Connect with Us

Xhambazi: Humbja nuk është dramë, ja ku gaboi Skënderbeu me Partizanin

Sport

Xhambazi: Humbja nuk është dramë, ja ku gaboi Skënderbeu me Partizanin

Publikuar

-

Skënderbeu pësoi disfatë në kampionat përballë Partizanit në një ndeshje të dominuar krejtësisht nga kundërshtari. Për ikonën korçare, Dhimitraq Xhambazi, ndeshja e fundit ndaj të kuqve ka qenë e keqinterpretuar nga bardhekuqtë që zgjodhën mënyrën e gabuar për të luajtur atë takim.

Mungesat, sipas Xhambazit, kanë qenë një pengesë jo e vogël për ekipin që nuk ka mundur të shprehë të gjithë cilësinë e vet në një ndeshje, e cila dihej se do të ishte e vështirë. Në një prononcim për “Panorama Sport”, ish-sulmuesi i Skënderbeu cilëson se një humbje e tillë, në këtë situatë ,nuk duhet të bëhet dramë, por ekipi duhet të gjejë mundësinë për të reaguar pasi gjithçka është herët për të ndikuar në sezonin aktual.

“Një ndeshje e tillë kur ke një ekip të ri edhe mund të ndodhë, pasi ekipi ende nuk ka krijuar eksperiencën e vet dhe një fizionomi në lojë. Ndaj Partizanit, ajo që u pa që në fillim ishte se ekipi nuk kishte qëndrueshmëri në të dyja fazat e lojës.

Një ekip i gjatë në fushë dhe me lojtarë që nuk njihnin pozicionin e tyre. Mendoj që ndryshimi i skemës ishte një gabim në këtë takim, pasi u duk që lojtarët nuk po përshtateshin në fushë me atë rreshtim. Nga ana tjetër, dukshëm përballë kishin një ekip më të përqendruar dhe i mirëvendosur në fushë.

Tani nuk është dramë që të humbësh një ndeshje të tillë përballë një kundërshtari si Partizani. Ajo që ka më shumë rendësi tani është që ekipi të reagojë dhe të japë sinjalet e veta në ndeshjen e radhës”, theksoi fillimisht Xhambazi në lidhje me takimin e fundit ndaj Partizanit.

REAGIMI – Katër pikë në javët e para të kampionatit për Skënderbeun nuk janë mjaftueshëm, duke parë pretendimet që ka pasur ekipi në vitet e fundit. Xhambazi mendon se ekipi duhet të rikuperojë pikë në javët e ardhshme duke u shfaqur si ekip më i përqendruar dhe i mirëvendosur në fushë.

“Në javët e para gjithmonë ekipet janë të lëkundura në paraqitje, por Skënderbeu ka pasur luhatje të mëdha nga njëra ndeshje në tjetrën, madje edhe brenda një takimi. Duke parë ndryshimet që janë bërë në ekip, largimet e shumta si dhe afrimet e lojtarët e rinj pa eksperiencë, dihej që nuk do të ishte një ekip i qëndrueshëm si në sezonet e kaluara. Por javët ikin shpejt dhe në fund janë pikët ato që vlejnë. Për këtë arsye mendoj se në javët e ardhshme ekipi duhet të kërkojë maksimumin dhe të grumbullojë pikë. Pasi në kaq javë të kesh katër pikë nuk të japin siguri”, vijoi ish-sulmuesi.

KAMPIONATI – Për sa i përket Superiores, ikona e klubit korçar komenton edhe ekipet e këtij sezoni duke mos cilësuar asnjë si pretendent. “Është e vështirë të veçosh pretendentët për titull në këtë sezon, pasi ekipet nuk janë duke shfaqur ndonjë diferencë të madhe nga njëri-tjetri. Fituesi i sezonit të fundit, Tirana, nuk po tregon të njëjtën cilësi.

Nga ana tjetër, Partizani me merkaton e bllokuar do ta kishte të vështirë të bënte diferencën. Kukësi ka pasur probleme në javët e para, ndërsa Teuta nuk po arrin dot të tregojë vlerat. Të gjitha ekipet e tjera janë në një nivel dhe të bësh diferencën është e vështirë”, përfundoi ishsulmuesi i Skënderbeut, Dhimitraq Xhambazi.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Seria A

Ibrahimovic rikthehet me dopietë, Milani mposht Cagliarin

Publikuar

-

Nga

Milani kalon edhe pengesën Kaljari! Kuqezinjtë e Stefano Piolit, triumfuan në transfertë me rezultatin 0-2, falë dopietës së Zllatan Ibrahimoviç. Rikthim i frikshëm i sulmuesit suedez, i cili e nisi ndeshjen si titullar, duke shënuar 2 herë dhe duke i dhuruar 3 pikë të arta skuadrës së tij, që kryeson kampionatin e vetme me 43 pikë në 18 ndeshje.

Edhe pse pa shumë titullarë si Teo Hernandez, Çalhanoglu, Rebiç si dhe Benaser, 7 herë fituesit e Championsit arritën të bindnin. I vetmi “pishman” në këtë sfidë ishte dalja me karton të kuq e Selemekers.

I rikthyer nga dëmtimi, belgu u aktivizua në minutën e 66-të të sfidës, duke zënë vendin e Hauge. Futbollisti i Milanit qëndroi vetëm 8 minuta në fushë, teksa u ndëshkua 2 herë me kartonë të verdhë në minutat 68 dhe 74, duke lënë skuadrën e Piolit me 10 lojtarë për afro 20 minuta.

Pavarësisht inferioritetit numerik, kryesuesit e Serisë A, arritën ta menaxhonin mjaft mirë rezultatin, duke mos e vënë për asnjë moment në dyshim suksesin. Sfidën e radhës Milani do e luajë më datën 23 janar ndaj Atalantës në shtëpi. Ndërkohë për Kaljarin kjo ishte humbja e 5-të radhazi në kampionat.

LEXO TE PLOTE

Seria A

Barazoi në ndeshjen e fundit, ish-trajnerin e Milanit e shkarkojnë nga klubi i Serisë A

Publikuar

-

Nga

Tashmë është zyrtare. Marko Xhampaolo nuk do të jetë më në stolin e Torinos. Lajmi është konfirmuar nga vetë klubi “granata” nëpërmjet një komunikate për shtyp të publikuar në faqet zyrtare në rrjetet sociale.

53-vjeçari është liruar nga detyra, për shkak të rezultateve negative. Shkarkimi erdhi pas barazimit 0-0 në shtëpi ndaj Specias. Edhe pse skuadra kundërshtare luajti me 10 lojtarë për shumë minuta, Torino nuk arriti të triumfonte.

 

Skuadra ku aktivizohet mbrojtësi i Kosovës, Vojvoda, gjatë këtij sezoni ka zhvilluar 18 ndeshje, ku ka grumbulluar vetëm 13 pikë dhe gjendet në zonën e rrezikshme, duke mbajtur pozitën e 18-të.

LEXO TE PLOTE

Sport

Ish-sulmuesi i Kukësit bashkohet me Apoloninë e Kamaratës

Publikuar

-

Nga

Sulmuesi brazilian që pak ditë më parë është bërë pjesë e skuadrës së Apolonisë vijon provën, pasi ende nuk ka një përgjigje për të. Ndërkohë që në Fier së fundmi është bashkuar me skuadrën e trajenrit italian Kamarata edhe MarkoVanbasten Çema.

Ky i fundit që ka qenë pjesë e skuadrave të Partizanit, e më pas te Kukësi dhe Erzeni në pjesën e parë të këtij sezoni synon që të bëhet pjesë e skuadrës së Apolonisë. Por, që është në provë dhe do të vendoset për të pas pak ditësh.

Apolonia pas fitores me Laçin luan në fushën e vet me Kukësin, një ndeshje tjetër mjaft delikate për skuadrën e trajnerit Fabrizio Kamarata që ka marrë 4 pikë në krye të skuadrës bardhjeshile.

LEXO TE PLOTE