Kronika
Shpërndanin drogëra të forta/ Policia arreston pronarin dhe kamarierin në Fier
Policia e Fierit ka goditur një tjetër rast të shpërndarjes së drograve të forta në doza të vogla duke arrestuar dy të rinj.
Përmes një njoftimi, Policia bën me dije se në pranga janë vënë shtetasit me iniciale K. S., 26 vjeç dhe I. T., 22 vjeç.
“Goditet një tjetër rast i shpërndarjes së drogave të forta në doza të vogla. Bien në pranga 2 shtetasit që posedonin dhe shpërndanin lëndën narkotike. Sekuestrohen 4 doza me lëndë narkotike kokainë, 19 doza me cannabis sativa dhe municion luftarak.
Në vijim të punës për goditjen e veprimtarisë kriminale në fushën e narkotikëve, si dhe kontrolleve të shtuara për rritjen e parametrave të sigurisë, shërbimet e Policisë Fier, gjatë kontrollit të ushtruar në automjetin tip “Golf” me drejtues shtetasin K. S. dhe gjatë kontrollit në lokalin që ai kishte marrë me qira në fshatin Baltëz, ku punonte kamerier shtetasi I. T., kanë gjetur 4 doza me lëndë narkotike kokainë, 4 doza me lëndë narkotike cannabis sativa dhe disa fishekë luftarak.
Gjithashtu, gjatë kontrollit në banesën e shtetasit I. T. u gjetën 15 doza me lëndë narkotike cannabis sativa”, thuhet në njoftimin e Policisë. Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale./CNA.al.
Kronika
Si ndodhi plagosja e policit në Berat/ Vëllezërit që dhunuan efektivin përdorues droge
Janë zbardhur detaje të reja nga plagosja me armë zjarri e e policit Julian Xhahalili mbrëmjen e sotme në Berat.
Tre vellezërit që e dhunuan dhe tentuan ti marrin armën janë Gerald Marini 38 vjeç, Marjus Marini 42 vjeç dhe Arjan Marini 40 vjeç, (përdorues të lëndëve narkotike), sipas asaj që raporton Report tv.
Ata kanë dhunuar fizikisht punonjësit e policisë dhe kanë tentuar ti rrëmbejnë armën njërit prej tyre.
Gjatë konfrontimit fizik mes tij dhe vëllezërve arma ne brez te policit ka bërë qitje te pavullnetshme duke i shkaktuar plagë./CNA.al
Kronika
Ndërhyri për të shuar konfliktin mes familjeve/ Efektivi i plagosur do niset drejt Traumës
Efektivi JulianXhahalili i cili mbeti i plagosur pas konfliktit në Berat, do të niset drejt Traumës.
Lajmin e bën të ditur mjeku kirurg i urgjencës Piro Leka i cili ka theksuar se i plagosuri ndodhet jashtë rrezikut për jetën.
“Polici u paraqit me plagë armë zjarri në regjionin gluteal të djathtë. Pasi i jepet ndihma e pare, ekzaminohet duke i bërë të gjitha analizat, edhe skanerin.
E pastaj dërgohet në spitalin e Traumës në Tiranë. Gjendja është e mirë, jashtë rrezikut për jetën,” deklaroi mjeku.
Kujtojmë se i riu mbeti i plagosur pasi shkoi në lagjen “Dëshmoret e Kombit”, ku ishin konfliktuar dy familje./CNA.al
Kronika
Zbardhet shkaku i sherrit në Berat/ Kush është polici i plagosur
Janë zbardhur detaje të reja nga ngjarja që ndodhi mbrëmjen e sotme në Berat, ku u plagos me armë zjarri një efektiv policie.
Mësohet se polici i cili ka marrë një plagë në këmbë është Elton Boduri, 24 vjeç.
Ai ka ndërhyrë për të shuar një sherr që ndodhi mes dy familjeve në një rrugicë të qytetit.
Berat/informacion paraprak
Sot rreth orës 20:20, ka ardhur një telefonatë në Sallën Operative se në lagjen “Dëshmorët e Kombit” shtetasit G.M., M.M. dhe A.M (vëllezër) po konfliktoheshin me shtetasit A.M dhe bashkëshorten e tij shtetasen O.M .
Menjëherë në vendngjarje kanë shkuar shërbimet e Policisë ku kanë ndërhyrë për shuarjen e konfliktit.
Në momentin e ndërhyrjes së shërbimeve të Policisë, tre vëllezërit kanë dhunuar, goditur dhe kanë tentuar ti marrin armën e shërbimit njërit prej punonjësve të policisë dhe gjatë konfrontimit fizik dyshohet se arma ka kryer qitje të pavullnetshme ku është plagosur në këmbë punonjësi i policisë J.Xh, i cili ndodhet në Spitalin Rajonal Berat, nën kujdesin e mjekëve.
Nga shërbimet e policisë është bërë, neutralizimi dhe shoqërimi i personave në konflikt dhe është siguruar vendi ngjarjes.
Është krijuar menjëherë një grup i posaçëm hetimor dhe nën drejtimin e Prokurorisë së Rrethit Gjyqësor Berat, vijon puna intensive për sqarimin e plotë të rrethanave të ngjarjes./CNA.al
