Aktualitet
“Tatimi mbi fitimin është bërë zero”/ Braçe thirrje fermerëve: Pajisuni me NIPT që të merrni naftë pa akcizë
Zv/kryeministri i Shqipërisë, Erion Braçe i është drejtuar me një thirrje të gjithë fermerëve këtë vit të ri për t’u pajisur me NIPT.
Zyrtarisht tashmë nga 2021 për fermerët nafta do jetë pa akcizë, taksë qarkullimi e karboni. Braçe kërkon nga fermerët të regjistrohen dhe pajisen me NIPT që të mund të përfitojnë, pasi ndryshe nuk munden.
Po ashtu Braçe thotë se nga ky ligj i ri përfitojnë edhe ata që kanë sera për pjesën e punimit të tokës.
“PUNE MBARE
NE DIVJAKE
Lakra sallate, “sallata koke” sic i thone bujqit apo “ajsberg” sic i thone mondanet e supermarketeve te shtrenjta ne Tirane, po behet gati ne sera e ne fushe!
Eshte produkti i pare masiv i ketij viti qe do shkoj per eksport! Nderkohe, nje lutje per cdo bujk ne divjake e lushnje, edhe me tej: rregjistrohuni, paisuni me nipt dhe merrni naften pa akcize, takse qarkullimi, takse karboni!
Perfitojne edhe ata qe kane sera per pjesen e punimit te tokes! Bejeni tani dhe ulni kostot e punes e produktit tuaj. Idiotet qe ju thane se do ju vinim kase tek toka nuk jane me;
Mbi te gjitha, deri ne 140 milion leke xhiro ne vit, TATIMI MBI FITIMIN ESHTE BERE ZERO! Rregjistrohuni e merrni naften”, shkruan Braçe./CNA.al
Politikë
Vokshi takim “derë më derë” në Laprakë/ E keni në dorë vetë të ndryshojmë situatën
Ish deputetja e Partisë Demokratike Albana Vokshi ka zhvilluar një takim me banorët e zonës së Bregut të Lumit në Laprake, të cilët i shprehën shqetësimet e tyre, duke nisur që nga infrastruktura dhe falimentimi i bizneseve.
Në takimet derë më derë, Vokshi u shpjegoi qyyetarëve planin konkret të PD për rritjen e të ardhurave përmes rritjes së pensioneve, dyfishimit të ndihmës ekonomike dhe masave të tjera lehtësuese.
“Edi Rama i ka braktisur njerëzit dhe këta qytetarë trajtohen si të dorës së dytë. Kjo gjendje duhet të marrë fund në 25 prill. E kemi në dorë vetë ta ndryshojmë. Edi Rama nuk e ka mbështetur biznesin. Ai është pasuruar vetëm për vete dhe i ka lënë qytetarët në mëshirë të fatit.
Edi Rama do që të rinjtë të largohen, në mënyrë që ta ketë më të lehtë sundimin. Duhet të qendrojmë këtu. Të votojmë PD në 25 prill dhe të bëjmë ndryshimin për jetën tonë”- tha Albana Vokshi.
Vokshi u shpjegoi qytetarëve planin konkret të PD, duke theksuar se do të respektojë çdo qytetar në bazë të ligjit.
“Me qeverinë e re të Lulzim Bashës do të ketë rritje të pensioneve dhe do tju shtohen lekët në xhepin tuaj. Do të ketë ulje të çmimit të energjisë dhe të shumë shërbimeve. Këta 8 vite duhet të marrin fund, sepse nuk e meritojnë shqiptarët një kryeministër që i ka braktisur dhe shton pasuritë e veta. Qeveria jonë do të respektojë çdo qytetar në bazë të ligjit dhe përfitimet do të jenë direkt për çdo shqiptar, që të marrë atë që meriton”, theksoi Vokshi./CNA.al
Aktualitet
Rama: Shqipëria ka gati pasaportën e vaksinimit, do të shërbejë për udhëtimet jashtë vendit
Kryeministri Edi Rama në një dalje për mediat bëri me dijë se Shqipëria ka gati pasaportën e vaksinimit.
Sipas Ramës, kjo do të shërbejë nëse vendet e huaja do ta vendosin si kusht për të gjithë ata që do të udhëtojnë.
“Ne disponojmë falë revolucionit dixhital kemi një sistem që garanton transparencë dhe kemi pasaportën dixhitale të vaksinimit, duke u përgatitur për rastet kur vaksinimi të kthehet në kusht për udhëtimet jashtë vendit”, tha Rama./CNA.al
Kronika
Hidhet nga kati i pestë/ Humb jetën 56 vjeçari në Fier
Një ngjarje e rëndë ka ndodhur paraditen e sotme në Fier.
Dyshohet se një person është vetëhedhur nga kati i pestë i pallatit dhe ka ndërruar jetë shtetasi
“Sot rreth orës 10:30, në lagjen “Kryengritja”, Fier, dyshohet se është vetëhedhur nga kati i pestë i pallatit dhe ka ndërruar jetë shtetasi P. Sh., 56 vjeç, i cili vuante nga probleme të shëndetit mendor. Grupi hetimor po kryen veprimet proceduriale për zbardhjen e plotë të ngjarjes”, njofton policia./CNA.al
