LEXO PA REKLAMA!

SHKARKO APP

Nga Gjermania në Greqi/ Masat anti Covid në vendet europiane për Krishtlindjet dhe Vitin e Ri

19 Dhjetor 2020, 12:15, Kosova & Bota CNA
Nga Gjermania në Greqi/ Masat anti Covid në vendet europiane për

Krishtlindjet dhe Viti i Ri këtë vit do të jenë ndryshe për shkak të pandemisë së koronavirusit që ka gjunjëzuar botën.

Shumë vende kanë ndërmarrë masa më të ashpra gjatë sezonitë të festave për të parandaluar në këtë mënyrë grumbullimet dhe përhapjen e mëtejshme të Covid-19.

Më poshtë po sjellim rregullat që vendet e tjera kanë vendosur për të parandaluar infeksionin nga Covid-19 me rastin e festave të Krishtlindjeve dhe Vitit të Ri.

Italia- Italia do t?i festojë si kurrë më parë Krishtlindjet dhe Vitin e Ri duke hyrë në ?zonën e kuqe? të masave anti-Covid. Mediat vendase raportojnë së Italia do të ketë masa të rrepta kufizuese të ?zonës së kuqe? në datat nga 24 deri më 27 dhjetor si dhe nga 1 deri më 6 janar. Rregullat prekin të gjithë territorin dhe çdo lëvizje brenda dhe jashtë vendit, si dhe midis rajoneve, qyteteve dhe komunave do të ndalohet, përveç se kur bëhet fjalë për arsye pune ose shëndetësore. Gjithmonë do të lejohet kthimi në shtëpi ose vendbanim.
Të hapura do të jenë ushqimoret dhe supermarketet, përveç ditës së Krishtlindjeve dhe ditës së Vitit të Ri. Të hapura do të jenë edhe farmacitë dhe parukeritë , ndërsa qendrat tregtare janë të mbyllura.

Gjermani ? Bllokimi i përgjithshëm ka qenë në fuqi që nga 16 dhjetori. Rregulli i takimeve private parashikon një maksimum prej pesë personash nga jo më shumë se dy familje, përjashtohen fëmijët deri në 14 vjeç. Nga 24 deri më 26 dhjetor do të jetë e mundur të ftoni në shtëpi deri në katër të afërm dhe bashkëjetues të shkallës së parë. Meshat mund të festohen por mbajtja e maskës dhe distancomi janë të detyrueshme. Ndalohet shitja e fishekzjarreve.
Spanjë ? Çdo rajon mund të miratojë masat që i konsideron të përshtatshme, brenda kufijve të vendosur nga ligjet kombëtare. Në Valencia nuk lejohen zvizitat nga të afërmit që jetojnë në rajone të tjera. Në Madrid nga 23 dhjetori deri më 6 janar një maksimum prej 6 personash (përfshirë fëmijët) që i përkasin dy familjeve mund të drekojnëë ose darkojnë së bashku. Shtetrrethimi në prag të Krishtlindjeve dhe Vitit të Ri zgjatet nga mesnata në 1.30 të mëngjesit. Në Katalonjë lejohet deri në 22:00 darka në festat zyrtare, lëvizje e reduktuar nga 21 dhjetori në 11 janar. Nuk mbyllen baret dhe restorantet edhe nëse duhet të respektojnë afatet.

Francë ? Që nga 15 dhjetori, Franca ka dalë nga bllokimi, por ora e ndalimit mbetet nga 20:00 në 60 përjashtim ka vetëm për mbrëmjen e 24 dhjetorit, por jo për datën 31 dhjetor. Lejohet një maksimum prej gjashtë të rriturish në tryezë. Restorantet, baret, kinematë, teatrot dhe muzetë janë të mbyllura.
Zvicër ? Restorantet, palestrat dhe qendrat sportive mbyllen nga e marta dhe për një muaj. Kapaciteti i zvogëluar për dyqanet që do të duhet të mbyllen në orën 19:00. Pistat e skive mbeten të hapura. Për darkat e Krishtlindjeve dhe Vitit të Ri lejohen deri në dhjetë persona, përfshirë fëmijët, që vijnë nga vetëm dy familje.

Austri ? Nga 26 dhjetori, Austria do të kthehet për herë të tretë në bllokimin total me bare dhe restorante të mbyllura, si dhe dyqane, përveç atyre thelbësore. Një shfaqje masive është planifikuar për 16 dhe 17 Janar. Vetëm ata që janë negativë do të jenë në gjendje të dalin nga shtëpia më 18 janar. Kush nuk dëshiron t?i nënshtrohen testit të shpejtë do të duhet të qëndrojnë në karantinë për një javë tjetër. Shkollat gjithashtu do të qëndrojnë të mbyllura deri më 18 janar. Vendpushimet e skive, tani të mbyllura, mund të rihapen më 24 dhjetor.

Greqi- Greqia sivjet do të kalojë Krishtlindjet më të veçanta, si gjithë planeti. Për këtë periudhë, nga 13 dhjetori deri në 7 janar 2021 ndalohet qarkullimi natën në orarin 22.00-05.00. Qarkullimi gjatë ditës bëhet vetëm me sms në 13033 ose formularin e posaçëm në platformën elektronike qeveritare. Nga 13 dhjetori, në listën e aktiviteteve të lejuara për qarkullim shtohen dhe libraritë, parukeritë si dhe kontrolli për kolaudimin e makinave.
Parukerite do të funksionojnë me orar të zgjatur 07.00-21.00. Kishat do të hapen vetëm për ditën e Krishtlindjeve dhe festën e madhe të Ortodoksisë, më 6 janar, me 9 besimtarë të lejuar në kisha dhe deri në 25 në katedrale. Në taksi lejohet vetëm 1 pasagjer, përveç rasteve të prindit me fëmijë të mitur./CNA.al

Lajmet e fundit nga