Pep Guardiola është kundër Superligës së Europës, megjithëse Manchester City është një nga klubet themelues të këtij kompeticioni. Spanjolli foli para ndeshjes së nesërme me Aston Villa, por vëmendjen më të madhe ia kushtoi Superligës, të cilin e quan kompeticion të pandershëm.

“E mora vesh para se të dilte deklarata. Janë njerëzit e ngarkuar për organizimin e këtij kompeticioni që duhet të dalin dhe të shpjegojnë veten e tyre. Nuk i kam të gjitha përgjigjet në lidhje me këtë kompeticion të ri.

Pse Leicester, Sevilla apo Ajax duhet të luftojnë aq shumë për të qenë në një kompeticion të tillë? Secili kujdeset për interesat e veta. Të mos thonë se kjo është për të mirën e të gjithëve. UEFA duhet ta kuptojë se ka dështuar. Është edhe faji i tyre.

Lewandowski humbi ndeshjet e Champions League sepse iu desh të luante për Poloninë në mars, kulmi i sezonit. Unë mbështes atë që tha kryeministri (Johnson). Nuk më duket e drejtë që një ekip lufton dhe nuk mund të kualifikohet. Ky nuk është sport. Është diçka tjetër”, tha Guardiola ndër të tjera.

Pas largimit të Zhoze Murinjos, Totenhem ka emëruar si trajner të ri Rajan Mezon. Mezon është një njohje e skuadrës londineze pasi më parë ka luajtur për këtë ekip, por ka qenë pjesë edhe si trajner, ku ishte si asistent i skuadrës së parë sezonin e kaluar, gjithashtu ka qenë pjesë edhe si trajner i të rinjve të Totenhemit.

Mezon aktualisht është 29-vjeç dhe e la futbollin përpara dy vitesh për arsye të një dëmtimi në kokë dhe mjekët i kishin bërë thirrje për të mos mos luajtur më për arsye të rreziqeve të shumta që mund të kishte me kalimin e kohës.

Lajmin e emërimit në stolin e klubit të Totenhemit e ka bërë vetë publike skuadra londineze teksa deklaron se britaniku do të ushtrojë detyrën e teknikut deri në fundin e sezonit.

Ndërprerja e kontratës me Zhoze Murinjon, i detyroi drejtuesit e Totenhemit të vihen në lëvizje për zëvendësuesin e tij, teksa drejtimin e “spërsave’’ do ta marrë përkohësisht 29 vjeçari, Rajan Mason, i cili aktualisht stërvit ekipin e 23 vjeçarëve të Totenhemit.

Mason dhe pse në moshë të re, ka luajtur si futbollist për Totenhemin teksa një dëmtim i frikshëm në vitin në vitin 2017 në një duel me mbrojtësin e Çelsit, Gari Kahill, e detyroi 29-vjeçarin të kryente një operacion të vështirë në kokë dhe u tërhoq nga futbolli në vitin 2018.

Përplasja me mbrojtësin e Çelsit ishte shumë e fortë saqë doktorët u detyruan të mesfushorin anglez të hynte në një operim për jetë a vdekje pasi ndërhyrja ishte e komplikuar.

Mason cilësohej si një ndër talentet më të mëdha të futbollit anglez, ku kishte arritur të mbante dhe shiritin e kapitenit të Totenhemit në një ndeshje ndaj Fiorentinës për Ligën e Europës në vitin 2016.