Kreu i Partisë Demokratike Lulzim Basha ka caktuar drejtuesit e qarqeve për zgjedhjet e 25 prillit. Nga të gjithë emrat që ka emëruar, nuk ka asnjë prurje të re, por thjesht ricilkim të emrave të vjetër.

Xhelal Mziu është një emër i njohur, i cili ka qenë kreu i Bashkisë Kamëz dhe tani është emëruar si drejtues në një nga qarqet më problematike, Dibër.

Kamza, si një bastion i djathtë ia ka besuar votën gjithmonë Mziut, por ky i fundit ka nisur të besojë shumë tek aftësitë e tij, duke u shprehur se edhe në Dibër do të arrij ta mund PS duke marrë 4 mandate.

“E kam mundur Ramën dhe PS ne çdo betejë, kështu do ndodh edhe në Dibër. Opozita do të marrë 4 mandate në Dibër. Pas konfirmimit tim, Xhaçka ka kërkuar nga kryeministri të largohet si drejtuese politike e PS”, ka thënë ai.

Por sa e mundur është që Mziu të triumfojë në Dibër? A thua se Peshkopia, Maqellara e Dibra nuk kishin një emër të tyre të rritur në atë qytet, një djalë të ri intelektual apo një qytetar demokrat që mund ta drejtonte atë zonë. Gjthësesi vajtja e Mziut është ndryshe nga rastet e tjera, por edhe ai nuk është një risi, ngelet i vjetër dhe tërësisisht i konsumuar për opinionin publik./CNA.al

Ditën e djeshme, Ervin Salianji, deputeti “Babale” i Lulzim Bashës dhe njeriu i videos famoze me G.D., në parlament ka prezantuar Edmond Spahon si drejtues të qarkut Korçë për Partinë Demokratike

Salianji bëri prezantimin e Spahos në një hotel ku ai shpesh preferon të rrijë kur shkon fundjavave në Korçë, gjithësesi kjo ka pak rëndësi.

Salinaji tha se kontributi i demokratëve bëri të mundur që në një acar politik, thuajse në gjendje lufte, të bënin të mundur që Korça të ishte i vetmi qark në rritje për PD  dhe Spaho sillte një element dhe kapacitet të ri me shumë rëndësi për PD në këtë qark ku do të fitoheshin 6 mandate dhe do të luftohej për mandatin e 7-të.

Më tej ai ka theksuar se Spaho qenka kapacitet i ri , kjo është gënjeshtra e dytë.

Salianji sërish gënjeu kur thotë se është risi zoti Spaho dhe kapacitet i ri, nuk është as risi as kapacitet i ri, por është i vjetër dhe kapacitet i vjetër! Ai gënjeu paturpësisht qytetarët e Korçës duke ua “servirur” Spahon si një risi dhe shpresë për zgjedhjet e 25 prillit.

Spaho nuk është një kapacitet i ri në qarkun e Korçës. Ai ka qenë deputet i zgjedhur në vitin 2005 në një nga zonat e Korçës. Në vitin 2009 ka qenë pjesë e listës së PD, gjithashtu edhe në vitin 2013 ka qenë deputet i zgjedhur në qarkun e Korçës në listën e kësaj force politik.

Spaho ka qenë për tre mandate deputet i këtij qarku në vitin 2005 dhe më pas në zgjedhjet e tjera në 2009 dhe 2013 deputet liste.
Spaho nga vitin 2013 u bashkua me Lulzim Bashën dhe në ato momente mori dhe nofkën ‘kërmilli’ pas lëpirjes publike, të turpshme dhe të neveritshme ndaj kreut të PD. Basha e shpërbleu duke e çuar në Durrës për fushatë më Grida Dumën, më pas e çoi në 2017 në Elbasan ku sërish humbi.

Tani e ka çuar në Korçë, ku ndoshta në fakt mund të ishte ndonjë emër tjetër, por alternativa e vetme e ngelur ishte Edmond Spaho./CNA.al

Kreu i PD, Luzlim Basha ka caktuar Tomorr Alizotin drejtues politik në qarkun e Beratit.

Po ashtu, dy ditë më parë PD caktoi nënkryetarin e kësaj partie, Edmond Spahon si drejtues politik për qarkun e Korçës. Drejtimin e qarkut të Lezhës Partia Demokratike i ka besuar ish-deputetit Mark Marku.

Kur kanë mbetur edhe tre muaj nga zgjedhjet e 25 prillit, Partia Demokratike ka caktuar drejtues edhe në qarqet e tjera.

Kështu, në Durrës është vendosur Edi Paloka, në Elbasan Gazment Bardhi, në Shkodër Helidon Bushati, në Vlorë Bujar Leskaj dhe në Fier Enkelejd Alibeaj./CNA.al