurim dhe shpresa për rihapje nga vaksinat ka rezultuar në shtim të interesimit për prenotimin e udhëtimeve turistike.

“Kemi filluar të shohim rezervime për në fund të verës. Shohim që njerëzit po shfaqin më shumë interes dhe po tregohen më aktivë në plane,” thotë Alan French, agjent udhëtimesh.

Në Britani, së shpejti njerëzve mund t’u kërkohet të hapin një aplikacion në celular që shërben si pasaportë për të vërtetuar se mund të frekuentosh bare e objekte publike.

Disa drejtues sektorësh e mbështesin këtë ide. Charlie Mullins drejton një kompani për punime hidraulike. Ai thotë nuk do të marrë në punë njerëz që nuk kanë pasaportë vaksinimi:

“Aktualisht njerëzit do të zvarriteshin pa rroba nëpër borë për të bërë vaksinën. Përse ta bëjmë kaq të komplikuar? Kjo mënyrë na jep mundësi ta vëmë situatën nën kontroll,” thotë zoti Mullins.

Nëse pasaportat e vaksinimit fillojnë të praktikohen në masë, ato mund të bëhen çelësi që u garanton njerëzve pjesëmarrje në grumbullime masive si festivale apo bankete, të cilat u anuluan gjatë pandemisë.

LEXO EDHE:  PD publikon videon/ Rama 119 ditë pa shkuar në zyrë

LEXO EDHE:  Menaxhimi i pandemisë/ Meta shigjeton qeverinë, thirrje për qytetarët

Por kjo ide ka hasur në rezistencë nga disa grupime.

Juristi David Samuels paralajmëron kompanitë dhe vendet që po e peshojnë këtë mundësi:

“Nëse bëhet fjalë për njerëz që kanë probleme të caktuara shëndetësore, ata mund të jenë të përjashtuar nga vaksina. Ka njerëz që nuk duan të vaksinohen për arsye ideologjike. Këta individë do ta shohin si të padrejtë përjashtimin nga shoqëria, pasi nuk kanë pasaporta vaksinimi”.

Kur bëhet fjalë për udhëtime ndërkombëtare, dalin ndërlikime të tjera që kanë të bëjnë me kornizën ligjore. Nuk pritet që kompanitë e fluturimeve ta përqafojnë idenë e pasaportave të vaksinimit:

“Mund të duhen 25 vjet për të rënë dakord për standarde ndërkombëtare për këto pasaporta. Unë mendoj se mjafton të kesh konfirmim nga mjeku i familjes apo klinika ku je vaksinuar,” thotë Michael O’Leary, shefi ekzekutiv i kompanisë ajrore “Ryanair”.

Megjithë pikëpyetjet, shumë qeveri po analizojnë propozime për të kërkuar dokumentacion që vërteton se personi nuk përbën rrezik për përhapjen e virusit.

Danimarka tha në fillim të muajit se po bashkërendon veprimet me bizneset për të krijuar një pasaportë dixhitale për vaksinën kundër COVID-it, duke e reklamuar këtë përpjekje si hap drejt normalizmit.

Duket se edhe Kryeministri britanik, Boris Johnson e mbështet këtë ide:

“Nuk ka diskutim që këtë drejtim do të ndjekin shumë vende. Ato do të kërkojnë pasaporta vaksine kundër COVID-it, ashtu siç kërkonin provë se personi ishte vaksinuar nga ethet e verdha apo sëmundje të tjera. Do të praktikohet në shkallë ndërkombëtare”.

Ngaqë ende nuk dihet si do të ndryshojnë rregulloret nga një vend në tjetrin, shumë njerëz për momentin po bëjnë plane për udhëtime brenda vendit./ VOA

LEXO TE PLOTE

Shëndeti

U pushua nga puna dy muaj më parë/ Ilir Allkja kërkesë qeverisë: Dua të jem vullnetar në Urgjencë

Publikuar

-

Nga

U pushua nga puna dy muaj më parë/ Ilir Allkja kërkesë qeverisë: Dua të jem vullnetar në Urgjencë

Ish mjeku i Urgjencës, Ilir Allkja i cili u pushua nga puna dy muaj më parë, i ka paraqitur një kërkesë qeverisë për të punuar vullnetarë në ekipet e urgjencës.

Përmes një postimi në rrjetet sociale, Allkja shkruan se duke marrë parasysh situatën e rënduar të Covid-19 në Shqipëri, ai dëshiron që t’i vijë në ndihmë sa më shumë qytetarëve shqiptarë duke punuar vullnetarë në Urgjencën Kombëtare.

“Vullnetar për t’i shërbyer vendit.

Në kushtet e rënda të epidemisë së covid-19 që po kalon Shqipëria, nisur nga mungesat e theksuara në mjekë, unë do të doja të punoja vullnetar në ekipet e urgjencës për t’i ndihmuar sa më shumë njerëzit e vendit tim.

LEXO EDHE:  Menaxhimi i pandemisë/ Meta shigjeton qeverinë, thirrje për qytetarët

LEXO EDHE:  Studimi/ Ja çfarë roli kanë tek depresioni pemët në zonat urbane

Megjithëse Rama në prononcimin e tij më 14 janar, në emisionin OPEN e ka mbyllur këtë opsion, menaxherët e sistemit shëndetësor duhet të mendojnë për të shpëtuar sa më shumë jetë njerëzish e jo për tekat e një kryeministri të dalë duarsh”, shkruan Allkja./CNA.al

LEXO TE PLOTE

Shëndeti

Rritet numri i viktimave nga Covid/ Regjistrohen 986 raste të reja

Publikuar

-

Nga

Rritet numri i viktimave nga Covid/ Regjistrohen 986 raste të reja

Ministria e Shëndetësisë ka bërë bilancin e 24 orëve të fundit të situatës nga Covid.

Sipas raportimeve, 24 orët e fundit janë kryer 3691 testime dhe kanë rezultuar pozitivë 986 qytetarë.

Rastet pozitive të konfirmuara janë identifikuar në këto bashki:  385 raste në Tiranë, 47 raste në Korçë, 41 raste në Tepelenë, 34 raste në Fier, 33 raste në Durrës, Vlorë, 32 raste në Shkodër, 28 raste në Lushnje, Gjirokastër, Sarandë, 27 raste në Elbasan, 26 raste në Berat, 25 raste në Peqin, 22 raste në Krujë, 17 raste në Mallakastër, Kuçovë, 13 raste në Kurbin, Kavajë, Kamëz, 12 raste në Delvinë, 11 raste në Gramsh, 10 raste në Kukës, 9 raste në Lezhë, 8 raste në Përmet, Malësi e Madhe, Kolonjë, 7 raste në Mirditë, Mat, 4 raste në Devoll, Rrogozhinë, Bulqizë, 3 raste në Pogradec, Ura Vajgurore, Vau i Dejës, Dibër, Skrapar, Vorë,  2 raste në Librazhd, Divjakë, Himarë, Shijak, Patos, 1 rast në Tropojë, Cërrik, Poliçan, Këlcyrë.

LEXO EDHE:  Menaxhimi i pandemisë/ Meta shigjeton qeverinë, thirrje për qytetarët

LEXO EDHE:  Të shtëna me armë në Durrës/ Dyshohet për një të plagosur

Po ashtu, në 24 orët e fundit janë shëruar 849 qytetarë, duke e çuar numrin e të shëruarve 67,158 që nga fillimi i epidemisë.

Aktualisht në spitalet COVID në Tiranë dhe tre spitalet rajonale po trajtohen 628 pacientë, 46 në terapi intensive, nga të cilët 18 pacientë janë të intubuar.

Me gjithë përpjekjet e stafit mjekësor, 21 qytetarë e kanë humbur betejën me COVID19, nga 19 që ishin një ditë më parë.

Ministria e Shëndetësisë dhe Mbrojtjes Sociale ju bën apel të gjithë qytetarëve të zbatojnë rregullat për parandalimin e COVID19, vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjenën vetjake dhe vetëizolohuni kur dyshoni se jeni të prekur nga Covid19./CNA.al

LEXO TE PLOTE