Monika Kryemadhi dje është përpjekur për të disatën herë të sqarojë opinionin publik pse LSI po dilte me lista të ndara me PD dhe të tregonte pse koalicion do jetë vetëm pas zgjedhor.

Si zakonisht Mona tha gënjeshtrat e rradhës, të cilat i kupton çdo demokrat, apo anëtar i LSI.

Së pari, Mona tha se do këtë më shumë përfshirje të shqiptarëve me dy lista. Në fakt ajo që do i ndodhë opozitës do jetë fakti se do djegë më shumë vota. Të gjithë tashmë e dinë pse Mona dhe Luli nuk gjetën gjuhën e një koalicioni të vetëm, PD nuk pranoi më shumë se 12-14 kandidatë të LSI në listat e saj. Kjo bëri që të dalin të ndarë. Pra s’kanë dalë për maksimalizim por për mos gjetje dakortësie

Së dyti, Mona theksoi se Luli dhe ajo fituan në 2011. Gënjeshtër kjo në fakt. Basha humbi me 11 vota dhe më pas ishte Berisha ai të fitoi. Rama kandidonte për herë të 4 dhe skema ishte e qartë, mos harrojmë dhe Hysni Milloshin.

Gënjeshtra e tretë është harmonizimi i programeve. LSI s’ka asnjë program elektoral, thjesht del e bën ndonjë premtim, programi i vetëm i LSI është emërimi në administratë i disa hajdutëve me çizme, këto janë histori që tashmë dihen që nga viti 2009 e në rast se do ketë haromonizim korrupsioni, këtu pastaj Mona të kap mat./CNA.al

Gjykata Kushtetuese po shqyrton sot kërkesën e Partisë Republikane në lidhje me kundërshtimin e vendimit për ndalimin e grumbullimeve mbi 10 veta për fushatë zgjedhore, në kuadër të masave anti-covid.

Në kërkesën e saj PR e ka cilësuar këtë vendim të padrejtë dhe se shkaktonte pabarazi. Kreu i PR-së, Fatmir Mediu deklaroi para mediave se ky është një vendim antikushtetues. Sipas tij, Rama tenton që të krijojë karantinë për opozitën.

“Veprimtaritë e Edi Ramës tentojnë që të krijojnë karantinë për opozitën. Në një kohë që i ka lejuar vetes dhe përmes vlerësimeve të komitetit, që parlamenti të mblidhet, qeveria apo dhe pushteti lokal të bëjë aktivitete mbi 10 veta dhe kufizon opozitën. Kjo është situatë e papranueshme, anti-ligjore. Nuk mund të ketë dy standarde për partitë politike apo dhe qytetarët. Nuk mund të trajtohet ndryshe kryeministri, apo qytetari. Të gjithë jemi njerëz përballë të njëjtin rrezik. Duket qartë se nuk kemi më as ligje, as qeveri, por një qeveri të korruptuar, që përpiqet që të thyejë rregullat. Jemi për të respektuar çdo rregull, por që imponohen në mënyrë të barabartë tek të gjithë”, -tha Mediu./CNA.al

Opozita e segmentit Basha-Kryemadhi, e cila po garon e përçarë në zgjedhje pas mos gjetjes së gjuhës së përbashkët, dje ka gjetur një mënyrë tjetër për të treguar se janë “bashkë”.

Qëndrimi i djeshëm për koalicion pas zgjedhor dhe marrveshja publike ishin një hi syve, pas dështimit për të gjetur konsensus që palët të garonin së bashku.

Pas kësaj, palët kanë dalë më një sqarim se 280 kandidatë ishin më mirë se 140 dhe do përfshinin më shumë shqiptarë.

Në fakt mund të përfshihen më shumë por do coptojnë më shumë vota dhe opozita nuk e ka këtë luks.

Një listë me 140 kandidatë e vetme do maksimalizonte çdo votë të çdo partie, dhe do ruante çdo fluks brenda koalicionit. Zgjedhja e bërë nga palët copton votën, pasi nuk ka maksimalizim, sepse çdo votë mbi mandatin e prodhuar digjet në të dy koalicionet, pa folur për faktin që LSI dhe PD në shumë qarqe mandatet mund t’i humbin edhe për mos plotësimin e një mandate me disa qindar vota. Pa diskutuar më tej votat që do marrin edhe partitë e faktorët e tjerë opozitarë si Jozefina Topalli, Nisma Thurje, Bindja Demokratike apo edhe Myslym Murrizi.

Ndarja në dy koalicionë sjell edhe një konfuzion që sado ta sqarojnë palët me justifikime se 280 kandidatë sjellin më shumë vota se 140, fakti është një dhe vetëm një. Një listë e përbashkët me 140 kandidatë, maksimalizon votat dhe prodhon më shumë kandidatë fitues se dy koalicionë, dy lista që krijojnë humbje votash pafund dhe nuk prodhojnë mandate shtesë./CNA.al