Connect with Us

‘Një Bujar për t’u njohur, një Bujar për t’u mbështetur!’

Opinione

‘Një Bujar për t’u njohur, një Bujar për t’u mbështetur!’

Publikuar

-

Nga Ardi Stefa

Në të pavetëdijshmen, thuajse gjithmonë ndërlidh emra njerëzish me natyrën e tyre, karakterin a personalitetin. Me atë ç’ka jeta e tyre përfaqëson. E kështu, i kategorizoj në udhëheqës, flegmatikë, bishtnues, lozonjarë, tradicionalë, të shkarë, lakenj, të urtë, punëtorë. Ama e vërteta është se ky kategorizim nuk është gjithmonë korrekt. Por fundja, siç e thashë, është thjesht e pavetëdijshmja. Po të mos ishte e tillë, do të kish tjetër emër.

Për shembull, emrin Kreshnik apo Gjergj gjithmonë e ndërlidh me luftëtarë. Me njerëz që ecin drejt, me zë të kumbueshëm, trupmëdhenj, me sy të thellë dhe sigurisht tradicionalë. E kështu, mund të bëj kategorizime pa fund, në bazë të emrave, përcaktoj tiparet. Lojë e imja, kjo, me veten. Gjithashtu edhe emrin Bujar. Gjithmonë e lidh me njerëz fisnikë, të qetë e të matur, të drejtë, bujarë, me njerëz që përpiqen për të tjerët e japin. Natyrisht që këtë emër e lidh edhe me luftëtarë dhe fitimtarë.

Të njëjtën ndjesi kam pasur edhe kur kam dëgjuar e më pas njohur në vitin 1994 me Bujar Leskajn. Por Bujar Leskaj është një tjetër lloj luftëtari: lufton me kohën, me çastin dhe me dritën. Lufton për të shkuarën; lufton për të tashmen, lufton për të ardhmen. Për ata që nuk e njohin, është një ndër djemtë e suksesshëm të Vlorës, me një karrierë të admirueshme politike e administrative, por edhe me një ndjeshmëri të jashtëzakonshme për Vlorën e vlonjatët, për historinë e traditat e Labërisë, për personazhet më të spikatura të Vlorës, Shqipërisë e Kosovës.

I lindur në Vlorë, Bujari edhe pse shumë vite të jetës së tij i kaloi në kryeqytet, për asnjë çast nuk u shkëput nga rrënjët. Vlora i dha krahë, Vlora i dha edhe rrënjët. Vlora i dha edhe shpirtin. Për asnjë çast nuk u shkëput nga Vlora dhe njerëzit e saj, sado lart që arriti, sado karrierë të lakmueshme që pati. Nuk kishte aktivitet shoqëror, historik, kulturor, sportiv ku Bujari të mos ishte i pranishëm. Nuk kishte aktivitet ku Bujari të mos ishte kontribues. Adhurues i artit, adhurues i këngës labe, adhurues i historisë e i traditave, Bujarin do ta kishe gjithmonë aty, me fjalën e mirë, dashamirësinë, mbështetjen financiare, morale e shoqërore.

Bujari është një njeri shumë human, i ditur e shumë i lexuar, adhurues i madh i artit e i pikturës. Di të respektojë e nderojë çdo mik. I qetë, i matur, rigoroz, me mirësjelljen e tij ka hyrë në familjen e çdo vlonjati; në gëzimet, hidhërimet; u është gjendur e ka ndihmuar të gjithë ata që i janë drejtuar në ditë të vështira e për halle nga më të ndryshmet.

Asnjë mik s’ka humbur Bujar Leskaj. Përkundrazi! Miqtë e tij shtohen dita- ditës. Por sot, nuk dua të shkruaj për Bujarin si “njeri i letrave dhe i artit”, as për Bujarin si shtetar dhe kontributin e tij në krye të KLSH, as për Bujarin si pedagog dhe botimet e tij të shumta në fushën e ekonomisë, politikës, historisë, madje edhe letërsisë. As për Bujarin publicist e adhurues të historisë.

Sot dua të shkruaj për Bujarin sfidues! Për Bujarin sfidues që në vitin e mbrapshtë 1997, iu bashkua Partisë Demokratike dhe mori përsipër ringritjen e degës së shpartalluar të Vlorës. Dhe ia doli! Për Bujarin që iu bashkua Partisë Demokratike, në atë kohë kur të gjithë përfituesit nga ajo e braktisën, pasi kishin përfituar gjithçka e shumë prej saj… Për Bujarin që nuk e braktisi asnjëherë Partinë Demokratike, që t’i “ribashkohej” në finish, kur fitorja shfaqej në horizont. Nuk e bëri atëherë, nuk e bëri as në 2020-ën, kur përpara “luksit” të rikandidimit për kreun e KLSH, apo cilindo post që do të dëshironte, përzgjodhi t’i përkushtohej Vlorës dhe kandidimit për deputet me opozitën.
Sot dua të shkruaj për Bujarin fitues!

Për Bujarin me aftësi të shkëlqyera profesionale, talentin e padiskutuar organizativ, autoritetin intelektual dhe mprehtësinë politike.
Sot dua të shkruaj për Bujarin politikan dhe sfidën e tij të madhe, natyrisht edhe barrën e tij po aq të madhe që ka marrë mbi shpatulla. Ndryshe nga shumë të tjerë Bujari, nuk i mori PD, i dha! Ashtu siç i dha fitoren në 2005 kur kandidoi në një zonë të vështirë dhe fitoi.
Nuk e mohoj se ardhjen e tij në Vlorë, si drejtues politik të qarkut për PD në zgjedhjet e 25 prillit 2021, e prita me gëzim dhe entusiazëm. Sepse besoj tek ambicia e tij, tek aftësitë e tij organizative, te puna e palodhur, formimi skrupuloz, te objektivat e tij të qarta, por edhe tek natyra e tij, gjithmonë fituese.

Natyrisht që entusiazmi shoqërohet gjithmonë edhe me frikën, se mos, të entusiazmuar nga ardhja e tij, nga aftësitë dhe autoriteti i padiskutueshëm i tij, “bashkëpunëtorët” do të bien “në qetësi” dhe do t’ia lënë atij të gjithë barrën dhe peshën e fushatës. Por Bujari di si t’i bëjë për vete njerëzit. Si t’i respektojë e t’u vërë në pah vlerat. Di si t’i bëjë njerëzit bashkëpunëtorë, t’i motivojë e inkurajojë. Ai tashmë është kthyer plotësisht në Vlorë. I ndërgjegjshëm për përgjegjësinë e madhe që ka marrë në emër të PD, ai është rikthyer në qytetin e tij të lindjes, ku gëzon autoritet dhe respekt të padiskutuar nga të gjithë vlonjatët.

LEXO EDHE:  Opinioni i “Venecias” rrëzon kërkesat e Metës dhe Bashës/ Para 25 prillit mos ndryshoni më as Kodin Zgjedhor, as Kushtetutën

I ndërgjegjshëm për përgjegjësinë e madhe që ka marrë, ai për asnjë moment nuk fjeti mbi dafina, por përveshi mëngët e iu shtrua punës që në Vlorë dhe nga Vlora të bëhet kthesa e madhe. Ardhja e tij në “bastionin” e së majtës, në bastionin, që për shumë të tjerë do të dukej si “mision i pamundur”, bëri që demokratëve t’u rikthehej shpresa, t’u rikthehej besimi. Sepse ata e njohin Bujarin. E dinë se ai nuk di t’i trembet betejës, përballjes, sfidave. Nuk bishtnon! Nuk i druhet djersës dhe lodhjes! Kanë besim tek vizioni i tij, intelekti dhe puna metodike. Objektivat i ka të qarta dhe të kristalizuara. E njeh mirë terrenin, i njeh mirë njerëzit, mentaliteitin e tyre. Ai punon me këmbë në tokë!

I instaluar në Vlorë gjatë gjithë javës, familja në Tiranë e sheh vetëm në fundjavë. Sakrificë kjo, që shumëkujt mund t’i dukej e tepërt dhe e pakuptimtë, për shkak se si deputet i parë ai është në çdo rast në parlament. Por jo. Ai punon, punon, jo vetëm për vete. Mbi të gjitha punon për fitoren e PD!
Takime të shumta gjatë gjithë ditëve të javës, jo vetëm me strukturat e Partisë Demokratike, (të cilat duhet thënë se me ardhjen e tij, u mobilizuan e u organizuan më shumë), por edhe me njerëz të thjeshtë anëtarë ose jo të PD, të rinj, grupe interesi, intelektualë… Brenda një muaji ai u takua e bisedoi me të gjitha grupseksionet e PD në Vlorë, Himarë, Selenicë e fshatra, por edhe me FRPD, intelektualët, mjekët, mësuesit… Nuk u mjaftua me kaq. I papërtuar i ra kryq e tërthor edhe Sarandës e Delvinës në takime me strukturat dhe me njerëzit. Dëgjoi demokratët dhe jo vetëm, aq sa nuk i kishin dëgjuar në 30 vite. Di të flasë gjuhën e tyre, di t’i kuptojë. Di të premtojë e t’i mbajë ato. Ky është Bujari. S’rri dot pa sfida. Atje ku është beteja është ai.

Bujar Leskaj di si t’u drejtohet njerëzve dhe t’u ngjallë besim dhe shpresë. Di si t’i bindë vlonjatët se alternativa e djathtë është përparim dhe shpresë. Ai di si t’i bindë njerëzit se ne të djathtët ndryshojmë nga kundërshtarët. Ai di si t’u ngjallë shpresën demokratëve të vërtetë për rezultat pozitiv në Vlorë. Bujari ka përpara një sfidë të vështirë, por jo të pamundur!  Sfida e tij është sfida e të gjithë demokratëve e njerëzve progresistë! Dhe është një sfidë që do të kurorëzohet me një rezultat shumë pozitiv. Mund të zgjatesha edhe më… Për Bujarin me format si shtetar, me formatin qytetar e intelektual që di të qëndrojë në lartësinë e kërkesave të kohës!

Për Bujarin që duhet njohur, për Bujarin që duhet mbështetur!…

Kush është Bujar Leskaj?
(Burimi: Wikipedia)
Ka lindur në Vlorë në 3 korrik 1966.
Edukimi
UT, Fakulteti Gjeologji-Miniera – 1990; Inxhinier nafte
UT, Fakulteti i Ekonomisë, Dega Financë – 1998; Ekonomist
UT, Fakulteti i Drejtësisë – 2002; Jurist
Universiteti i Nebraskës – Lincoln, SHBA, Departamenti i Menaxhimit (Diplomë për mësimdhënie në nivel masteri në Administrim publik) – shkurt-qershor 2003.
UT, Dhoma Kombëtare e Avokatëve, titulli Avokat – 2004;
Universiteti Bamberg, Gjermani – specializim për Financat publike – 2005 (shkurt).
Shkolla e Studimeve të thelluara pasuniversitare pranë Fakultetit të Ekonomisë (2002-2006);
Master në Financë ( qershor 2006 )
Doktor i Shkencave ekonomike (në fushën e financës), dizertacioni i mbrojtur pranë Universitetit të Tiranës, Fakulteti Ekonomik me temë: “Senjorazhi dhe disa probleme të tij në Shqipëri” (2009).

Veprimtaria profesionale
1993-1994: doganier në Degën e Doganës, Vlorë,
1994-1997: Kryetar i Degës së Doganës, Vlorë,
1997 (prill-gusht): Nëndrejtor i Përgjithshëm i Drejtorisë së Përgjithshme të Doganave,
2000-2005 pedagog në UT, Fakulteti i Ekonomisë, Departamenti Financë, Lektor i lëndës “Paraja dhe Banka”,
2005 – 2009 pedagog i jashtëm në UT, Fakulteti i Ekonomisë,
tetor 2009 – 2011 pedagog në UT, Fakulteti i Ekonomisë, Departamenti Financë, Lektor i lëndëve “Paraja dhe Banka”, “Financë”.
dhjetor 2011 – ne vazhdim, Kryetar i Kontrollit te Larte te Shtetit.

Veprimtaria politike
1997 (janar): anëtar aktiv i PD-së;
2001-2005: anëtar i Bordit financiar të PD-së;
2001 e në vazhdim: anëtar i Këshillit Kombëtar të PD-së zgjedhur nga Kuvendi i 7-të, i 8-të (2005) dhe i 9-të (2009), Kombëtar të Partisë;
2005 – 2009: Deputet i Kuvendit te Shqipërise Legjislatura: XVII, Zona zgjedhore: 94, Qarku: Vlorë, Nr. i votave: 6272, Përqindja: 48%
shtator 2005 – mars 2007: Ministër i Turizmit, Kulturës, Rinisë dhe Sportit
2007 – 2009. Anëtar i delegacionit të përhershëm të Parlamentit në Asamblenë Parlamentare të NATO-s.

Botimet
· “Përfaqësuesit e Vlorës në Kuvendin e Shqipërisë, 1912-2009”, Tiranë 2009
· “Brenda dhe Jashtë…PARLAMENTIT (maj 2007-maj 2009)”, Tiranë 2009
· “Senjorazhi” – Punim Doktorature, Tiranë 2009
· “Paraja dhe Banka” (Cikël Leksionesh), Tiranë 2011
· “Leksione në Financë” (Pjesa e I), Tiranë 2011
· “Muzat e Qëndresës” (Nëpër libra të kryqëzuar), Tiranë 2011
· “Historiku i KLSH-së 1925-2012”- bashkëautor

Për të rejat më të fundit behuni pjesë e grupit tonë në facebook : City News Albania

1 Koment

Komentoni

Your email address will not be published. Required fields are marked *

Opinione

Nga Andi Bushati/ Zgjedhjet e Bashës si alibi për vjedhjen e Ramës 

Publikuar

-

Nga

Nga Andi Bushati/ Zgjedhjet e Bashës si alibi për vjedhjen e Ramës 

Të gjithë idhtarët e teorive konspirative që besojnë se Lulzim Basha është një vegël e Ramës, prej sot e kanë edhe një argument më shumë. Mënyra si u soll me analizën e humbjes dhe me hapjen e garës për të pasuar vetveten, tregoi se kreu demokrat nuk ka pikën e respektit ndaj procesit demokratik. Ai aplikoi me partinë e tij të njëjtin parim që Rama përdori për 25 prillin, atë se loja me zgjedhjet mbyllet shumë më parë se sa votuesit ti drejtohen kutive.

Nëse kryeministri i ndryshoi në mënyrë unilaterale regullat e lojës, nëse ai falë parave të buxhetit, krijoi kushte të pabarabarta konkurimi, nëse ai u soll gjatë gjithë kohës në rolin e dikujt që ka në dorë dhe gurin dhe arën, nëse ai i vizatoi si armiq kritikët e tij, Basha nuk i la asgjë mangut.

Ai po organizon një garë “fake” pikërisht në kohën kur PD ka më shumë nevojë për të kundërtën.

Atëherë kur të gjithë prisnin që zgjedhjet e radhës, të planifikuara për në korrik të shtyheshin, për ti hapur rrugë një drejtimi kolegjal, një diskutimi serioz, krijimit të alternativave të reja më bindëse, ai e afroi datën e tyre me një urdhër absurd. Qëllimi është i qartë, të mbysë zërat ktitikë dhe të vrasë opozitarizmin brenda partisë.

Askush tjetër nuk mund të gjejë shpjegim të ndryshëm për hapjen urgjente të regjistrimit të rivalëve që sot, kur ende nuk ka mbaruar procesi formal zgjedhor dhe kur nuk ka nisur asnjë diskutim për një alternativë të ndryshme në drejtimin e opozitës.

Për këdo është qesharake të mendojë se vetëm pas 5 ditësh, pra sa hap e mbyll sytë, çdo konkurenti të mundshëm do ti jetë djegur mundësia për të garuar. Dhe meqë grotesku duhet çuar deri në skaj, rivalët potencialë të Bashës nuk do të kenë dot as dy javë për të bërë fushatë kundër një kryetari, që jo vetëm udhëheq prej tetë vitesh partinë, por që për humbjen e dytë nuk e pa të nevojshme as të vetë ngrihej si pas disfatës së 2017-ës

Natyrisht, këto që po organizon Basha, në 13 qershor, nuk janë votime, por një maskaradë e turpshme. Për të komentuar ato, më shumë se ndonjë analizë serioze, do ia vlente ndonjë gaz i shfrenuar si ai që pamë disa ditë më parë tek “Të paekspozuarit”.

LEXO EDHE:  Pishtarët e fikur të Kalasë së Rozafës

LEXO EDHE:  Deklaratat në “Opinion”/ Berisha zbulon gënjeshtrën e Ramës

Kjo farsë nuk mëritonte më shumë sesa kaq. Por problemi, si me gjithë shakatë e bëra në momentin e gabuar është se ajo po vjen fill pas 25 prillit, kur kasaphana elektorale e Rilindjes mbetet një plagë ende e freskët.

Dhe me mënyrën se si Basha po karikaturizon garën e tij, ai nuk po bën gjë tjetër veçse po krijon alibi për Ramën. Me këtë karagjozllëk që po organizon PD-ja, në publik krijohet përshtypja se në Shqipëri askush nuk beson te parimet demokratike, te gara reale, te konkurenca e ndershme dhe tek kushtet e barabarta mes alternativave.

Partia më e madhe e opozitës po sillet me zgjedhjet njësoj si kemi parë të ndodhë në federatat sportive, në universitete apo në ojf të dorës së dytë, ku regullat i vendos dhe fitoren e merr ai që është më i forti.

Duke vulosur këtë model, Lulzim Basha po i bën nderin më të madh Edi Ramës.

Pas farsës zgjedhore në PD, kryerilindasi mund të thotë me gojën plot se, në këtë vend, të gjithë janë njësoj dhe se ai fitoi në 25 prill, pasi ishte më i zoti në mes të të ngjashmëve. Dhuratë më të madhe, në këto ditë, Edi Rama as nuk do ta kishte imagjinuar. Dhe atë nuk po ia bën as Toma, as Qifja. Por vetë shefi i opozitës, që po amniston edhe njëherë krimin e rivalit, duke i hapur rugë teorive të komplotit për një lidhje okulte mes tyre./ CNA.al

LEXO TE PLOTE

Opinione

Një SMS për Bardh Kadillin/ “Zbrit nga Titaniku dhe ruhu nga i mbyturi”

Publikuar

-

Nga

“Qytetarët e shkëmbyen me një thes miell”/ Kadilli-Bashës: E ke djegur mundësinë për të kandiduar sërish

Nga Kreshnik Spahiu

Bardh Kadillin e kam mik prej 30 vitesh, pavarsisht se kemi qenë kundërshtar politik.

Për ata që nuk e njohin do ju përmendja vetëm një fakt: Kadilli ka punuar afro 10 vjet për agjensitë amerkinane në programet anti-korrupsion dhe lëvizjet. Ai ka qenë një nga njerzit më të besuar të dipolomacisë amerikane.

Me Bardh Kadillin jam njohur kur isha student në protestat për përbysjen e komunizmit.

Bardh Kadilli nisi karrierën e tij në parlament me shpresën se ajo ishte Partia Demokratike e viteve 1990.

Bardh Kadilli ka mbetur ai rebeli viteve 1990, por fatkeqsisht në kohën dhe vendin e gabuar.

Unë sot po i dërgoj një SMS Bardh Kadillit me arsyet pse duhet tërhiqet nga përpjekja e tij për tu bërë lider i Partisë Demokratike:

– ai duhet tërhiqet sepse ajo nuk është më partia e rinisë dhe studentve që përmbysën komunizmin sepse 377 themeluesit e saj janë përjashtuar 100% dhe i kanë hedhur rrugve.

– ai duhet të tërhiqet sepse ajo nuk është më një parti qytetare dhe civile sepse aty ka mbetur vetëm vulgu.

– Ai duhet tërhiqet sepse kjo nuk është garë me Lulzim Bashën por me Sali Berishën. Ai nuk ka hequr asnjē herë dorë nga drejtimi i partisë në 30 vjet. Madje edhe kur ishte President në 1992-1997 kryetar mbante Tritan Shehun por e drejtonte vetë partinë.

– ai duhet japë dorheqje se në Parti Demokratike s’ka pas kurrë zgjedhje: as kur e larguan Ed Selamin refugjat në amerikë, as kur i hoqën imunitetin Azem Hajdarit, as kur sulmuan Sokol Olldashin, as kur rrahën Neritan Cekën, as kur masakruan Arben Imamin, as kur hodhën rrugve Gramoz Pashkon, as kur akuzuan Topallin dhe Patozin…

LEXO EDHE:  Vizita e Albin Kurtit/ Braçe: Lëvizje politike për arsye personale

LEXO EDHE:  Covid-19 i ndryshuar dhe 'izolimi' i britanikëve

– ai duhet tërhiqet sepse ajo nuk është më parti por një shoqēri tregtare SHPK që administrohet nga dy familjet Berisha dhe Basha. ZotI Kadilli s’mund t’ju marr biznesin familjes Berisha dhe as mund futet ortak me ata.

– ai duhet tërhiqet sepse aty nuk do zhvillohen zgjedhje por një përsëritje e skenarit 2017 Basha-Selami ku do garohet dhe kutitë do mbushen.

– Ai duhet tërhiqet sepse Partia Demikratike e ka humbur funksionin e marrjes pushtetit dhe do degradoj me hijen e Berishës deri sa pema e tij biologjike të mbijetojë.

– ai duhet tërhiqet sepse Shqipëria ka nevoj pēr ndryshim dhe jo riciklim. Shqiptarët kanë nevojë për një opozitë të re e cila mund të krijohet sa më shpejt që tē fundoset PD.

– Ai duhet tërhiqet dhe të zbres urgjent nga Titaniku dhe ta lërë kapitenin plak dhe violinistin të mbyten të fundit. Ka marr aq shumë vrima ajo anije dhe do zhytet me shpejtësi.

– ai duhet tërhiqet se ajo parti do përfundoj si LDK që pas vdekjes Rugovës është katandisit 13% dhe familjarët e tij përfunduan në burg.

I dashur Bardh, kjo ështē SMS e fundit që të dërgoj: Largohu sa nuk është vonë, sepse i mbyturi do të rrezikoj të të mbys edhe ty.

Është ujë i ndotur dhe plot llum ajo parti, madje s’ka gomone që të shpëton.

LEXO TE PLOTE

Opinione

Nga Artan Fuga/ A mund të jetë deputeti “i lumtur”, kur elektorati i tij është i dëshpëruar?

Publikuar

-

Nga

Nga Artan Fuga/ A mund të jetë deputeti "i lumtur", kur elektorati i tij është i dëshpëruar?

Eshtë kollaj të thuash që ne do të vazhdojmë betejën, dakord, por nuk duhet folur vetëm për vazhdimësinë e përpjekjeve për demokraci.

Sa do të vazhdojë ? Edhe 4, edhe 8, sa ? Një shekull ? Se cështja nuk është të vazhdosh betejnë, por ta fitosh !!! Por, duhet marrë në sy edhe fakti që elektorati opozitar nuk pësoi thjesht një goditje politike.

Por, edhe një humbje të madhe ekonomike, sociale, psikologjike. Kishte shpresa se do të përfundonte për të situata e inferioritetit social, nuk ja arriti dot !

Një deputet opozitar e vazhdon karrierën e tij politike edhe kur humbet partia e tij në zgjedhje. Ekonomikisht ai fundja trajtohet si një deputet socialist.

LEXO EDHE:  Ilir Meta kujton si i hyri politikës/ Pse kandidoi si deputet i Skraparit

LEXO EDHE:  Pishtarët e fikur të Kalasë së Rozafës

Nga kjo anë ai nuk humbet asgjë. Por, elektorati demokrat nuk përjeton të njejtën gjë, ai e paguan me pasoja sociale dhe ekonomike gjithçka ndodhi.

Mund të ketë deputet opozitar të lumtur, ta trajtojë çështjen vetëm politikisht, dhe elektorat opozitar ekonomikisht fatkeq ? Kjo duhet njohur seriozisht !

LEXO TE PLOTE