Kryetarja e LSI, Monika Kryemadhi ka zhvilluar paraditen e sotme një takim me gratë në Divjakë.

Kryemadhi ka vlerësuar rolin e gruas duke theksuar se një nga prioritetet e LSI është fuqizimi ekonomik i saj.

“Gruaja është themeli i një familjeje dhe po ishte gruaja e fortë, po ishte në një komoditet për të jetuar, sigurisht edhe respekti mes burrit dhe gruas do të jetë i barabartë, por nga ana tjetër edhe fëmijët do të jenë më të ndjeshëm, më të mbarë dhe do të kenë mundësinë e një edukimi dhe shkollimi më të mire”, u shpreh Kryemadhi.

Ajo u ndal edhe tek bujqësia ndërsa tha se një tjetë rprioritet i LSI është që shqiptarët të hanë mirë dhe lirë.

“Këtu në Bashkinë e Divjakës faktikisht është një bashki që ka mundësi punësimi dhe zhvillimi të sektorit të turizmit jashtëzakonisht të mëdha, pavarësisht se çfarë ofron bujqësia në këtë zonë, që është një tjetër prioritet për ne, të cilin ne e prekim me kartën e fermerit, me TVSH-në për prodhimet, jo përsa i përket TVSH-së direkte, por përsa i përket konsumimit që shqiptarët të hanë mirë dhe lirë. Pra, të hanë prodhimet vendase dhe pse jo për të konkurruar prodhimet e huaja, po ashtu edhe për të bërë një barrierë për prodhimet e importit. Kujtojmë këtu që 30 për qind e kërkesës për ushqime që kanë shqiptarët, ne i plotësojmë me prodhimet tona vendase”, tha Kryemadhi./CNA.al

Deputetja socialiste Klodiana Spahiu ka humbur njeriun e saj të shtrenjtë ditën e sotme.

Spahiu njofton se është ndarë nga jeta babai i saj Fatmir Belegu.

Me hidherim ju njoftoj për humbjen e babait tim, Fatmir Belegu.

Sa shumë do na mungosh i Miri jonë

Përgjithmon në zemrat tona!

Varrimi bëhet sot në orën 15:00, tek varrezat e vjetra.

Deputetja Rudina Hajdari, ka shpallur pak ditë më parë kandidaturën e saj në Elbasan.

E ftuar në Dita Jonë ajo tregoi se pse ka zgjedhur këtë qytet dhe synimi i saj sa vota do të marrë në zgjedhjet e 25 Prillit.

“Qarku i Elbasanit përfshin edhe Librazhdin. Unë jam mbesë Librazhdi nga mamaja, kam lidhje. Arsyeja kryesore që e kam zgjedhur Elbasanin, ky qytet është vetëm 20 minuta larg Tiranës, është shumë i rëndësishëm dhe ka një popullsi të madhe, e cila është punëtore. Elbasani është një qytet me shumë kulturë dhe të mos damkoset si një qytet që ka problematika me krimin e organizuar. Unë dua të rikthej vlerat e Elbasanit”.

Më tej, Hajdari bëri të ditur edhe synimet e saj në zgjedhje. “Unë synoj 30-50 mijë vota në qarkun e Elbasanit. Jam e sigurt që do t’i marrim këto vota”, u shpreh Hajdari.