Connect with Us

“Po shkon me respekt…”/ Erion Braçe fjalë të ndjera për ish-ministren e Bujqësisë

Sociale

“Po shkon me respekt…”/ Erion Braçe fjalë të ndjera për ish-ministren e Bujqësisë

Publikuar

-

“Po shkon me respekt...”/ Erion Braçe fjalë të ndjera për ish-ministren e Bujqësisë

Zv.kryeminstri Erion Braçe ka reaguar përmes një postimi në rrjetet sociale për ndarjen nga jeta të ish-ministres së Bujqësisë, Themie Thomai pasi u infektua me Covid.

Teksa  ka kushtuar disa fjalë të ndjera për kontributin që ka dhënë nën drejtimin e ministrisë së Bujqësisë, Braçe shton së po shkon me respektin e një zone të tërë sicc ishte Myzeqeja ku u lind dhe u rrit.

HEMIE THOMAI ISHTE NGA #DIVJAKA!

Lindi ne Goricaj te njesise Gradishte, bashkia Divjake ne vitin e larget 1945,

ne nje familje autoktone te Myzeqese;

Jeta e saj u lidh me zonen, Myzeqene, punen, bujqesine, blektorine aty;

Nje nga vajzat e reja te jashtezakonshme;

25 vjec drejtoi nje prej ekonomive me te medha bujqesore e blegtorale ne vend, KEMISHTAJN;

30 vjec u emerua ministre e Bujqesise duke marre pergjegjesine e drejtimit te sektorit me kyc te vendit ne prodhim dhe eksport!

Kurre ne kaq vite jete e pune, nuk kam hasur ne ate zone vleresim per punen dhe njeriun, drejtuesen e ministren sic per Themie Thomain;

Nga njerez te thjeshte, njerez te zakonshem e punetore te jashtezakonshem!

Themie Thomai ishte ndryshe;

E ditur, e zonja, e drejte, e thjeshte, punetore, njeri ne fund te fundit!

E nderuar zonje;

Ti po shkon me respektin e nje zone te tere!

Nje duartrokitje per punen e sherbimin tend per njerezit e zones sone!

 

Për të rejat më të fundit behuni pjesë e grupit tonë në facebook : City News Albania

Sociale

Meta për Agim Krajkën/ Trashëgimia e tij artistike do të nderohet dhe do jetojë përjetë

Publikuar

-

Nga

“Nuk kam asnjë interes”/ Meta: Ndëshkojeni LSI

Presidenti Ilir Meta ka reaguar nëpërmjet rrjeteve sociale për ndarjen nga jeta të kompozitorit të njohur shqiptar Agim Krajka.

Meta shkruan se largimi i Agim Krajkës i ka lënduar të gjithë dhe se ai do të jetë i pazëvënësueshëm për kontributet e mëdha kulturore e artistike që ju la brezave të rinj nga të cilët do të ndërohen përjete.

“Me hidhërim të thellë mora lajmin e trishtë për ndarjen nga jeta të kompozitorit tonë të shquar, Nderit të Kombit, Agim Krajka.
Personalitet i jashtëzakonshëm i muzikës shqiptare, me një kontribut të vyer për dekada në transmetimin e vlerave më të spikatura shpirtërore të kulturës sonë te brezat e rinj, trashëgimia e Tij e pasur artistike do të nderohet dhe do jetojë përjetë. Duke u përulur me nderim e mirënjohje të thellë para veprës së Tij, u shpreh ngushëllimet më të ndjera familjes së dashur Krajka, kolegëve dhe të gjithë artdashësve shqiptare për këtë humbje të pazëvendësueshme, që na ka lënduar të gjithëve. Lutemi, që shpirti i Tij të gjejë paqen e merituar”, shkruan Meta./CNA.al

LEXO TE PLOTE

Sociale

Rëndim i situatës së pandemisë në Shqipëri/ Shpresa tek vaksinat

Publikuar

-

Nga

Në kohën kur Shqipëria shënon rritje të numrit të viktimave nga virusi, në Tiranë mbërritën 15. 210 vaksina të BioNTech&Pfizer. Autoritetet theksojnë, se situata është e rënduar, por nën kontroll.

Të hënën në orët e mbrëmjes, (01.03) në aeroportin ndërkombëtar “Nënë Tereza” në Tiranë, mbërritën 15.210 vaksina BioNTech & Pfizer, kjo në vijim të marrëveshjes së drejtpërdrejtë prej 500.000 dozash mes Shqipërisë dhe kësaj kompanie. Deri tani nga kjo marrëveshje në Shqipëri kanë mbërritur 22. 230 doza vaksine anti-Covid.

Procesi i vaksinimit të popullsisë filloi në mes të janarit të kaluar me ekipet e mjekëve dhe infermierëve në spitalet anti-Covid, ato në shërbimet e urgjencës dhe po vijon sipas strategjisë së autoriteteve shëndetësore me segmentet e moshura të popullsisë. Kryeministri Edi Rama, që priti në aeroport sasinë e sapombërritur të vaksinave, njoftoi ardhjen së shpejti të dërgesave të tjera. “Nga BioNTech%Pfizer mbërrijnë në Prill, 30 mijë doza të tjera . Kemi të konfirmuara ndërkohë 4 mijë dozat e para nga Covax për të mundësuar vaksinimin intensiv të popullsisë dhe thyer zinxhirin e infektimit”, u shpreh kryeministri Rama.

Burime zyrtare nga Instituti i Shëndetit Publik bënë me dije për DW, se Shqipëria ka nënshkruar me COVAX, një marrëveshje për 1.114.000 ( një milionë e njëqind e katërmbëdhjetë mijë) doza vaksinash, të parapaguara me me një fond prej 3,9 milionë dollarë. Përtej marrëveshjeve direkte me BioNTech & Phiser dhe COVAX Shqipëria ka arritur edhe marrëveshje dy palëshe me prodhues të tjerë të vaksinave anti-Covid -19, që kanë kaluar filtrin e rregullatorëve striktë si Food and Drug Administration,( FDA) dhe European Medicine Agency, (EMA)

Autoritetet shëndetësore: Situatë e rënduar, por nën kontroll

Mbërritja të hënën e 15. 210 vaksinave anti-Covid përkon në kohë me një rëndim të situatës së epidemisë në Shqipëri, të karakterizuar nga prekja e moshave të reja. Muaji shkurt u mbyll me një numër rekord infektimesh të reja dhe viktimash që nga fillimi i pandemisë në mars të vitit të kaluar. Gjatë shkurtit humbën jetën 423 persona duke e ꞔuar numrin total të viktimave në 1. 816, shifër kjo e konsidetueshme për popullsinë prej 2.8 milion banorësh të Shqipërisë. Grafiku i rritjes së numrit të viktimave në 24 orë ka vazhduar edhe në ditën e parë të muajit mars, ku humbën jetën 20 persona të moshës nga 48-85 vjeç.

LEXO EDHE:  Bilanci i shifrave/ Si u fundos ekonomia shqiptare me dy muaj karantinë

LEXO EDHE:  Të shtënat me armë ndaj një makine/ Dyshohet për atentat me një viktimë

Sipas autoriteteve shëndetësore 56% e numrit total të infektimeve i përkasin moshës nën 50 vjeç, nga të cilat 19 % grupmoshës 30 deri 39 vjeç. Mes viktimave në muajin shkurt ka patur edhe persona nën moshën 18 vjeç, vatrat e nxehta, të cilësuara “të kuqe”, janë zgjeruar duke përfshirë përveç Tiranës edhe Fierin, Durrësin, Vlorën, Shkodrën, Lezhën, Gjirokastrën, Elbasanin dhe Korçën. Sipas Institutit të Shëndetit Publik në të gjithë vendin ka raste pozitive. Në Shqipëri rezultojnë rreth 108 mijë raste pozitive, ndër të cilat rreth 36 mijë janë aktive.

Situata në spitalet anti-Covid në Tiranë dhe ato rajonale paraqitet e rënduar. Autoritetet shëndetësore pohojnë se ka një shtim të konsiderueshëm pacientësh që kanë arritur mbi 660 vetë, ndër të cilët 43 janë në terapi intensive dhe 11 të intubuar.

Megjithë grafikun në rritje të rasteve të reja pozitive dhe të viktimave në 24 orë, autoritetet shëndetësore e konsiderojnë situatën nën kontroll. Një takim i paralajmëruar për të hënën, (1.03) i Komitetit Teknik të Ekspertëve nuk u zhvillua. Sipas autoriteteve shëndetësore masat e deritanishme kufizuese kanë dhënë rezultate pozitive pasi të dhënat e sipër përmendura konsiderohen në kufijtë ekstremë të normës dhe situata është ende e përballueshme. Fillimi i pranverës jep shpresa për uljen e virulencës pasi moti pritet të ngrohet, arsyetojnë autoritetet.

Por shqetësimi për kohë të vështira mbetet i pranishëm. Autoritetet shëndetësore paralajmëroijnë që nëse nuk arrihet imunizimi masiv i popullsisë deri në vjeshtën e këtij viti përmes intensifikimit të vaksinimit, masat kufizuese, që pritet të zbuten në muajt e pranverës dhe të verës do të rivendosen. Synimi është thyerja dhe rënia drastike e zinxhirit të infektimeve të reja për të krijuar kushtet që Shqipëria të jetë e hapur gjatë sezonit turistik verë 2021./DW

LEXO TE PLOTE

Sociale

Bien temperaturat/ Parashikimi i motit për sot

Publikuar

-

Nga

Vendi ynë mbetet në ndikimin e motit të kthjellët në zonat bregdetare dhe të ulëta por vranësira kalimtare do këtë në zonat malore, situatë e cila vijon deri në mesditë kur vranësirat kalimtare shfaqen nëpër territor.

Sipas Metoalb, temperaturat e ajrit ulen lehtë në mëngjes dhe mesditë duke luhatur vlerat ditore nga -3°C deri në 16°C.

Era do fryjë mesatare me shpejtesi 35 km/h nga drejtimi verilindor duke krijuar ne det dallgëzim 3 ballë./CNA.al

LEXO TE PLOTE