Kronika
Përgjaken rrugët/ Makina përplaset me kamionin, 4 të vdekur në aksin Milot-Rrëshen
Një aksident tragjik ka ndodhur mbrëmejn e sotme në rrugën e Kombit, në aksin Milot-Rrëshen.
Sipas informacioneve të para bëhet me dije se nga aksidenti kanë mbetur të vdekur katër persona, midis tyre edhe fëmijë.
Aksidenti ka ndodhur në afërsi të Rubikut, ndërsa shkaqet e tij janë ende të paqarta.
Paraprakisht bëhet me dije se viktimat ndodhen në një autoveturë tip “Citroen” e cila është shformësuar pas përplasjes me një kamion./CNA.al
Kronika
Sherr me thika në Durrës/ Plagoset 19-vjeçari
Një 19-vjeçar me inicialet E.H, ka mbetur i plagosur me thikë mëngjesin e sotëm në Durrës.
Ai ka mbetur i plagosur sipasojë e një sherri me një tjetër shtetas i cili tashmë është arrestuar.
Durrës/Informacion paraprak
Më datë 27.01.2021, rreth orës 10:00, në lagjen nr. 7, Durrës, dyshohet se pas një konflikti të çastit është goditur me mjet prerës (thikë), shtetasi E. H., 19 vjeç, i cili është dërguar në spital, ku ndodhet nën kujdesin e mjekëve, jashtë rrezikut për jetën.
Autori i ngjarjes dyshohet se është shtetasi S. K., të cilin shërbimet e Policisë e kapën në banesën e tij dhe po e shoqërojnë në ambientet e Policisë, për veprime të mëtejshme.
Grupi hetimor po punon për zbardhjen e rrethanave të ngjarjes.
Kronika
Falsifikonin testet e Covid dhe garancitë për në Gjermani/ Arrestohen 4 persona në Tiranë
Seksioni për Hetimin e Krimit Ekonomik dhe Financiar në DVP Tiranë, në bashkëpunim me Prokurorinë e Rrethit Gjyqësor Tiranë, bazuar në informacionet e marra në rrugë operative dhe elektronike, ka organizuar dhe finalizuar operacionin policor të koduar “Shtegtimi”, si rezultat i të cilit është bërë arrestimi në flagrancë i shtetasve:
E. V., 34 vjeç, G. K., 44 vjeçe, K. Ç., 32 vjeçe dhe P. C., 37 vjeç, të katërt banues në Tiranë, me aktivitet tregtar biznes privat agjenci udhëtimi.
Këta shtetas, në bashkëpunim me njëri-tjetrin, duke përfituar nga situata e pandemisë ‘’COVID-19’’, nëpërmjet kamuflimit, për t’u mundësuar udhëtarëve të ndryshëm vajtjen në vendet e BE-së, kryesisht në Gjermani, kanë përfituar shumën 600 euro për person, duke shmangur detyrimet tatimore, si dhe kanë falsifikuar formularë të testit ‘’COVID-19’’ dhe garanci të destinacionit të vendit pritës.
Materialet i kaluan Prokurorisë së Rrethit Gjyqësor Tiranë, për veprat penale “Mashtrimi“, “Falsifikimi i dokumenteve”, “Fshehja e të ardhurave” dhe “Mospagimi i taksave dhe tatimeve”.
Kronika
Makina iu bë copë teksa shkonte në punë/ Kush është infermieri që humbi jetën në aksidentin në Fier
Një aksident i rëndë ka ndodhur mëngjesin e sotëm në Fier, ku ka humbur jetën tragjikisht 30-vjeçari Klement Basha.
Mësohet se Basha ishte infermier në spitalin e Fierit, ku po shkonte mëngjesin e sotëm me mjetin e tij. 30 vjeçari duke drejtuar automjetin tip “Benz” është përplasur me kamionin me drejtues shtetasin B. S., 52 vjeç, banues në Fier. Si pasojë e përplasjes ka gjetur vdekjen drejtuesi i automjetit tip “Benz”.
Eshtë shoqëruar në Komisariat drejtuesi i kamionit, shtetasi B. S dhe po kryhen veprimet procedurale. Grupi hetimor po punon për zbardhjen e plotë të rrethanave të aksidentit./CNA.al
Lajme të Rekomanduara:
Zbardhen detajet e para/ Kush është i riu që u ekzekutua me kallashnikov në mes të Durrësit
Janë zbardhur detaje të reja në lidhje me vrasjen që tronditi mbrëmjen e sotme qytetin e Durrësit. Burime nga policia kanë bërë të ditur se...
Tronditet Durrësi, vritet me armë i riu në mes të qytetit
Një vrasje ka ndodhur mbrëmjen e sotme në Durrës. Një i ri është i ri është qëlluar me armë, duke ndërruar jetë në spital. Durrës/Informacion...
