Connect with Us

“Protestat janë organizuar nga degët e PD”/ Balla merr në mbrojtje Lleshajn: Nuk ishte faji i tij

Politikë

“Protestat janë organizuar nga degët e PD”/ Balla merr në mbrojtje Lleshajn: Nuk ishte faji i tij

Publikuar

-

Vrasja e Aleks Nikës/ Balla ngre akuza të forta: Predha u dëmtua qëllimisht me urdhër…

Sekretari i Përgjithshëm i PS, Taulant Balla ishte i ftuar në rubrikën ‘’Opinion’’ ku ka folur për protestat që kanë përfshirë mbarë vendin pas vrasjes së Klodian Rashës.

Sa i përket vrasjes Balla tha se rrethanat deri më tani e bëjnë me faj efektivin, por jo gjithë strukturën e Policisë së Shtetit.

Sipas Ballës as Lleshaj nuk kishte faj në atë ngjarje, por zbatoi standardin e vendosur nga qeveria e cila nuk pret të reflektojë kur protestohet.

Balla zbulon gjithashtu se dje ka marrë informacione nga terreni se në disa qendra qytetesh në Shqipëri protestat për vrasjen e Klodian Rashës janë organizuar të gjitha nga degët e PD.

”Së pari më lejoni të them dy vlerësime për aktin e rëndë të humbjes së jetës së një njeriu. Ska asgjë më të rëndësishme se jeta, dhe rrethanat bëjnë me faj punonjësin e policisë, por kurrsesi tërë strukturën e Policisë. Shpreh ngushëllimet për familjen dhe të nxis institucionet e prokurorisë, që ti shkojë çështjes deri në fund, dhe përgjegjësia të jetë ndaj personit që ka marrë jetën e një djali të ri.

Kjo është pjesa që lidhet me atë që ka ndodhur sot e një javë më parë. Pjesa që ka pasuar. Vetë jam person që kam organizuar protesta, dua të them që asnjëherë protesta nuk është një problem, është shprehje e demokracisë, por duhet marrë në disa rrethana.

Thirrja ime për çdo familje shqiptare është, ju lutem mos i lini fëmijët të keqpërdoren nga politikanët. Kush ka bërë politikë me vdekjen, ka pasur fund të keq.

LEXO EDHE:  Nga Lulzim BASHA/Dekriminalizimi filloi, do të fitojmë edhe betejën për zgjedhje të lira dhe të ndershme

Nuk gjej dot mendje shqiptari të ndershëm që për të kërkuar drejtësi për Klodianin, t’i vënë zjarrin shqipërisë. Janë përpjekur për vite Saliu, Iliri, Luli e Monika. Një vit më parë e patë. Për fat të mirë s’kanë munguar të dalin edhe vetë, dje kishte përfaqësues të LSI. Kam marrë dje një informacion nga territori që PD ka organizuar protesta në qendra qytetesh. Kjo prirje e kësaj politike të errët, për t’u marrë me vdekjet. Filloi me vdekjet nga COVID-19. Prandaj them që familja Rasha s’ka nevojë për ngushëllimet e Berishës, Metës, Bashës e Kryemadhit, por për drejtësi.’/CNA.al

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

“Basha nuk u bë lider”/ Kajsiu: Nuk krijoi një fabul për opozitën, mendoi se i erdhi radha

Publikuar

-

Nga

Lektori Blendi Kajsiu, thotë se kreu i PD, Lulzim Basha nuk u bë lider dhe nuk krijoi një fabul për opozitën.

Sipas tij, PD u fut në zgjedhje duke menduar se u erdhi radha dhe njerëzit ishin të pakënaqur me Ramën.

“Basha nuk u bë lider dhe nuk krijoi një fabul për opozitën. Nuk krijoi një ide pse duhet të vinte në pushtet opozita. Ata u futën në zgjedhje se u erdhi radha dhe njerëzit ishin të pakënaqur me Ramën. Këtë e tregonin të gjitha sondazhet. PD doli aty dhe tha se nuk kanë nga të shkojnë njerëzit dhe tek ajo do të shkonin”, u shpreh ai në studion e PolitikOn./CNA.al

LEXO TE PLOTE

Politikë

U vetshpall kandidat për kreun e PD/ Kadilli: I vetmi që e ka ditur ka qenë Basha

Publikuar

-

Nga

Fatbardh Kadilli është vetshpallur kandidat për të qenë në krye të Partisë Demokratike ka treguar arsyen se përse vendosi të marrë këtë vendim. I ftuar në emisionin “Të Paekspozuarit” në MCN Kadilli u shpreh se pikënisja për një opozitë të re ka qenë momenti i konstatimit të humbjes së PD në zgjedhjet e 25 prillit. Ai shtoi se ky është momenti më i dobët që PD ka pasur ndonjëherë.

I vetmi që e ka ditur ka qenë Basha, ia kam thënë më 8 Mars që nëse humb do më keshë përballë. Në momentin që u realizua fakti i humbjes konstatoj me zemërim që PD ka hyrë në një cikël zbritje, duhet të fillojmë që sot për një opoztitë të re. Ky është momenti më i dobët ndonjëherë i PD. Opozita ka humbur dhe Basha është përgjegjës për fitoren e Ramës. Ai është zgjedhur kryetar partie dhe jo inventarizues humbjesh”, u shpreh Kadilli./ CNA.al

LEXO TE PLOTE

Politikë

Zgjedhet e 25 Prillit/ Gjekmarkaj: Vjedhja e votave tragjedi e demokracisë shqiptare

Publikuar

-

Nga

Deputeti i zgjedhur i PD në Lezhë Agron Gjekmarkaj ka folur për zgjedhjet e 25 Prillit. Sipas tij, vjedhja në mënyrë të përsëritshme e zgjedhjeve është tragjedi e demokracisë shqiptare.

I ftuar në studion e “Real Story” ai deklaroi se kësaj here ndryshe nga herët e tjera, zgjedhjet nuk janë vjedhur në kuti, ditën e votimit, por ka pasur një inxhinieri elektorale paraprake, ku shteti dhe pushteti janë bërë një si sandwich.

Unë mendoj që temat e emisionit këto dy javë duhet të kishin pasur në fokus si u vodhën zgjedhjet. Mendoj që shumica e shqiptarëve e besojnë. Narrativa ndryshon kur je në studiot e Tiranës dhe tjetër është kur je me statusin e dëshmitarit në një histori. Ndoshta unë do kisha pasur tjetër qasje nga një studio televizive, ndryshe kur merr informacion në gjithë Shqipërinë se çfarë ka ndodhur.

Nuk është term i fortë sepse më duket term i vërtetë, tragjedia e demokracisë shqiptare, vjedhja në mënyrë të përsëritshme e zgjedhjeve, por kësaj here ndryshe nga herët e tjera, zgjedhjet nuk janë vjedhur në kuti, ditën e votimit, sigurisht ka pasur ndonjë tentativë për prishje fletësh votimi, ka pasur një inxhinieri elektorale paraprake, ku shteti dhe pushteti janë bërë një si sandëich dhe kanë ndikuar në të gjitha format e mundshme që të trukohet dhe të ndryshojë vullneti i elektorëve në kutinë e votimit dhe pjesërisht ia kanë dalë duke ia hequr një sasi mandatesh opozitës shqiptare, duke penguar ardhjen e saj në pushtet me artifice.

Kush janë këto artifice? Janë disa, i ka renditur PD në ankimin që i ka çuar KAS. Përdorimi i parave të tërmetit, menaxhimi i vaksinës dhe pandemisë, punësimet e paligjshme që u bënë, fryrja e administratës, forma më tipike siç janë aleancat në qytete të caktuara me grupe të njohura për kriminalitet”, deklaroi ai./ CNA.al

LEXO TE PLOTE