LEXO PA REKLAMA!

SHKARKO APP

Reshje shiu dhe bore/ Çfarë parashikojnë sinoptikanët për javën që vjen

3 Janar 2021, 21:02, Sociale CNA
Reshje shiu dhe bore/ Çfarë parashikojnë sinoptikanët

Kryefjala e javës që presim përpara do të jetë moti i paqëndrueshëm me vranësira mesatare dhe të dendura (nuk do të mungojnë orët me kthjellime) shoqëruar me reshje shiu dhe dëbore. Por le t?i shohim ditët më konkretisht.

Për ditën e nesërme pritet që moti të jetë kryesisht i vranët por edhe alternime kthjellimesh në orët e mesditës.

Shërbimi Meteorologjik parashikon reshje shiu të herëpashershme me intensitet të ulët, ndërsa në zonën e juglindjes priten reshje të dendura dëbore.

Reshjet e shiut të vazhdueshme me intensitet mesatar rikthehen ditën e mërkurë ndërsa në relievet malore në verilindje në lartësitë mbi 500 metër reshje të dendura dëbore dhe në zonën e juglindjes në lartësitë mbi 800metër.

Për ditën e enjte dhe të premte pritet që moti të jetë me alternime kthjellimesh dhe vranësirash me këto të fundit të shoqëruar me reshje shiu të herëpashershme me intensitet të ulët. Në orët e vona të mbrëmjes të ditës së enjte dhe orët e para të mëngjesit të ditës së premte në relievet malore në lindje në lartësitë pritet mbi 300 metër reshje dëbore./ CNA.al

Lajmet e fundit nga