Showbizz
Nuk respektoi rregullat dhe masat kundër Covid/ Çfarë po ndodh tani me Rita Orën?
Këngëtarja me origjinë shqiptare, Rita Ora, ka qenë në fokus të mediave rozë, pas thyerjes së rregullave dhe masave kundër Covid.
Mediat e huaja shkruajnë se Rita është shumë e shqetësuar pasi nuk mund të kthehet në Britani për të festuar festat me familjarët e saj.
Së fundi këngëtarja ka udhëtuar drejt Bullgarisë ku është marrë me xhirimet e klipit më të ri.
Qeveria bullgare pezulloi fluturimet deri me 31 Janar pas lajmit se një variant i ri i koronavirusit ishte zbuluar në Angli. Gjithashtu u raportua se Rita u largua nga vendi pasi u përball me reagime të ashpra pas shkeljes së rregullave.
“Rita fluturoi jashtë pas incidentit të festës për të marrë pak kohë dhe për të reflektuar për gjithçka si dhe për të punuar për videon e re muzikore. Por gjërat ndryshuan shpejt dhe po përballet me faktin se mund të ngecë. Është fundi më i keq i një makthi disa muajsh”, tha burimi.
Megjithatë një burim pranë këngëtares u shpreh se Rita e kaloi pjesën më të madhe të vitit duke punuar me muzikë dhe se tashmë po shijon disa ditë pushime.
“Ajo nuk dëshiron të jetë në Londër tani dhe kështu ka rezervuar një pushim relaksues gjatë Krishtlindjeve dhe Vitit të Ri me shpresën se ajo mund të fillojë përsëri në Janar”, vijon më tej burimi./ CNA.al
Showbizz
“Duam një përballje 4 minuta me Donaldin”/ Ish-konkurenti i “Përputhen” ironizon hapur Bora Zemanin
Bora Zemani ka postuar një foto të re në Instagram ku duket me look-un e sotëm në “Përputhen Prime”.
Ajo duket e veshur me një fustan të shkurtër shumë elegant me nje make-up shumë profesionist.
Fotot janë komentuar pafund nga ana e ndjekësve të Borës.
Por komenti që tërhoqi vëmendje ishte ai i ish konkurrentit të Përputhen që bëri edhe ai bujë të madhe në rrjet me historinë e dhunës ndaj Alvisës, Hysenit, i cili i kërkoi Borës një përballje 4 minuta me Donaldin.
“Duam një përballje 4 minuta me Donaldin”, shkroi Hyseni tek fotoja e Borës./CNA.al
Showbizz
“Je tjetër nivel”/ Moderatorja e njohur mbështet hapur Borën: Mbaje kokën lart
Prej kohësh tashmë marrëdhënia e Borës dhe Donaldit është kthyer në kryefjalën e medias rozë.
Duke nisur që nga lidhja e tyre, disa vjet më parë, ndarja, takimi në “Big Brother Vip” dhe “tradhëtia” e Donaldit kundrejt Borës ka qenë gjithmonë objekt bisede.
Një sqarim mes dyshes Bora-Donald i lënë pezull ka acaruar shumë personazhe të cilët nuk kanë nguruar të shprehin mendimin e tyre me anë të komenteve dhe reagimeve ne rrjetet sociale.
Një prej tyre ishte edhe moderatorja e njohur Roza Lati e cila me anën e një postimi në Instagram ka shfaqur hapur mbështetjen për Borën.
“Ky eshte nje fenomen qe ndodh rendom ne historine njerezore. Jo vetem ne Shqiperi. Fatkeqesia ketu eshte qe u be publike.
Dhe Bora Zemani eshte personazh publik. S’eshte as hera e pare as e fundit qe shohim e degjojme te tilla situata. Mos me thoni qe edhe juve nuk ju kane bere goditje te tilla..? Qe s’jeni tradhetuar nga ata qe ju deshen, ju perkrahen e ju duartrokiten…. Opinioni im eshte qe Karma EKZISTON. Dhe kthehet cdo gje ne kete jete. Lahet cdo gje ne kete jete. Bora e dashur mbaje koken lart. Dil bej qejf. Shijo karrieren se je vajze qe punon. Je tjeter nivel. Ke nje publik te tere qe te do. Te dua edhe une”, ka shkruar Roza./CNA.al
Showbizz
“Publiku është në kufijtë e toksikes”/ Sonila Meço: Jeta vijon jashtë Big Brother…
Sonila Meço për dy spektakle rradhazi ishte e ftuar si opinioniste në ‘Big Brother VIP’, për shkak të mungesës së Balinës.
Duke parë të gjithë ‘rrjedhën’ e komenteve Sonila ka vendosur të bëjë një reagim publik duke theksuar faktin se kjo eksperiencë e shkurtër nuk ishte aspak një zgjedhje e lehtë.
Postimi i plotë:
“Dy netët si e ftuar në Big Brother Vip nuk qenë zgjedhje e lehtë. Sepse, së pari profili im si gazetare aktualiteti dhe më rrallë si drejtuese programesh shoë nuk ish familjar për publikun në një format të tillë.
Së dyti, sepse angazhimi im me Task Force më ka vënë në timonin e një makine të shpejtë, aerodinamike, në kthesa të forta dhe pak shpërqendrim krijon problem me udhëtimin.
Së treti, sepse të hysh në mes të programit, kur ka fituar ritmin dhe frymën e vet duhet shumë kujdes e takt për të mos ndikuar thelbin tashmë të konsoliduar.
Dhe së fundi, sepse përfshirja emotive e publikut në këtë shoë është në kufijtë e toksikes duke rrezikuar sinorë të rëndësishëm të etikës dhe përftimit të realitetit.
Por pranova për tre arsye:
- Sot më shumë se kurrë media ndikon koshiencën kolektive dhe rreziku prej papërgjegjshmërisë së ne njerëzve që bëjmë media dhe motiveve etike të publikut është i madh. Një shtrembërim hierarkie vlerash sot e këput shtyllën kurrizore të një kombi nesër.
- Unë kam nevojë si njeri publik të përftohem edhe përtej “xhaketës” politike, debatit të rëndë të aktualitetit. Publiku e do njerëzor sot personazhin televiziv, sepse rrjetet sociale e kanë holluar shumë paretin ndarës mes teleshikuesve dhe njerëzve publikë e mediatikë.
- Sepse e keqja dhe e padenja janë kaq “të nevojshme” për të ushqyer debatet ditore dhe i japin limfë salloneve televizive që mbajnë gjallë edhe personazhe sa politike, të aktualitetit, të artit e shoëbizit që me thashethemnajën kanë krijuar pasurinë e tyre.
Dhe patjetër një kortezi për disa miq të vjetër e më rishtarë në televizionin ku përjetova sukseset e para profesionale.
Por vetëm këto dy dalje qenë edhe pakti, sepse unë vijoj angazhimin ditor me punën time, që e dua fort.
Për të apasionuarit pas banorëve e programit u them se ka shumë rëndësi të kuptohet se pavarësisht se BB është një dalje në vitrinë e disa personazheve të njohur, sërish janë njerëz në një lojë. Të privuar fort nga privacia, nga informacioni dhe realja nuk mund të jetë kjo assesi jeta normale. Ndaj çdo ditë kanë betejë me instiktet që shtohen prej privimit. Por kanë edhe përgjegjësi, për të mirën e tyre ërndryshe perceptohen si kavie, si banorët e një kopshti zoologjik duke argëtuar ata jashtë, por duke shkatërruar veten. Kjo ka shumë më rëndësi se një lojë, sepse jeta vijon jashtë BB”, shkruan Sonila në postimin e saj./CNA.al
