Kronika
Publikohet video/ Përplasja me pistoleta e ‘Vis Korçarit’ me 3 personat e tjerë
Dokumentari investigativ në “Unpublished” e ka vënë theksin tek krimi në qytetin e Elbasanit, veçanërisht konfliktin mes dy fiseve, Çapja dhe Çela. “Unpublished” ka arritur të sigurojë videon ekskluzive të sherrit të ndodhur disa ditë më parë që përfundoi me përplasje me armë mes dy grupeve rivale.
Në fakt, kemi të bëjmë me sagën e një historie që ka nisur 15 vite më parë, mes fisit Çapja dhe Çela. Ngjarja ka ndodhur në datën 25 nëntor 2020 në orë 11:45 minuta. Gjithçka zhvillohet në lagjen “Emin Matraxhiu” në Elbasan, në një kohë kur lëvizjet në rrugë të njerëzve dhe makinave janë në pikun e tyre.
Në video duket që të rinjtë, Migert Qosja dhe Ervis Çausholli kanë parkuar automjetet e tyre njëri pas tjetrit. E gjithë ngjarja ka filluar kur Qosja dhe një person tjetër janë afruar fillimisht tek makina e Çaushollit, ku duket që i thonë diçka dhe largohen me shpejtësi.
Por, nga pamjet e siguruara, duket qartë edhe përfundimi i debatit në përdorim të armëve. Kjo situatë ka bërë që Migert Qosja të dalë nga makina dhe përballet me Vis Korçarin.
Këta dy të rinj i përkasin dy fiseve, që kanë një dekadë e gjysmë që konfliktohen me njëri-tjetrin duke shkaktuar dhjetëra viktima dhe të plagosur në atentate të tipit mafioz. Ato mbeten ende të pazbardhura për drejtësinë shqiptare.
Detaje të thelluara mbi rritjen e kriminalitetit në Elbasan do të keni mundësi t’i ndiqni në emisionin e plotë të “Unpublished”, që transmetohet sot në orën 21:30 në Euronews Albania.
Kronika
Aksident i rëndë në Vlorë/ Makinat përplasen kokë më kokë
Një aksident i rëndë me pasojë vdekjen ka ndodhur mbrëmjen e sotme në autostradën Vlorë-Fier.
Deri tani mësohet dy automjete janë përplasur me njëra tjetrën teksa dyshohet se ka humbur jetën një grua. Po kështu mësohet se ka dhe persona të plagosur.
Ambulanca dhe policia janë nisur drejt vendit të ngjarjes./CNA.al
Kronika
Ka përvetësuar shuma parash/ Arrestohet drejtori i Kadastrës së Beratit
Finalizohet operacioni policor i koduar “Aluizni”, për goditjen e korrupsionit pasiv të personave që ushtrojnë funksione publike.
Blutë bëjnë me dije se operacioni u drejtua nga Drejtoria Vendore e Policisë Berat dhe SPAK-u.
Pas një hetimi 9-mujor u finalizua operacioni policor i koduar “Aluizni”, në kuadër të të cilit u ekzekutua masa e sigurisë “Arrest në burg”, për shtetasin E. N., 38 vjeç, banues në Berat, me detyrë drejtor i Agjencisë Shtetërore të Kadastrës në Drejtorinë Rajonale Berat.
Ky shtetas dyshohet se gjatë ushtrimit të detyrës ka përvetësuar shuma parash nga persona të ndryshëm, me qëllim pajisjen e tyre me dokumentet e lejes së legalizimit.
Ndërkohë po vijon puna për dokumentimin ligjor të plotë të kësaj veprimtarie kriminale dhe për identifikimin e personave të tjerë të përfshirë në këtë veprimtari korruptive./ CNA.al
Kronika
Blindohet Nënë Tereza/ Dritan Dajti niset me urgjencë në spital
Dritan Dajti është nisur me urgjencë në spitalin Nënë Tereza.
Nën masa të rrepta sigurie, mësohet se Dajti është dërguar në spital ndërkohë që nga ana e policisë ende nuk ka një njoftim zyrtar.
Kujtojmë se edhe në nëntor të 2020, Dajti ka qenë në spital ku ka hequr një gur në veshka.
Dritan Dajti, u dënua me akuzën e vrasjes në rrethana cilësuese të oficerëve të policisë, Fatos Xhani, Sajmir Duçkollari, Altin Dizdari dhe Kastrit Feskaj gjatë një operacioni policor për kapjen e tij në vitin 2009.
Fillimisht Dajti ka qenë i dënuar me burgim përjetë por iu hoq nga gjyqtarët Skënder Damini, Petrit Aliaj dhe Aleks Nikolli. Këta tre gjyqtarë firmosën pro heqjes së burgimit të përjetshëm për Dajtin, duke argumentuar se sipas ligjit i takon./CNA.al
Lajme të Rekomanduara:
Zbardhen detajet e para/ Kush është i riu që u ekzekutua me kallashnikov në mes të Durrësit
Janë zbardhur detaje të reja në lidhje me vrasjen që tronditi mbrëmjen e sotme qytetin e Durrësit. Burime nga policia kanë bërë të ditur se...
Tronditet Durrësi, vritet me armë i riu në mes të qytetit
Një vrasje ka ndodhur mbrëmjen e sotme në Durrës. Një i ri është i ri është qëlluar me armë, duke ndërruar jetë në spital. Durrës/Informacion...
