Connect with Us

A është zhvendosur qendra e Al Kaidas në Iran ?

Bota

A është zhvendosur qendra e Al Kaidas në Iran ?

Publikuar

-

Pompeo: SHBA do të punojë për të zgjatur embargon e armëve ndaj Iranit

Sekretari i Shtetit në largim Mike Pompeo thotë se Irani është shndërruar në atdheun e ri të grupit terrorist Al Kaida. Megjithëse e paraqesin situatën disi më të komplikuar, analistët bien dakort se Irani ka strehuar prej kohësh eksponentë të lartë të Al Kaidas dhe vënë në dukje se Irani do të vazhdojë të përbëjë një sfidë për administratën e ardhshme amerikane.

Kërcënimi nga Irani ka qenë fokusi kryesor i Sekretarit të Shtetit Mike Pompeo gjatë mandatit të tij tre vjeçar si kryediplomati amerikan, dhe kjo nuk po ndryshon gjatë ditëve të tij të fundit në detyrë. Sidoqoftë, deklarata tërhoqi vëmendje.

“Al Kaida ka një atdhe të ri. Është Republika Islamike e Iranit”, deklaroi Sekretari Pompeo.

Sekretari Pompeo tha se Al Kaida po vepron nën mbrojtjen e guackës së regjimit iranian dhe se Irani është shndërruar në Afganistanin e ri – një strehë e sigurtë për rrjetin terrorist që sulmoi Amerikën më 11 shtator 2001.

Shumica e ekspertëve thonë se aleanca mes Iranit dhe Al Kaidas nuk është e re dhe se Irani nuk shërben si selia qendrore, megjithëse pranojnë se Teherani ka strehuar eksponentë të lartë të Al Kaidas prej shumë vitesh.

“Për sa i përket (deklaratës) që Irani të jetë atdheu i Al Kaidas, mendoj se është pak më e komplikuar se kaq. Ne kemi thënë prej vitesh se ata kanë shpërndarë një lloj platforme drejtuese. Pra, kanë udhëheqës të përhapur në disa vende tashmë”, thotë Thomas Joscelyn, nga Fondacioni për Mbrojtjen e Demokracive.

LEXO EDHE:  Protestat e parajmëruara në SHBA/ Thirrja e Trump: Jo dhunë dhe vandalizëm 

Ekspertë të tjerë e shikojnë me dyshim momentin e zgjedhur nga Sekretari Pompeo, duke i parë si masa për të shtrënguar politikën e administratës së ardhshme Biden ndaj Iranit.

“Mendoj se Sekretari Pompeo thjesht po mundohet të gjejë mënyrën për t’i krijuar pengesa administratës Biden që ka shpallur synimin për t’iu rikthyer marrëveshjes bërthamore të Iranit. Por, pothuajse si çdo gjë tjetër që ka provuar Sekretari Pompeo gjatë katër viteve të fundit për të prishur marrëveshjen bërthamore, mendoj se është e destinuar të dështojë pasi nuk ofron alternativë tjetër më të mirë”, thotë Ali Vaez, nga Grupi i Krizave.

Presidenti i zgjedhur Joe Biden ka thënë se do të dëshironte të rikthente Shtetet e Bashkuara në marrëveshjen bërthamore me Iranin, nëse Teherani gjithashtu i rikthehet zbatimit të masave ndaj aktivitetit të tij bërthamor./ VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

FDA: Vaksina me një dozë e J&J parandalon COVID-in/ Së shpejti vendimi përfundimtar

Publikuar

-

Nga

FDA: Vaksina me një dozë e J&J parandalon COVID-in; së shpejti vendimi përfundimtar

Vaksina e kompanisë Johnson & Johnson e cila merret me një dozë të vetme mbron nga COVID-19. Kjo thuhet në një analizë të enteve rregullatore amerikanë të bërë publike të mërkurën, e cila hedh bazat për një vendim përfundimtar për miratimin e një vaksine të re edhe më të lehtë për t’u përdorur, e cila do të ndihmojë në zbutjen e pandemisë.

Shkencëtarët e Administratës së Ushqimit dhe Barnave konfirmuan se në përgjithësi vaksina është rreth 66% efektive në parandalimin e rasteve të lehta si dhe ato të rënda të COVID-19-s. Agjencia tha gjithashtu tha se vaksina që merret me një dozë të vetme e kompanisë J & J, mund të ndihmojë në shpejtimin e procesit të vaksinimit dhe është e sigurt për t’u përdorur.

Tashmë vaksina ndodhet vetëm një hap nga miratimi, duke e shndërruar atë në vaksinën e tretë që pritet të miratohet për përdorim emergjent në SHBA. Të premten, këshilltarët e pavarur të agjencisë do të debatojnë nëse provat janë mjaftueshëm të forta për të rekomanduar dhënien e autorizimit që pritej prej kohësh. Më pas FDA-ja pritet të marrë një vendim përfundimtar brenda disa ditësh.

Ndërsa vendi ka shënuar më shumë se 500,000 vdekje të lidhura me virusin që nga fillimi i pandemisë, procesi i vaksinimit ka qenë më e ngadaltë nga sa shpresohej, penguar nga çështje logjistike sikurse vonesat e shkaktuara nga moti i keq. Deri më tani, rreth 65 milionë amerikanë kanë marrë të paktën një dozë të vaksinës së Pfizer-it ose Moderna-s, të cilat merren me dy doza dhe me distancë disa javëshe nga njëra-tjetra për të garantuar mbrojtje të plotë.

LEXO EDHE:  Reforma në polici/ Debate në Kongresin amerikan

LEXO EDHE:  Joe Biden bën “live” vaksinën anti-Covid/ Thirrje amerikanëve: Nuk ka asgjë për t’u shqetësuar

J&J testoi vaksinën e parë me dozë të vetme tek 44,000 njerëz në SHBA, Amerikën Latine dhe Afrikën e Jugut. Për shkak të varianteve të ndryshme të virusit, që po qarkullojnë në vende të ndryshme, studiuesit analizuan rezultatet gjeografikisht. J&J njoftoi më parë se vaksina funksionoi më mirë në SHBA duke garantuar një efektivitet prej 72% ndaj rasteve të lehta e të rënda të COVID-19-s, krahasuar me 66% në Amerikën Latine dhe 57% në Afrikën e Jugut.

Megjithatë në çdo vend vaksina dëshmoi se ishte shumë efektive kundër simptomave të rënda dhe rezultatet e hershme të studimit treguan se nuk kishte asnjë shtrime në spital ose vdekje duke filluar 28 ditë pas vaksinimit./voa

LEXO TE PLOTE

Kosova & Rajoni

Kosova regjistron 461 raste me koronavirus/ Ja sa kanë humbur jetën sot

Publikuar

-

Nga

Kosova regjistron 461 raste me koronavirus/ Ja sa kanë humbur jetën sot

Autoritetet shëndetësore në Kosovë kanë regjistruar të mërkurën 461 persona të infektuar me koronavirus, pas testimit të 3,138 mostrave.

Instituti Kombëtar i Shëndetësisë Publike ka njoftuar se në 24 orët e fundit janë regjistruar tri viktima me këtë virus.

“Rastet e vdekjes janë nga komunat: Fushë-Kosovë 1 rast (80 vjeç), Gjakovë 1 rast (85 vjeç), Pejë 1 rast (83 vjeç”, është thënë në njoftim.

Sipas IKSHPK-së, nga sëmundja COVID-19, që shkakton koronavirusi, të mërkurën janë shëruar 319 persona, derisa raste aktive janë 6,968.

LEXO EDHE:  Irani vendos kufizime të reja ndaj COVID-19/ Vendosja e maskës e detyrueshme

LEXO EDHE:  Video+foto-Forcohet uragani Dorian/ Shndërrohet në stuhinë më të fortë

Prej 13 marsit, kur janë regjistruar rastet e para me koronavirus në Kosovë, autoritetet shëndetësore në këtë shtet kanë regjistruar 67,469 persona të infektuar me këtë virus.

Prej tyre, 1,582 pacientë kanë vdekur./REL

LEXO TE PLOTE

Kosova & Rajoni

E rëndë/ Shpërthen zjarri në kampin e refugjateve në Greqi, humb jetën 6-vjeçari

Publikuar

-

Nga

E rëndë/ Shpërthen zjarri në kampin e refugjateve në Greqi, humb jetën 6-vjeçari

Një ngjarje e rëndë është regjistruar në kampin e refugjatëve Thiva në Greqi.

Një ndërtesë e një fabrike të vjetër është përfshirë nga flakët dhe për pasojë ka ndërruar jetë një djalë 6-vjeçar.

Sipas mediave greke, vogëlushi ishte me origjinë iraniane dhe anëtar i një familjeje me 7 persona.

Fëmijën e kanë nxjerrë pa ndjenja refugjatet para se të paktën 6 zjarrfikës dhe policia të mbërrinte në vendngjarje.

LEXO EDHE:  SHBA, rikthehet në marrëveshjen e Parisit për klimën

LEXO EDHE:  Protestat e parajmëruara në SHBA/ Thirrja e Trump: Jo dhunë dhe vandalizëm 

Ngjarja tragjike po hetohet nga policia.

LEXO TE PLOTE