Milani dhe Atalanta do të ndeshen në orën 18:00, në sfidën e vlefshme për javën e 19-të të Serisë A italiane. “Rosonerët” e Stefano Piolit kryesojnë tabelën, teksa një rezultat pozitiv ndaj zikaltërve, do t’i shpallte automatikisht kampionë dimri.

Në këtë ndeshje pritet të debutojë edhe Mario Mandzukiç, i cili ndodhet në stol, ndërkohë që tekniku kuqezi i ka surprizuar të gjithë duke aktivizuar nga minuta e parë mesfushorin Meite.

Për sa i përket formacionit të Atalantës, Berat Gjimshiti, ia ka dalë të jetë nga minuta e parë në këtë përballje. Për Atalantën pritet të mungojë, Mario Pasalic nga një lëndim, ndërsa Papu Gomez nuk do të paraqitet shkaku i situatës së krijuar me klubin.

Për Milanin, nuk do paraitet Saelemaekers nga kartoni i kuq, Romagnoli, Gabbia, Bennacer dhe Calhanoglu i cili ka rezultuar pozitiv me COVID-19. Milani qëndron në vendin e parë me 43 pikë, ndërsa Atalanta ka 33 pikë total dhe renditet në pozitën e gjashtë.

FORMACIONET ZYRTARE:

MILAN: Donaruma; Kalabria, Kalulu, Kjaer, Hernandez; Tonali, Kesi; Kastijeho, Meite, Leao; Ibrahimoviç.

ATALANTA: Golini; Toloi, Romero, Gjimshiti; Hatebur, De Run, Freuler, Gosens; Pesina, Iliçiç; Zapata.

Marash Kumbulla është rikthyer si titullar edhe në kampionatin italian pasi luajti 120 minuta në Kupë kundër Spezias. Mbrojtësi shqiptar po luan sërish ndaj të njëjtit kundërshtar, vetëm se këtë herë bëhet fjalë për Seria A.

Roma e kaloi e para në avantazh me Majoral, ndërsa barazimi erdhi në minutën e 23, në një situatë tërësisht të evitueshme. Teksa Kumbulla po markonte sulmuesin e Spezias e ka larguar topin me kokë, por sfera është përplasur në trupin e Smalling që gjendej shumë afër.

Në këtë mënyrë do t’i dhurohej mundësia e golit Spezias, ku nëse do të kishte një komunikim më të mirë mes dy mbrojtësave të Romës, padyshim që do të evitohej kjo situatë kaotike.

#RomaSpezia
Roma 1-1 Spezia – Roberto Piccoli goal pic.twitter.com/89OU3hLMwr

— noobfcb (@noob_fcb) January 23, 2021

Sokratis Papastadopulos, pritet të jetë afrimi i ri i Lacios në këtë merkato janarit.

Mbrojtësi grek ndërpreu kontratën e tij me Arsenalin dhe tani është një futbollist i lirë për të zgjedhur skuadrën e tij të ardhshme. Në gjurmët e futbollistit janë vënë dy skuadra italiane, Xhenoa dhe Lacios.

Megjithatë skuadra kryeqytetase është e avantazhuar dhe sipas “La Gazzetta dello Sport” shumë shpejt pritet të mbyllet marrëveshja përfundimtare. Një tjetër goditje me parametër zero kjo e drejtorit sportiv, Igli Tare, i cili shquhet për afrime të goditura, që kanë tërhequr vëmendjen të Lacio në këto vite.