Këto dy muaj janë mbushur sheshet për një sërë çështjesh, duke filluar nga propozimi i komunitetit LGBT për termin “Nënë” e “Baba”, deri te protesta për Palestinën, për tezën e provimit të maturës, falja e Bajramit dhe së fundmi te grumbullimet e njerëzve për të takuar ish-konkurentët e “Përputhen”.

Duke marrë shkas nga këto grumbullime, ka reaguar me tone të ashpra ish-kryetari i Aleancës Kuq e Zi, Kreshnik Spahiu.

Me anë të një statusi në rrjetet sociale, Spahiu deklaron se askush nuk del të protestojë për zgjedhjet e 25 prillit dhe për situatën politike, teksa sulmon Lulzim Bashën.

“Populli ka mbushur sheshet këto dy muaj:

– për të hequr emrin nënë dhe baba,

– për pavarsinë e Palestinës

– për Bajram

– për tezat e provimit të maturës

– për dashnoret e “Për’puthen”

Nëse vërtet ka pasur masakër zgjedhore pse askush nuk ka dal të protestoj prej dy muajsh që nga 25 Prilli? Ndërkohë për zgjedhjet parlamentare ka pasur një paqe dhe pranim mbarë kombëtar krahasuar me gjithë votimet e tjera parlamentare apo bashkiake në këto 30 vjet.

Është hera e parë që nga 1990 që as 10 protestues nuk kanë falë të kundërshtojnë rezultatin e zgjedhjeve. Arsyet janë tre:

– ose 100% e popullit janë të bindur se Partia Socialiste ka fituar pavarsisht parregullsive ato janë më të vogla se diferenca e fituesit me humbësit.

– ose askush nuk e beson Lulzim Bashën në përallëm e vjedhjes

– ose askush nuk e ndjek prapa për të nxjerr njerëz në shesh.

Nēse doni të bindeni sa e madhe ka qënë masakra, shikoni sheshet bosh dhe klubet plot. Nëse doni të kuptoni nivelin e opozitës, krahasoni kauzat dhe motivet pse dhe për cfare janë motovuar dhe kanë dal shqiptaret me sheshe keto dy muaj. Fund më tragjik dhe të ndyrë për një parti politike, nuk do ja kishte uruar as hasmi”, shkruan ai./ CNA.al

Gazetari Arian Çani komentoi zgjedhjet brenda PD, ku Lulzim Basha u rizgjodh për herë të tretë në krye të kësaj partie. Sipas tij, opozita po shihet si biznes.

Çani shprehet më tej se Basha e ka të vështirë të bëhet kryeministër edhe në zgjedhjet e ardhshme, ndërsa mes ironisë shton se është talent për të qenë numri dy.

“Nuk është se do të thotë ndonjë gjë të madhe. Ishte një ngjarje që pritej. Në Shqipëri do jetë patjetër numri dy dhe Basha ka talentin për të qenë numri dy. Kjo ishte ngjarje pa ngjarje dhe mesa duket duhet ta shohim dhe opozitën si biznes.

Deri dje e shihnim si kauzë, por tani është biznes edhe për ata që përfitojnë brenda PD. Ai e ka të vështirë të bëhet edhe në zgjedhjet e ardhshme. Gjithë ky insistim tregon se ka interesa të mirëfillta. Nga karriera e tij Basha është ok, por për opozitën duhet të kuptojmë se ku e çon”, tha Çani./CNA.al

Ish-sekretari i përgjithshëm i PD, Arben Ristani ishte i ftuar pasditen e sotme në ‘Top Talk’ ku ka komentuar situatën brenda partisë pas zgjedhjeve të 13 qershorit.

Ristani tha se tani është koha të punohet me demokratët që të jene reflektues se me Bashën do shkojmë nga humbja në humbje.

“Lëvizja nuk është se ishte një veprim i paramenduar, në kohë. Ne pavarësisht se humbja pritej duke parë veprimet, ne ishim të angazhuar në fushatë sikur të ishte reale. U kërkua dorëheqja, gjërat u përshpejtuan kur u pa mungesa e reflektimit, kur Basha deklaroi që tani fillon lufta, me një tallje për demokratët sepse i bie që ke 8 vjet që rri kot.

Tani kemi kandidatët, platforma, që mund të ndryshojnë, tani është koha të punohet me demokratët që të jene reflektues se me Bashën do shkojmë nga humbja në humbje , këtu do jemi do vijnë zgjedhjet lokale përsëri , por Basha është është një humbës i pashpresë.”/CNA.al