Aktualitet
Ndryshime në kupolën e Policisë/ Ikën zv.drejtori, zbulohet emri që e zëvendëson
Policia Vendore e Shkodrës ka pësuar ka pësuar disa ndryshime në radhët e saj në rang drejtuesish. Në këtë mënyrë zëvendës drejtori i policisë vendore të Shkodrës Lorenc Meta nuk do të jetë më në këtë post.
Drejtuesit e lartë të policisë kanë vendosur që Lorenc Metën ta transferojnë në drejtorinë e përgjithshme në pozicion tjetër si specialist.
Lorenc Meta shërbeu për një periudhë të gjatë në Shkodër si numri dy i policisë por tashmë do të duhet që të mbajë një post tjetër.
Mësohet se ky transferim i Lorenc Metës lidhet edhe me një sërë ngjarjes të ndodhura kohët e fundit në Shkodër. Ndërkohë në vend të tij drejtuesit e policisë si zëvendës drejtor të policisë vendore të Shkodrës kanë emëruar Kujtim Gjokën i cili më përpara ka qenë në policinë vendore të Lezhës dhe tashmë është emëruar si drejtues i lartë në policinë e Shkodrës.
Pak kohë më parë ka pasur ndryshime edhe për komisariatin e policisë teksa është larguar si shef komisariati Ilir Dedja duke emëruar në atë pozicion Paulin Çupin./CNA.al
Kronika
Sherr me thika në Durrës/ Plagoset 19-vjeçari
Një 19-vjeçar me inicialet E.H, ka mbetur i plagosur me thikë mëngjesin e sotëm në Durrës.
Ai ka mbetur i plagosur sipasojë e një sherri me një tjetër shtetas i cili tashmë është arrestuar.
Durrës/Informacion paraprak
Më datë 27.01.2021, rreth orës 10:00, në lagjen nr. 7, Durrës, dyshohet se pas një konflikti të çastit është goditur me mjet prerës (thikë), shtetasi E. H., 19 vjeç, i cili është dërguar në spital, ku ndodhet nën kujdesin e mjekëve, jashtë rrezikut për jetën.
Autori i ngjarjes dyshohet se është shtetasi S. K., të cilin shërbimet e Policisë e kapën në banesën e tij dhe po e shoqërojnë në ambientet e Policisë, për veprime të mëtejshme.
Grupi hetimor po punon për zbardhjen e rrethanave të ngjarjes.
Politikë
“Ooo Suuuudeeeeee ku je?”/ Braçe ironizon programin e LSI-së: Bëhet realitet në 5 minuta!
Zëvendëskryeministri Erion Braçe ka ironizuar programin e LSI-së për zgjedhjet e 25 prillit.
Braçe është ndalur në një prej pikave të programit, garancia për bebet që vijnë në jetë.
“Ketu nis SUDELLEKU, magjia”, shkruan Braçe, dhe duke zbërthyer këtë pikë të programit të LSI-së duke mos kursyer as talljet.
“JO, FARE! I BEN PER 5 MINUTA, 5 DITE JANE SHUME! Ja se si; Ti vendos te kesh nje femije dhe per 9 muaj ai vjen ne jete.
Ketu nis SUDELLEKU, magjia; Zonja me lart te ndan nga parate e te gjitheve 1000 DOLLARE-as leke e as euro, NUK TI JEP por ti mban ne nje fond.
E di sa? 25 VITE! Pra, NUK TI JEP per 25 vite me rradhe por i mban ajo ne nje fond.
Ne vitin e 25-te, nese djali apo vajza jote dhe vajza apo djali i nje tjetri, fiks ata qe ti dhe ai linden para 25 vitesh, vendosin dhe bejne nje femije, MAGJIA behet realitet dhe, kjo me lart JU JEP 25 MIJE DOLLARE!!
PAS 25 VITESH DHE JO TY QE LINDE SOT, POR ATIJ QE DO LINDESH TI NESE AI DO LINDE NJE FEMIJE TJETER!
E kuptove?! Prit se qenka llogaria gabim;
Jane dy per te bere nje femije, pra para 25 vitesh lindi nje djale e nje vajze qe pas 25 vitesh jane bashke dhe bejne nje femije dhe marrin 25 mije dollare njeri e 25 mije dollare tjetra!!!!!! OOOOO SUUUUDEEEEEE KU JE? Ja kjo eshte! Fiks ne 5 minuta kjo behet realitet por zgjat 25 vite! Dhe mos harroni, keta nuk paguanin as 5000 lekeshin per nje lindje e ju kishin borxh dhe bebeve!”, shkruan Braçe.
Politikë
Dita e Përkujtesës/ Xhaçka: Kurrë s’duhet të harrojmë luftën tonë ndaj antisemitizmit
Në kuadër të Ditës Ndërkombëtare të Përkujtimit të Holokaustit, ministrja për Evropën dhe Punët e Jashtme, Olta Xhaçka ka publikuar një video, ku evidentohet roli themeltar që diplomacia shqiptare dhe populli shqiptar patën në këtë kauzë.
Në video tregohen disa prej momenteve kyçe që vulosën fatin e qindra hebrenjve në Shqipëri, para dhe gjatë Luftës së Dytë Botërore.
“Sot, në Ditën Ndërkombëtare të Përkujtimit të Holokaustit, nderojmë miliona jetë të humbura, si dhe të gjithë ata që dolën kundër të keqes më të madhe të kohës. Kurrë nuk duhet të harrojmë apo të ulim vigjilencën në luftën tonë ndaj antisemitizmit. Thellësisht krenarë për Shqipërinë, shqiptarët dhe shërbimin diplomatik në misionin e shpëtimit të hebrenjve”, shkruan Xhaçka./CNA.al
Lajme të Rekomanduara:
Përplasjet/ Çfarë po ndodh me listën e PD në Korçë, kush janë pretendentët
Qarku i Korçës duket se do të jetë një nga më të vështirët në përzgjedhjen që do të bëjë Lulzim Basha. Kështu ishte edhe me...
“Nuk kam votuar prej 1992-shit”/ Dashnor Diko “i futet politikës”, tregon kë mbështet në zgjedhje
Këngëtari i njohur Dashnor Diko, ka rrëfyer sot se që prej marsit të vitit 1992 nuk ka votuar në asnjë zgjedhje. Mirëpo duket se këtë...
