Connect with Us

Zëvendësoi të shkarkuarin e Vettingut/ Gjyqtarja liroi të denoncuarin nga kryebashkiaku i PS

Vetingu

Zëvendësoi të shkarkuarin e Vettingut/ Gjyqtarja liroi të denoncuarin nga kryebashkiaku i PS

Publikuar

-

Iku nga frika e Vettingut/ “Rebelohet sheiku”, Agim Bendo ndaj KPK-së

Që prej vitit 2018, Gjykata e Shkallës së Parë Korçë, drejtohet nga Luljeta Kole.

Kjo e fundit u emërua në krye të institucionit, pas shkarkimit nga Vettingu të ish drejtuesit Admir Belishta, pasi u gjet me shkelje në tre kriteret. Gjyqtarja Kole, është lakuar në vitin 2014, kur në duar kishte një kallëzim të kryebashkiakut të Korçës, Sotiraq Filo ndaj një shtetasi tjetër.

Filo akuzonte P. Xhelollarin, për veprën penale të të “Kanosjes për shkak të detyrës”. Xhelollari arrestua, por gjyqtarja Luljeta Kole, që mori në shqyrtim akuzën e ngritur nga prokurori, Oleger Minaj e vlerësoi arrestimin e Xhelollarit të paligjshëm dhe vendosi tëlinte të lirë të akuzuarin.

Në përgjithësi në aspekin profesional, emri i gjyqtares Kole, nuk është lakuar negativisht. Edhe në aspektin pasuror, referuar formularëve të deklarimit të pasurisë, depozituar në ILDKPKI, rezulton se nuk ka asgjë të dyshimtë.

Të ardhurat, gjyqtarja i ka nga paga e saj dhe e bashkëshortit dhe po ë varësi të pagës deklaron edhe kursimet. E vetmja pronë e patundshme që gjyqtarja deklaron është një apartament i përfituar nga privatizimi dhe ku bashkëshorti i saj zotëron 25 %.

Ndërsa si pasuri të luajtshme gjyqtarja deklaron në vitin 2011, një autoveturë Renaul Clio në emër të bashkëshortit, me vlerë 300 000 lekë.

Më poshtë po sjellim të detajuar pasurinë e deklaruar nga gjyqtarja Lulejta Kole.

Viti 2003
Të ardhura të subjektit deklarues si gjyqtar në Korçë, 72 000 lekë.

Viti 2004
Të ardhura të subjektit deklarues si gjyqtar në Korçë, 69 353 lekë.
Të ardhura të bashkëshortit nga Këshilli I Qarkut, Korçë, 32 000 lekë.

Viti 2005
Të ardhura të subjektit deklarues si gjyqtar në Korçë, 72 000 lekë.
Të ardhura të bashkëshortit nga Këshilli I Qarkut, Korçë, 28 000 lekë.

Viti 2006
Të ardhura të subjektit deklarues si gjyqtar në Korçë, 75 000 lekë.

Viti 2007
Të ardhura të subjektit deklarues si gjyqtar në Korçë, 75 616 lekë.
Të ardhura nga puna e bashkëshortit si oficer kredie 41 500 lekë.

Viti 2008
Kursime nga pagat 200 000 lekë.
Të ardhura të subjektit deklarues si gjyqtar në Korçë, 66 495 lekë.
Të ardhura nga puna e bashkëshortit si oficer kredie 46 000 lekë.
Bashkëshorti deklaron

LEXO EDHE:  “Mbani frymën!”/ Artan Hoxha ironizon Bolinon: Njerëzit mund të pësojnë atak nga sondazhi

Viti 2009
Të ardhura të subjektit deklarues si gjyqtar në Korçë, 1 092 814 lekë.
Të ardhura të subjektit deklarues si pedagoge në Universitetin e Korçës, 120 000 lekë.
Të ardhura nga puna e bashkëshortit si oficer kredie 636 000 lekë.

Viti 2010
Kursime 200 000 lekë.
Të ardhura të subjektit deklarues si gjyqtar në Korçë, 1 091 687 lekë.
Të ardhura nga puna e bashkëshortit si oficer kredie 53 000 lekë.

Viti 2011
Autoveturë Renaul Clio në emër të bashkëshortit, 300 000 lekë.
Të ardhura të subjektit deklarues si gjyqtar në Korçë, 1 106 883 lekë.
Të ardhura nga puna e bashkëshortit si oficer kredie 45 000 lekë.

Viti 2012
Të ardhura të subjektit deklarues si gjyqtar në Korçë, 1 104 373 lekë.

Viti 2013
Kursime 300 000 lekë.
Të ardhura të subjektit deklarues si gjyqtar në Korçë, 1 183 258 lekë.
Të ardhura nga puna e bashkëshortit UKKO, 240 000 Lekë.

Viti 2014
Kursime 200 000 lekë.
Të ardhura të subjektit deklarues si gjyqtar në Korçë, 1 388 327 lekë.
Të ardhura nga puna e bashkëshortit UKKO, 728 000 Lekë.

Viti 2015
Gjendje në llogarinë e pagës të subjektit deklarues, 97 300 lekë.
Kursime 200 000 lekë.
Të ardhura të subjektit deklarues si gjyqtar në Korçë, 1 554 219 lekë.
Të ardhura nga puna e bashkëshortit UKKO, 660 000 Lekë.

Viti 2016
Gjendje në llogarinë e pagës të subjektit deklarues, 55 000 lekë.
Kursime 300 000 lekë.
Të ardhura të subjektit deklarues si gjyqtar në Korçë, 1 390 855 lekë.
Të ardhura nga puna e bashkëshortit UKKO, 638 500 Lekë.

Viti 2017
Gjendje në llogarinë e pagës të subjektit deklarues, 178 883 lekë.
Kursime 300 000 lekë.
Të ardhura të subjektit deklarues si gjyqtar në Korçë, 1 340 909 lekë.
Të ardhura nga puna e bashkëshortit UKKO, 638 500 Lekë.

Viti 2018
Gjendje në llogarinë e pagës të subjektit deklarues, 113 308 lekë.
Kursime 300 000 lekë.
Depozitë bankare me vlerë 300 000 lekë.
Të ardhura të subjektit deklarues si gjyqtar në Korçë, 1 370 393 lekë.
Të ardhura nga puna e bashkëshortit UKKO, 674 993 Lekë./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Vetingu

Kryegjyqtari me apartamente, garazhe dhe troje të pajustifikuara/ Mblidhen dëshmi të reja për Kastriot Selitën

Publikuar

-

Nga

Kreu i Gjykatës Administrative të Apelit, Kastriot Selita po përballet me shkallën e dytë të Vettingut.

Selita po përballet në Kolegjin e Posaçëm të Apelimit me ankimin e Komisionerit Publik, Florian Ballhysa si dhe me 12 denoncime të mbërritura pas përfundimit të procesit në shkallën e parë të Vetingut.

Kujtojmë se Selita, u konfirmua në detyrë nga Komisioni i Pavarur i Kualifikimitme 18 Qershor 2019.

Ishte ONM që rekomandoi tek Komisionieri Publik, kërkesën për shkarkimin e tij.

KPA mbledh dëshmi në institucione

Kolegji i Posaçëm i Apelimit i përbërë nga Albana Shtylla, kryesuese, Ina Rama relatore dhe Natasha Mulaj, Sokol Çomo, anëtarë,  në seancën e datës 28.04.2021, ka njoftuar palët se kanë mbledhur prova nga aktet e mbërritura nga Gjykata e Lartë, Gjykata Administrative e Apelit, Gjykata Administrative e Shkallës së Parë Tiranë, Gjykata Administrative e Shkallës së Parë Durrës, Gjykata Administrative e Shkallës së Parë Vlorë, Agjencia Shtetërore e Kadastrës Zyra Tiranë si dhe nga banka Intesa San Paolo.

Gjatë paraqitjes së tij, gjyqtari Selita ka deklaruar se pretendimet e Komisionerit Publik sa i përket kriterit të pasurisë janë të pabazuara, po ashtu, sipas tij, edhe pretendimet lidhur me qënien në konflikt interesi gjatë ushtrimit të detyrës, në aspektin praktik nuk janë të vërteta dhe nuk paraqesin aspekt ligjor.

Gjithashtu, Selita ka paraqitur edhe një akt të ri, një vërtetim të lëshuar nga Gjykata Administrative e Apelit që kërkoi të pranohet si provë nga trupi gjykues.

Pasi u tërhoq për konsultim, bazuar në nenin 49, pika 1, germa c, e ligjit 84/2016, trupi gjykues vendosi të administrojë vërtetimin e Gjykatës Administrative të Apelit, i cili do t’i vihet në dispozicion edhe Komisionerit Publik.

KPA do t’i kërkojë dokumentacion shtesë Drejtorisë së Apelimit Tatimor dhe në pritje të mbërritjes së këtij dokumentacioni.

LEXO EDHE:  Denoncimi në “Stop”- Qytetarja mesazh Veliajt/ Nuk të kemi zgjedhur të mbjellësh pemë

LEXO EDHE:  OFL "hedh grepat" në Tiranë/ Ultimatum për pasurinë katër personave

Me kërkesë të trupit gjykues, gjatë  séancës së radhës që do të mbahet me datë 19 Maj 2021 , Selita do të mbajë qëndrimin e tij lidhur me shpenzimet e jetesës për vitet 1997-1999, ndërkohë që palët duhet të jenë të përgatitura edhe për të paraqitur konkluzionet përfundimtare.

Gjetjet e Komisionerit Publik

                                       Florian Ballhysa

Komisioneri Publik, Florjan Ballhysa ka kërkuar riçelje të hetimit për burimin e krijimit të disa pronave të zotëruara nga Selita dhe bashkëshortja e tij.

Bëhet fjalë për një apartament me sipërfaqe 124.9 m2 në rezidencën Ambasador 3, një apartament dhe garazh në të njëjtën adresë, një apartament 205 m2 dhe një sipërfaqe trualli në Lalëz të Durrësit si dhe për blerjen e një automjeti.

Ndërsa për shtëpinë e familjes së bashkëshortes, e shitur në vlerën e 220 mijë eurove, Ballhysa  ka kërkuar që të hetohen kostot e ndërtimit, ligjshmëria e burimeve si dhe metodologjia e përdorur nga KPK në analizën financiare.

Sa i përket aftësive profesionale, Ballhysa pretendon për konflikt interesi.

Kjo lidhet me një çështje të gjykuar nga Selita në cilësinë e relatorit, ndaj një kompanie, administratori i së cilës kishte blerë apartamentin e bashkëshortes së tij në vitin 2015 për 110 mijë euro.

Po, në një tjetër çështje, Selita kishte gjykuar një çështje me palë të tretë një kompani ndërtimi, ku një vit më pas kishte blerë një apartament dhe një garazh./CNA.al

LEXO TE PLOTE

Vetingu

Pasuria “i pret kokën”/ Gjyqtari i Elbasanit jashtë sistemit të drejtësisë

Publikuar

-

Nga

Ditën e sotme Komisioni i Pavarur i Kualifikimit pas seancave dëgjimore vendosi shkarkimin e gjyqtarit të Elbasanit, Ramazan Avdiu.

KPK ka gjetur probleme për katër huadhënie me interes nga ana e Avdiut si dhe mungesë burimesh financiare për krijimin e pasurisë.

Avdiu e ka konsideruar të pavërtetë raportin e KPK-së dhe e ka quajtur hetimin administrativ të KPK të përciptë dhe të nxituar. Fillimisht u ndal në përllogaritjen e shpenzimeve të Komisionit për periudhën 1994-2002. Avdiu ka këmbëngulur  se ishte e padrejtë që shpenzimet janë konsideruar në vlerën 66% të të ardhurave.

Gjatë seancës së shpalljes së vendimit të enjten, kryesuesi i trupës gjykuese, Olsi Komici deklaroi se, me shumicë votash, ishte rrëzuar kerkesa e gjyqtarit Avdiu për riçeljen e hetimit për të tri kriteret e rivlerësimit dhe se ishte vendosur shkarkimi i tij nga detyra.

Dy anëtarët e tjerë të trupit gjykues që kreu procesin e vetingut për gjyqtarin e Gjykatës së Elbasanit, Ramazan Avdiu janë Xhensila Pine dhe Valbona Sanxhaktari, kjo e fundit në cilësinë e relatores së çështjes.

LEXO EDHE:  Denoncimi në “Stop”- Qytetarja mesazh Veliajt/ Nuk të kemi zgjedhur të mbjellësh pemë

LEXO EDHE:  Denoncimi në “Stop”- Qytetarja mesazh Veliajt/ Nuk të kemi zgjedhur të mbjellësh pemë

Ramazan Avdiu e ka nisur karrierën në sistemin e drejtësisë në vitin 1995 dhe ka punuar fillimisht si gjyqtar dhe më pas kryetar në Gjykatën e Gramshit. Prej vitit 2008, Avdiu e ushtron funksionin në Gjykatën e shkallës së parë në Elbasan./CNA.al

Biznesi i drejtësisë/ Hije dyshimi mbi pasurinë e gjyqtarit të Elbasanit

LEXO TE PLOTE

Vetingu

Vettingu/ KPK merr vendimin për prokurorin e Tiranës

Publikuar

-

Nga

Komisioni i Pavarur i Kulaifikimit, ka konfirmuar në detyrë prokurorin e Rrethit Gjyqësor Tiranë, Albert Murçaj.

Gjatë seancës dëgjimore të mërkurën, nuk u evidentuan probleme domethënëse në asnjë prej kritereve të rivlerësimit.

Relatorja Çiftja sqaroi se nuk janë gjetur pobleme në deklarimin e dy depozitave me vlerë 600 mijë lekë dhe 300 mijë lekë, për krijimin të cilave ka deklaruar si burime të ardhurat nga pagat, dietat dhe shpërblimet nga puna si prokuror. Komisioni konstaton se prokurori Murçaj kishte pasur burime edhe për krijimin e gjendjes cash. Por është konstatuar mospërputhje midis vlerës së pasqyruar në deklaratën veting në shumën 750 mijë lekë dhe cash-it në fund të vitit 2016 në vlerën 1 milion e 230 mijë lekë.

Prokurori Murçaj deklaroi se mospërputhja e gjendjes cash kishte ardhur si pasojë e një lapsusi nga ana e tij. Ai shtoi se është evidentuar shtesa, por nuk është shënuar tek gjendja cash. Komisioni nuk ka gjetur probleme edhe për shtëpinë e prindërve në Shkodër që përdoret nga subjekti i rivlerësimit.

LEXO EDHE:  Denoncimi në “Stop”- Qytetarja mesazh Veliajt/ Nuk të kemi zgjedhur të mbjellësh pemë

LEXO EDHE:  “Forcat politike të mbajnë fokusin te reformat”/ Varhelyi: Zgjedhorja kusht për konferencën e parë ndërqeveritare

Nga analiza financiare ka rezultuar se prokurori Murcaj rezultonte me balancë pozitive në të gjithë vitet.
Prokurori Murçaj mori vlerësim pozitiv për pastërtinë e figurës. Për profesionalizmin u konstatua se hetimi i një çështje e vitit 2012 kishte zgjatur tej afatit të përcaktuar; në një hetim tjetër kishte rezultuar se nuk ishin pyetur personat e kërcënuar dhe në një rast mungonte vendimi për zgjatje të hetimit. Komisioni nuk ka gjetur pobleme në katër denoncimet e depozituara nga publiku./CNA.al

LEXO TE PLOTE
Lajme të Rekomanduara: