Connect with Us

Lufta kundër Ndrangheta-s/ Rrëfimi i 49-vjeçarit që doli kundër ‘familjes’ së tij kriminale

Bota

Lufta kundër Ndrangheta-s/ Rrëfimi i 49-vjeçarit që doli kundër ‘familjes’ së tij kriminale

Publikuar

-

Drejtësia italiane po planifikon një goditje të madhe kundër Ndranghetas me një proces të madh gjyqësor. Ai merr mbështetje nga një ish-mafioz: Luigi Bonaventura lufton kundër pushtetit të klaneve.
49-vjeçari nuk dëshiron të thotë se nga po vjen. Vetëm kaq, se ishte në tren për disa orë. Tani ai është ulur në një restorant bosh në qendër të Bolonjës.

Askush nuk duhet ta dijë se ku banon zakonisht Luigi Bonaventura. Njeriu që e la familjen e tij kriminale 13 vjet më parë dhe ka hedhur që atëherë qindra mafiozë në burg bën jetë të rrezikshme. Ai është nervoz dhe tensioni zbret ngadalë prej tij. Ai thotë se është i rraskapitur nga udhëtimi. Bonaventura gulçon dhe zgjat dorën drejt shishes së ujit. Po kur e ka mbledhur veten fillon të flasë, e ka të vështirë të ndalet. Një jetë plot me tmerr që nuk e lë të qetë as natën në ëndërr. “Të nesërmen në mëngjes zgjohem dhe i them vetes: duhet të luftoj dhe të bëhem më mirë”.

Fillimi i procesit të madh gjyqësor kundër Ndranghetas, mafias kalabreze të cilës Luigi Bonaventura i përkiste për më shumë se gjysmën e jetës së tij, ka të ngjarë të jetë gjithashtu vendimtar për luftën e tij. Në Lamezia Terme, një qytet në rajonin jugor italian të Kalabrisë, në dy vitet e ardhshme do të dalin para drejtësisë qindra të akuzuar. Në ta bëjnë pjesë avokatë, politikanë dhe njerëz të biznesit. Mafiozë dhe bashkëpunëtorë të tyre. Bonaventure njeh shumë prej tyre nga e kaluara e tij dhe do të dalë vetë dëshmitar.

Organizata të ndërthurrura globalisht

Ndrangheta konsiderohet të jetë veçanërisht e rrezikshme dhe e vështirë për t’u monitoruar. Ka një arsye për këtë, shpjegon ish-mafiozi. Anëtarët mund të lëvizin lirshëm në hije, kjo është arsyeja pse ata janë kaq të vështirë për t’u ndaluar.

Ndrangheta duhet të kuptohet më pak si një organizatë, por shumë më tepër si një një rrjet i lirshëm i klaneve familjare individuale, që veprojnë me dhe kundër njëri-tjetrit, të cilët jetojnë sipas rregullave të tyre shoqërore. Biznesi i tyre shtrihet përtej kufijve të rajonit të Kalabrisë.

Në të kaluarën, ata fitonin para me rrëmbime, ndër të tjera, sot qasja e tyre është më pak e dukshme. Në veriun më të fortë ekonomikisht të Italisë, Ndrangheta fiton shumë para me porosi qeveritare, veçanërisht në industrinë e ndërtimit. Por Ndrangheta është gjithashtu e lidhur mirë ndërkombëtarisht. Për shembull, ajo përcjell kontrabandë pjesën më të madhe të kokainës nga Amerika Latine për tregun evropian. Disa nga anëtarët që gjykohen tani në Kalabri janë arrestuar në Gjermani.

Fëmijët edukohen si ushtarë

Rruga e jetës së Bonaventura dukej e përcaktuar që nga fillimi. Ai që lind në një familje Ndrangheta pritet të vazhdojë traditën. Gjyshi i tij Luigi Vrenna ishte një nga bosët më të rëndësishëm të kohës së tij dhe vetë babai i Bonaventuras e bëri atë “ushtar”, siç thotë ai. Që fëmijë, ai mësoi se si të shtinte me armë, si të duronte dhimbjen dhe si të vriste kafshë për t’u mësuar me dhunën. Armët zëvendësuan lodrat për të. “Ti nuk ke fëmijëri”.

LEXO EDHE:  Rrëfim/E tërhoqa drejt shtratit dhe fillova….

Kur ishte i ri, familja e dërgoi atë në pjesë të tjera të Italisë për të mësuar zakonet lokale dhe për të kuptuar dialektet lokale. Ai ishte nga ata që “rrinë në gjumë”, siç thotë ai, siç i njohim sot nga milicia terroriste IS.

Në vitet 1990 familja e thirri përsëri. Në Kalabri kishte shpërthyer një luftë midis klaneve të Ndranghetas. Ushtari Luigi Bonaventura u bë aktiv – si shantazhues, kontrabandues droge dhe vrasës. Bonaventure flet hapur për këtë kohë, por rrethanat janë të rëndësishme për të. Ai betohet se nuk ka vrarë kurrë të pafajshëm. Ishte luftë. Në një rast specifik, tregon ai, ai mori hak ndaj një anëtari të klanit armik për vrasjen e një fëmije nga familja e tij.

Janë, ndër të tjera, këto lidhje të forta familjare që e bëjnë kaq të vështirë luftën kundër Ndranghetës. Pak guxojnë të shkëputen dhe të dalin kundër familjes së tyre. Por 13 vjet më parë, pas lindjes së fëmijës së tij të dytë, Bonaventura vendosi të ndërmarrë këtë hap, i mbështetur nga gruaja e tij. Që nga ajo kohë, ai ka ndihmuar gjyqësorin të dënojë qindra kriminelë të Ndranghetas. Ai ka kryer dhjetë vjet burg për veprimet e tij. Pas kësaj ai e bëri punën sqaruese për Ndranghetën qëllimin e tij kryesor në jetë.

Ai dhe gruaja e tij themeluan një shoqatë që mbron informatorët. Ai dëshiron të inkurajojë të tjerët të bëjnë të njëjtën gjë dhe dëshiron që shteti të kujdeset më mirë për njerëzit që shkëputen nga mafia.

Brezi i tij i Ndranghetas në pjesën më të madhe është plakur. Sot bosët e mafies nuk i trajnojnë më fëmijët si vrasës, por investojnë në arsim. “Ata supozohet se do të shndërrohen në kriminelë ekonomikë – bankierë dhe avokatë”, thotë Bonaventura. Ai shpreson që procesi të ndihmojë gjithashtu për të zbuluar këto struktura: “Kam humbur ëndrrat dhe energjinë time, sepse nuk besoja në një fund të Ndranghetas. Por me këtë proces dhe me punën e prokurorëve, ndoshta diçka mund të ndryshojë. “/DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Ligjvënësit britanikë e cilësojnë Kinën “shtet kriminal”

Publikuar

-

Nga

Ligjvënësit britanikë e cilësojnë Kinën “shtet kriminal”

Ligjvënësit britanikë nga radhët e Komisionit për të Drejtat e Njeriut në Partinë Konservatore e cila ndodhet në pushtet, akuzojnë Partinë Komuniste Kineze ka shtuar sulmet ndaj të drejtave të njeriut në Kinë dhe se vendet që bashkëveprojnë me regjimin duhet të kuptojnë se po bashkëveprojnë me një “shtet kriminal”.

Nga burgosja e miliona ujgurëve në provincën Xinjiang e deri tek goditja e ashpër e protestave dhe demokracisë në Hong Kong, autorët e raportit thonë se ka një përkeqësim të madh të situatës së të drejtave të njeriut në Kinë gjatë pesë viteve të fundit.

“Në veçanti, problemi i vazhdueshëm i punës në formë skllavërie, zhvillimi i teknologjisë së përgjimit për të krijuar një shtet të mbikëqyrjes, rrëfimet me detyrim në televizon, zbatimi i ligjeve të reja që brenda të ashtuquajturit sistem ligjor mundësojnë ndalime dhe zhdukje arbitrare dhe vazhdimi i përdorimit të torturës dhe marrja me forcë e organeve”, thotë Benedict rogers, autor i raportit.

Në mesin e atyre që ndihmuan hartimin e raportit është Rahima Mahmut, e cila është ujgure nga provinca Xinjiang. Pasi pa masakrimin e dhjetëra protestuesve më 1997, ajo u arratis drejt Britanisë. Tani ajo luan në koncerte për të nderuar kulturën ujgure.

Zonja Mahmut i tha Zërit të Amerikës se populli në Xinjiang jetojnë në terror të vazhdueshëm dhe se ajo nuk ka kontaktuar familjen e saj për katër vite.

“Një trokitje në derë sjell frikë për këdo. Sepse mendoni se kanë ardhur që t’ju marrin. Nuk di si ta përshkruaj çfarë ndjej kur lexoj artikuj që shpjegojnë se çfarë po ndodh: dhunim masiv, sterilizim, shpërbërje e familjeve”, thotë Rahima Mahmut, ujgure e arratisur në Britani.

LEXO EDHE:  “Doja të birësoja një fëmijë, por…” Regjisorja shqiptare rrëfen pengesën më të madhe

LEXO EDHE:  Rrëfim/Shkova të takoja vëllanë dhe humba virgjërinë me shokun  e tij

Përkundër provave në rritje, Kina përsëri këtë javë mohoi ekzistencën e kampeve të burgimit për ujgurët dhe hodhi poshtë akuzat për sterilizime të detyruara të grave ujgure.

“Se çfarë lloj masash kontraceptive marrin njerëzit varet nga indvidët me dëshirën e tyre. Asnjë organizatë ose individ nuk mund të ndërhyjë. Nuk ka sterilizim të detyrueshëm”, thotë Xu Guixiang nga Departamenti Publik i Partisë Komuniste në Xinjiang.

Raporti i Partisë Konservatore në Britani vjen ndërsa shumë ligjvënës kërkojnë rivendosje të marrëdhënieve me Kinën. Kanë kaluar vetëm pesë vite nga deklarimi i ish-kryeministrit britanik David Cameron se marrëdhëniet me Pekinin janë “epokë e artë. Por që atëherë raportet janë acaruar me shpejtësi.

Pas vendimit të ShBA-së për të ndaluar importin e pambukut dhe domates nga Xinjiang pas shqetësimeve për punëtorë në kushte skllavërie, Sekretari i jashtëm britanik Dominic Raab njoftoi kufizime të reja.

“Duhet të veprojnë që të sigurohemi se bizneset britanike nuk janë pjesë e zinxhirit të furnizimit në portat e kampeve të internimit në Xinjiang”, tha ai.

Zonja Mahmut dëshiron që Sekretari Raab të deklarojë përndjekjen e ujgurëve si gjenocid.

“Ai ka thënë shpesh se gjenocidi duhet të vendoset nga gjykata, jo nga politikanët. Por e dimë shumë qartë se nuk mund të ndjekim rrugën e gjykatës përmes Kombeve të Bashkuara sepse Kina ka fuqinë e vetos”, tha Rahima Mahmut, ujgure e arratisur në Britani.

Pekini mohon të ketë kryer abuzime të mëdha të të drejtave të njeriut dhe u ka bërë thirrje në mënyrë të përsëritur vendeve perëndimore që të ndalojnë ndërhyrjen në ato që Kina i quan punë të brendshme./ VOA

LEXO TE PLOTE

Kosova & Rajoni

Karakaçanov: Maqedonia e Veriut pjesa më tragjike e historisë bullgare

Publikuar

-

Nga

Karakaçanov: Maqedonia e Veriut pjesa më tragjike e historisë bullgare

Zëvendëskryeministri i Bullgarisë, Krasimir Karakaçanov ka përjashtuar çdo mundësi që Sofja të heqë dorë nga kërkesat e saj në raport me Maqedoninë e Veriut, në veçanti në pjesën që ka të bëjë me identitetin e maqedonasve.

“Ne nuk duam që ata të heqin dorë nga identiteti i tyre. Ne duam diçka shumë të thjeshtë: Të jenë të mirë dhe të thonë se identiteti i tyre u krijua kur për të u krijuan kushtet”, ka theksuar Karakaçanov duke aluduar në atë se maqedonasit para vitit 1944 kanë qenë bullgarë apo se para kësaj periudhe nuk kanë ekzistuar si komb.

“Atje (në Maqedoninë e Veriut) edhe sot, përskaj gjithë peripecive të kohë, edhe përkundër terrorit që u vendos pas vitit 1994 në Jugosllavinë e Titos, ka ende shumë njerëz që e quajnë veten bullgarë. Ne kemi një detyrim moral dhe historik ndaj këtyre njerëzve”, ka theksuar Karakaçanov në një intervistë për televizionin bullgar (BTV).

Zëvendëskryeministri bullgar ka thënë se Sofja nuk ka mbyllur dyert e Evropës për Maqedoninë e Veriut, por se maqedonasit duhet të korrigjojnë politikën e tyre, pasi sipas tij, zgjidhja e çështjeve të hapura me Maqedoninë e Veriut është e një rëndësie strategjike.

“Ish-presidenti Petar Stojanov ka thënë se ajo (Maqedonia e Veriut) është pjesa më romantike, por unë do të shtoja pjesën më tragjike të historisë sonë… Kryeministri (maqedonas, Zoran) Zaev dëshiron kompromis, por kur bën një kompromis me politikanët e Maqedonisë së Veriut, ata nuk e shohin atë si një gjest fisnikërie, por si një dobësi. Bisedimet do të vazhdojnë, por Bullgaria nuk e ka ndërmend të ndryshojë ndonjë nga kërkesat e saja”, ka deklaruar zyrtari bullgar.

LEXO EDHE:  Mbrojtja e dobët që Evropa po i bën demokracisë së saj

LEXO EDHE:  Mbrojtja e dobët që Evropa po i bën demokracisë së saj

Por, edhe zyrtarët maqedonas kanë drejtuar kritika ndaj Bullgarisë duke e akuzuar për shkeljen e Marrëveshjes për fqinjësi të mirë, të arritur më 2 gusht, 2017. Presidenti maqedonas, Stevo Pendarovski ka thënë në një intervistë për agjencinë e lajmeve MIA, se plani aksional që ka hartuar Sofja del jashtë kornizës së marrëveshjes.

“Tani disa muaj, sjellja e palës bullgare ka dalë jashtë kornizës së Marrëveshjes (për fqinjësi të mirë)… Propozimi nga pala bullgare ndaj planit tonë aksional nuk i përgjigjet një pjese të kërkesave tona. Ata kanë imponuar edhe ato çështje që kanë të bëjnë identitetin e popullit maqedonas. Ne atë nuk e kërkojmë. Mund të bisedojmë çdo gjithçka tjetër, por sigurisht nuk do të bisedojmë për atë se cilët dhe çfarë jemi”, ka deklaruar Pendarovski.

Maqedonia e Veriut dhe Bullgaria kanë tensionuar raportet që nga nëntori i vitit të kaluar, kur Sofja përdori veton ndaj Maqedonisë së Veriut, duke i pamundësuar nisjen e bisedimeve të anëtarësimit në Bashkimin Evropian./rel

LEXO TE PLOTE

Bota

Një “imunitet rajonal”?/ Pse Azia e ka shmangur më të keqen nga Covid-19

Publikuar

-

Nga

Një “imunitet rajonal”? Pse Azia e ka shmangur më të keqen nga Covid-19

Nga Yann Ruso

Tokio – Është një nga misteret më të mëdhenj të pandemisë Covid-19. Vendet në Azinë Lindore u prekën nga koronavirusi disa javë para Evropës dhe Shteteve të Bashkuara, e megjithatë ato ishin më të afta që tzbulonin dhe t`a kalonin krizën shëndetësore. Pavarësisht disa valëve goditëse të pandemisë, shifrat sa i përket numrit të vdekjeve ishin shumë më të ulëta sesa në Perëndim.

Së bashku, 10 vendet anëtare të ASEAN (Indonezia, Malajzia, Filipinet, Singapori, Tailanda, Brunei, Vietnami, Laosi, Birmania dhe Kamboxhia), dhe vendet e zhvilluara të Azisë Verilindore (Kina, Japonia, Koreja e Jugut dhe Tajvani), kanë regjistruar vetëm 44.000 vdekje të lidhura me Covid-19, që prej janarit të vitit 2020.

Pra 2.4 për qind të 1.8 milion viktimave në të gjithë botën. Kjo shifër është më e vogël se 65.000 vdekje të regjistruara në Francë. Dhe për t`a vënë në perspektivë këtë krahasim,

me 2.3 miliardë banorë, Azia Lindore përbën 30 për qind të gjithë popullsisë botërore.

Pavarësisht nga niveli i zhvillimit apo fuqia e shtetit të tyre, të gjitha territoret në këtë rajon kanë regjistruar një numër jashtëzakonisht të ulët të vdekjeve për 1 milion banorë. Raporti është 0.36 në Vietnam, 0.29 në Tajvan dhe 3.4 në Kinë. Kamboxhia dhe Laosi nuk kanë identifikuar asnjë viktimë të vetme në 11 muaj.

Për krahasim, numri i të vdekurve në Francë është 970 për 1 milion banorë, ndërsa në Shtetete Bashkuara ka arritur në 1.034 viktima për 1 milionë banorë. Japonia dhe Koreja e Jugut, janë përballur nga nëntori me një shtim të numrit të infektimeve. Por gjithsesi, mbetet një numër shumë i kufizuar i rasteve.

Në një nga ditët e saj “më të këqija”, 31 dhjetor 2020, Japonia identifikoi 4520 raste pozitive në126 milion njerëz. Ndërsa më 20 dhjetor, Koreja e Jugut theu rekordin e saj me 1.097 raste pozitive në 24 orë. Në fillim të janarit 2021, këto dy vende kishin regjistruar një total prej 4.284 vdekjesh që nga fillimi i pandemisë, më pak sesa numri më i madh i viktimave në SHBA në një ditë të vetme.

Kjo diferencë e madhe e Azisë dhe pjesës tjetër të botës, ka gjeneruar muajt e fundit një mori bisedimesh mbi “paaftësinë” ose “efektivitetin” e qeverive të ndryshme, ndërsa të tjerët flasin për një “disiplinë” të pabesueshme,apo për një “veçanti kulturore” të popullatave në Lindje.

Madje, disa analistë televizivë tallen me “autoritarizmin” e supozuar të kryeqyteteve aziatike si Pekini. Por në realitet, shumë vende në rajon i kanë mbijetuar krizës, pa shkelur kurrë liritë themelore të qytetarëve të tyre. Për shembull, në Japoni nuk është vendosur asnjë kufizim ndaj popullatës.

Në Korenë e Jugut, asnjë kufizim i lëvizjes nuk është zbatuar në të gjithë vendin. As Tajvani nuk ka zbatuar ndonjë bllokim të plotë. Në gjithë kontinentin aziatik, njerëzit pranuan shpejt të mbanin maska pa diskutuar shumë, pasi vendosja e kësaj mase mbrojtëse ishte tashmë praktikë e zakonshme në Japoni dhe Korenë e Jugut.

“Dallimet e mëdha me Perëndimin, kanë qenë mbylljet e rrepta të kufirit, dhe testimi rigoroz i njerëzve të infektuar, qofshin ata të sëmurë apo simptomatikë”- thotë profesor Teo Jik Jing, dekan i Shkollës së Shëndetit Publik në Universitetin Kombëtar të Singaporit.

Por ndërsa konfirmojnë peshën e faktorëve socio-politikë, shkencëtarët janë ende të habitur nga performanca e jashtëzakonshme e Azisë, dhe tani po reflektojnë mbi një shpjegim të një natyre më mjekësore. Po sikur popullatat aziatike të jenë natyrshëm më rezistente ndaj koronavirusit?

A mund të ketë një lloj “imuniteti aziatik” të shkaktar nga epidemitë e kaluara, apo edhe tiparet gjenetike? Në Tokio, një numër studiuesish janë të bindur mbi vlefshmërinë e këtyre hipotezave. Në përpjekje për t’i konfirmuar ato, Tatsuhiko Kodama, nga Universiteti i Tokios, ka analizuar përgjigjen imune të më shumë se 100 njerëzve të infektuar me koronavirus në Japoni, këto muajt e fundit.

Ai u befasua kur zbuloi nivelin e lartë të një lloji të veçantë të antitrupave në gjakun e të gjithë pacientëve të tij.Zakonisht, kur një pacient sulmohet nga një substancë e huaj e panjohur, sistemi i tij imunitar gjeneron në fillim një antitrup të quajtur “IgM” për të mbrojtur veten ndaj virusit.

Disa ditë më vonë, kur sistemi i tij imunitar e ka neutralizuar sulmin e parë dhe ka nisur të ndërtojë një memorie imune, ai do të gjenerojë një lloj të dytë të antitrupave të quajtur “IgG”.

Sipas studiuesit, popullatat e Azisë Lindore, kanë zhvilluar natyrshëm një formë rezistence ndaj SARS-CoV-2.

Kjo,pasi ata tashmë janë ekspozuar gjatë gjithë jetës së tyre, ndaj një morie “kushërinjsh” të tjerë më pak të egër të koronavirusit. “Nuk është vetëm MERS apo SARS, por shumë viruse të tjerë të një lloji të ngjashëm që qarkullojnë. Kjo shpjegon se përse numri i të vdekurve është kaq i ulët në Azinë Lindore”-thotë ai. /bota.al

LEXO TE PLOTE