Connect with Us

Bicaj qetëson korçarët: Skënderbeu nuk e diskuton mbijetesën

Sport

Bicaj qetëson korçarët: Skënderbeu nuk e diskuton mbijetesën

Publikuar

-

Skënderbeu nuk është duke rrezikuar rënien nga kategoria dhe as për të diskutuar mbijetesën, por objektivat e korçarëve janë më madhorë. Një gjë të tillë e ka thënë me siguri qendërmbrojtësi lezhjan i Skënderbeut, Ditmar Bicaj. Në një intervistë të dhënë për “Panorama Sport”, Bicaj ka sqaruar se luhatjet janë normale për një ekip të ri, që duhet të vlerësojë fanellën që ka veshur. Por, nga ana tjetër, siguron se kthesa do të vijë që këtë javë.

Ditmar, një humbje e rëndë me Partizanin. Çfarë nuk shkoi për ju?

Sigurisht një humbje që ka lënë shije të hidhur për të gjithë, ku kemi bërë një paraqitje për t’u harruar. Duke riparë të gjithë takimin mund të themi se ka qenë një ndeshje, që ia kemi dhuruar kundërshtarit fitoren me shumë lehtësi, pa e bërë që të mundohet fare. Normalisht ta fillosh ndeshjen 2-0, që në minutën e 20, sigurisht që ka ndikim shumë të madh psikologjik tek ekipi. E për më tepër, pasi 90% e ekipit përbëhet nga djem të rinj dhe ana psikologjike, si pasojë e mungesës së eksperiencës, është shumë e brishtë.

Në momentet e fundit Skënderbeu zbriti në fushë me një rreshtim tjetër. Duke parë rrjedhën e lojës, ishte një aventurë?

Për rreshtimin merret stafi teknik dhe nuk mund ta komentoj. Ata janë përgjegjës për ekipin dhe për mënyrën sesi skuadra do të zbresë në fushë, si dhe mënyrën se si do të interpretohet kjo ndeshje. Ne jemi futbollistë dhe duhet të japim në çdo ndeshje maksimumin sepse kemi të veshur fanellën e Skënderbeut. Është një fanellë me peshë të rëndë. Këtë duhet ta ngulisin të gjithë në kokë, që kjo fanellë kërkon gjithmonë maksimumin dhe rezultate pozitive.

Si i shpjegoni luhatjet që ka ekipi?

Luhatjet besoj se janë për vetë faktin se kemi shumë lojtarë të rinj në ekip. Janë futbollistë që akoma nuk janë mësuar me Kategorinë Superiore, pasi këtë sezon shumica e lojtarëve duhet të jenë protagonistë gjë që kërkon sforco të madhe. Megjithatë, unë them se me një rezultat pozitiv çdo gjë do kthehet në favorin tonë. Kemi edhe një ngërç psikologjik që po na frenon disi.

Ndaj Laçit pritet kthesa?

Me Laçin luajmë në shtëpinë tonë dhe normalisht si një ndeshje brenda na del si detyrë të kërkojmë pikët maksimale. Vijmë pas 2 humbjesh në shtëpi dhe besoj se kjo do të jetë ndeshja që ne do bëjmë kthesën.

Katër pikë në pesë javë janë pak për Skënderbeun?

Pa dyshim që pikët nuk janë ato më të mirat e mundshme, pasi ky ekip ka mundësi të shkojë edhe më lart. Kemi kaluar një moment të vështirë në ndeshjet e fundit dhe kjo ka ndikuar te ne. Besoj se gjithçka do të ndryshojë në vijim.

Pavarësisht se është herët, a ndiheni të rrezikuar për mbijetesën këtë sezon?

Shikoj shumë specialistë që flasin për Skënderbeu. Jo kategoria, jo ashtu, jo është ekipi më i rrezikuar për të rënë, apo ku di unë. Skënderbeu nuk e llogarit qëndrimin në Superiore, pasi nuk është një objektiv që na shkon ne përshtat. Objektivat tonë janë më madhorë. Ky ekip do të jetë një “kockë e fortë” për të gjitha skuadrat e tjera, duke filluar nga e shtuna në ndeshjen me Laçin.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

La Liga

Surpriza e madhe/ Klubi i ligës së tretë eliminon Real Madridin nga Copa del Rey

Publikuar

-

Nga

Alcoyano, klub i ligës së tretë spanjolle ka arritur që të eliminojë Real Madridin pas fitores 2-1 në vazhdime.

Juanan Casanova në minutën e 115-të realizoi golin i cili ka dërguar klubin e Alcoyanos në 1/8-tën e Copa del Rey.

Zinedine Zidane pushoi për këtë ndeshje disa lojtarë kyçë, mirëpo edhe inkuadrimi i Karim Benzemas dhe Eden Hazard nuk ndikuan.

Edhe pse për më shumë se 10 minuta skuadra e Alcoyanos luajti pa një lojtar pasi Lopez mori kartonin e dytë të verdhë dhe u përjashtua nga ndeshja, në fund arritën që të fitojnë sfidën.

LEXO TE PLOTE

Seria A

Juventusi fiton Superkupën e Italisë

Publikuar

-

Nga

Juventus ka arritur që ta mposhtë klubin e Napolit me rezultat minimal 2-0 pas golave të Cristiano Ronaldo dhe Alvaro Morata.

Pjesa e parë u mbyll 0-0 me të dyja skuadrat duke kërkuar golin dhe ishte një pjesë e barabartë

Në pjesën e dytë, Ronaldo 64’ shënoi golin e parë në ndeshje. Në anën tjetër, Lorenzo Insine ka humbur penalltinë në minutën e 80-të.

Epilogun përfundimtar kësaj ndeshje ia dha Alvaro Morata duke shënuar në minutën e 90-të.

Ky është trofeu i parë për Andrea Pirlon si trajner, ndërsa i nënti i Super Kupës së Italisë për Juventusin.

LEXO TE PLOTE

Sport

Me Tiranën për 1 vit e gjysmë, sulmuesi finlandez mbërrin në Shqipëri

Publikuar

-

Nga

Sulmuesi i ri i Tiranës, Tim Vairinen mbërriti sot në Shqipëri. 27-vjeçari finlandez, i cili ka firmosur kontratë 1.5 vjeçare u prit nga drejtori i klubit bardheblu Tefik Osmani. Tirana njofton se ish-futbollisti i Helsinkit është akomoduar nga stafi i Tiranës.

Vairinen do t’u bashkohet në stërvitje kampionëve në fuqi të Shqipërisë pas derbit të nesërm me Partizanin. Vairinen konsiderohet një përforcim i rëndësishëm për Tiranën.

NJOFTIMI I TIRANËS

Tim Väyrynen mbërriti këtë pasdite në Tiranë. Shtatlarti u prit në aeroportin e Rinasit nga stafi i ekipit nga ku u dërgua më pas të akomodohej. Lojtari është tashmë i gatshëm për t’u vënë menjëherë nën urdhërat e trajnerit Dede. Pas ndeshjes së nesërme ai pritet t’i bashkohet skuadrës në stërvitje për t’u përgatitur për sfidën e rradhës. #welcome

LEXO TE PLOTE