LEXO PA REKLAMA!

SHKARKO APP

Prej 6 muajsh nën hetim nga Vettingu/ Çela një apartament dhuratë dhe 30 000 euro kredi

19 Dhjetor 2020, 10:48, Vetingu CNA
Prej 6 muajsh nën hetim nga Vettingu/ Çela një apartament

Gjyqtari Arbër Çela prej rreth 6 muajsh i është nënështruar procesit të Vettingut.

Me një karrierë përreth 10 vite në sistemin e drejtësisë, Çela e ka ushtruar detyrën e gjyqtarit në Gjykatën e Shkallës së parë në Shkodër, madje ka marrë në dorë edhe drejtimin e saj. Emri i tij është përmendur në media, në vitin 2019, në formën e raportimit, në lidhje me gjykimin ndaj, K. Shkambit, autor i ngjarjes së ndodhur më 2 prill 2018 në fshatin Hot i Ri Shkodër, ku humbi jetën shtetasi Kolë Fermosi.

Gjithashtu objekt në media, gjyqtari Çela është bërë në vitin 2014, kur hodhi poshtë akuzën ndaj një të mituri për vënie tritoli ndaj një biznesmeni në Shkodër.
Sa i përket pasurisë, pas nisjes së punës në systemin e drejtësisë, rezulton se burimet e të ardhurave i ka nga paga e tij dhe e bashkëshortes.

Rreth tre vite pas nisjes së punës së gjyqtar dhe konretisht në vitin 2013 ai deklaron një apartament të blerë në Tiranë, me sipërfaqe 91.91 m2, dhe me vlerë 73 528 euro. Këtë apartament ai deklaron se ia kanë bërë dhuratë prindërit, dhe se gjysma e parave janë paguar në momentin që është blerë.

Po për këtë pronë ai pavarësisht se e deklaron dhuratë, thotë se ka marrë dhe një kredi prej 30 000 euro në emrin e tij.
Në vitin 2016 ai deklaron shtimin e pasurisë të paluajtshme një automjet Volsvagen Passat në emër të bashkëshortes, me vlerë 4 000 euro.

Sipas gjyqtarit, ky automjet është blerë me kursimet e tij dhe te bashkëshortes Elona Beda, 2 000 euro dhe me 2 000 euro të tjera hua.

Për më tepër po sjellim të detajuar pasurinë e deklaruar nga gjyqtari Arbër Çela.

Viti 2010 (Deklarata fillestare)
Automjet Ford Focus, blerë nga prindërit 5 000 euro.
Gjendje kesh, kursime, 400 000 lekë.
Bursë nga Shkolla e Magjistraturës, 382 500 lekë.

Viti 2010 (Deklarata vjetore)
Shtuar 60 000 lekë.
Të ardhura të subjektit deklarues nga puna si gjyqtar, 65 300 lekë.
Botim në revistën ?Jeta Juridike?, 18 000 lekë.
Overdraft 40 000 lekë.

Viti 2011
Shtuar kursimet 200 000 lekë.
Të ardhura të subjektit deklarues nga puna si gjyqtar në Shkodër, 818 496 lekë.

Viti 2012
Shtuar kursimet 300 000 lekë.
Të ardhura të subjektit deklarues nga puna si gjyqtar në Shkodër, 1 120 879 lekë.

Viti 2013
Ap 91.91 m2, dhuratë nga prindërit, me vlerë 73 528 euro. paguar vetëm gjysma.
Të ardhura të subjektit deklarues nga puna si gjyqtar në Shkodër, 847 869 lekë.
Kredi për blerje të ap, 30 000 euro. Pa shlyer 29 693 euro.

Viti 2014
Të ardhura të subjektit deklarues nga puna si gjyqtar në Shkodër, 1 130 602 lekë.
Kredi për blerje të ap, 30 000 euro. Pa shlyer 28 760 29 euro.

Viti 2015
Pakësuar financat me 400 000 lekë.
Të ardhura të subjektit deklarues nga puna si gjyqtar në Shkodër, 1 034 594 lekë.
Kredi për blerje të ap, 30 000 euro. Pa shlyer 28 081 60 euro.

Viti 2016
Automjet Volsvagen Passat në emër të bashkëshortes, me vlerë 4 000 euro. Blerë me kursimet e subjektit deklarues dhe te bashkëshortes Elona Beda, 2 000 euro dhe hua 2 000 euro.
Gjendja kesh 150 000 lekë.
Të ardhura të subjektit deklarues nga puna si gjyqtar në Shkodër, 1 054 070 lekë.
Të ardhura të bashkëshortes si punonjësi në një kompani ne periudha të ndryshme, 60 000 lekë, 130 596 lekë, 154 898 lekë dhe nga raporti I lindjes, 123 400 lekë.
Kredi për blerje të ap, 30 000 euro. Pa shlyer 25 656 29 euro.
Hua për blerjen e makinës 2 000 euro.

Viti 2017
Të ardhura të subjektit deklarues nga puna si gjyqtar në Shkodër, 984 019 lekë.
Të ardhura të bashkëshortes si punonjësi në një kompani 929 388 lekë.
Kredi për blerje të ap, 30 000 euro. Pa shlyer 24 137 12 euro.
Hua për blerjen e makinës 2 000 euro.

Viti 2018
Pakësuar kursimet 100 000 lekë.
Të ardhura të subjektit deklarues nga puna si gjyqtar në Shkodër, 1 024 375 lekë.
Të ardhura të bashkëshortes si punonjësi në një kompani 627 245 lekë.
Të ardhura të bashkëshortes si punonjëse ne një universitet privat, 594 euro.
Të ardhura të subjektit deklarues nga Shkolla e Magjistraturës, 8 110 lekë.
Kredi për blerje të ap, 30 000 euro. Vijon.
Kredi konsumatore, 400 000 lekë. Pa shlyer 270 594 lekë.
Hua për blerjen e makinës 2 000 euro. Pa shlyer 1 000 euro./CNA.al

Lajmet e fundit nga