Sport
“Nuk e mendoja që do të kaloja Rinasin me karrocë me rrota”, Gega rrëfen betejën me COVID-in
Skënder Gega ka lënë pas makthin e COVID-19 dhe shqetësimin që solli përkeqësimi i gjendjes së tij shëndetësore pasi u infektua. Gjendja e tij shëndetësore është përmirësuar dhe tashmë tekniku është kthyer në vendin tonë, ku nuk ka fshehur emocionet për këtë situatë që ka kaluar.
“Nuk ma merrte mendja që do të kaloja Rinasin në karrocë me rrota”, ishin fjalët e tij për mediat pasi zbarkoi në Rinas. “Për fat jam sot prapë këtu në shtëpi, për fat e kalova unë bashkë me familjen, sepse edhe ime shoqe ishte infektuar. Falë mbështetjes, kujdesit të mjekëve, ndihmës së Zotit u bënë gjërat mirë dhe jam i lumtur që jam në shtëpi”, deklaroi trajneri i Kukësit i cili ka falënderuar publikisht mjekun shqiptar Gersi Alisha i cili e ka ndjekur nga afër në klinikën në Turqi.
“Ishte një nga mjekët më të zotë për problemet që unë kisha, mushkëritë, infeksioni në gjak. Më ka qëndruar gjatë gjithë kohës shumë afër. Ka shumë emra, nuk dua t’i veçoj, por shqipja është diçka që të ngroh dhe e falenderoj nga zemra”, vijoi trajneri.
“Një ëndërr e keqe, ky grip ëahtë i pabesë. Brenda 2-3 ditësh gjërat ndryshuan për keq në mënyrë drastike. Por falë mbështetjes dhe njerëzve të mi të afërt të familjes që u bënë dhe iniciatorë që unë të largohesha në momentin e duhur.
E falenderoj klubin, Safet Gjicin që ka qenë gjatë gjithë kohës në kontakt me mua. Jam i lumtur që është bërë progres në ekip. Kam pasur mbështetje nga komuniteti sportiv, presidentët e klubeve, presidenti i FSHF-së, politikanë nga të dy krahët, unë i kam miq dhe e shoh shumë njerëzore, nuk di si t’i falenderoj. Mbi të gjitha është pozitiviteti në momente të vështira. Mesazhi im është që jo vetëm kur të sëmuremi, por të përkrahim njëri-tjetrin pavarësisht gabimeve, fjala e mirë çon në progres.
Kthimi në fushë? Do të mundohem sa më shpejt të jetë e mundur, më mungon futbolli dhe ekipi. Për fat të mirë mjekët u konsultuan dhe kanë parë një ndryshim drastik nga terapia, trupi është përgjigjur jashtëzakonisht mirë ndaj terapisë. Nuk shoh ndonjë gjë të rrezikshme, do të vazhdoj mjekimet, do të kem kujdes normal”, tha ai.
Seria A
LIVE| Në festë zikaltërit, Lukaku realizon me penallti (VIDEO)
Ka startuar në orën 20:45, derbi i Madoninës, i vlefshme për Kupën e Italisë. Interi dhe Milani kanë histori në Kupën e Italisë. Në fakt, janë dy nga katër formacionet lidere (së bashku me Bolonjën dhe Juventusin) për pjesëmarrje në kompeticion: 73. “Libri i artë” thotë që kuqezinjtë e kanë fituar 5 herë, ndërsa zikaltrit janë të tretët e të gjitha kohërave me 7 triumfe.
Megjithatë, për dy milanezet fitorja mungon prej shumë kohësh: Interi nga edicioni 2010-’11, ndërsa Milani nga akoma më shumë (2002-’03).
Do të jetë derbi numër 25 në Kupë. Në të kaluarën numërohen 7 fitore të zikaltërve, 10 të kuqezinjve dhe 7 barazime; me 22 gola të zikaltërve kundrejt 33 të kuqezinjve. Më në përgjithësi, do të jetë derbi numër 227 mes gjithë kompeticioneve: Interi drejton klasifikimin me 82 fitore kundër 77, ndërsa barazimet janë 67. Të dy trajnerët kanë bërë publike edhe formacionet zyrtare, ku nuk mungojnë surprizat:
LIVE: INTER-MILAN 1-1
Lukaku 72′ (p) / Ibrahimoviç 32′
Sport
Vllaznia nuk ndalet në merkato, arrin akordin me një lojtar cilësor
Pas dështimit me Klodian Gjinon, kryesuesit e Vllaznisë kanë gjetur mesfushorë në Malin e Zi. Bëhet fjalë për futbollistin Milosh Kaleziç, i cili së fundmi ishte pjesë e OFK Titograd në kampionatin malazez, ku numëron 17 paraqitje, dhe 1 gol të shënuar.
Mësohet se palët kanë arritur akordin, teksa prezantimi pritet të vijë ditën e nesërme. Gjatë karrierës së tij, 27-vjeçari është aktivizuar edhe me Buduçnost, Mogren, Grbalj, Samorin, Iskra, Sloboda Tuzla dhe Petrovaç. Me afrimin e Kaleziç mesfusha e shkodranëve duke e kompletuar.
Kombëtare
E BUJSHME/ Mesfushori i Kombëtares transferohet te Shkëndija e Tetovës
Shkëndija e Tetovës, i ka surprizuar të gjithë me goditjen e fundit në merkato, teksa ka prezantuar mesfushorin e Kombëtres Shqiptare, Kamer Qaka, i cili ka firmosur për 1 vit e gjysëm me kuqezinjtë.
Lajmi është bërë publik nga vetë klubi nëpërmjet një njoftimi në faqen zyrtare, ku Qaka shihet duke pozuar me fanellën e Shkëndijës.
PRONONCIMI I PARË I QAKËS SI FUTBOLLIST I SKUADRËS TETOVARE:
“Është shumë ndjenjë e mirë të jem pjesë e Shkëndijës. Kam dëgjuar shumë gjëra të mira për këtë klub, se është skuadër serioze. Mezi pres të luaj për ekipin për të treguar edhe potencialin tim.
“E dij se Shkëndija është shumë e fortë në kampionat aq sa kam pa unë, por edhe në Europë kam ndjek disa ndeshje shumë të mira dhe janë përballur me skuadra të njohura. Shpresoj që edhe unë do të mund të ndihmoj skuadrën për të arritur edhe më shumë.
“Kam dëgjuar se Shkëndija luan futboll shumë ofenziv, ashtu si kam qejf edhe unë me shku përpara gjithmonë. Serioziteti i klubit më bëri të pranoj ofertën.
“Mendoj se më me rëndësi është të paraqitem mirë për klubin, pastaj të shofim. Gjithë futbollistët duan të luajnë për kombëtaren, jam shqiptar dhe gjëja më e madhe është të luaj për kombëtaren.
“Nuk kam qejf të flas shumë për veten, më shumë dua të flas në terren. Shpresoj përfundon kjo puna e pandemisë, të kthehen ‘Ballistët’ të na shohin dhe të na përkrahin dhe besoj se bashkë do të ecim mirë”.
Lajme të Rekomanduara:
E dhimbshme/ Trajneri i njohur shqiptar humb bashkëshorten
Trajneri i Lushnjës, Ilir Gjyla është duke u përballur me një dhimbje të madhe, pasi ditën e sotme ka ndërruar jetë bashkëshortja e tij, Ardita....
VIDEO/ Kukësi fundos Bylisin, Skënderbeu zhgënjen në shtëpi ndaj Apolonisë
Kukësi ka marr fitoren e dytë radhazi, kundër Bylisit me rezultatin 2-1, kurse Skënderbeu e Apolonia u ndanë në barazim 1-1. Verilindorët e drejtuar nga...
