Aktualitet
“Diçka skandaloze po ndodh”/ Altin Goxhaj: Nuk më lënë të hyjë në gjykatë të takoj klientët e mi
Avokati dhe aktivisti Altin Goxhaj është shfaqur i revoltuar para Gjykatës së Tiranës, ku po zhvillohet seanca për masën që do të merret ndaj protestuesve të ndaluar.
Goxhaj pasi ka debatuar me efektivët që nuk e kanë lejuar të hyjë brenda, ka thënë për gazetarët se policia ka marrë rolin e gjykatës.
“Po ndodh diçka skandaloze, ku policia ka pushtuar gjykatën dhe ka marrë rolin e gjykatës. Polici të tregon nëse të fusin apo jo, ke të drejtë të mbrosh një klient apo jo. Të përzgjedh…
Ky polici këtu është militant që gjithmonë vjen për arrestimet e mia dhe është edhe ai tjetri gjysëm burrë dhe gjysëm grua. Këta të dy i kanë si militant dhe me qëllim i kanë sjellë këtu”, ka thënë avokati.
Goxhaj i revoltuar ka vijuar më tej, duke treguar edhe emrat e klientëve të tij që mbron.
“Mbroj Blerim Kurtin dhe Andrea Bregun, i kanë rrëmbyer se përse kishin kapele të kuqe “Maga” dhe unë sot kam sjellë kapelen për t’ju treguar juve që i kanë marrë vetëm se janë të organizuar me ne. Nuk kanë bërë asgjë dhe nuk kanë marrë pjesë në asnjë aktivitet që të shkelë ligjin. I kanë marrë në rrugë siç kanë marrë gjithë të tjetër dhe nuk më lejojnë prej dy ditësh që ti takoj. U japin avokatë që do policia, avokatë që i shërbejnë policisë.
Më kanë kërkuar Nderimi dhe Andrea, më kanë çuar mesazh “Altin të duam patjetër”. Këtë ma dërguar me Vilson Kulemanin dje që ishte në gjykatë, nuk më lejojnë t’i takoj, nuk lejojnë as familjarët që t’i çojnë ushqimet. Dje kanë nxjerrë urdhër që nuk lejohet asnjë i paraburgosur i protestave që të ketë mundësi që ti çohen ushqime nga familja për herë të parë në 30 vjet.”, tha Goxhaj.
Aktualisht në gjykatë po jepet vendimi për të miturit, ku pritet që masa të jetë më e lehtë për shkak të moshës. Më pas do të dalin para trupës gjykuese më të rriturit në moshë./CNA.al
Politikë
“Nëse Basha del forcë e parë ia japim mandatet”/ Topollaj: Marrëveshje me PD vetëm me një kusht
Anëtari i bordit drejtues në Bindjen Demokratike Fabjan Topollaj u shpreh se nëse kreu i PD Lulzim Basha merr mbështetje masive dhe mund të fitojë pushtetin me mandatet e BD-së, ato janë gati që t’i japin mbështetje por me një kusht.
“Vota jonë do jetë poatjetër nëse Basha merr mbështetje masive për të qenë kryeministër. Nëse jemi përcaktuese ne shkojmë me Bashën nëse plotëson kushtet tona siç është fillimi i ndryshimit të soistemit politik. Zoti Patozi se ka pasur kurrë këtë kusht që Basha do ikë.
Do bëjmë marrëveshje me Pd nëse plotëson kushtet tona. Nëse Basha del forcë e parë dhe ka mundësi të fitojë qeverinë me ne ne ia japim mandatet, por me kushtin e fillimit të demokratizimit”, tha ai për “Report Tv”./CNA.al
Politikë
“Kur mora mandatin kisha tension me Bashën”/ Artur Roshi tregon pse firmosi koalicion me PD
Artur Roshi, emri të cilit ishte surprizë në koalicionin e firmosur me PD, pasi Partia e Ballit Kombëtar nuk pranoi të digjte mandate pas vendimit të opozitës së bashkuar. Por përtej kësaj duket se Basha e ka ftuar në koalicion dhe Roshi e quajti si bashkëpunim pasi i bashkojnë idetë dhe filozofitë e politikës.
Roshi nuk pranoi që mes Bashës dhe tij të kishte krisje, por u sigurua të theksonte se ai me qëndrimet e tij në Kuvend gjithmonë ka qenë pjesë e opozitës së bashkuar dhe për këtë ka ndodhur dhe bashkëpunimit.
“Qëndrimet e mia kanë qenë në koherencë me Bashën, aludimet e bëra nuk janë punë të miat. Vjen natyrshëm kam një bashkëpunim me Bashë që nga 2005 dhe nuk është shkëputur që në këtë periudhë. Në ditën e marrjes së mandati mund të kishte pak tension mes nesh, por qëndrimet e mia në politikë të mbajtur në kuvend ka treguar edhe që unë kam qenë gjithmonë pjesë e opozitës së bashkuar. Idetë dhe filozofia nuk na ndajnë më të djathtën por na bashkojnë për të bashkëpunuar”, tha Roshi në Report Tv./CNA.al
Politikë
Zgjedhjet e 25 prillit/ Shabani: Nuk do jemi patericë e asnjë force politike
Endri Shabani ka komentuar në “Open” për përçarjen e opozitës duke thënë se partia e tij “Nisma Thurje” nuk ka të bëjë aspak me Lulzim Bashën.
Megjithatë thekson se nuk do të jenë “patericë” e askujt dhe synimi është që të ketë dobësim të kryetarëve dhe funksionim të institucioneve.
“Nuk do të jemi patericë e asnjë force politike. Ne po garojmë me një program e platformë ligjvënëse. Unë besoj që Lulzim Basha me LSI-në mund ta rrëzojnë Ramën, s’kanë nevojë për neve. Të thonë se janë më mirë se Rama është shumë e lehtë. Por unë them se kjo nuk mjafton. Nëse nuk kemi një dobësim të kryetarëve, të liderëve, nëse nuk kemi funksionim të institucioneve, nuk mjafton”, tha Shabani./CNA.al
Lajme të Rekomanduara:
Ngjela paralajmëron fundin ‘tragjik’ për Ilir Metën/ Zbulon kush e merr postin e Presidentit
Avokati i njohur Spartak Ngjela ka dalë me një parashikim, ku ka nënkuptuar se Ardian Dvorani do shkojë drejt presidencës pas shkarkimit të Ilir Metës....
Video-Meta largon eskortat/ Vizitë misterioze në një banesë në Vlorë
Duke qenë se zgjedhjet po afrojnë dhe sondazhet treguan se LSI po shkon drejt shkrirjes, presidenti Ilir Meta është vënë në lëvizje për të shpëtuar...
1 Koment