Connect with Us

Opinion/ Vetëm heqja e prizës nuk është përgjigje

Bota

Opinion/ Vetëm heqja e prizës nuk është përgjigje

Publikuar

-

Facebook dhe Twitter bllokuan llogaritë e Donald Trump. Kompanitë thjesht duan t’i largohen përgjegjësisë. Ne nuk mund të lejojmë që kjo të ndodhë, mendon kryeredaktorja e DW Manuela, Kasper-Claridge.
Presidenti i SHBA Donald Trump nuk ka më megafon në mediat sociale; Twitter, Facebook e të tjerët i bënë të qartë gjigandit të Twitter-it, se ata janë të fuqishmit e vërtetë: ata vendosin se kujt i lejohet të shprehet dhe si në platformat e tyre, thjesht duke bllokuar përdoruesin e tyre ndoshta më të famshëm.

88 milionë ndjekësit e @realDonaldTrump dhe 35 milionë abonentët në Facebook nuk mund t’i gjejnë më në këto platforma deklaratat e tij ndonjëherë të rrezikshme dhe raciste. Presidentit ia mbyllën megafonin. Donald Trump i ka përdorur llogaritë e tij si armë kundër atyre që mendojnë ndryshe. Gjuha e urrejtjes dhe lajmet e rreme ishin shenjat dalluese të tij. Pasojat e kësaj mund të shihen në sulmin ndaj Kapitolit në Uashington.

Liria e shprehjes

Më në fund qetësia thotë shumë. Dhe unë gjithashtu mora frymë e lehtësuar. Por vetëm për një kohë të shkurtër. Sepse kush do lirinë e shprehjes, duhet ta durojë lirinë e shprehjes. Më bën nervoz që një grup i vogël biznesmenësh mund të vendosin që t’i mbyllin dikujt derën ndaj platformave më me ndikim të komunikimit në botë.

Nuk e kam fjalën këtu për gjuhën e urrejtjes apo lajme të rreme. Ato duhet të identifikohen ose fshihen. Kjo është detyra e operatorëve të platformave. Një detyrë që ata gjatë muajve të fundit e kanë kryer vetëm me ngurrim. Në maj tweet-et e para të Presidentit të SHBA-së u shoqëruan me paralajmërime. Pas zgjedhjeve disa madje u fshinë. Të gjithë tani mund të shihnin se sa josubstanciale dhe të rrezikshme ishin disa nga deklaratat e Donald Trump. Kjo ishte një gjë e mirë.

LEXO EDHE:  Beteja në 5 shtete “kyçe”/ Presidenti Trump kryeson në katër prej tyre

Por thjesht bllokimi, është gjë shumë e lehtë. Operatorët e platformave po i shmangen përgjegjësië së tyre. Sepse edhe pa Donald Trump, ka miliona dhe miliona raporte të rreme, gjuhë urrejtjeje dhe propagandë të neveritshme në platformat e tyre. Twitter, Facebook dhe Co. duhet të përmbushin në këtë mes detyrimet e tyre shoqërore. Ata duhet t’i fshijnë dhe, kur është e nevojshme, t’i klasifikojnë dhe identifikojnë lajmet e rreme.
Përgjegjësia e operatorëve të platformave

Të mos harrojmë se këto rrjete sociale janë një mjet i rëndësishëm për të shprehur mendimin, veçanërisht në vendet me liri shtypi të kufizuar. Nuk ka asnjë lidhje me pluralizmin, kur disa pak bosë kompanish që janë përgjegjës vetëm ndaj aksionerëve të tyre dhe dominojnë tregjet, përdorin fuqinë e tyre për të vendosur mbi ligjërimin shoqëror dhe lirinë e shprehjes. Ka ardhur koha ta marrim seriozisht këtë fuqi faktike të Facebook, Twitter dhe Google. Na duhet më shumë rregullim, më pak dominim i tregut dhe më shumë përgjegjësi nga operatorët e platformave.

Gjermania ka ndërmarrë hapat e parë në këtë drejtim. Ligji për rrjetet sociale (NetzDG) ​​hyri në fuqi më 1 janar 2018 dhe sipas tij rrjetet sociale duhet të ndërmarrin veprime më të forta kundër lajmeve të rreme dhe gjuhës së urrejtjes. Ligji u përshëndet nga Komisioni i BE. Që atëherë Facebook dhe Co kanë punësuar qindra “moderatorë për përmbajtjen” në Gjermani që kontrollojnë komentet dhe i fshijnë ato nëse është e nevojshme. Krahasuar me numrin e komenteve, ky sigurisht që është vetëm një fillim – por sidoqoftë. Thjesht t’i heqësh dikujt prizën, si në rastin e Donald Trumpit, është padyshim një metodë jopremtuese. Në vend të kësaj goliatët e mediave sociale duhet të përballen me përgjegjësitë e tyre./DW

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Rusia dëbon një diplomat rumun në shenjë hakmarrjeje

Publikuar

-

Nga

Rusia dëbon një diplomat rumun në shenjë hakmarrjeje

Rusia tha se ka dëbuar zëvendësin e atasheut ushtarak të Ambasadës së Rumanisë, në përgjigje të vendimit të Bukureshtit për të dëbuar një diplomat rus.

Ambasadori i Rumanisë në Rusi, Cristian Istrate, u thirr në bisedë informative në Ministrinë e Jashtme të Rusisë në Moskë, ku iu deklarua se “kapiteni G.Iliescu, ndihmës i atasheut ushtarak në Ambasadën e Rumanisë, është shpallur person i padëshirueshëm”, tha Ministria ruse.

Iliescu ka 72 orë kohë për t’u larguar nga Rusia.

Ministria e Jashtme ruse tha se vendimi është marrë në përgjigje të vendimit të Bukureshtit për të shpallur person të padëshirueshëm një ndihmës të atasheut ushtarak në Ambasadën ruse në Bukuresht, më 26 prill.

Rumania, muajin e kaluar, ka thënë se ka dëbuar zëvendësin e atasheut ushtarak të Ambasadës së Rusisë për aktivitete që nuk përputheshin me statusin e tij diplomatik.

Rumania nuk ka dhënë detaje të tjera.

LEXO EDHE:  Video-Opinion/ Rama: Mediat në Shqipëri janë plehra

LEXO EDHE:  Protesta e ndërprerë

Disa vende të tjera të ish-bllokut sovjetik në Evropën qendrore dhe lindore – të gjitha tani anëtare të Bashkimit Evropian dhe NATO-s – kanë dëbuar diplomatë rusë, duke shkaktuar masa reciproke edhe nga Moska.

Dëbimet kanë nisur muajin e kaluar, kur Republika Çeke ka dëbuar dhjetëra diplomatë rusë, pas dyshimeve se spiunët rusë kanë qenë të përfshirë në një shpërthim vdekjeprurës në një depo municionesh në Çeki, në vitin 2014.

Moska i ka mohuar akuzat dhe, në përgjigje, ka dëbuar disa diplomatë çekë./REL

LEXO TE PLOTE

Bota

Sllovakia pezullon dozat e para të AstraZeneca-s

Publikuar

-

Nga

Si do të organizohet falja e Fiter Bajramit?/ KMSH thirrje besimtarëve: Respektoni rigorozisht masat anti-Covid

Sllovakia pezulloi përdorimin e vaksinës AstraZeneca kundër koronavirusit, pasi një person i vaksinuar me këtë vaksinë, vdiq nga mpiksja e gjakut.

Ministria e Shëndetësisë tha se vetëm njerëzit e vaksinuar me dozën e parë, do të marrin dozën e dytë të AstraZeneca-s.

Dozat e para të kësaj vaksine u pezulluan, tha Ministria e Shëndetësisë.

Ministri Vladimir Lengvarsky paralajmëroi javën e kaluar se Sllovakia do ta rishikojë strategjinë e vaksinimit, pas mpiksjes fatale të gjakut te një person që u vaksinua me AstraZeneca.

Disa vende të Bashkimit Evropian e kanë kufizuar përdorimin e AstraZeneca-s vetëm te njerëzit më të moshuar, pas konfirmimit se ekziston një lidhje midis vaksinës dhe mpiksjes shumë të rrallë të gjakut te disa njerëz, kryesisht më të rinj.

Agjencia Evropiane e Barnave, megjithatë, ka konstatuar se përfitimet nga vaksina AstraZeneca i tejkalojnë rreziqet.

LEXO EDHE:  Ikja e një njeriu të padorëzueshëm!/ Nga Mero Baze

LEXO EDHE:  Video-Opinion/ Rama: Mediat në Shqipëri janë plehra

Vaksina J&J në Gjermani, në dispozicion për të gjithë të rriturit

Gjermania, javën e kaluar, i ka hequr kufizimet ndaj vaksinës AstraZeneca, e cila për disa javë u është rekomanduar vetëm personave mbi 60 vjeç.

Danimarka e ka pezulluar AstraZeneca-n plotësisht, ndërsa ekspertët në Britani kanë rekomanduar që njerëzve nën 40 vjeç t’u jepet një vaksinë alternativë.

Sllovakia, vend me 5.4 milionë banorë, ka regjistruar mbi 386,000 raste me koronavirus dhe 12,077 viktima./voa

LEXO TE PLOTE

Bota

Bie numri i amerikanëve që ngurrojnë të vaksinohen

Publikuar

-

Nga

Bie numri i amerikanëve që ngurrojnë të vaksinohen

Aktualisht, janë më të paktë amerikanët që hezitojnë imunizohen ndaj COVID-it krahasuar me vetëm disa muaj më parë, por pikëpyetjet për efektet anësore dhe mënyrën se si u testuan vaksinat ende i bëjnë disa njerëz të ngurrojnë, sipas një sondazhi të ri.

Vetëm 11% e njerëzve ende të paimunizuar thonë se ata me siguri do ta marrin vaksinën, ndërsa 34% thonë se nuk do ta bëjnë, sipas sondazhit të kryer nga Associated Press dhe Qendra NORC për Studime të Çështjeve Publike.

Kjo tregon se një pjesë e madhe e amerikanëve ende hezitojnë. Mes tyre, 27% thonë se ndoshta do ta marrin vaksinën dhe 27% se nuk do ta marrin, nëse nuk binden nga dikush që mund t’i besojnë.

Imunologia Kizzmekia Corbett e Institutit Kombëtar të Shëndetit është një prej shkencëtarëve që ndihmuan për krijimin e vaksinës Moderna. Ajo kalon orë të tëra duke u dhënë përgjigje të qarta pyetjeve që bëjnë njerëzit, sidomos afrikano-amerikanët, për të hedhur poshtë dezinformimin për tre vaksinat që përdoren në SHBA.

“Jo, vaksinat COVID-19 nuk shkaktojnë infertilitet: Kushdo që përhap thashetheme të tilla, turp të ketë”.

“Jo, krijimi i shpejtë i vaksinave nuk do të thotë që ato janë bërë me punë shkeleshko. Kemi 6 vjet që na ka rënë kurrizi duke punuar për të gjetur vaksina për viruse të ngjashme me COVID-19n dhe kjo punë solli ndryshimin,” tha zonja Corbett për agjencinë Associated Press.

Vaksinimi sa më i shpejtë i njerëzve është me rëndësi kritike për kthimin e vendit në normalitet. Më shumë se 150 milion njerëz – rreth 58% e të gjithë të rriturve – kanë marrë të paktën një dozë, sipas Qendrave për Kontrollin dhe Parandalimin e Sëmundjeve.

Ndërsa ky numër rritet, edhe ngurrimi po bie. Në përgjithësi, sondazhi AP-NORC tregon se rreth 1 në 5 të rritur amerikanë thonë se ata me siguri ose patjetër nuk do të vaksinohen, krahasuar me rreth një të tretën në janar, kur vaksinimet sapo kishin filluar.

Edhe afrikano-amerikanët po bëhen më të hapur ndaj imunizimit. Prej tyre, 26% thonë se patjetër ose ndoshta nuk do të vaksinohen krahasuar me 41% në janar. Kjo shifër është afër me 22% të hispano-amerikanëve dhe amerikanëve të bardhë që sipas sondazhit nuk ka gjasa të vaksinohen. Midis aziatiko-amerikanëve, vetëm 9% thonë se me siguri ose ndoshta nuk do ta marrin vaksinën.

Hezitime ka nga të gjitha shtresat e shoqërisë amerikane dhe kjo i bën ekspertët të besojnë se në këshillat e tyre për njerëzit nuk ka një përgjigje standarde dhe se njerëzit duhet të marrin këshilla nga burime të besueshme, qoftë nga shkencëtarë si zonja Corbett apo nga mjekët e tyre të familjes.

Sondazhi zbuloi se sidomos amerikanët e zonave rurale nën 45 vjeç që janë republikanë, ka më tepër të ngjarë të thonë se nuk do të imunizohen. Megjithatë, qëndrimet po ndryshojnë: vetëm 32% e republikanëve tani thonë se ata ndoshta ose me siguri nuk do të vaksinohen, nga 44% në janar.

LEXO EDHE:  Bashkëpunim me Rusinë?/ Trump: Raporti të bëhet publik

LEXO EDHE:  Nga Klodian Tomorri/ Pse nuk miratohet ligji i përgjegjësisë materiale?

Rreth tre të katërtat e atyre që thonë se nuk ka gjasa të vaksinohen kanë pak ose aspak besim se vaksinat janë testuar siç duhet, ndërsa 55% janë shumë të shqetësuar për efektet anësore, sipas sondazhit.

Zonja Corbett thotë në forume të organizuara nga kolegje të ndryshme, pastorë afrikano-amerikanë, mjekë dhe madje edhe yje të basketbollit si Kareem Abdul-Jabbar, se rruga më e mirë për të kapërcyer mosbesimin është ta shpjegosh shkencën në mënyrë të kuptueshme. Pas disa javësh, ajo do të transferohet me punë në Shkollën e Shëndetit Publik të Harvardit për të vazhduar si punën për studimin e vaksinave, ashtu edhe atë të komunikimit me komunitetet.

Krijimi i shpejtë i vaksinave “është historik dhe meriton të ndihemi krenarë për të”, tha zonja Corbett, ekipi i së cilës arriti të përshtaste një vaksinë për virusin e ri, pasi ishte testuar prej gjashtë vjetësh kundër koronavirusëve të tjerë të rrezikshëm si MERS.

Studimet në shkallë të gjerë dhe të dhënat nga realiteti tregojnë se efektet anësore kryesore të vaksinave në SHBA janë ethe ose dhembje të përkohshme paralelisht me forcimin e sistemit imunitar. Vaksinimet po kalojnë nëpër një vëzhgim të pashembullt për sigurinë. Muajin e kaluar kjo çoi në një pauzë të përkohshme të vaksinimeve me Johnson & Johnson për të përcaktuar se si mund të trajtohet një rrezik tepër i rrallë i mpiksjes së gjakut tek personat që imunizohen me këtë vaksinë.

Edhe pas kësaj pauze, besimi i përgjithshëm te vaksinat është rritur paksa krahasuar me disa muaj më parë.

Por mitet për efektet anësore vazhdojnë. Zonja Corbett e quan shqetësimin për të ashtuquajturin infertilitet “krejtësisht absurd”. Në forumet ku ajo flet, shpjegon se përse është biologjikisht e pamundur që vaksinat të ndryshojnë ADN-në e dikujt.

Përsëritja është nëna e dijes; “njerëzit kanë nevojë t’i dëgjojnë gjërat shumë herë”, thotë ajo.

Plus, shumë amerikanë bëjnë ndonjëherë të njëjtat pyetje të cilave shkencëtarët ende nuk u janë përgjigjur plotësisht, të tilla si: a është e nevojshme një dozë përforcuese e vaksinës dhe kur është e nevojshme kjo.

“Këto janë pyetje, të cilave as unë vetë nuk mund t’u përgjigjem. Por mund të them se ne po bëjmë gjithçka mundemi që t’i përgjigjemi sa më shpejt që të jetë e mundur,” tha zonja Corbett./voa

LEXO TE PLOTE