Connect with Us

Testet e shpejta antigjenike/ Rëndësia në zbulimin e Covid-19

Shëndeti

Testet e shpejta antigjenike/ Rëndësia në zbulimin e Covid-19

Publikuar

-

Pas Yuri Kim/ Një tjetër ambasadore del pozitive me Covid

Nga Dr. Blerta Brati, mjeke mikrobiologe pranë ISHP

Këto teste do të jenë ndihma shumë të dobishme vetëm nëse indikacioni i tyre është shprehur saktë , sepse dritarja e tyre e pozitivitetit është e shkurtër, sipas ditëve, dhe i paraprin zbulimit të antitrupave!

Ndjeshmëria e testeve të shpejta antigjenike është 84.0% deri 97.6% krahasuar me RT-PCR sipas prodhuesve. Kini kujdes nga vlerësimet të cilat shpesh janë të njëanshme nga rekrutimi i mostrave. Testet e reja Ag zbulojnë më së miri virusin në 80% të rasteve kundrejt më shumë se 95% në PCR gjatë ditëve të para të infeksionit; OBSH dhe CDC këshillojnë një test PCR nëse njerëzit me simptoma janë negativë në testin e shpejtë të “antigjenit”. FDA lejon testimin “antigjenik” vetëm për njerëzit që kanë pasur simptoma për më pak se 12 ditë. Kjo sepse nivelet e antigjenit në mostrat e marra më shumë se 5-7 ditë pas shfaqjes së simptomës mund të ulen nën kufirin e zbulimit të testit.

Testet e shpejta antigjenike funksionojnë më mirë kur personi testohet në fazat e hershme të infeksionit me SARS-CoV-2, kur ngarkesa virale është zakonisht më e lartë. Kjo mund të çojë në një rezultat negativ të testit, ndërsa një provë më e ndjeshme, siç është RT-PCR, mund të kthejë një rezultat pozitiv.

Testet më të sofistikuara të Antigjenit (p.sh. në pllakën EIA që mund të kryhen në laborator) mund të zbulojnë, në krahasim me PCR, ekuivalentin e ARN prej 30 CT dhe më pak dhe mund të jenë të dobishëm në ndjekjen mjekësore të pacientëve.

Specifika e testeve të shpejta antigjenike është përgjithësisht aq e lartë sa PCR dhe veçanërisht nuk ka reagime të kryqëzuara me koronavirusët beninj.

LEXO EDHE:  Mutacioni i ri i Covid/ Rakacolli: Kalon më kollaj nga njeriu tek njeriu, por nuk është i rëndë

Kini parasysh se Testet Antigjenike nuk janë shumë të ndjeshme, por interesante eshte për ata persona që kanë një sasi të madhe të virusit në traktin respirator dhe rrezikojnë nga ngjitja/ transmetimi i madh për komunitetin dhe më shumë në rrezik të evolucionit të pafavorshëm në rast të bashkëorbiditetit;

Këto teste të shpejta antigjenike mund të përdoren për shqyrtime në mjediset e komunitetit me incidencë të lartë, ku mund të jetë e dobishme të sigurohen rezultate të menjëhershme edhe me ndjeshmëri më të ulët kur kërkohet koha e shpejtë e kthimit. Testimi i shpejtë i antigjenit duhet të interpretohet në kontekstin e përhapjes së infeksionit ose sëmundjes, karakteristikat e performancës së pajisjes dhe udhëzimet për përdorim, si dhe shenjat klinike, simptomat dhe historinë e pacientit.

Gjithashtu, pozitiviteti i tyre do të thotë që virusi po replikohet ndërsa krahasuar me PCR që zbulon viruse “skeletorë” të cilat nuk janë më ose vetëm pak të transmetueshme;

Treguesi i tyre i zgjedhur do të jetë urgjenca spitalore për të diferencuar me viroza të tjera akute ose në rast të shenjave klinike tek pacientët për publikun e gjerë.

Testi qe perdoret tek ne eshte, Testi i shpejtë i antigjenit Roche SARS-CoV-2. Ai është një test imunokromatografik për zbulimin cilësor të SARS-CoV-2 të pranishëm në nazofaring. Ky test kryhet nga profesionistë të kujdesit shëndetësor duke përdorur një tampon nazofaringeal të marrë nga një pacient.

Testi ka një ndjeshmëri prej 96.52% dhe specifikë prej 99.68%, bazuar në 426 mostra nga dy qendra studimi të pavarura.

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Shëndeti

“Krim me përmasa genocidi”/ Dasho nxjerr statistikat e jetëve të humbura, thirrje për hetim

Publikuar

-

Nga

“Krim me përmasa genocidi”/ Dasho nxjerr statistikat e jetëve të humbura, thirrje për hetim

Eksperti i Shëndetit Publik, Erion Dasho ka dalë me një reagim të fortë në rrjetet sociale.

Duke iu referuar statistikave, ai shkruan se 10,200 të vdekurit shtesë që raportohen deri në 31 mars 2021 janë një akuzë për qeverinë, ministrinë dhe komitetin e ekspertëve.

Me tone të forta ai thekson se ky është një krim me përmasa genocidi dhe nuk duhet të kalojë pa u hetuar.

“10,200 të vdekurit shtesë që raportohen deri në 31 mars 2021 janë një akuzë për qeverinë, ministrinë dhe komitetin e ekspertëve.

Rreth 4,000 nga këto vdekje kanë ndodhur gjatë vitit 2021, shkaku direkt i të cilave është mosmarrja e asnjë mase parandaluese nga ana e Boratit dhe boratëve!

Asnjë qeveri europiane nuk ka kryer një krim të tillë kundër shëndetit dhe jetës së qytetarëve të vet!

Ky krim me përmasa genocidi nuk mund të kalojë pa u hetuar!”/CNA.al

 

LEXO TE PLOTE

Shëndeti

Bie ndjeshëm numri i të ifektuarve/ Dy viktima në 24 orë

Publikuar

-

Nga

Bie ndjeshm numri i të ifektuarve/ Dy viktima në 24 orë

Ministria e Shëndetësisë dhe Mbrojtjes Sociale ka publikuar të dhënat e 24 orëve të fundit sa i përket situatës së pandemisë në vendin tonë.

Sipas të dhënave mësohet se në 24 orët e fundit janë kryer 2480 testime dhe kanë rezultuar pozitivë 138 qytetarë, ndërsa janë regjistruar dhe 2 viktima.

Rastet pozitive të konfirmuara janë identifikuar në këto bashki:
43 raste në Tiranë, 12 në Shkodër, 9 në Fier, 8 në Gjirokastër, nga 7 raste në Elbasan, Vlorë, nga 4 raste në Durrës, Devoll, Kamëz, nga 3 raste në Lezhë, Lushnje, Berat, Fushë Arrëz, Skrapar, Vorë, nga 2 raste në Kukës, Mat, Shijak, Poliçan, nga 1 rast në Krujë, Korçë, Has, Kavajë, Mallakastër, Librazhd, Tepelenë, Dimal, Vau i Dejës, Divjakë, Malësi e Madhe, Roskovec, Patos, Cerrik.
Në 24 orët e fundit janë shëruar 442 qytetarë, duke e çuar numrin e të shëruarve në 101,584 që nga fillimi i epidemisë.

Aktualisht në spitalet COVID në Tiranë dhe tre spitalet rajonale po trajtohen 175 pacientë, 14 në terapi intensive, nga të cilët 3 pacientë janë të intubuar.

Me gjithë përpjekjet e stafit mjekësor, 2 qytetarë e kanë humbur betejën me COVID19: 1 qytetar nga Shkodra, 1 qytetar nga Skrapari, të moshave 71 – 75 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.

LEXO EDHE:  “Faleminderit për shijen e mikëpritjes”/ Rama tregon detaje nga takimi me kryeministrin grek

LEXO EDHE:  Policia bën kërdinë gjatë fundjavës/ Gjobiten 1710 qytetarë pa maska, masa dhe për lokalet

Statistika (18 Prill 2021)

Raste të reja ditore 138
Të shëruar në 24 orë 442
Të shtruar në spitale 175
Humbje jete në 24 orë 2
Testime ditore 2480

Testime totale 607,688
Raste pozitive 129,594
Raste të shëruara 101,584
Raste Aktive 25,668
Humbje jete 2,342

Shpërndarja gjeografike e rasteve aktive sipas qarqeve:
Tiranë 18531
Fier 2216
Durrës 1088
Shkodër 915
Gjirokastër 913
Korçë 673
Vlorë 452
Dibër 322
Kukës 287
Elbasan 200
Berat 53
Lezhë 18

LEXO TE PLOTE

Shëndeti

Sa afër jemi gjetjes së një kure për sëmundjen e HIV-AIDS?

Publikuar

-

Nga

Sa afër jemi gjetjes së një kure për sëmundjen e HIV-AIDS?

Pak më shumë se një dekadë më parë, plot bujë studiuesit:Kishin shëruar një pacient të sëmurë me virusin HIV. I njohur si “Pacienti i Berlinit”, Timoti Rej Braun kishte nevojë për një transplant të palcës së kockave për t’u kuruar nga leuçemia akute mieloide.

Mjekët e bënë këtë duke përdorur qelizat staminale nga një dhurues me imunitet ndaj HIV të bazuar në gjenet e tij. Dhe funksionoi:Braun u shërua nga leuçemia, por edhe nga HIV. Më së afërmi, në vitin 2019, një pacient i dytë, që këtë herë po trajtohet për limfomën Hodgkin, u shërua në mënyrë të ngjashme në Londër.

Megjithëse këto janë historitë më të famshme ku pacientët janë shëruar nga HIV, trajtimet që iu nënshtruan ata përfaqësojnë një nga mundësitë mes shumë të rejave për trajtimin e virusit. Dhe kjo është njëra nga ato më pak të zbatueshmet. Kjo pasi është shumë invazive dhe tepër e rrezikshme të kryhet një transplant i palcës së kockave tek dikush që nuk ka një tumor që kërkon aplikimin e një procedure të tillë, sidomos duke marrë parasysh shumicën e pacientëve me HIV.

Në fakt, një pacient me terapi antiretrovirale, ART, ka sot të njëjtën jetëgjatësi sa një person pa HIV. Qasje të tjera të reja janë shumë premtime për një trajtim më efektiv, dhe me gjasë edhe për kurimin e HIV-it. Kjo është veçanërisht e rëndësishme, pasi jo çdo pacient reagon mirë ndaj terapisë antiretrovirale, përfshirë ata që vuajnë efektet anësore të forta si humbja e kockave dhe rënia në peshë, si dhe nga probleme të mëlçisë, veshkave apo zemrës.

“Me terapi antiretrovirale pacientit i kërkohet të marrë gjithë ato barna çdo ditë për pjesën tjetër të jetës së tij”- thotë Rajan Meknamara, virolog në Universitetin e Karolinës së Veriut, SHBA. Arsyeja se përse HIV është shumë i vështirë për t’u mposhtur, ka të bëjë me mënyrën se si virusi mund të fshihet në trup.

Kur ai sulmon, përfshihet në ADN-në e qelizës, në gjenomën e tij. Nga atje, ai merr nën kontroll punën e brendshme të qelizës për të shumuar vetveten, duke prodhuar më shumë virione të HIV-it, të cilat do të vazhdojnë të sulmojnë më shumë qeliza.

Pikërisht ato mund të ndërhyjnë tek ilaçet antiretrovirale, duke bllokuar pjesë të caktuara të këtij procesi. Por ndonjëherë HIV përfshihet në gjenomë dhe thjesht pret aty. Atje në fshehtësi, ai është i sigurt nga sistemi imunitar, por edhe nga ilaçet antiretrovirale.

Një strategji e re për ta shmangur këtë, përfshin nxjerrjen nga skutat të viruseve të tilla. Në vitin 2020, studiuesit arritën ta bëjnë këtë tek minjtë dhe tek majmunët makakë në laborator. Duke i trajtuar kafshët me një molekulë të vogël të quajtur AZD5582, ato mund të nxjerrin në pah rrugët qelizore që aktivizojnë virusin, duke e bërë atë të dukshëm për anti-retroviralët.

Aktualisht janë duke u zhvilluar të paktën 3 prova klinike tek njerëzit për të testuar efektivitetin e agjentëve të tillë. Kjo është një qasje më elegante sesa transplantimi i palcës së kockave që shëroi pacientin e Berlinit dhe atë të Londrës.

LEXO EDHE:  Greqia shtyn “lockdown-in”/ Athina dhe zonat përreth saj sërish në izolim

LEXO EDHE:  Situata nga Covid/ Gjermania kërkon infermierë vullnetarë

Një qasje tjetër – e cila është ndoshta e mundshme teorikisht, por ende jo praktikisht – është përdorimi i mjeteve të redaktimit të gjenit CRISPR, për të redaktuar gjenet e HIV-it jashtë gjenomit. Deri më tani studimet mbi këtë janë kryer vetëm tek minjtë.

Por nëse redaktimet e gjeneve që ndodhin në vende të padëshiruara (të njohura si efekte jashtë qëllimit) mund të mbahen në një minimum të sigurt, kjo teknikë mund të përdoret një ditë tek njerëzit. Ndoshta rruga më premtuese nga të gjitha në hulumtimet mbi HIV, thotë McNamara, është ajo e antitrupave neutralizues.

Këto shfaqen natyrshëm në sistemin imunitar të një pjese të vogël të pacientëve me HIV, infeksioni i të cilëve nuk kalon kurrë në AIDS. Studiuesit po studiojnë se si t’i shfrytëzojnë ato për të trajtuar pacientë të tjerë. HIV është i prirur për mutacione, gjë që e lejon atë ta pengojë veprimin e sistemit imunitar – dhe ilaçet retrovirale – të godasin versione specifike të virusit.

Për shumicën e pacientëve me HIV, kjo do të thotë se sistemi i tyre imunitar është gjithmonë në hiper aktivitet, duke luftuar për të shmangur një objektiv të lëvizshëm. “Është një luftë pa ndërprerje midis virusit dhe sistemit imunitar”- thotë Meknamara.

Por disa pacientë kanë një lloj të veçantë të antitrupave që është vazhdimisht efektiv. “Kur është fjala për antitrupat shumë neutralizues, virusi nuk është asnjëherë në gjendje të fitojë. Ato kryejnë shumimin e tyre”-thekson Meknamara.

Disa studiues tani po shqyrtojnë mënyrën se si mund të përdoren ato për të trajtuar dhe parandaluar HIV, ndërsa të tjerët po vëzhgojnë se si një kombinim i antitrupave neutralizues dhe jo-neutralizues mund të ketë edhe një efektshmëri kundër qelizave të fshehura.

Pra, sa afër jemi ndaj një kure për HIV? “Nëse do të më kishit pyetur 10 vjet më parë, mund të kisha thënë kurrë. Por 10 vitet e fundit kam ndryshuar pikëpamjen time. Në fakt mendoj se do të shohim një kurë që në fund të kësaj dekade”- thotë Meknamara. / DiscoverMagazine – Bota.al

LEXO TE PLOTE