Connect with Us

Çfarë ndodh nëse një person asimptomatik me SARS-CoV-2 vaksinohet?

Shëndeti

Çfarë ndodh nëse një person asimptomatik me SARS-CoV-2 vaksinohet?

Publikuar

-

Çfarë ndodh nëse një person asimptomatik me SARS-CoV-2 vaksinohet?

Nga Dr. Blerta Brati, mjeke mikrobiologe pranë ISHP

Njerëzit që infektohen me virusin Covid-19 zhvillojnë antitrupa kundër SARS-CoV-2. Vaksina behet pikerisht qe trupi të zhvillojë këto antitrupa.

Cfare arsyetojne ekspertet?

1.Fjala asimptomatike përfshin disa lloje njerëzish: ata në inkubacion që do të zhvillojnë simptoma më vonë dhe ata që me të vërtetë nuk kanë simptoma .

– a) Në rastin e parë, këta janë njerëz me një imunitet para-ekzistues që i lejon ata të neutralizojnë virusin. Nëse i imunizojmë me një vaksinë, kjo do të forcojë imunitetin para-ekzistues.

-b) Në rastin e dytë, vaksinimi do të ndihmojë në zhvillimin e një përgjigje më të shpejtë imune. Në çdo rast, nuk do të ketë efekt të dëmshëm.

2.Në rastin më të keq, vaksinimi do të ishte thjesht i panevojshëm. “Meqenëse personi është tashmë i infektuar, ai tashmë ka zhvilluar antitrupa per te cilat vaksina ka rolin e nxitjes, kështu që ndoshta nuk e ndihmon atë të vaksinohet”!

LEXO EDHE:  Kosova me bilanc tragjik/ 13 viktima dhe 637 raste të reja në 24 orë

– Ne e dimë që antitrupat zvogëlohen pas disa javësh, por gjithashtu u zbulua se një përgjigje më e gjerë imune ekzistonte gjithashtu në subjektet e infektuara edhe përtej pranisë së antitrupave.

-Kështu që vaksinimi nuk do të sillte asgjë më shumë ndaj subjekteve tashmë të infektuar sesa pergjigjia qe ka nxitur vetë virusi. Pra nuk ka përfitim apriori as për asimptomatiket .

Për specialistet, vaksinimi nuk është i dobishëm tek njerëzit që janë infektuar tashmë, për të njëjtat arsye siç u përmendën më parë: infeksioni do të shkaktonte natyrshëm të njëjtin reagim si vaksina.

Por është e paqartë nëse njerëzit që janë të infektuar por asimptomatikë do të vazhdojnë të mbajnë virusin pas vaksinimit. “Ka pak të dhëna shkencore për transportin e virusit në këtë kohë. Shpesh, njerëzit asimptomatikë pa simptoma kanë një ngarkesë virale shumë të ulët dhe ka të ngjarë të jenë minimalisht ngjitëse.”!!

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Shëndeti

Bien sërish shifrat e Covid-19/ Ja sa raste të reja janë konfirmuar sot

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Ministria e Shëndetësisë dhe Mbrojtjes Sociale ka publikuar të dhënat e 24 orëve të fundit sa i përket situatës së pandemisë në vendin tonë.

Sipas të dhënave mësohet se në 24 orët e fundit janë kryer 2680 testime dhe kanë rezultuar pozitivë 444 qytetarë, ndërsa janë regjistruar dhe 4 viktima.

Rastet pozitive të konfirmuara janë identifikuar në këto bashki: 213 në Tiranë, 25 në Elbasan, nga 19 qytetarë në Vlorë, Kamëz, Durrës, 17 në Fier, 16 në Lushnje, 15 në Krujë, 10 në Vorë, nga 8 qytetarë në Berat, Shkodër, nga 7 qytetarë në Lezhë, Gjirokastër, nga 6 qytetarë në Devoll, Tropojë, 5 në Mat, nga 4 qytetarë në Kurbin, Mallakastër, nga 3 qytetarë në Peqin, Kuçovë, Sarandë, Has, nga 2 qytetarë në Roskovec, Përmet, Memaliaj, Korçë, Dimal, Gramsh, nga 1 qytetar në Poliçan, Skrapar, Kolonjë, Dropull, Delvinë, Himarë, Patos, Dibër, Shijak, Mirditë, Kukës, Pukë.

Janë 7032 pacientë aktivë me COVID19 në të gjithë vendin.

Aktualisht në spitalet COVID po marrin trajtim 164 pacientë, nga të cilët 20 janë në gjendje më të rënduar. Me gjithë përpjekjet e mjekëve, në 24 orët e fundit nuk e kanë fituar betejën me COVID19, 4 qytetarë: një qytetare nga Puka 67 vjeçe, një qytetar nga Patosi 73 vjeç, një qytetare nga Lushnja 79 vjeçe, një qytetar nga Lezha 82 vjeç.
Ministria e Shëndetësisë dhe Mbrojtjes Sociale u shpreh ngushëllimet familjarëve.

LEXO EDHE:  Covid-19 virus Kinez/ Trump: U kritikova kot, tani po më japin të gjithë të drejtë

LEXO EDHE:  Koronavirusi i merr jetën ish-deputetit të PS-së



Janë shëruar 315 qytetarë gjatë 24 orëve të fundit, duke e çuar numrin e të shëruarve në 171,790 që nga fillimi i epidemisë.

Statistika (24 Tetor 2021)
Raste të reja ditore 444
Të shëruar në 24 orë 315
Të shtruar në spitale 164
Humbje jete në 24 orë 4
Testime ditore 2680

Testime totale 1,283,321
Raste pozitive 181,696
Raste të shëruara 171,790
Raste Aktive 7032
Humbje jete 2,874

Shpërndarja gjeografike e rasteve aktive sipas qarqeve:

Tiranë 3495
Fier 882
Durrës 733
Shkodër 471
Elbasan 303
Gjirokastër 210
Korçë 200
Berat 184
Lezhë 179
Vlorë 163
Kukës 136
Dibër 76

LEXO TE PLOTE

Shëndeti

Nga Erion Dasho/ Dy vjet luftë me paditurinë

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Që prej fillimit të pandemisë, së bashku me shumë kolegë të tjerë po luftojmë përditë jo vetëm me paaftësinë dhe papërgjegjshmërinë e qeverisë, ministrisë dhe komitetit, por edhe me paditurinë.

Padituria herë merr formën e një konspiracionisti, herë atë të një përfaqësuesi antiestablishment, herë atë të një dashnori të lirisë dhe jo rrallë, fatkeqësisht, shfaqet pas një tjetër bluze të bardhë të vendosur në anën e gabuar të barrikadës.

Viti 2020 kaloi duke u mbushur mendjen qytetarëve të terrorizuar nga sharlatanët se 80% e të infektuarve nuk kishin nevojë për asnjë trajtim apo ekzaminim. I vetmi shpenzim i justifikuar ishte blerja e një puls oksimetri për ndjekjen e ecurisë së sëmundjes.

Vetëm një pjesë e vogël e qytetarëve na dëgjoi!!!

Çdo person që niste kollitej sado pak, u bë pre e mashtruesve dhe të paaftëve. Një listë e gjatë me analiza, referim për skaner dhe një recetë bombastike me antibiotikë e çoi faturën më të thjeshtë të trajtimit të COVID-it në 1 mijë euro. Jo rrallë, këto mjekime ishin përgjegjëse për dëmtimin e shëndetit, madje edhe për humbjen e jetës.

Kur një pacient zhvillonte forma pak më të rënda të sëmundjes, fatura rëndohej në mënyrë eksponenciale! Me mesazh vinte receta me remdesivir, ku kura niste me 3 mijë euro dhe përfundonte me aq sa t’i donte qejfi “kompetentëve”. Përsëri pa asnjë referencë të besueshme dhe në kundërshtim me çdo protokoll të miratuar në vendet perëndimore!

Personalisht kam dhjetëra statuse dhe intervista kundër kësaj batërdie. Të gjitha janë online dhe lehtësisht të verifikueshme. Një njeriu normal do t’i mjaftonte kjo betejë imja një vjeçare për t’i mbushur mendjen se nuk kam patur dhe nuk kam ndonjë interes komercial dhe nuk i kam “shitur shpirtin” asnjë kompanie farmaceutike apo biznesi privat.

Mbi të gjitha, është tregues i faktit se unë dhe shumë kolegë të tjerë i jemi referuar në çdo moment njohurive, protokolleve dhe përvojës së vendeve lider në mjeksinë botërore, SHBA-ve, Gjermanisë, Anglisë, etj.

Ç’po ndodh sot?

Me të njëjtët kolegë që bënim thirrje për të qëndruar larg mjekimeve të panevojshme vjet, po u rekomandojmë qytetarëve të vaksinohen. Të vaksinohen të moshuarit, të rriturit, të rinjtë dhe fëmijët. Përsëri po bazohemi tek njohuritë, rekomandimet dhe protokollet e të njëjtave vende perëndimore.

LEXO EDHE:  Përhapja e koronavirusit/ Psikologia: Të mbyllen shkollat, është e keqja më e vogël

LEXO EDHE:  Shifra/ SHBA ka administruar 165 milion doza vaksinash

Për koincidencë, sërish shumë pak dëgjohemi!

Ata që blinin remdesivirin e paefektshëm për 3 mijë euro, sot flasin kundër vaksinës e cila tashmë është provuar se ul rrezikun e vdekjes me 10 herë!

Ata që ishin gati të aplikonin klorokinën dhe favirën pa u bazuar në asnjë evidencë të vetme, sot refuzojnë vaksinën të cilën e rekomandojnë EMA, FDA dhe një duzinë agjencish nga më prestigjiozet!

Ata që dje nuk kërkonin asnjë studim për të përdorur azitromicinën, doksiciklinën, deksametazonin, vitaminën C, xarelto-n, favirën, remdesivirin, plazmën hiperimune, etj., papritur sot kërkojnë qimen në vezë për çdo efekt të dyshuar apo imagjinar të vaksinës.



Ndërkohë që një medikament në dukje “i pafajshëm” si aspirina shkakton 20 vdekje për 1 milion banorë në vit, anti-Vax-ët kërkojnë llogari për çdo efekt anësor të vaksinës, madje edhe për ato “pasoja” që shpik imagjinata e tyre e shfrenuar!

Shqiptarë!

Pjesën më të madhe të 16 mijë fatkeqëve që vdiqën nga COVID-i i vrau papërgjegjshmëria e qeverisë, ministrisë dhe komitetit të marionetave politike.

Por një pjesë jo të vogël të tyre, i vranë mjekimet e papërgjegjshme të marra pa asnjë logjikë mjeksore nën presionin e injorantëve dhe makutëve.

Sot këta injorantë mund të vrasin sërish duke ju mbajtur ju dhe fëmijët tuaj larg vaksinës.

Mos i lejoni!

E deklaroj këtë si një ekspert dhe mik që nuk ka as edhe interesin më të vogël pas vaksinave dhe si një person që jap prej një viti e gjysmë këshilla që po të ishin dëgjuar, do të kishin shpëtuar me qindra jetë!

Kush vaksinohet sot, e pret një dimër shumë më i sigurt dhe më i shëndetshëm!

Nuk e them unë! E thotë çdo institucion dhe shkencëtar prestigjioz sot në botë!

Është përafrimi që po ndjek sot Bashkimi Europian, Mbretëria e Bashkuar, SHBA-të, Izraeli dhe çdo vend tjetër i përgjegjshëm.

Besojeni dhe zbatojeni!

Sa më shpejt, aq më mirë!/CNA.al

LEXO TE PLOTE

Shëndeti

Pandemia rrit numrin e pacientëve në Klinikën e Psikiatrisë

Publikuar

-

Nga

Për nëntë muaj të këtij viti, 89 pacientë kanë kërkuar trajtim në Klinikën e Psikiatrisë, në repartin e sëmundjeve të varësisë. Ky numër, sipas drejtuesve të kësaj klinike, është dukshëm më i lartë në krahasim me vitin e kaluar, që ishin gjithsej 64 pacientë.

Vjollca Ramiqi, psikiatre në Klinikën e Psikiatrisë në Qendrën Klinike Universitare të Kosovës (QKUK), tha për Radion Evropa e Lirë se shumica e pacientëve që kanë kërkuar trajtim në këtë klinikë kanë pasur varësi nga droga dhe alkooli.

Nga 89 pacientë, 26 prej tyre kanë qenë në varësi të heroinës, 11 në varësi të marihuanës, 25 pacientë të tjerë në varësi të substancave të shumta psikoaktive, derisa 14 në varësi të alkoolit dhe 3 në varësi nga sedativët.

Ramiqi tha se numri i pacientëve që kanë kërkuar trajtim ka qenë më i madh prej fillimit të pandemisë COVID-19.

“COVID-19 ka ndikuar në shpërfaqjen e sëmundjes bazike të të sëmurëve apo përdoruesve të substancave psiko-aktive. Numri i pacientëve të cilët kërkojnë ndihmë në ambulancën specialistike është në të shumtën e rasteve për pacientët të cilat kanë probleme në menaxhimin e ankthit dhe depresionit”, tha Ramiqi.

Shtegdalja që mungon për të varurit nga droga

Shqetësimi më i madh është te mosha e re e pacientëve, që sipas Klinikës së Psikatrisë, janë nga mosha 18-vjeçare e lart, mirëpo ka raste kur edhe persona të moshës 15 dhe 16 vjeç kanë kërkuar trajtim.

Ramiqi tha se duhet të merren masa parandaluese, sidomos në programet shkollore që kanë të bëjnë në lidhje me informimin dhe pasojat e përdorimit të drogës, si dhe të ketë në media sa më shumë programe publicitare dhe informues nga ana ekspertëve përgjegjës.

Edhe psikologu, Yll Avdiaj vlerëson se Policia e Kosovës duhet të ndërmarrin masa edhe më shumë në parandalim dhe të bëjnë kontrolle më të shpeshta në shkolla të mesme dhe fillore.

Pandemia i bëri më të dhunshëm përdoruesit e drogës

Rritja e kërkesave për trajtim psikoterapeotik, sipas psikologut Yll Avdiaj, ka ndodhur për shkak të pandemisë COVID-19.

LEXO EDHE:  Shifra/ SHBA ka administruar 165 milion doza vaksinash

LEXO EDHE:  Pesë viktima në pak muaj/ Si u hodh nga dritarja e dhomës së tij 60-vjeçari



Sipas tij, në krahasim me vitin 2019 dhe 2020 kërkesat për trajtim janë rritur pasi pandemia ka shkaktuar te popullata ankth dhe depresion.

Avdiaj tha se te varësia nga substancat narkotike ndikojnë konfliktet ose problemet, të cilat i preukopojnë njerëzit në jetën e përditshme, dhe pamundësia për t’u përballur me ato probleme mund t’i shtyjnë drejt këtyre dukurive.

“Normalisht që pandemia ka shkaktuar një lloj ankthi të përgjithshëm, jo vetëm në Kosovë, prandaj kjo ka qenë një lloj mekanizmi ndoshta për këta persona në mënyrë që ta qetësojnë veten ose të mundohen ta kalojnë këtë frikë ose vështirësi të cilët po e kalojnë. Pandemia është vetëm një faktor që ka arritur t’i shpërfaqë këto probleme, të cilat njerëzit i kanë pasur ndoshta edhe më herët”, tha Avdiaj për Radion Evropa e Lirë.

Rritet numri i përdoruesve të kokainës në Kosovë

Drejtori i Qendrës mediko-psikoterapeutike “Labirint”, Safet Blakaj tha për Radion Evropa e Lirë se përveç përdorimit të marihuanës, që është e shtrirë gjithandej në Kosovë, ka një rritje të shpejtë të përdoruesve të kokainës.

“Jo vetëm këtu në kryeqytet (Prishtinë), por ka filluar të shtrihet përveç qendrave të mëdha edhe në vend të vogla. Në vitin e fundit kemi parë raste që vijnë e që janë të moshës 18-23 vjeç e që është shumë shqetësuese”, tha Blakaj.

Blakaj tha se nuk është vetëm pandemia, që ka ndikuar në rritjen e numrit të përdoruesve të drogës. Sipas tij, rritja ka qenë trend para pandemisë dhe ka vazhduar rritje shumë më e shpejt tani.

“Nuk ka asnjë lloj programi parandalues në nivel kombëtar këtu në Kosovë dhe kjo e bën situatën edhe më keq. Duhet reaguar për këtë fenomen në përgatitjen e programeve parandaluese, posaçërisht te të rinjtë”, tha Blakaj.

Në Kosovë konsiderohet se janë rreth 30 mijë përdorues aktivë të drogave. Sipas të dhënave të Qendrës Mediko-Psikoterapeutike “Labirint”, personat e mitur (nën moshën 18 vjeç), përfshirë nxënësit në shkolla, janë grupmosha më e rrezikuar nga substancat narkotike./rel

LEXO TE PLOTE