Kryetari i Komisionit të Ligjeve, Ulsi Manja, u shpreh i bindur në fitoren e  Partisë Socialiste në zgjedhjet e 25 prillit, duke shtuar se mazhoranca synon 74 mandate duke mbajtur nivelin e vitit 2017.

“Ne diskutojmë cilësinë e fitores së PS në 25 prill për të qeverisur e çuar në fund reformat tona, objektivi ynë është të mbajmë 74 mandate, por që PS është mazhorancë, këtë nuk e diskuton asnjë seli e opozitës. Duam të marrim mandatet e 2017-s”, tha ai.

Besimin në fitoren e zgjedhjeve, Manja e bazon me reformat e ndërmarra nga qeveria, por edhe nga fakti që, sipas tij, nuk ka asnjë kundërshtar dhe alternativë përballë. Duke e konsideruar sfidë me vetveten ai thotë se në mandatin e tretë Shqipëria do të hyjë në rrugën e integrimit.

“Ne do ta marrim mandatin e tretë. Ne nuk kemi kundërshtar përballë, por unë besoj që mandati i tretë është sfidë me vetveten dhe është fryt i punëve të mira që kemi bërë dhe do përfundojmë ato punë që kemi nisur dhe janë të hapura dhe ky është mandati ynë i tretë dhe nga pikëpamja e reformës në drejtësi dhe zhvillimit ekonomik. Në mandatin e tretë, Shqipëria do hyjë në rrugën e integrimit, unë nuk kam sfidë me kundërshtarin, por me vetveten.

Të qasemi te qytetari me gjuhë të thjeshtë se çfarë kemi bërë mirë dhe çfarë nuk kemi bërë mirë. Nuk ka alternativë. Një opozitë me vizion e vendos edhe mazhorancën në pozitë të fortë elektorale, ne sfidën e kemi me vetveten. PD me përjashtim të zgjedhjeve të 92 ka qeverisur falë manovrave politike e elektorale për shkak të problemeve që kishte e majta”, u shpreh Manja.

Një tjetër sukses me të cilin synon mandatin e tretë, PS konsideron menaxhimin e pandemisë. Dhe, sipas Manjas, do të ishte absurde nëse nuk i njihet merita qeverisë.

Sa i takon dekriminalizimit, Manja shprehet se thelbi i tij është deklarimi vullnetari i çdo kandidati, por PS nuk do të bëhet mburojë për asnjë./CNA.al

Ish-deputeti i PD-së, Luçiano Boçi ka publikuar denoncimin e një mësuesi në qarkun e Elbasanit, i cili shprehet se mësuesit në Peqin nuk e marrin pagesën e orëve shtesë.

Përmes një postimi në rrjetin social, Boçi shprehet se diskriminimi i qeverisë ndaj mësuesëve është i pandalshëm, duke shtuar se në arsim po mbizotëron kaosi, pasiguria dhe pandemia.

“Pas mashtrimit me rritjen e pagave, mësuesit nuk marrin as orët shtesë

Diskriminimi dhe përçmimi i mësuesve nga Rama është i pandalshëm.

Pas mashtrimit për rritjen e pagës, Rama refuzon t’u paguajë atyre orët shtesë.

Denoncimi i ardhur nga Peqini nuk është i vetmi.

Mësuesit nuk marrin prej kohësh atë që u takon.

Ndërkohë në arsim kudo mbretëron kaosi, pasiguria dhe pandemia!

Dita e gjykimit po afron”, shkruan Boçi./CNA.al

Pasi Partia Demokratike dhe Lëvizja Socialiste për Integrim dogjën mandatet parlamentare, ata u zëvendësuan në një koghë të shkurtër nga emrat e tyre që kishin në listë. Por kur kanë kaluar dy vjet nga ky vendim, afrimi i zgjedhjedhjeve parlamentare të 25 prillit ka bërë që një pjesë e tyre të rikthehen sërish në partinë mëmë.

Karrigia e deputeti duket se i ka ëmbëlsuar mjaftueshëm, aq sa të hapin krahët dhe hedhin pas krahëve fjalët që thanë për PD dhe LSI.

CNA.al ka mësuar se deputeti Selami Jenisheri do t’i bashkohet koalicionit opozitar për të garuar në zgjedhjet e 25 prillit.

I kontaktuar nga redaksia, Jenisheri e pohoi një gjë të tillë. Ai u shpreh se PD nuk është e kryetarit Lulzim Basha, por e qytetarëve demokratë dhe do e mbështesë në këto zgjedhje.

“PD nuk është e kryetarit. Unë do të vendos se çfarë do të bëj dhe se çfarë pozicioni do të më ofrojë PD. Unë jam pjesë e PD sepse as vetë nuk kam ikur as ata nuk më kanë përzënë”, tha Jenisheri për CNA.al.

Ndërkohë që një tjetër emër që do i bashkohet PD është edhe deputeti Korab Lita, i cili u shpreh për CNA.al se do të jetë në krah të Bashës, ku shtoi se çdo deputet që ka dalë nga listat e PD përfaqëson atë parti./CNA.al

Selami Jenisheri tek kafja e PD

https://www.cna.al/2021/01/21/krisje-mes-opozites-ne-parlament-korab-lita-rikthehet-me-pd/