Connect with Us

Si festohet nëpër botë Viti i Ri/ Zbuloni çfarë ushqimi iu sjell mbarësi dhe para

Sociale

Si festohet nëpër botë Viti i Ri/ Zbuloni çfarë ushqimi iu sjell mbarësi dhe para

Publikuar

-

Si festohet nëpër botë Viti i Ri/ Zbuloni çfarë ushqimi iu sjell mbarësi dhe para

Ëndrrat dhe shpresat për një vit më të mirë se ai që kemi lënë pas, na e ka kthyer Vitin e Ri në një festë përtej simbolikës që përfaqëson. Lutjet tona i drejtohen dëshirave të paplotësuara, një shëndeti të mirë, rikthimit të dashurive të humbura, karrierës së sukseshme e parasë. Pavarësisht se qëllimi është i njëjti, çdo vend në botë ka traditat e karakteristikat e veta të festimit të Natës së Vitit të Ri, ku secila prej tyre mbart të bukurën e saj. Por çfarë traditash bëjnë diferencën? Sa supersticionezë janë? Për këtë arsye sot kemi vendosur të ndajmë me ju disa shtete të botës për menyrë se si përcillet Nata e Ndërrimit të Viteve atje.

Po e nisim këtë rrugëtim me japonezët, të cilit janë të vetmit që e festojnë Vitin e Ri duke pastruar shtëpinë. Ata e konsiderojnë këtë si një ogur të mirë për fillmin e vitit që zgjat nga 31 deri më 3 janar. Festimet e Toshigami (si quhet Viti i Ri atje) i cili konsiderohet hyjnor kanë për traditë falenderimin e shejtorëve që të mbrojë bimët e mbjella, por i urohet edhe mirëseardhja shpirtave antenati. Përgjatë kësaj periudhe ata vendosin dekorime me dru bambuje dhe kallinj gruri. Në orën 12 këmbana e budistëve troket 108 herë si një paralajmërim për të kërkuar falje për mëkatet e gjithë vitit.

Në Spanjë përgjatë Vitit të Ri kosumohen “buñuelos” (petulla të pudrosura me sheqer). Përtej kësaj taditë është të hash edhe 12 kokrra rrushi duke trokitur Viti i Ri. Nga një kokër për çdo të trokitur deri në ardhjen e tij, një traditë kjo që uron për sa më shumë bollëk në ushqim.

Në Brazil të gjithë vishen me të verdha, ngjyra e floririt e diellit dhe dritës. I zoti i shtëpisë derdh një gotë me verë prapa, si për të larguar fatin e keq nga shtëpia.

Në Meksikë përgjatë gjithë ditës ndizet dhe fiket zjarri, duke heshur mes flakësh gurë apo copa druri.

Në Kinë Viti i ri, quhet ndryshe edhe si festa e pranverës, nuk korrespondon me festën tonë të Viti të Ri, por ndjek kalendarin hënor që mund të variojë nga 21 deri në 19 shkurt sipas kalendarit tonë gregorian. Festimet zgjasin 15 ditë dhe përfundon me festën kombëtare Kineze. Përgjatë festës së Vitit të Ri, kinezët vishen me të kuqe sipas legjendës së tyre antike, duket se tremb, bashkë me zhurmë të forte, mosntra mitoologjike Nian, që dikur çdo 12 muaj dilte nga strofulla e tij për të ngrënë qëniet njerëzore. Të influencuar nga kjo legjendë, çdo vit kinezët festojnë festën e pranverës me fishekzjarre, këngë dhe valle të zhurmshme për ta trembur. Festa mbyllet me një kortezh me maskën e luanit për përfaqëson Nian.

Një festë tipike gjermanësh është ajo e Vitit të Ri atje, ku njerezit maskohen dhe festojnë karnevalet. Bëhet “Gëzuar” me Feuerzangenboële, pija e vllazërisë dhe mblEdhjes së studentëve e cila është e përbërë me bazë vere, kanelle, karajfil, lëkurë portokalli dhe rum. Përgjatë darkës ofrohen lajthi dhe rrush të thatë të gjithë të afërmve. Në vendet protestate qeraset me sardele të tymosur.

Në Angli Viti i ri vjen me fEstën tipike, ku hahet gjeli i detit i mbushur me gështenja dhe pudingu i Krishtlindjeve, një ëmbëlsirë tipike që hahet me luge që shpesh e servirin edhe me monedha floriri. Mbrëmjen e Shën Silvestrit , nënshtetast e Mbretëreshës argëtohen duke marrë pjesë në lojëra të ndryshme si p.sh si të peshkosh me duar frutat e thata, të hash një mollë që mbahet varur në një fije, etj.

LEXO EDHE:  Hakerat misteriozë vjedhin paratë për të bërë bamirësi

Rusia është i vetmi vend në botë ku Viti i Ri festohet 2 herë, më 31 dhjetor sipas kalendarit Gregorian dhe 13 janar sipas kalendarit Xhuliano. Më datën 31 bëhet pema dhe pas mesnate njerëzit dalin në Kullën Spasskajadel për të kërcyer dhe ngrënë fruta të thata dhe salcë kosi. Një traditë tjetër ështe edhe ajo e hapjes së derës së shtëpisë në orën 12 për ti uruar mirëseardhjen Vitit të Ri.

Në Itali Viti i Ri përshëndetet me një gatim tradicional me bazë mishin e derrit dhe thjerrëza. Sipas gojëdhënave këto gatime sjellin fat dhe para. Ndërkohë që nuk duhet lënë pa theksuar panetoni dhe pandora shumë të njohura dhe preferuara jo vetëm në Itali. Pandoro është një ëmbëlsirë nga Verona dhe u krijua në 1800 nga Domenico Melegatti. Forma e saj tipike si yll me 8 cepa u reallizua nga piktori Angelo Oca Bianca. Ajo shoqërohet me pana ose akullore.

Ajo që ne ju këshillojmë për Vitin e Ri është që të keni të veshur dicka ngjyrë të kuqe apo diçka të re. Gjithashtu mund të mbani të ndezur një qiri për gjithë natën, pasi jo të gjithë e kemi mundësinë për të pasur zjarr. Një degëz nga lulja agrifoglio si dekorim nuk duhet harruar kurrësesi. Atë mund ta vendosni në pemë apo dekoroni ndonjë dhuratë.

Në Danimarkë ditën e Vitit të Ri thyejnë të gjitha enët që nuk kanë përdorur përgjatë gjithë vitit në datën 31. E gjitha kjo bëhet në prani të të afërmve pranë derës kryesore të shtëpisë.

Në Ekuador Viti i ri Festohet duke djegur një dordolec në mesnatë. Ata gjithashtu djegin edhe fotografitë e vitit të kaluar e gjitha kjo në emër të një fati të mirë.

Filipinezët mendojnë se gjithçka duhet të jetë e rrumbullakët si monedha në mënyrë që të sjellë pasuri. Fruta, rroba, objekte, gjithçka e rrumbullakët.

Në Amerikën e Jugut ti e vendos vetëm fatin tënd, ose më saktë ngjyra e të brendshmeve që do të veshësh atë mbrëmje. E kuqja është dashuri, ngjyra e floririt pasuri dhe e bardha nënkupton paqe.

Në Zvicër Viti i Ri festohet duke hedhur akullore në tokë.

Në Rumani ditën e Vitit të ri hidhen monedha në lumë që ti sjellin fat.

Në Puerto Riko hedhin ujë jashtë dritareve që të largojnë shpirtrat e këqinj.

Në Belgjikë marrin seriozisht jetën prej fermeri duke u kujdesur për kafshët.

Në Bolivi vendosin një monedhë në ëmbëlsira dhe kujt i bie në pjesë, do të thotë se ai do të ketë fat përgjatë gjithë vitit.

Në Kolumbi ditën e Vitit të Ri mbahet një valixhe përgjatë gjithë ditës në dore me idenë që t’u sjellë sa më shumë udhëtime përgjatë gjithë vitit.

Në Kili një pjesë e njerëzve shkojnë në varreza dhe e kalojnë natën atje.

Në Irlandë natën e Vitit të Ri qëllojnë muret me bukë për të larguar shpirtrat e këqinj.

Në disa pjesë të Afrikës se Jugut ditën e Vitit të Ri hedhin mobilje nga dritarja.

Në Skoci miku i parë që do të vijë në shtëpi duhet të sjellë një dhuratë për ti sjellë fat./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sociale

Kapriçot e motit/ Si parashikohen temperaturat gjatë kësaj jave

Publikuar

-

Nga

Parashikimi i motit/ Si pritet të jenë temperaturat nesër

Me ardhjen e pranverës, kërkojmë t’i rikthehemi plazheve të bekuara të këtij vendi por ende moti nuk është i stabilizuar.

Kështu, masat e paqëndrueshme gjatë kësaj jave do të nxisin zhvillimet e vranësirave, të cilat kryesisht në zonën veriore të vendit, do të sjellin reshje të përkohshme shiu.

Sipas Shërbimit Meteorologjik, ditën e enjte reshjet parashikohet të përfshijnë një pjesë të madhe të territorit.

Shiu dhe shtrëngatat në këtë periudhë të vitit bien në kohë të shkurtër dhe kanë tendencën të prekin lokalisht një territor.

LEXO EDHE:  Asgjësohen mbi 25 mijë kilogramë produkte ushqimore dhe higjienike

LEXO EDHE:  Asgjësohen mbi 25 mijë kilogramë produkte ushqimore dhe higjienike

Era, do të fryjë nga kuadrati i jugut dhe të enjten do të kthejë nga veriperëndimi e vrullshme veçanërisht në brigjet detare, duke sjellë dhe forcim të dallgëzimit deri 4 ballë./ CNA.al

LEXO TE PLOTE

Sociale

Eksperti rrugor/ Tejkalimi shpejtësisë shkaku kryesor i aksidenteve, të shtrëngohen masat ndëshkimore

Publikuar

-

Nga

Eksperti rrugor: Tejkalimi shpejtësisë shkaku kryesor i aksidenteve, të shtrëngohen masat ndëshkimore

Aksidentet rrugore në vend kanë njohur rritje shqetësueseVetëm në 6 ditë, nga data 10 deri me 16 maj kemi pasur 43 ngjarje rrugore me 4 te vdekur 3 të plagosur rëndë.

Eksperti rrugor Arben Luzi tha për Euronews Albania se tejkalimi i shpejtësisë është nga shkaqet kryesore të aksidenteve rrugore.

Sipas tij, nisur nga ky fenomen nga ana e policisë duhet të merren masa ndëshkimore më të rrepa me pezullim të lejeve të drejtimit për persona që ecin me shpejtësi tej normale të lejuara duke u bërë burim aksidenti.

“Edukata në fushën e qarkullimit rrugor po bie, ndëshkimi duhet të jetë më i madh. Duhen pika kontrolli në ato që quhen njolla të errëta dhe të pezullohen lejet e drejtimit për ata që ecin me shpejtësi, që është një nga shkaqet kryesore të aksidenteve.

LEXO EDHE:  Ja cfarë nuk duhet të konsumoni në mëngjes

LEXO EDHE:  Tronditëse/ Hedh gruan shtatzënë nga shkëmbi, për të fituar paratë e sigurimit

Eksperti rrugor u shpreh se prania fizike e patrullave të policisë në rrugë ka një ndikim pozitiv që i bën njerëzit më të ndërgjegjshëm për të shmangur shkeljet e normave të qarkullimit rrugor./euronews

LEXO TE PLOTE

Sociale

“Mykotoksina, proteina të ulëta dhe asnjë kontroll”/Risku më i madh nga mielli i Serbisë dhe Kosovës

Publikuar

-

Nga

Nga Mariglen Mertiri

Pikat e shitjes së miellit në Shqipëri gjenden plot me produkte që nivelin e proteinave nuk e kanë të lejuar për prodhim buke, picash, etj. Bien në sy miellra nga Serbia e Kosova, me proteina të ulëta, pavarësisht brenda limiteve të deklaruara në ambalazh. Por kushdo, mund të marrë sasi të ndryshme mielli, që mund ta përdorë atë për furra puke, piceri, makarona e kudo, pa asnjë kontroll. Ndërkohë AKU, institucioni që e ka për detyrë, nuk është në gjëndje të garantojë gjurmueshmërinë e produkteve që prodhohen në Shqipëri apo importohen, për destinacionin final dhe “topin” ia lë konsumatorit. Ndërkaq, nga analizat dhe interpretimi i ekspertëve, mykotoksinat në miell janë në nivelet maksimale të lejuara.

Konsumatorët ekspozohen çdo ditë ndaj rrisqeve të shtuara për shkak të produkteve që konsumojnë. Mes këtyre sfidave, qytetarët zgjedhin ose të informohen dhe të marrin vendime ose të jenë në dorë të subjekteve prodhuese duke ju besuar shëndetin e tyre. Përballë një morie produktesh që konsumohen, qytetarët perceptojnë si ekspozim më të madh ndaj padrejtësive dhe abuzivizmit produktet e shportës, sepse janë produkte që kanë një frekuencë konsumimi shumë të lartë, thuajse çdo ditë.

Produktet me bazë mielli janë pjesë e tryezave në çdo familje dhe kërkesa e shtuar për një bukë, kroasan, picë apo biskotë mund të sjellë rrezikun për të abuzuar nga tregtarët me limitet e përqëndrimit të proteinave dhe për të rritur sado pak fitimet, qoftë edhe në kohët e vështira ekonomike që po jetojmë.

Ndërkohë, produkti më masiv, buka, është ai me të cilin mund të abuzohet më shpesh për shkak të cilësisë së miëllit apo nivelit të proteinave. Kjo, pasi nmë tregje të ndryshme, në pika shitje, gjenden tonelata me miell me proteina të ulëta, i cili është importuar apo prodhuar në vend medestinacion industrinë, si pastiçeri, fabrika prodhimi produktesh brumi, biskota etj. Dhe, pikërisht për këtë, konsumatori nuk mund ta dijë asnjëherë, sepse ai sheh produktin final, bukën dhe nuk është në gjëndje të dijë as nivelin e proteinës në të e as miellin me të cilin është prodhuar. Gjithashtu, i njëjti abuzim mund të ndodhë dhe me picat, petët etj, produkte që konsumatori fundot nuk është kurrë në gjëndje të dijë se sa proteina po merr nga sasia e bukës apo produkteve tjera.

Pikërisht në këto pika shitjeje, kushdo mund të blejë lehtësisht sasi të mëdha mielli, me proteina më të ulëta sesa norma e lejuar për prodhim buke dhe t’i dërgojë në furrën apo picerinë e tij, etj.

Qendra ALERT, një Organizatë Jofitimprurëse, po zbaton projektin “Ushqimi, risku masiv për konsumatorët, mungesa e kontrolleve dhe e informimit nga institucionet”, si një ndihmesë për të rritur cilësinë e ushqimeve të tryezës, nisur edhe nga shqetësimet e konsumatorëve por edhe interesi i shtuar mbi sigurinë ushqimore. Për këtë arsye vendosëm të investigojmë cilësine e miellit që përdoret në tregjet e shumicës dhe pakicës dhe përdorimi korrekt i cilësisë së tyre për produktet e pastiçerive dhe brumrave në furrat e bukës apo byrektoret. Qendra ALERT bleu në disa qytete të ndryshme miellin që tregtohet në pikat e shumicës, por edhe pakicës për të analizuar nëse të dhënat e etiketës së deklaruar janë realisht edhe pjesë e produktit në brendësi. Dhe, lehtësisht mund të merrnim sasinë që donim, për ta përdorur në furrat tona të bukës, nëse do të kishim.

Në bashkëpunim me laboratorin e akredituar “Noval” analizuam përqindjen e proteinës në 5 lloje të ndryshme mielli që blemë në mënyrë të rastësishme në Elbasan, Tiranë dhe Kamëz, por edhe të mykotoksinave në përmbajten e tyre dhe më pas kërkuam intepretimet nga ekspertët e fushës se si rezultat e përftuara a janë në raport të drejtë me urdhrat dhe udhëzimet në fuqi të Ministrisë së Bujqësisë. Mykotoksinat në miell janë më të rrezikshme për shëndetin e konsumatorit, ndërsa çështja e proteinave është kryesisht mashtrim, që nuk lidhet me sigurinë ushqimore, por me vlerat ushqyese që duhet apo mund të marrë çdokush.

Ministria e Bujqësisë për produktin “Miell Gruri”, referuar Udhëzimit të Ministrit Nr.207, datë 31.3.2015 “Për përcaktimin e treguesve të sigurisë dhe cilësisë së miellit të grurit të parapaketuar, për t’u shitur tek konsumatori i fundit ose për prodhimin e produkteve të tjera ushqimore”, ka vendosur se niveli minimal i proteinës që duhet të ketë mielli që importohet në vendin tonë, për prodhimin e produkteve ushqimore është:

Për prodhimin e produktit ushqimor “Bukë (masive popullore)” niveli minimal i proteinës është 12% (ndaj lëndës së thatë).

Për prodhimin e produktit ushqimor “Bazë picash, krusan, petë” niveli minimal i proteinës është 12.5% (ndaj lëndës së thatë).

Për prodhimin e produktit ushqimor “Ëmbëlsira, kek, biskota, petulla” niveli minimal i proteinës është 9% (ndaj lëndës së thatë).

Për prodhimin e produktit ushqimor “Makarona” niveli minimal i proteinës është 11% (ndaj lëndës së thatë).

Pjese nga Udhezimi i Ministrit te Bujqesise, ku saktesohet niveli i proteinave ne miell dhe perdorimi, si dhe autoritetet pergjegjese per zbatimin e tij

Eksperti Kapllan Sulaj, i cili është edhe Dekan i Bioteknologjisë Ushqimore në Universitetin Bujqësor të Tiranës, analizoi përgjigjet e laboratorit “Noval”, bazuar mbi kriteret e vendosura nga Ministria e Bujqësisë për miellin dhe përbërësit e tij.

Në qytetin e Kamzës në një subjekt të shitjes me shumicë të miellit blemë një thes miell 25 kg të markës “Elledi”, e cila prodhohet në Serbi dhe ofrohej si mundësi për tregun shqiptar.

Nga analizat e laboratorit “Noval” rezultoi se mielli “Elledi” pavarësisht se në paketim thoshte proteina mbi 9% dhe është i destinuar për ëmbëlsira dhe biskota, rezultoi se ka përmbajtje të proteinave 12.11%.

E krahasuar me limitin e përcaktuar nga legjislacioni, rezulton brenda normës. Mostra është analizuar gjithashtu edhe për praninë e mykotoksinave dhe tregon se është brenda limitit të përcaktuar në aktet nënligjore. Që në fabrikën e prodhimit, ky miell është destinuar për industri dhe jo për bukë apo pica.

Po në qytetin e Kamzës në pikën e shumicës blemë miell “M.Sillosi Finesa, Tip 500” me amblazh letre dhe i prodhuar ne Kosovë. Ne e analizuam në laboratorin “Noval” për përqindjen e proteinave dhe mykotoksinave në përbërje të tij. Nga analiza e kryer tregohet se, përmbajtja e proteinave rezulton 11.25%.

Vlera e raportuar rezulton brenda normës së deklaruar në ambalash, ku thuhet se minimumi i proteinës është 10 %. Rezultati për praninë e aflatoksina është brenda limitit të përcaktuar në aktet nënligjor. Siç e deklaron dhe prodhuesi në etiketë, mielli është i destinuar për indusrinë ku lejohet ky nivel proteine.

Në qytetin e Elbasanit në një market blemë miell gruri, “Euromill Erina”, miell gruri Tip 500 i prodhuar në qytetin e Elbasanit.

LEXO EDHE:  Ja cfarë nuk duhet të konsumoni në mëngjes

LEXO EDHE:  Ja cfarë nuk duhet të konsumoni në mëngjes

Edhe për këtë mostër, analiza e kryer nga laboratori “Noval” tregohet se përmbajatja e proteinave rezulton 12.45 % dhe jo 13.5% sic është deklaruar në paketim, por gjithesesi referuar limit në legjislacion, ky miell rezulton brenda normës për përdorimim edhe për prodhim buke apo picash. Brenda normave rezultoi edhe përqëndrimi i mykotoksinave në monstrën e analizuar.

 

Në qytetin e Elbasanit u ble edhe një tjetër paketim mielli nga fabrika “Skraqi”.

Analiza e kryer nga laboratori “Noval” tregohet se përmbajtja e proteinave rezulton 12.56 %, e  krahasuar me limitin e përcaktuar nga legjislacioni, rezulton brenda normës. Tregues të tjerë analitik kanë qënë edhe provat për praninë e mykotoksinave dhe rezultoi se është brenda limitit të përcaktuar.

Në një market në Tiranë blemë një miell të importuar nga Italia me emrin “Amoruso, tip 00”, nga kampioni i marrë rezultoi se përmbajatja e proteinave ishte 10.85 % e  krahasuar me limitin e përcaktuar nga legjislacioni.

Edhe ky miell është i destinuar për industri apo prodhim ëmbëlsirash në shtëpi, ndërkohë që në etiuketë, proteina është e shënuar 10 g. Ndaj ky lloj mielli mund të përdoret vetëm për ëmbëlsira dhe për asnjë produkt tjetër. Tregues të tjerë analitik kanë qënë edhe  provat për praninë e mykotoksinave dhe rezultoi se është brenda limitit të përcaktuar.

Eksperti i teknologjisë ushqimore, Profesor Abdyl Sinani, pasi u njoh me rezultatet e monstrave të analizuara në 5 lloje të ndryshme mielli deklaroi se gruri i përdorur për përftimin e këtyre 5 lloje miellrash duhet të pastrohen plotesisht edhe me makineritë me abrazive dhe me furça, pasi sipas tij, kjo menyre pastrimi siguron largimin e mykotoksinave dhe te elementëve të tjerë që kanë ngarkesë deri në kufijtë maksimal.

“Nga analizat rezulton se, mykotoksina dhe përbërësit e tjerë janë në kufijtë maksimal të lejuar. Prandaj, fabrikat e miellit duhet të zbatojnë gjithë diagramën e pastrimit, duke vënë në punë edhe makineri që pastrojnë edhe brazdën e kokrrës së grurit nga mykotoksinat”, deklaroi Sinani. Pas analizimit të detajuara të këtyre monstrave, edhe pse shumica e miellit të blerë rezultoi brenda normave, shqetësimi mbetet prezent për qytetarët pasi ata nuk kanë një matës të sasisë të proteinave për miellin e përdorur për prodhimin e një ëmbëlsire, buke apo pice në subjektet e vogla tregtare.

Kjo, pasi një tregëtar miellin me 9% proteinë që është i destinuar sipas udhëzimit vetëm për ëmbëlsira, mund t’a përdorë në prodhimin e bukës masive që sipas kërkesës ligjore kërkohet përqëndrimi i proteinës mbi 12%. Ky lloj abuzimi mund të ndodh për shkak të fitimit që mund t’i sjell një çmim më i favorshëm për tregtarin e miellit që ka destinacion të ndryshëm nga sa shkruhet në etiketë.

Në këtë kontekst për të mbrojtur konsumatorin një rol vendimtar merr procesi i gjurmueshmërisë që ushtrohet nga Autoriteti Kombëtarë i Ushqimit dhe sensibilizimi me kontrolle të shpeshta e bizneseve që ushtrojnë aktivietin në këtë fushë.

Të pyetur mbi sistemin e gjurmueshemërisë dhe ndërgjegjësimin që duhet të ketë konsumatori, AKU deklaroi çdo subjekt është përgjegjës për plotësimin e kushteve ligjore për hedhjen e cdo produkti në treg dhe marrjen e masave për sigurinë e tyre.

“Theksojmë rolin e konsumatorit si “inspektori më i mire”, në lidhje me ndërgjegjësimin e tij për përdorimin e produkteve ushqimore, (përfshirë bukën si një nga produktet me masive), dhe blerjen e tyre vetëm në subjekte të cilat ofrojnë kushte ku siguria dhe cilësia e ushqimeve është sa me e garantuar. Shumë e rëndësishme mbetet përqasja qytetare dhe qëndrimi ndaj shkeljeve të ndryshme të cilat duhen denoncuar pranë AKU-së”, deklaroi zyra e shtypit e AKU-së.

Por, megjithëse përgjigjia e AKU është tejet zyrtare dhe diplomatike, konsumatori nuk është asnjëherë të gjëndje të indentifikojë nivelin e proteinës në bukë, pica apo produkte të tjera brumi. Dhe, është pikërisht detyrë e Autorititetit Kombëtar të Ushqimit, që ndjekë gjurmueshmërinë e produkteve ushqimore. Në rastin konkret, edhe të miellit, i cili nëse është me proteina të ulëta duhet të shkojë vetëm për industrinë e prodhimit dhe jo të qëndrojë në shitje ku mund ta blejë kushdo e ta përdorë për çfarëdo.

Abuzimin që mund të shkaktohet ndaj konsumatorit, sipas AKU, duhet vetë ky i fundit të jetë vigjilentë për të kuptuar nëse mielli që është prodhuar produkti që duhet të konsumojnë është prodhuar me miellin me proteinën 9, 11 apo mbi 12%. Gjë e cila është absurde dhe nuk mund të evidentohet në asnjë rrethanë nga qytetarët. Me këtë kalim përgjegjësie AKU shmang kështu detyrimin e kontrollit rigoroz dhe fsheh mungesën e fushatave ndërgjegjësuese masive për bizneset dhe konsumatorët.

Faktet flasin. Në pikat e shumicës dhe pakicës ku shitej mielli, punonjësit nuk kishin asnjë kriter se për çfarë do të përdorej mielli që ata shisnin. Kur kërkohej një këshillë prej tyre për përdorimin e një lloj mielli apo një lloji tjetër, ata nuk benin diferencime sipas standardit të proteinave për destinacionin final të produktit, por të sygjeronin se nëse ishe një furrë e re buke apo byrektore, të zgjidhje miellin më të mirë të tregut dhe pas 2 apo 3 muajve të merrje një cilësi më të dobët, duke mashtruar konsumatorin dhe rritur fitimin e biznesit të ri, pasi mielli me proteinë më të ulët bënte diferencë në çmimin e blerë.

Inspektorët e AKU-së, ushtrojnë kontrolle të vazhdueshme sipas këtij institucioni, dhe në përgjigje të kërkesës tonë nëse kanë hasur shkelje në përmbajtjen proteinike të millit që hyn në Shqipëri përgjatë dy viteve të fundit, AKU deklaroi se nuk ka konstatuar asnjë parregullsi.

“Sa lidhet me analizimin e mostrave te miellit për treguesin proteine informojmë se nga sektori PIK për periudhën 2019-2021 janë analizuar ne total  31 mostra, nga këto 8 ne laboratorin e AKU dhe 23 ne laboratorin e ISUV, të cilat kanë rezultuar konform deklarimit për përdorimin e miellit sipas nivelit te proteinës”, shprehet AKU

Gjurmueshmëria, ndërgjegjësimi i konsumatorit dhe biznesit mbeten hallka të dobëta të një sistemi, ku konsumatori mashtrohen çdo ditë dhe në shumë raste edhe rrezikojne shëndetin e tyre. 

LEXO TE PLOTE