Rahem Sterling së fundmi e ka humbur vendin e tij në formacion, teksa trajneri Pep Guardiola ka preferuar në vend të tij Fill Fouden. Talenti britanik ia ka shpërblyer trajnerit në fushë, ndaj edhe ka zënë vendin e titullarit duke lënë në stol Sterling.

Një situatë që nuk i pëlqen shumë sulmuesit, ndërsa kur i kanë mbetur edhe dy vite kontratë, ai mund të mendojë të ndryshojë ambient. Dhe, për këtë Real Madrid ka interes teksa spanjollët edhe më parë kanë pasur simpati për 26-vjeçarin.

Gjithsesi, tashmë pritet merkato e verës teksa madrilenët duket se do të jenë protagonistë kryesorë të saj për të pasur një organikë sa më të zgjeruar.

Chelsea nxjerr jashtë FA Cup Manchester City-n në fazën gjysmëfinale të kompeticionit. Blutë e Londrës triumfuan me rezultat minimal në Wembley, falë golit të Hakim Ziyech, që e gjeti rrjetin në minutën e 55-të i shërbyer nga Pulisic.

Talenti amerikan me origjinë kroate shënoi një tjetër gol për Chelsea-n në fundin e takimit, por u anulua me të drejtë nga sistemi VAR për pozicion jashtë loje në momentin e marrjes së topit.

Loja e Manchester City-t në pjesën e dytë, në fakt, u kushtëzua jo pak nga largimi nga fusha i dëmtuar i Kevin De Bruyne, që ia la vendin Fodenit.

Chelsea pret të mësojë këtë të diel finalisten tjetër të FA Cup, që do të dalë nga çifti Southamphton-Leicester City.

Pep Guardiola me këtë eliminin detyrohet të heqë dorë nga një objektiv, megjithatë është në garë për të fituar trofe të rëndësishëm: Premier League-n, Champions League-n, League Cup.

E shtuna e futbollit në Supersport nuk është vetëm Kategoria Superiore, pasi sot në ekranin tonë do të keni mundësi të ndiqni edhe sfida të Serie A, Bundesligas dhe FA Cup. Pikërisht  në Kupën e Anglisë luhet edhe sfida më interesante e ditës. Në Wembley Chelsea do të sfidojë Manchester City-n në një ndeshje ku do të përcaktohet finalistja e parë e këtij edicioni. Skuadra e Pep Guardiolës është favorite për të avancuar më tej ndërkohë që të dyja skuadrat vinë në këtë sfidë pas kualifikimit për në gjysmëfinalet e Champions-it. Citiziens synojnë të bëjnë poker trofesh në këtë sezon dhe deri tani i kanë të gjitha kartat në rregull për t’ia dalë ndërkohë që Chelsea shikon te FA Cup mundësinë e vetme për të fituar diçka në këtë edicion pasi në Champions misioni është shumë i vështirë për të mos thënë i pamundur.

Parashikohet një duel i zjarrtë në mitikun Ëembley sot pasdite në orën 18:30 kjo edhe për faktin se luajnë dy nga skuadrat që kanë fituar më shumë në Angli në 5 vitet e fundit. Në Serie A mungojnë duelet e skuadrave të mëdha, teksa vëmendjen më të madhe e merr takimi mes Sassuolos dhe Fiorentinës ndërkohë që një përballje direkte për mbijetesën është ajo mes Cagliarit dhe Parmës. Në Gjermani në orën 15:30 Bayerni do të ketë mundësinë ideale për të vrarë përfundimisht kampionatin pasi në rast suksesi ndaj ujqërve do ta thellonte në +7 avantazhin ndaj Leipzig, 5 javë para fundit të sezonit. Në orën 18:30 në kanalin Eurosport 2 do të keni mundësi të ndiqni sfidën mes Bayer Leverkusen dhe Koln.