Connect with Us

Nga Trump tek Merkel, si ishte 2020-a për liderët kryesorë të botës

Bota

Nga Trump tek Merkel, si ishte 2020-a për liderët kryesorë të botës

Publikuar

-

“New Statesman”

Mbijetesa e pabesueshme politike e kryeministrit Xhuzepe Konte në Itali

Kur mbërriti vala e parë e Covid-19 në muajin shkurt, Italia drejtohej nga një kryeministër teknokrat që e kishte marrë detyrën në vitin 2018, pa asnjë përvojë paraprake të mbajtjes së posteve të larta shtetërore, dhe që ishte tashmë në qeverinë e tij të dytë të koalicionit pas rënies së të parës në vitin 2019.
Megjithatë Konte, një ekspert i ligjeve dhe pa ndonjë angazhim politik të mëhershëm, pësoi një rritje të madhe në sondazhe gjatë pranverës. Dhe kjo pavarësisht numrit të madh
të vdekjeve nga Covid-190. Këtu ndikim ka pasur edhe Plani Evropian i Rimëkëmbjes, përfituesi më i madh i të cilit do të jetë pikërisht Italia.

Stuhitë e njëpasnjëshme më të cila është përhapur Rexhep Tajip Erdogan në Turqi

Për Rexhep Tajip Erdogan, viti 2020 ishte një vit plot tensione në skenën ndërkombëtare, dhe me shumë probleme me vend. Ai nisi me dërgimin e trupave turke në Libi, një lëvizje që ndihmoi në kthimin e rrjedhës së luftës civile të vendit, në favor të Qeverisë së Marrëveshjes Kombëtare të njohur nga OKB.
Po këtë vit, Turqia pati tensione në rritje me Greqinë dhe Qipron, mbi të drejtat për kërkimin e gazit në ujërat e Mesdheut Lindor, dhe mbështeti me entuziazëm Azerbajxhanin në konfliktin e saj me Armeninë për rajonin e Nagorno-Karabakut.
Por një aventurizëm i tillë, e ka izoluar Turqinë. Ideja se Erdogan po ndjek një strategji koherente “neo-otomane”, i jep shumë merita oportunizmit të tij. Shtetet e Bashkuara dhe Bashkimi Evropian kanë vendosur sanksione ndaj Ankarasë, dhe afrimi turko-rus është shumë pragmatik dhe transaksional në natyrën e tij.
Brenda vendit, nacionalizmi kulturor i Erdoganit (vendimi në korrik për ta shndërruar kishën e Shën Sofisë nga një muze në një xhami), është një lloj maskimi i problemeve ekonomike të vendit. Gjatë këtij viti, vlera e monedhës vendase, lirës, ka rënë ndjeshëm, në një kohë që inflacioni dhe normat e interesit janë rritur. Përpjekjet e reja për të koordinuar opozitën e fragmentuar në Turqisë, parathonë një 2021 relativisht të vështirë për presidentin e vendit.

Lufta e Xi Jinping ndaj disidencës dhe ndryshimit në Kinë

Ne nuk mund ta dimë me siguri se si do të mbahet mend viti 2020 i Xi Jinping. Por ai ndoshta mund të kujtohet si një vit i goditjeve. Në qershor, Kina vendosi në Hong Kong një ligj të ri mbi sigurinë kombëtare, duke e lejuar Pekinin të shënjestrojë këdo në këtë rajon, që cilësohet nga regjimi një disident.
Gjithashtu Kina zgjeroi rrjetin e saj të qendrave të paraburgimit në Xinjiang, ku grupimet e të drejtave të njeriut, thonë se aty mbahen të burgosur të paktën 1 milion ujgurë etnikë. Kina e nisi vitin 2020 duke e fshehur shfaqjen e koronavirusit, dhe duke këmbëngulur se nuk kishte raste të reja. Që të gjitha këto nxjerrin në pah dështimet e udhëheqjes së Xi.

LEXO EDHE:  Foto/ Presidenti Obama pi birra me kancelaren Merkel

Akti balancues i Emanuel Makron në Francë

Emanuel Makron, ka argumentuar prej kohësh se BE-ja duhet të marrë një borxh të përbashkët, një koncept që deri dje u refuzua nga shumica e vendeve të tjera anëtare. Por kriza e koronavirusit, i dha një shtysë të re instikteve federative të presidentit francez.
Këtë verë ai e bindi kancelaren gjermane Angela Merkel, të binte dakord, që BE-ja të emetonte për herë të parë bono të përbashkëta, duke krijuar fondin e rimëkëmbjes prej 750 miliardë eurosh. Ndërsa ka mbetur më pak se një vit derisa Merkel të largohet nga detyra, suksesi i Makron me fondin e rimëkëmbjes, e ka ndihmuar atë të pozicionohet si udhëheqësi i ardhshëm i Evropës. Megjithatë, sfidat e brendshme, nga ekonomia tek qasja e tij ashpër mbi identitetin dhe sigurinë në Francë, mund t’i shkaktojnë probleme në rritje përpara zgjedhjeve presidenciale të vitit 2022.

Urra-ja e fundit e Angela Merkelit në Gjermani

Viti 2020 i kancelares gjermane, nisi me rënien e të përzgjedhurës prej saj, Anegret Kramp-Karrenbauer si udhëheqëse e Unionit Demokristian (CDU). Madje pati dyshime se Merkel mund të tërhiqej përpara zgjedhjeve të shtatorit 2021. Por pandemia ndryshoi gjithçka.
Komunikimi i qetë i kancelares, dhe aftësia e tij për të ndërmjetësuar marrëveshje midis krerëve të landeve federale, vlerësohet si një faktor kryesor për nivelin relativisht më të ulët të vdekjeve nga Covid-19 në Gjermani.
Në Evropë, Merkel ishte vendimtare në arritjen e konsensusit mbi një plan ambicioz rimëkëmbjeje prej 750 miliardë eurosh, mbështetur nga borxhi i përbashkët, teksa e ka përmbyllur këtë vit me një marrëveshje mbi buxhetin 7-vjeçar të BE-së.
Megjithëse reagimi pandemik i Gjermanisë, është dobësuar javët e fundit nga rritja e ndjeshme e rasteve te reja me Covid-19, pozicioni dhe popullariteti i Merkel duket i paprekshëm. Por ajo nuk do të kërkojë një mandat të pestë si kancelare në zgjedhjet e shtatorit, dhe pyetja se kush do ta pasojë mbetet ende pa përgjigje.

Viti i tmerrshëm për Donaldin Trump në SHBA

Presidenti në largim i SHBA, kaloi javë të tëra duke mohuar se pandemia Covid-19 do
të paraqiste një problem serioz për vendin, ndërsa i kaloi muajt e tjerë duke e keq-menaxhuar atë. Kur humbi, u përpoq të hidhte dyshime mbi legjitimitetin e zgjedhjeve presidenciale të vitit 2020. Ai po i jep fund 2020-ës, duke shmangur dyshimet se Rusia është autore e një sulmi të madh kibernetik ndaj SHBA-së.

Marrë me shkurtime/CNA.al

Burimi: https://www.newstatesman.com/world/middle-east/2020/12/how-2020-played-out-world-s-leaders

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Qeveria e Kosovës lehtëson masat anti-Covid/ Ndryshon orari i lëvizjes, rihapen këto aktivitete

Publikuar

-

Nga

Qeveria e Kosovës lehtëson masat anti-Covid/ Ndryshon orari i lëvizjes, rihapen këto aktivitete

Qeveria e Kosovës ka hequr disa kufizime të vëna më 6 prill për luftim të pandemisë së koronavirusit.

Me vendim të ri të së dielës, i cili nis së zbatuari nga 19 prilli, kufizimi i lëvizjes do të vazhdojë në periudhën 22:30 – 05:00.

Institucionet arsimore, si publike, ashtu edhe ato private të të gjitha niveleve të arsimit, do të zhvillojnë mësimin me prezencë online.

Bizneseve të gastronomisë do t’iu lejohet puna, mirëpo duket pasur parasysh mbajtjen e distancës fizike dhe kufizimin e konsumatorëve për metër katror.

Qendrat tregtare do të hapen po ashtu, duke pasur parasysh mbajtjen e distancës.

Sa i përket hyrjes në territorin e Kosovës, masa e njëjtë do të vazhdojë të zbatohet, që nënkupton se secili person që shkon në këtë shtet nga një vend me rrezikshmëri të lartë duhet të prezantojë testin PCR për koronavirus, jo më të vjetër se 72 orë.

Qeveria e Kosovës pati marrë vendim për atë që është konsideruar mbyllje e pjesshme nga data 7 deri më 18 të këtij muaji.

Masat kishin për qëllim luftimin e pandemisë, pas rritjes së numrit të të infektuarve nga muaji mars.

LEXO EDHE:  “Me qerasi me verë”/ Hoxha: Në lokalin e Behar Sofisë shkojnë gjyqtarë, prokurorë dhe deputetë

LEXO EDHE:  Zgjedhjet në SHBA/ Çfarë pret Gjermania?

Prej 13 marsit, kur janë regjistruar rastet e para të infektimit, autoritetet shëndetësore në Kosovë kanë regjistruar 101,517 pacientë me këtë virus.

Prej tyre 2,072 kanë vdekur.

Kosova ka nisur procesin e vaksinimit kundër koronavirusit më 29 mars, pas sigurimit të 24,000 dozave të vaksinës AstraZeneca, përmes programit COVAX i Organizatës Botërore të Shëndetësisë, i cili ka për qëllim shpërndarjen e vaksinave në vendet e varfra.

Ky vend është thënë se do të pranojë edhe 76,800 doza tjera të vaksinës së AstraZeneca nga ky program në periudhën prill-qershor, ashtu sikurse mbi 100,000 doza të vaksinës Pfizer/BioNTech, deri në fund të qershorit.

Ministri i Shëndetësisë Arben Vitia ka thënë të dielën se një ekip negociues është duke punuar për sigurimin e vaksinave të miratuara nga Agjencia Evropiane e Ilaçeve dhe Administrata për Ushqim dhe Ilaçe (FDA) në Shtetet e Bashkuara./rel

LEXO TE PLOTE

Bota

Shtëpia e Bardhë: Moska do të përballet me pasoja nëse Aleksei Navalni humb jetën

Publikuar

-

Nga

Aleksej Navalny

Këshilltari i Presidentit Joe Biden për Sigurinë Kombëtare, Jake Sullivan tha të dielën për rrjetin televiziv CNN se qeveria amerikane i ka thënë Rusisë se “do të përballet me pasoja” nëse kritiku i Kremlinit Aleksei Navalni vdes në burg.

Ne i kemi bërë të ditur qeverisë ruse se ajo që i ndodh zotit Navalni në burg është përgjegjësi e tyre dhe se bashkësia ndërkombëtare do t’i vendosë ata para përgjegjësisë“, tha zoti Sullivan për rrjetin CNN.

Zoti Sullivan tha se në këtë drejtim po shqyrtohen një seri masash që do të rëndojnë mbi Moskën, por pa specifikuar se për çfarë bëhet fjalë.

Vajza e Alexei Navalnit: Babai ka nevojë për mjekim

Të dielën, vajza e kritikut të Kremlinit Aleksei Navalni, u bëri thirrje autoriteteve ruse të lejojnë që një mjek të kurojë babanë e saj, i cili ndodhet në burg dhe prej fundit të muajit mars është futur në grevë urie. Kërkesa e saj pason paralajmërimin e një grupi mjekësh se zoti Navalni rrezikon të vdesë.

Aleksei Navalni, një kundërshtar i ashpër i Presidentit rus Vladimir Putin, u fut në grevë urie në 31 mars si protestë ndaj asaj që ai tha se ishte refuzim i autoriteteve të burgut për t’i siguruar kujdesin e duhur mjekësor për dhimbjet e forta të shpinës dhe këmbës.

Autoritetet e burgut thonë se ata i kanë ofruar zotit Navalni kujdesin e duhur shëndetësor. Por politikani 44-vjeçar i opozitës e ka refuzuar një gjë të tillë dhe ka këmbëngulur të trajtohet nga një mjek i zgjedhur nga jashtë institucionit, një kërkesë që ata nuk e kanë pranuar.

Lejoni që një mjek të vizitojë babanë tim“, shkruante në Twitter vajza e zotit Navalni, Dasha, studente në Universitetin e Stanfordit.

LEXO EDHE:  Zgjedhjet në SHBA/ Çfarë pret Gjermania?

LEXO EDHE:  Zgjedhjet në SHBA/ Çfarë pret Gjermania?

Një sindikatë e mjekëve me lidhje me zotin Navalni tha të shtunën se ai ishte në gjendje kritike dhe se veshkat e tij mund të mos funksiononin, gjë që mund të çojë në atak kardiak.

Në një letër të hapur drejtuar Presidentit Vladimir Putin të premten një grup aktorësh, shkrimtarësh, historianësh, gazetarësh dhe regjisorësh i kërkonin atij të garantojë që zoti Navalni të marrë kujdes mjekësor.

Një grup ligjvënësish rajonalë të opozitës i bënë thirrje gjithashtu Presidentit Putin të shtunën për t’u siguruar që zoti Navalni të trajtohet siç duhet. Në një intervistë për rrjetin televiziv BBC, ambasadori rus në Britani akuzoi zotin Navalni se po kërkon e vëmendje.

Zoti Navalni ka thënë se autoritetet e burgut po e kërcënojnë ta ushqejnë me forcë nëse nuk braktis grevën e urisë.

Autoritetet ruse e dënuan në muajin shkurt zotin Navalni me 2 vjet e gjysmë lidhur me shkeljen e një lirimi me kusht. Ai thotë se akuzat ndaj tij janë të trilluara. Kritiku i Kremlinit u arrestua në janar kur u kthye në Rusi nga Gjermania, ku ndodhej për kurim pas një sulmi me një agjent nervor, për të cilin ai ka fajësuar Presidentin Putin.

Kremlini ka thënë se nuk ka gjetur asnjë provë se zoti Navalni u helmua dhe e ka akuzuar atë se në mbështje nga SHBA ndodhet në një mision për të destabilizuar Rusinë.

LEXO TE PLOTE

Bota

Navalny pranë vdekjes, mjeku i opozitarit rus denoncon gjendjen e rëndë

Publikuar

-

Nga

Navalny pranë vdekjes, mjeku i opozitarit rus denoncon gjendjen e rëndë

Meku i kritikut të Kremlinit, Alexei Navalny, që është në javën e tretë të grevës së urisë në qelinë e tij, thotë se gjendja shëndetësore e tij po degradon me shpejtësi dhe se 44-vjeçari mund të jetë në prag të vdekjes.

Doktori Yaroslav Ashikhmin deklaroi se rezultatet e testeve që ai mori nga familja e Navalny-t tregojnë se ai ka një nivel tepër të lartë të kaliumit, që mund të shkaktojë një arrest kardiak dhe ngre nivelet e kreatininës, që tregon se veshkat janë të dëmtuara.

“Pacienti ynë mund të vdesë në çdo moment”, tha mjeku në një postim në Facebook.

Navalny është kritiku më i fortë i presidentit rus Vladimir Putin. Mjekët e tij personalë nuk janë lejuar ta vizitojnë në burg. Ai hyri në grevë urie në shenjë proteste dhe filloi të ndjente dhimbje të forta në kurriz dhe humbjen e fuqisë së këmbëve.

Nga ana tjetër, shërbimi rus i burgjeve ka deklaruar se Navalny po merr të gjithë ndihmën që i duhet.

44-vjeçari u arrestua më 17 janar kur u kthye në Rusi nga Gjermania, ku kishte kaluar 5 muaj për t’u rikuperuar nga helmimi me agjent nervor Noviçok, veprim për të cilin ai fajëson Kremlinin./euronews

LEXO TE PLOTE