Seria A
“Nuk më zinte gjumi”, Pioli rrëfen betejën me COVID-19
Stefano Pioli ka fituar betejën e tij me Covid-19. Trajneri i Milanit do të rikthehet sërish në stolin kuqezi pas afërsisht 2 javësh mungesë. Për mediat italine Pioli është shprehur se kur ka mësuar për faktin se ka rezultuar negativ nuk mund ta zinte gjumi. Malli për ekipin ishte i madh përgjatë kësaj periudhe izolimi, megjithëse nëpërmjet teknologjisë kanë qenë në kontakt të vazhdueshëm.
“Më ka marrë malli aq shumë për ekipin, stafin. Kur ata më komunikuan negativitetin e kisha të vështirë të flija gjumë, mezi prisja të kthehesha, edhe pse ishin vetëm 18 ditë. Jam i lumtur që jam këtu. Unë kam për të thënë se falënderoj klubin, i cili ka aktivizuar të gjitha teknologjitë për të punuar me qetësi, me cilësi, dhe në kontakt të ngushtë me ekipin.
Falënderoj tifozët që më mbështetën në këtë moment të veçantë. Unë them faleminderit ekipit për atë që kanë bërë në këtë periudhë. Dhe falë Daniele Bonera që më zëvendësoi, ai do ta vlerësojë këtë përvojë. Unë kisha disa simptoma, e mora Covid-19 lehtë, ne duhet të respektojmë rregullat ndërsa presim trajtimin që mund të çrrënjos këtë virus”, ka thënë Pioli./
Seria A
VIDEO/ “Shko te nëna jote, gomar i vogël!”, Lukaku nuk kursen ofendimet ndaj Ibras: Të b****a ty dhe gruan tënde!
Derbi mes Interit dhe Milani ka regjistruar përveç golit të Ibrahimoviçit dhe përplasjen e ashpër verbale mes yllit suedez dhe sulmuesit të Interit, Romelu Lukaku. Futbollisti belg është acaruar në maksimum me kundërshtarin kuqezi, i cili e ka provokuar me fjalë me të rënda. Por, dhe belgu nuk i kursehet në kundërpërgjigjet fyerëse.
Gjithçka nisi pas një faulli të kapitenit të Milanit, Alesio Romanjoli kundër Lukakut. Sulmuesi belg u nervozua me ndërhyrjen e italianit, ndërsa më pas është kapur me fjalë me Ibrahimoviçin në minutën e 44-rt.
Edhe pas mbylljes së pjesës së parë, të dy futbollistët e kanë vazhduar debatin me Lukakun që ka këmbëngulur deri në tunel, ndërsa Ibrahimoviç largohet i qetë. Të dy u ndëshkuan me karton të verdhë.
“Vazhdo bëj ritualet vudu prej m**i me mamin tënd, gomar i vogël! Shko te mamaja jote!” i drejtohet Ibrahimoviç Lukakut i drejtohet Ibrahimoviç Lukakut.
“Flasim më vonë! Mos më qesh para meje! Të b****a ty dhe gruan tënde! Flet për nënën time?!, i kthehet i nervozuar Lukau, i cili e ndjek deri në hyrje të tunelit.
Në pjesën e dytë, Ibrahimoviç u largua pasi mori kartonin e dytë të verdhë për faull ndaj Aleksandër Kolarovit. Lukaku barazoi në minutën e 70-të nga penalltia.
Seria A
VIDEO/ Derbi dramatik, Interi eliminon Milanin në minutën e 97-të
Interi triumfoi me rezultatin 2-1 ndaj Milanit, në derbin e vlefshëm për Kupën e Italisë, ku nuk mundoi as tensioni. Ibrahimoviç dhe Lukaku u përfshinë në një përplasje të ashpër në fundin e pjesës së parë, ndërkohë që suedezi la kuqezinjtë me 10 lojtarë pas ndëshkimit me kartonin e dytë të verdhë në minutën e 58-të.
Për sa i përket ndeshjes, Milani kaloi i pari në avantazh me Ibrën, në minutën e 31-të, pjesa e parë u mbyll me rezultatin 0-1, ndërkohë që në fragmentin e dytë të lojës, Lukaku dhe Eriksen përmbysën rezultatin. Fillimisht belgu realizoi nga pika e bardhë e penalltisë në minutën e 71-të, ndërkohë që Eriksen, shndërroi në gol një goditje dënimi në të 97-tën.
Vlen të theksohet fakti se u akorduan 10 minuta shtesë, pasi loja u ndërpre për disa minuta në pjesën e dytë, teksa gjyqtari Valeri u zëvendësua për shkak të një problemi muskulor.
LIVE: INTER-MILAN 2-1
Lukaku 72′ (p), Eriksen 97′ / Ibrahimoviç 31′
Seria A
Derbi i Milanos, publikohen formacionet zyrtare të ndeshjes Inter-Milan
Do të startojë në orën 20:45, derbi i Madoninës, i vlefshme për Kupën e Italisë. Interi dhe Milani kanë histori në Kupën e Italisë.
Në fakt, janë dy nga katër formacionet lidere (së bashku me Bolonjën dhe Juventusin) për pjesëmarrje në kompeticion: 73. “Libri i artë” thotë që kuqezinjtë e kanë fituar 5 herë, ndërsa zikaltrit janë të tretët e të gjitha kohërave me 7 triumfe.
Megjithatë, për dy milanezet fitorja mungon prej shumë kohësh: Interi nga edicioni 2010-’11, ndërsa Milani nga akoma më shumë (2002-’03).
Do të jetë derbi numër 25 në Kupë. Në të kaluarën numërohen 7 fitore të zikaltërve, 10 të kuqezinjve dhe 7 barazime; me 22 gola të zikaltërve kundrejt 33 të kuqezinjve. Më në përgjithësi, do të jetë derbi numër 227 mes gjithë kompeticioneve:
Interi drejton klasifikimin me 82 fitore kundër 77, ndërsa barazimet janë 67. Të dy trajnerët kanë bërë publike edhe formacionet zyrtare, ku nuk mungojnë surprizat:
FORMACIONET ZYRTARE:
INTER (3-5-2): Handanoviç; Shrinjar, De Vraj, Kolarov; Darmian, Vidal, Brozoviç, Barela, Perisiç; Lukaku, Sançez.
MILAN (4-2-3-1): Tatarushanu; Dalot, Kjaer, Romanjoli, Hernandez; Meite, Kesi, Selemekers, Brahim Diaz, Leao, Ibrahimoviç.
Lajme të Rekomanduara:
Hap i rëndësishëm në karrierë, Selmani transferohet te klubi i Superligës turke
Portieri i Shqipërisë Gentian Selmani pritet të ndryshojë skuadër, por jo shtet. Gardiani i Menemensporit raportohet se ka arritur akordin me klubin e Superligës të...
VIDEO/ Derbi dramatik, Interi eliminon Milanin në minutën e 97-të
Interi triumfoi me rezultatin 2-1 ndaj Milanit, në derbin e vlefshëm për Kupën e Italisë, ku nuk mundoi as tensioni. Ibrahimoviç dhe Lukaku u përfshinë...
