Connect with Us

Fiks Fare/ Nxënësi i klasës 3-të i merr fletoren, mësuesja e kërcënon: Do të zhduk!

Denoncim

Fiks Fare/ Nxënësi i klasës 3-të i merr fletoren, mësuesja e kërcënon: Do të zhduk!

Publikuar

-

Një mësuese në shkollën “Mihal Duri” në Arbanë, Tiranë, ka kërcënuar prindërit e një nxënësi se “nuk do ta shohin më fëmijën me sy”. Ajo u ka shkuar në banesë, dhe pa u shpjeguar se çfarë kishte bërë fëmija, apo vetë ata, i ka kërcënuar.

Në redaksinë e emisionit “Fiks Fare” u ankua një zonjë nga Arbana, e cila pohoi se e ka djalin në klasë të tretë në shkollën e fshatit. Ajo thotë se, disa ditë më parë, mësuesja e djalit i ka shkuar në banesë dhe e ka kërcënuar. Mësuesja quhet Ëngjëllushe Xhabafti. “Më erdhi në shtëpi dhe filloi të më kërcënojë. Më thoshte se nuk do e shihni më me sy fëmijën. Më tha do e shohësh se çfarë do t’i bëj unë fëmijës. U tmerruam dhe i kërkova se çfarë kishte bërë fëmija im. E pyeta disa herë, por mësuesja nuk më tha se çfarë kishte bërë. Vetëm më kërcënonte. E kam pyetur djalin dhe mësuesja nuk ushtron dhunë në klasë. Nuk i ka prekur me dorë” thotë ajo, ndërsa shton se nuk ndihet e sigurt. “S’po dimë se ku po e çojmë, kemi frikë” përfundoi zonja.

Pas denoncimit, nëna e fëmijës shkon në shkollën e fshatit dhe takon mësuesen dhe drejtorin. Mësuesja e pranon se i ka shkuar në shtëpi dhe i ka thënë ato fjalë. Ajo i thotë se “ta them prapë”. Nuk e mohon që ta ketë kërcënuar, ndërsa prindi e pyet disa herë se çfarë ka bërë fëmija i saj. Por, asnjëherë nuk i tregon se çfarë ka bërë fëmija në klasë. Mësuesja nuk i tregon asnjë gjë. Nëna takon edhe drejtorin e shkollës, i cili thotë se veprimet e mësueses janë jashtë shkolle dhe jo në shkollë. Ai thotë se përderisa janë jashtë, nuk mund të marrë asnjë masë.

Gazetarët e “Fiks Fare” takuan mësuesen dhe e pyesin disa herë se çfarë ka bërë fëmija në klasë. Mësuesja thotë se nuk jep shpjegime, vetëm te drejtori dhe te Zyra Arsimore. Ajo pohon se ka të drejtë tu shkojë në shtëpi dhe të takojë prindërit e fëmijëve, ndërsa mohon që t’i ketë kërcënuar. Pasi i themi se e kemi faktuar se i ka kërcënuar, thotë se është e drejta e saj që të marrë masa kur fëmijët janë të shfrytëzuar. Por, asnjëherë nuk tregon se çfarë ka ndodhur. Gazetarët pyesin edhe drejtorin e shkollës se çfarë ka ndodhur. Ai thotë se mësuesja është nga fshati Arbanë dhe i njeh prindërit. Sipas tij, konflikti është shuar. E pyesim se çfarë ka ndodhur për të tillë situatë, ndërsa na tregon se i gjithë sherri ka qenë pasi dy fëmijë i kanë marrë një fletore mësueses.

SHKOLLA 9-VJEÇARE “MIHAL DURI”, ARBANË

Nëna takon mësuesen e djalit

Nëna e fëmijës – Se nuk vjen çuni sa të sqarohet, pa u sqaruar unë me ty.

Mësuesja – Se nuk vjen çuni në shkollë e bëre ti. … është fëmijë.

Nëna e fëmijës – Me cilën e ke ti, me prindërit?!

Mësuesja – Çfarëdo të ketë bërë fëmija, është fëmijë. Unë nuk gjykoj fëmijët, unë nuk mbaj inat me kalamaqtë. Unë e kisha me ty.

Nëna e fëmijës – Me mua, pse çfarë kishe?

Mësuesja – Një sekondë, tani ka ndodh çfarë ka ndodh.

Nëna e fëmijës – Dua të di dhe unë ça ka ndodh tani, jam prindi.

Mësuesja – Të lutem, ka ndodhur ça ka ndodhur, e di më mirë sesa unë.

Nëna e fëmijës – Una?!

Mësuesja – Po.

Nëna e fëmijës – Unë s’di gjë fare, po të pyes ty. Ma shpjego çik ta di.

Mësuesja – Do ta sqaroj deri në fund.

Nëna e fëmijës – Po ma sqaro deri në fund. Vazhdo me sqaro.

Mësuesja – Tani, ka ndodhur çfarë ka ndodhur.

Nëna e fëmijës – Po ça ka ndodhur tani, u bë hera e dytë.

Mësuesja – Më lër ta mbaroj.

Nëna e fëmijës – Hë vazhdo.

Mësuesja – Ka ndodhur ça ka ndodhur, a e di ti, apo s’e di ti, e di unë apo s’e di unë, unë erdha të thashë.

Nëna e fëmijës – Jo s’më ke thënë asnjë gjë, s’më ke shpjegu.

Mësuesja – Nuk të erdha për të shpjeguar, se di më shumë sesa unë.

Nëna e fëmijës – Unë nuk di gjë.

Mësuesja – Të lutem, të lutem.

Nëna e fëmijës – Po ma shpjego ça ka bë, këtë dua të di unë!

Mësuesja – Jo, jo s’ka bërë asnjë gjë çuni.

LEXO EDHE:  Nënë për herë të dytë?/ Almeda Abazi zbulon planet për zgjerimin e familjes

Nëna e fëmijës – Po ti the ka bërë.

Mësuesja – Jo, jo nuk të thashë!

Nëna e fëmijës – Aaa po ça kemi bërë ne si prind që e kemi mësu.

Mësuesja – Më prite ti, më prite ti. Unë bëra gabim që u irritova atë ditë, sepse më takon mua të të bind ty si prind.

Nëna e fëmijës – Më bind pra.

Mësuesja – Unë u mërzita.

Nëna e fëmijës – Respektin ta kam bërë herën e parë, po të më vish mua te shtëpia dhe të më thuash që do ta bëj çunin tat që mos ta shohësh më me sy.

Mësuesja – Të lutem, nëse fëmija…

Nëna e fëmijës – A e the këtë llaf?

Mësuesja – Po e thashë.

Nëna e fëmijës – E pranon?

Mësuesja – Po, po e thashë. E thashë dhe e them prapë.

Nëna e fëmijës – Thuaje ta dëgjojë edhe njëherë.

Mësuesja – Nëse fëmija shfrytëzohet, kaq po të them, unë kam të drejtë të ankohem, se është fëmijë, është fëmijë.

Nëna e fëmijës – Po ankohu.

Mësuesja – Nëse ka ndodh ça ka ndodh.

Nëna e fëmijës -Dua të di ça ka ndodh pra.

Mësuesja – Prit pra, prit ça të them unë. Lushi (mësuesja) është e pafajshme, se po të ishte për tu hakmarrë Lushi ja kishte nxjerrë fundin deri më sot.

Nëna e fëmijës – Dua ta di unë ça ka bërë fëmija im 8 vjeç.

Mësuesja – Nuk dua ta them. Çuni jot 8 vjeç është flori. Është flori po të them, se është fëmijë.

Nëna e fëmijës – Po atëherë ça ka bërë?

Mësuesja – Unë nuk dua komplot të prindërve.

Nëna e fëmijës – Jo unë s’kam bërë komplot.

Mësuesja – Ke bërë apo s’ke bërë, unë s’jam budallaqe që erdhe te ty.

Nëna e fëmijës – Jo fajin e ka mësuesja që tha unë do ta bëj çunin tat, është hera e dytë.

Mësuesja – Të thashë ty, të thashë ty. Çunit s’i kam thënë, s’i kam bërrtit asnjëherë.

Nëna e fëmijës – Më the mua.

Mësuesja – Nëse ti i tregon çunit çdo gjë, do të mendohesh.

Nëna e fëmijës – Më ke thënë që do ta bëj çunin tënd që mos ta shohësh më me sy.

Mësuesja – Të thashtë ty!

Nëna e fëmijës – Si, mos ta shoh më me sy?!

Mësuesja – Po, po. Çdo fjalë që kam thënë, nuk tërhiqem mbrapsht.

Nëna e fëmijës – Unë dua sqarim ça ka bërë fëmija im tani.

Mësuesja – Çdo fjalë që kam thënë nuk tërhiqem mbrapsht.

Nëna e fëmijës – Mirë dakord.

Mësuesja – Do ta sqaroj këtu në shkollë.

Nëna e fëmijës – Sqaroje.

Nëna e fëmijës takon drejtorin e shkollës

Nëna e fëmijës – Unë e pranoj më tha që e kam thënë që çunin tat mos ta shohësh më me sy, unë nuk i bëj gjë çunit në klasë. Po tani, si ta lë me çunin kur më kërcënon te shtëpia, s’e di tashti.

Drejtori i shkollës – Kushedi si ka qenë, ta thashë unë atë ditë. Nga truni se ça ka me ty, me mu me tjetrin.

Nëna e fëmijës – Epo ajo tani më vjen më bën presion, ku e di unë si ia jep truni asaj.

Drejtori i shkollës – Të të dalë e të rrahë s’kam gale, po fëminë mos ta preki. Ty le të bën, të vriteni po deshe.

Nëna e fëmijës – Tani du me dit.

Drejtori i shkollës – Varet si rastis.

Nëna e fëmijës – Se ajo kishte shku shpi më shpi, nënës së … i kishte thënë që do të marr policinë.

Drejtori i shkollës – Haha, duhet ta marrësh ti policinë, jo ajo!

Nëna e fëmijës – Kur një mësuese kërcënon prindërit te shtëpia, e të lësh fëminë me atë mësuese, mua më duket çik e vështirë. Apo s’është kështu?

Drejtori i shkollës – Përderisa ajo ka ardhur, ajo ka 25 vjet, ajo ashtu ka qenë gjithmonë, ashtu ka ardhur, nuk është bërë sot.

Nëna e fëmijës – Po si ka 25 vjet, që të kërcënojë në sy të komshiut ta bëj fëminë thotë mos ta shohësh më me sy. E pranoi vetë, e kam thënë më tha.

Drejtori i shkollës – Varet me ça mendje e ka thënë! Nuk e mohon që nuk e kam thënë…/ tch

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Jetojnë në kontenier se tërmeti iu prishi shtëpinë/ Djali i familjes: Shokët më tallin se jam i varfër e pa shtëpi!

Publikuar

-

Nga

Jetojnë në kontenier se tërmeti iu prishi shtëpinë/ Djali i familjes: Shokët më tallin se jam i varfër e pa shtëpi!

Në Fiks Fare mbërriti një denoncim i veçantë nga një djalë 9- vjeçar i cili ankohej se tallej nga shokët e tij të shkollës, pasi ishte i varfër dhe pa shtëpi.

Në të vërtet historia ishte edhe më e dhimbshme. Tërmeti i 26 nëntorit 2019 ua kishte shkatërruar shtëpinë në Jubë të Durrësit dhe që prej një viti familja Llyçi jetonin në një kontenier dhe në një barake. Bashkia asokohe ua kishte vlerësuar DS 2 dëmin dhe u kishte akorduar një fond prej 2, 5 milion lekësh të vjetra.

Fiks Fare pa nga afër gjendjen e kësaj familje me 6 persona, ku tre prej te cilëve ishin fëmijë minorenë. Shtëpinë grupi i parë i ekspertëve ua kishte nxjerrë të pabanueshme dhe Edison Llyçi kryefamiljari shprehet se të jatit të tij Palit, që tashmë nuk jeton më ia kishin vlerësuar DS 4. ” Babai i cili është larguar nga jeta para 3 javësh, kishte shkuar në njësinë administrative dhe ka firmosur letrat, por me idenë për DS4. Pas disa ditësh unë lexoj letrat dhe shoh që kishte firmosur për dëm DS2 dhe me përfitim 2. 5 milion lekë të vjetra” shprehet Edisoni” po ju e shihni situatën çfarë të bëj unë me 2.5 milion të vjetra si ta rregulloj këtë shtëpi kur në fakt me kaq lekë as çatia nuk rregullohet”.

Ai tregon se ka trokitur në shumë dyer dhe nuk ka gjetur zgjidhje kështu me ato të ardhura bënë një barake ku flinin prindërit e tij, kurse ai me bashkëshorten dhe tre fëmijët flenë në një kontenier që ua ka dhuruar Karitasi. Pas vdekjes së të atit i biri i tij që bëri edhe denoncimin në Fiks Fare ishte zhvendosur nga kontenieri dhe flinte në baraken plot lagështi bashkë me gjyshen.

Kushtet ishin të mjerueshme të familjes Llyçi dhe kësaj i shtohej edhe papunësia e kryefamiljarit dhe sëmundjet e të shoqes dhe të fëmijëve.
Fiksi iu drejtua Njësisë Administrative Sukth ku kryetari i kësaj njësie i takoi personalisht dhe shpjegoi se vlerësimi i dëmeve është bërë nga disa grupe. Edhe pse grupi i parë që ishin përfaqësues nga Kosova dhe Sllovenia e kishte nxjerrë shtëpinë e pabanueshme DS4, grupi i dytë me inxhinier nga Bashkia Durrës e kishte vlerësuar dëmin në DS2.

LEXO EDHE:  Denoncimi i “Fiks Fare”/ Ndihmat nga tërmeti, selektive në Vorë

LEXO EDHE:  Denoncimi i "Fiks Fare"/ Ndihmat nga tërmeti, selektive në Vorë

Dhe vlerësimi i grupit të dytë ishte marrë për bazë dhe më pas ishte bërë edhe dëmshpërblimi për familjen. Por nuk iu përgjigj dot pyetjes së Edisonit kur i tha se i ati nuk ishtë vënë në dijeni se për çfarë po firmoste, pasi ai kishte firmosur për DS4 ndërkohë që në letra shkruhej DS2. Kryetari shpjegon se në njësi nuk kanë dokumentacion për ekspertizën e parë që ëdhtë bërë nga kosovarët dhe sllovenët, por që Edisoni duhet t’i drejtohej me një kërkesë për ekspërtizë të re të shtëpisë zyrës së Rindërtimit në Bashkinë Durrës.

Edison Llyçi bashkë me gazetaren e Fiksit iu drejtuan Bashkisë Durrës, ku zëdhënësi i saj shpjegoi se vlerësimi është bërë nga inxhinierë dhe nuk mund të fliste në lidhje me këtë, pasi çdo inxhinier që ka hedhur firmën mban përgjegjësi ligjore. Ai shpjegoi ankuesin se me dokumentat që zotëron të bëj një ankesë drejtuar Institutit të Ndërtimit për një rivlerësim të banesës, pasi vetëm ky institucion ka të drejtën për ta bërë. Në bazë të ekspertizës se re do vazhdohet edhe më tej për dëmshperblimin.

Edison  falenderoi Fiks Fare, pasi kishte një vit që sorollatej nëpër zyrat e shtetit dhe nuk kishte mundur të merrte një pergjigje./ tch

LEXO TE PLOTE

Denoncim

Mblodhi 800 € për fëmijët e sëmurë/ Mashtruesi që hiqej si Florian Marku i merr paratë

Publikuar

-

Nga

Mblodhi 800 € për fëmijët e sëmurë/ Mashtruesi që hiqej si Florian Marku i merr paratë

Emisioni “Stop” mbrëmjen e së premtes ka trajtuar një rast mashtrimi, që i është bërë një familjeje të varfër me dy fëmijë, që vuajnë nga sëmundje kronike. Për shkak të pamundësisë së jetesës gruaja e familjes, Silvana Kanani, bëri një apel në rrjetet sociale për ndihmë dhe u mblodhën rreth 800 Euro kontribute nga qytetarët e sensibilizuar.

Pikërisht në këtë moment kjo familje bie pre e një mashtrimi nga një person, i cili fillimisht u hoq si Florian Marku, boksieri i njohur.

“Stop” shkoi pranë familjes dhe ka folur me Mimoza Kananin, e cila ka treguar të gjithë historinë. “Kam bërë një postim në rrjetet sociale, kam bërë një apel për ndihmë. Burri më është vrarë me biçikletë dhe nuk mundet të punojë. Fëmijët kërkonin bukë dhe unë bëra një apel për ndihmë”, thotë Silvana.

Më tej Kanani tregon se  kur njerëzit filluan ta ndihmonin, e kontaktoi një person me emrin Florian Marku dhe i kishte premtuar se do ta ndihmonte por i mori 800 Euro.

Më tha që do të gjente punë për burrin. Më tha që do vinte një djalë që do merrte 150 Euro për një sobë, por ai erdhi mori lekët dhe nuk erdhi më. Më pas mora djalin që hiqet si Florian Marku dhe i thash se kur do vinte soba, ai më tha që të prisja se soba do vinte me gjithë drutë”, shton ajo.

LEXO EDHE:  Denoncimi i “Fiks Fare”/ Ndihmat nga tërmeti, selektive në Vorë

LEXO EDHE:   Fiks Fare / Shefi i Krimeve u thotë të dhunuarve:  Shko ankohuni tek Edi Rama

Por Silvana shton se ajo u kishte nisur dhe para të tjera për qiranë e shtëpisë dhe kur u kishte dërguar 750 Euro, ata i kishin bërë bllok në mediat sociale dhe nuk i hapnin më telefonit. Në fund ajo ka mësuar se paratë e saj janë përdorur nga Ervin Mecani, i cili e kishte mashtruar.

Të gjitha lekët që i janë marrë nënës me fëmijë të sëmurë ishin përdorur për të blerë syze të shtrenjta dhe sende të tjera me vlerë nga Ervin Mecani në Maqedoninë e Veriut.

“Stop” ka siguruar shumë të dhëna dhe rezulton, se bëhet fjalë për dy persona, njëri që njeh familjen, që ra viktimë dhe tjetri në Strugë të Maqedonisë, ku janë transferuar shumat në tre transferta. Çështja e mashtrimit është tashmë në prokurorinë e Tiranës./ tvklan.al

LEXO TE PLOTE

Denoncim

Fiks Fare/ Kuçovë, Investohen 760 milion lekë për një shkollë të re, pa ngrohje

Publikuar

-

Nga

Fiks Fare/ Kuçovë, Investohen 760 milion lekë për një shkollë të re, pa ngrohje

Nxënësit marrin rezistenca me vete edhe pse shkolla e tyre është e re ‘fringo’. Shkolla 9- vjeçare ’18 Tetori’ është inaguruar në muajin shtator të vitit që lamë pas, por nuk është përfshirë në projektin e saj sistemi i ngrohjes. Kjo shkollë në Kuçovë u ndërtua nga Fondi për Zhvillimin e Rajoneve , ndërkohë dhe Bashkia Kuçovë ka investuar 30 përqind të vlerës.

Prindërit ankohen duke marrë shkasë edhe nga ulja e temperaturave në vendin tonë, që kanë kapur edhe shifrat nën zero, se fëmijët e tyre e kanë të pamundur të zhvillojnë mësimin në këto temperatura.

Gazetarët e Fiksit shkojnë në Kuçovë për ta parë nga afër situatën. Takojnë vetë nxënësit të cilët thonë se në shkollë mungon ngrohja dhe kanë qenë të detyruar për të blerë rezistenca për ngrohje në klasa. Problemi i tyre nuk mbaron me kaq . Edhe pse kanë shtuar lekë për të blerë rezistencat në klasa sërish mbeten pa ngrohje, sepse shpesh ju shkëputet energjia elektrike. Nxënësit tregojnë për gazetarët e Fiksit se nëpër klasa qëndrojnë të veshur me xhupa.

Fiksi komunikoi edhe me drejtoreshën e shkollës ’18 Tetori’ Valbona Hoxhën ,e cila thotë se janë në bisedime me Bashkinë e Kuçovës për këtë problem. Por e vetmja zgjidhje e tanishme sipas saj mbeten rezistencat ngrohëse të blera nga nxënësit dhe mësuesit.

LEXO EDHE:  Foto/ Vëllai i Adelinës konfirmon shtatzëninë

LEXO EDHE:  "Fiks Fare"-Rexhina Debrova humbi jetën pas lindjes/ Shefja e repartit: Më detyruan të dëshmoj se ishte urgjencë

Duke qenë se shkolla është vetëm 4 muajshe , Fiksi iu drejtua edhe Bashkisë Kuçovë. Drejtoresha e Arsimit në bashki Kozeta Mara, thotë për Fiks Fare se për këtë problem në këshill ka kaluar projekti për kaldajën, por pritet që këto ditë të bëhet edhe miratimi i buxhetit. Ndërkohë ajo tregon se Bashkia e Kuçovës ka investuar rreth 30 përqind të vlerës, pra 760 milion lekë të vjetra për ndërtimin e shkollës, në një projekt që nuk përmbante sistem ngrohje.

Por edhe për këtë drejtoresha ka një përgjigje duke ia faturuar fajin ish kryetarit të bashkisë , pasi projekti është miratuar asokohe. Drejtoresha Mara shprehet se pavarësisht problemeve të shumta, bashkia nuk po qëndron pa bërë gjë. Ajo zotohet për Fiksin se shumë shpejt ky problem do zgjidhet./ tch

LEXO TE PLOTE