Shëndeti
“Nëse organet mbingarkohen me ilaçe, dëmtohen”/ Brataj thirrje qytetarëve: Mos pini medikamente pa rekomandim
Situata që është krijuar në vendin tonë dhe mosbesimi i shqiptarëve në sistemin shëndetësor ka bërë që shumë prej të infektuarëve të mjekohen në shtëpi me receta të ndryshme që marrin nga mjekë të njohur.
Shumllojshmëria e mjekimeve që marrin rrit rrezikun e efekteve anësore tek pacientët e prekur.
Shefi i urgjencës kombëtare Skënder Brataj iu bëri thirrje të gjithë qytetarëve të mos përdorin medikamente pa rekomandimin e mjekëve, duke theksuar se nëse organet e njeriut mbingarkohen me medikamente, ato dëmtohen.
Sa i përket vaksinës anti-Covid, Brataj deklaroi se atë do ta marrin të parët ata që kanë sëmundje bashkëshoqëruese.
“Është gjithë bota në pritje dhe në interpretim të gjërave, por të mos harrojmë lajmet e mira për vaksinimin. Mos të harrojmë që virulenca e virusit nuk është rritur, që është gjëja më kryesore, minimumi nuk ka ndryshuar. Vazhdon 80% e njerëzve të jenë asimptomatikë dhe me forma të lehta. Vdekshmëria nga 4% që ishte, është 2.1%. Tani po informojmë njerëzit që të mos masakrohen me medikamente kot. Organet mbingarkohen dhe dëmtohen nga vetë medikamentet. Shpresojmë që dhe vaksina të vij, pasi për fat të mirë jemi në grupin Covax. Ka një plan strategjik, një rregullore, si bëhen vaksinat.
E mira është që vaksina të bëhet sipas rregullit. Çdo person me sëmundje shoqëruese do ta bëjë i pari vaksinën. Nuk do të bëhet me moshë, kush kalon 50 vjeç, jo! Do të bëhet kush ka më shumë rrezik, si moshat e treta dhe ata që kanë sëmundje bashkëshoqëruese. Nuk ka sens të bëjë vaksinën ai që ka kaluar Covidin, sepse i ka krijuar antitrupat. Është e njëjta gjë si gripi. Nëse kjo pandemi do të bllokohet në fund të sezonit të saj, me apo pa vaksinë, nuk ka nevojë ta bëjmë vaksinën, por nëse ajo do të përsëritet, ka sens të bëhet”, deklaroi Brataj për “News24”./CNA.al.
Shëndeti
‘Moderna’ funksionon ndaj varianteve të reja, vaksina amerikane ka efektshmëri edhe mbi mutacionet e COVID-19
Vaksina e kompanisë amerikane ‘Moderna’ duket se funksionon kundër varianteve të reja të coronavirusit, të zbuluara në Mbretërinë e Bashkuar dhe në Afrikën e Jugut.
Sipas shkencëtarëve, testet e hershme laboratorike sugjerojnë se antitrupat që nxit vaksina mund t’i njohin dhe luftojnë variantet e reja.
Megjithatë, shkencëtarët thonë se për ta konfirmuar këtë, duhet të bëhen më shumë studime. Ekspertët besojnë se varianti i Mbretërisë së Bashkuar, i cili është shfaqur në shtator, mund të jetë deri në 70% më i transmetueshëm.
Vaksinat aktuale janë krijuar rreth varianteve të mëparshme, por shkencëtarët besojnë se ato duhet të funksionojnë edhe kundër varianteve të reja./euronews
Shëndeti
“Janë të paaftë apo po e sabotojnë me qëllim”/ Erion Dasho del me reagimin e fortë
Eksperti i Shëndetit Publik, Erion Dasho ka dalë me një reagim të fortë në rrjetet sociale, ku sulmon Komitetin Teknik të Ekspertëve.
Sipas Dashos nga 100 mijë testet e shpejta që erdhën në dhjetor, janë përdorur vetëm 55 mijë prej tyrë, ndonëse nevoja ka qenë për të paktën 200 mijë.
“Në dhjetor erdhën 100 mijë teste të shpejta. Sot në fund të janarit, raportohet se janë përdorur 55 mijë prej tyre. Ndërkohë nevoja gjatë kësaj periudhe ka qenë për të paktën 200 mijë teste (pozitiviteti i personave të testuar ka qenë rregullisht mbi 20%).
Specialistët e ministrisë dhe ekspertët e komitetit duhet të sqarojnë “Janë të paaftë apo po e sabotojnë me qëllim përgjigjen shqiptare ndaj COVID-it??!!”
Shëndeti
Rritja e numrit të të infektuarve/ Alimehmeti: Pasojat e fundvitit dhe ditëve të ftohta
Janari është shoqëruar me rritje të rasteve të reja me Covid.
Për epidemiologët kjo situatë ka ardhur si pasojë e ftohjes së motit dhe shkeljes së masave mbrojtëse, veçanërisht gjatë periudhës së ndërrimit të viteve.
Por pavarësisht, rritjes së infektimeve, epidemiologu Ilir Alimehmeti tregon se këtë periudhë janë ulur shtrimet në spital dhe humbjet e jetës.
Sipas tij, kjo ka lidhje me infektimet e moshave të reja dhe mungesën e shenjave klinike te kjo kategori.
“Pra nëse shkon infeksioni drejt moshave të reja normale dhe për spitalin do të ketë më pak nevojë. Fakti është që edhe pse shifrat janë konsistente, shifrat në spital janë të buta”, shtoi mjeku.
Alimehmeti kritikoi gjithashtu vendimin e Komitetit Teknik për të mbajtur mbyllur shkollat e larta në të gjithë vendin.
Sipas epidemiologut, të rinjtë nuk shkojnë në auditore, por mund ta përhapin virusin kur mblidhen së bashku në bare dhe lokale./CNA.al
Lajme të Rekomanduara:
Shifrat nuk njohin ulje/ Konfirmohen 786 raste të reja dhe 7 humbje jete
Ministria e Shëndetësisë dhe Mbrojtjes Sociale ju bën apel qytetarëve të mos e ulin vigjilencën në zbatimin e rregullave antiCOVID; Vendosni maskën mbrojtëse në çdo...
Kush janë personat që kundërindikohen nga vaksina e Covid-19?
Nga Dr. Blerta Brati, mjeke mikrobiologe pranë ISHP Ekspertët rikonfirmojnë se të qenit alergjik nuk është kundërindikacion për vaksinimin kundër infeksionit, në kundërshtim me atë...
