Politikë
Tires “nuk i shkon” avokati/ Shtyhet seanca për sanitaren, shfaqet e penduar
Shtyhet seanca e dhënies së masës së sigurisë në Gjykatën e Tiranës për Tire Alldërvishin.
Shkak i shtyrjes së seancës për sanitaren që akuzohet për korrupsion është bërë mungesa e avokatit të saj mbrojtës. Gjykatësja ka vendosur shtyrjen e seancës për disa minuta, për shkak të mungesës së avokatit, dhe Alldërvishit pritet t’i caktohet një avokat tjetër. 59-vjeçarja nuk ka folur asnjë fjalë përpara hetuesve përveç faktit që është e tronditur.
“Nuk kam asgjë për të thënë jam e tronditur, do flas në një moment të dytë”, mësohet se ka thënë Alldërvishi përpara hetuesve.
Sanitarja do akuzohet për “mashtrim më shumë se një herë”, dhe dyshohet në bashkëpunim, por nga materiali referues që policia i ka dërguar prokurorisë nuk rezultojnë ende të zbardhur emra të tjerë./CNA.al
Politikë
“Ooo Suuuudeeeeee ku je?”/ Braçe ironizon programin e LSI-së: Bëhet realitet në 5 minuta!
Zëvendëskryeministri Erion Braçe ka ironizuar programin e LSI-së për zgjedhjet e 25 prillit.
Braçe është ndalur në një prej pikave të programit, garancia për bebet që vijnë në jetë.
“Ketu nis SUDELLEKU, magjia”, shkruan Braçe, dhe duke zbërthyer këtë pikë të programit të LSI-së duke mos kursyer as talljet.
“JO, FARE! I BEN PER 5 MINUTA, 5 DITE JANE SHUME! Ja se si; Ti vendos te kesh nje femije dhe per 9 muaj ai vjen ne jete.
Ketu nis SUDELLEKU, magjia; Zonja me lart te ndan nga parate e te gjitheve 1000 DOLLARE-as leke e as euro, NUK TI JEP por ti mban ne nje fond.
E di sa? 25 VITE! Pra, NUK TI JEP per 25 vite me rradhe por i mban ajo ne nje fond.
Ne vitin e 25-te, nese djali apo vajza jote dhe vajza apo djali i nje tjetri, fiks ata qe ti dhe ai linden para 25 vitesh, vendosin dhe bejne nje femije, MAGJIA behet realitet dhe, kjo me lart JU JEP 25 MIJE DOLLARE!!
PAS 25 VITESH DHE JO TY QE LINDE SOT, POR ATIJ QE DO LINDESH TI NESE AI DO LINDE NJE FEMIJE TJETER!
E kuptove?! Prit se qenka llogaria gabim;
Jane dy per te bere nje femije, pra para 25 vitesh lindi nje djale e nje vajze qe pas 25 vitesh jane bashke dhe bejne nje femije dhe marrin 25 mije dollare njeri e 25 mije dollare tjetra!!!!!! OOOOO SUUUUDEEEEEE KU JE? Ja kjo eshte! Fiks ne 5 minuta kjo behet realitet por zgjat 25 vite! Dhe mos harroni, keta nuk paguanin as 5000 lekeshin per nje lindje e ju kishin borxh dhe bebeve!”, shkruan Braçe.
Politikë
Dita e Përkujtesës/ Xhaçka: Kurrë s’duhet të harrojmë luftën tonë ndaj antisemitizmit
Në kuadër të Ditës Ndërkombëtare të Përkujtimit të Holokaustit, ministrja për Evropën dhe Punët e Jashtme, Olta Xhaçka ka publikuar një video, ku evidentohet roli themeltar që diplomacia shqiptare dhe populli shqiptar patën në këtë kauzë.
Në video tregohen disa prej momenteve kyçe që vulosën fatin e qindra hebrenjve në Shqipëri, para dhe gjatë Luftës së Dytë Botërore.
“Sot, në Ditën Ndërkombëtare të Përkujtimit të Holokaustit, nderojmë miliona jetë të humbura, si dhe të gjithë ata që dolën kundër të keqes më të madhe të kohës. Kurrë nuk duhet të harrojmë apo të ulim vigjilencën në luftën tonë ndaj antisemitizmit. Thellësisht krenarë për Shqipërinë, shqiptarët dhe shërbimin diplomatik në misionin e shpëtimit të hebrenjve”, shkruan Xhaçka./CNA.al
Politikë
Bardhi nxjerr videon me përgjime/ Qeveria më e korruptuar në historinë e Shqipërisë
Sekretari i Përgjithshëm i PD, Gazment Bardhi ka publikuar një video ku kujton përgjimet e publikuar vitet e fundit që kanë implikuar njerëzit e qeverisë Rama.
Sipas Bardhit, kjo është qeveria më e korruptuar dhe më e keqe në historinë e Shqipërisë Ai thekson se askush s’e beson më Ramën dhe shqiptarët do votojnë për ndryshimin.
“Sa herë njerëzit e tij kapen në përgjime në pazar me trafikantët e drogës, duke blerë vota me krimin e organizuar apo duke shitur tendera, koncesione dhe leje ndërtimi, Edi Rama vetëm justifikohet. Ai kurrë nuk di asgjë, gjithmonë sillet sikur i bien në qafë të tjerët.
Shqiptarëve u ka ardhur në majë të hundës dhe janë lodhur duke dëgjuar Ramën dhe justifikimet e tij. Ata e dinë se kjo është qeveria më e keqe dhe më e korruptuar në historinë e Shqipërisë. Askush nuk e beson më Edi Ramën. Në 25 Prill shqiptarët do t’i tregojnë vendin kësaj qeverie dhe do të votojnë për ndryshimin”, shkruan Bardhi bashkëngjitur videos./CNA.al
Lajme të Rekomanduara:
Përplasjet/ Çfarë po ndodh me listën e PD në Korçë, kush janë pretendentët
Qarku i Korçës duket se do të jetë një nga më të vështirët në përzgjedhjen që do të bëjë Lulzim Basha. Kështu ishte edhe me...
“Nuk kam votuar prej 1992-shit”/ Dashnor Diko “i futet politikës”, tregon kë mbështet në zgjedhje
Këngëtari i njohur Dashnor Diko, ka rrëfyer sot se që prej marsit të vitit 1992 nuk ka votuar në asnjë zgjedhje. Mirëpo duket se këtë...
