Një 54-vjeçare me inicialet M. Xh, ka rënë aksidentalisht nga taraca e pallatit ku jetonte, ndërsa ndodhet në gjendje të rëndë për jetën.

Sipas njoftimit zyrtar, gruaja në fjalë kishte hipur në taracën e pallatit, për të rregulluar depozitën, por ka humbur akuilibrin dhe ka rënë në oborrin e pallatit pranë shkollës “Kushtrimi i Lirisë”.

Për pasojë, ajo ka mbetur e plagosur. 54-vjeçarja është dërguar në spital, por mësohet se ndodhet në gjendje kritike për jetën.

Njoftimi i policisë Tiranë

Më datë 17.01.2021, rreth orës 19:50, në rrugën “Sinan Tafaj”, aksidentalisht ka rënë nga lartësia shtetasja M. Xh, 54 vjeçe, e cila po dërgohet në spital për të marrë ndihmë mjekësore. Grupi hetimor po vijon punën për sqarimin e rrethanave të ngjarjes.

Një aksident ka ndodhur pak momente më parë në aksin rrugor Lezhë-Shëngjin, në vendin e quajtur “Lapidari”.

Mësohet se dy makina janë përplasur me njëra-tjetrën dhe si pasojë kanë mbetur të plagosur dy pasagjerë.

Nga informacionet paraprake, ende nuk bëhen me dije shkaqet e aksidentit, ndërsa të plagosurit janë dërguar në spital për ndihmë mjekësore.

Sakaq, policia ka shkuar në vendngjarje dhe ka hapur hetimet për zbardhjen e plotë të aksidentit./ CNA.al

Një aksident ka ndodhur paraditen e sotme në rrugën “Njazi Meka” në Tiranë, ku një automjet ka aksidentuar një të mitur.

Drejtuesi i mjetit me iniciale A.G ka përplasur 10 vjeçarin me iniciale A.P e cila si pasojë e plagëve të marra, ka ndërruar jetë në spital.

Drejtuesi i mjetit është shoqëruar në Komisariatin e Policisë Nr.4, për veprime të metejshme.

Grupi hetimor dhe sherbimet e Policisë ndodhen në vendngjarje dhe po punojnë për sqarimin e rrethanave të ngjarjes./CNA.al